مقطوعة شعرية للعراق الحبيب

[الشاعر عباس الفتلاوى]

يلى اجناح باز الماطواك الريح طويت الريح انت بمدت اجناحك
يل منجل عدل زابور بس للشين يافلاح كلها اتهاب مرواحك
ياصوت العداله الغاب من سنين صياح الناس ماحجبت ترى اصياحك
ياشمعة وفه تحترك لجل الغير تداوى الناس تنزف تارك جراحك
يابحر المودة المايكيشة الطود سبح بس ماوصل لحدودة سباحك
ياعطر الوفه ياطعم عذب الماى ياتفاح ياهو يلوح تفاحك
محنية السنابل موتواضع ليك نزلت عالتراب اتبوس سباحك

[يوسف التكريتي]

بلبدايه ارحب بيك اجمل ترحيب بمنتدى العراق

نورت اخويه وشاعرنا العزيز ان شاء الله نشوف منك كل جديد وتفيد وتستفاد من هاي

العائله الحلوه الي تجمعنا

وعاشت ايدك على هاي الابيات الشعريه الجميله

ننتظر ابداعاتك الجديده

والف هلا بيك

[نور فراشة العراق]

شكراً ..

على المقطوعة الحلوووووووة



تحيه طيبه مني لك

أختك\نــــ؛؛؛ــــــــور

[الشاعر عباس الفتلاوى]

اهديها لكل عراقى شريف

[ابن الانبار الوفي]

شكرا جزيلا اخي الكريم
على هذا المقطوعه الجميله من الشعر للعراق الحبيب .
حياك الله ويا كل الهلا ..



ابن الانبار الوفي

[بنت الانبار]

عاشت ايدك اخي على هاي الابيات

الشعريه الجميله ونريد نشوف المزيد

تقبل مروري اختك

[عمار الصالحي]

عاشت أيدك جميل جدآ