((للابتسامة)) كتبنا...؟(ابوذيات كمبيوترية)

[خالد الفراتي]

مهيمن الاسدي:
وانتميلك
الليالي شما كصنك وانتميلك
عني ابقه احبك وانتميلك
عنوانك بكلبي وانته اميلك
مو عل حاسبة بروحي الطرية


خالد الفراتي:
كلي الراحلك منهو وياهو
ومنهو الغيرك عني وياهو
اميلك جان ماسنجر وياهو
تبدلة بدردشة وتنكته بيه

مهيمن الاسدي:
وسيرج
يدنيه ماني معبودج وسيرج
وابد ممشاج ماينصف وسيرج
انطيني بحث بسمي وسيرج
تلكه الياهو كله ابين اديه

خالد الفراتي :
ورة الست
دكلي شغيرها السبعة ورة الست
وخلص عمرك تسير انتة ورة الست
ابشرك راح افرمته ورست
حياتي وذكرياتي وكل شي اليه

مهيمن الاسدي :
فرمتاها
كلبي خلاف عينك فرمتاها
وشخصك عن خيالي فر متا ها
دليلي ذكرياتك فرمتاها
وتذكرت النسيته وعم عليه

خالد الفراتي :
وكنسل
على الضدك مرض يكتل وكن سل
وتعرفنة وعلي بدونك وكنسل
الغي كل كلب قاسي وكنسل
جميع اهل البغض واهل الردية

مهيمن الاسدي :
آت ياهو
تكلي الخير آت آت ياهو
وليالينه بغيابك اتيا هو
بعدك و من احطله ات ياهو
ورة الدت كوم اكوم الطم بديه

خالد الفراتي :
اوف لاين
طلع دولار حصتي اوف لاين
وكلبي من المصايب اوف لاين
من افتح ايميلك اوف لاين
وتكلي شبيك ماتدخل عليه

,,,,,,,,,,,,,,,,,,,,,,,,,,,,,,,,,,,,,,,,,,,,,,,

[ابن الانبار الوفي]

عفيه عليك اخي الكريم وشاعرنا العزيز
مساجلة جميله بالابوذيه وابيات اجمل من الوصف . تضمين جميل
وسياقات حلوه .. شكرا لك وللاخ الكريم مهيمن الاسدي .
وكل الهلا ..




ابن الانبار الوفي

[رآفت آلحديثي]

ابداع ×ابداع

هههههههههه
روعه يا ابو الوليد
وبيض الله وجهيك ووجيه
الاخ مهيمن اتمنالكم كل الخير
وابوذياتكم جميله جدا وتداعب
القلب بأبتسامه جميله تجعلها
فوق الشفاه فلك كل الحب وللاخ
مهيمن

اخوكم
رافت

[نور البدر]

الله على الأبداع واهل الأبداع
الله شلون اثنين مبدعين
مهمين الأسدي
وخالد الفراتي
خل نسكت مانحجي
هههههههههههه


يسلم خيو خالد الفراتي على هاي المشاركه الجميله

[عيوني ملاك]

شكرا على الكلمات الرائعة ويسلم القلم

تحياتي

[ابن زيونه]

والله رهيب انت على هذي الابوذيات تسلم يا ورد

[ابن زيونه]

هذي ابوذيه على الحاسبات

كلبي حاسبكم لانكم جزء منه حاسبتكم
انشاء الله تحترك حاسبتكم
كيس و كيبورد والماوس سويه

هههههههههه اسم الله على حاسباتكم ههههههههه

[ابو اماني كريم الحجامي]

الف هلا بخالد الفراتي والله وكفيت

والفين بمهيمن الاسدي والله وفيت

شعراء متمكنين

مبدعين

متألقين


اللهم يحفظكم للشعر والنه

تقبلوا مروري المتواضع

اجمل تحياتي

[safa]

عاشت ايدك ابوذيات روعه

[اسماعيل الراوي]

كل الهلا والف مرحبا بالغالي المبدع خالد الفراتي

والله اقرأ وادعيلك ,,, تسلم يمناك وتعيش يارائع ,,, يامبدع ,,,

كل تحياتي على فكرك الخلاق وخيالك الواسع ,,,

تقبل مروري البسيط وكلماتي المتواضعة ,,

أمام روعة وشموخ كلماتك ,,, ولا ننسى الأخ الفاضل

مهيمن الأسدي فله مني ألف تحية وشكر

دمت للأبداع والشعر والشعراء اخي الغالي

[زياد البصراوي]

هالله هالله عمي ابو الوليـد ابدعتو انت والرائع مهيمن
تحياته لأ مهيمن وابلغه سلامي الحار مع مودتي لشخصك

[خالد الفراتي]

عفيه عليك اخي الكريم وشاعرنا العزيز
مساجلة جميله بالابوذيه وابيات اجمل من الوصف . تضمين جميل
وسياقات حلوه .. شكرا لك وللاخ الكريم مهيمن الاسدي .
وكل الهلا ..




ابن الانبار الوفي

والنعم منك ومن ردك..
تشرفني بوجودك الحلو..
يااخي المبدع ابن الانبار الوفي فعلا..
اخوك الفراتي

[خالد الفراتي]

ابداع ×ابداع

هههههههههه
روعه يا ابو الوليد
وبيض الله وجهيك ووجيه
الاخ مهيمن اتمنالكم كل الخير
وابوذياتكم جميله جدا وتداعب
القلب بأبتسامه جميله تجعلها
فوق الشفاه فلك كل الحب وللاخ
مهيمن

اخوكم
رافت


الله عليك وعلى ردك الجميل..
تسحرني برقة حروفك
واخجل مااذا اقول عند قرائتها..
المبدع رافت الحديثي شكرا لك من كل قلبي

[بزونه حنونه]

ابوذيات كلش حلوه تحياتي الك خالد تقبل مروري بزونه حنونه

[الشاعر هادي البديري]

عاشت ايدك يلفراتي على المساجله الجميله جدا

دمت ودام قلمك
وعلى فكره عفتلك الصوره الرمزيه وغيرة صورتي الرمزيه حتى ما يصير تشابه

واني الممنون


الشاعر هادي البديري

[خالد الفراتي]

الله على الأبداع واهل الأبداع
الله شلون اثنين مبدعين
مهمين الأسدي
وخالد الفراتي
خل نسكت مانحجي
هههههههههههه


يسلم خيو خالد الفراتي على هاي المشاركه الجميله


الرائعة نور البدر

الف تحية للطفك وسخائك
بوجودك هنا

اخوك الفراتي
بكل ود التقيك..