متفائل آنا اليوم -دارميات بقلمي

[اسماعيل الراوي]

مهداة الى من قال لي : تفاءل .


لو ألف جرح يكون ماتيأس الروح

كَلّي الهوى اشمعناه لو ما هلجروح


جوّه الضلوع اليوم دلالي ضمك

واتحاضنو بالروح دمي ويه دمك


خل الهموم تروح واتحل الافراح

هلال الأمل شفناه يم النجم لاح


خل الهموم تروح ونريح البال

وخلي بقهرها تموت شماتي الانذال


متفائل انا اليوم الكَى الاريده

ولو كَلبي مايهواه لكَطع وريده


--------- مع كل ودي -------

اسماعيل الراوي

[يوسف التكريتي]

أسماعيل الراوي عاشت ايدك اخويه

مبدع بقلمك المميز وان شاء الله التفائل دوم للجميع يا رب

تحياتي

[اسماعيل الراوي]

أخي الحبيب يوسف التكريتي

شرفت صفحاتي كلها وزينتها بكرورك اللطيف

لك كل تحياتي واعتزازي اخي الكريم وان شاءالله دائماً نتفائل جميعنا يارب

سلمت يداك على الرد الجميل ,,, تقبل اعطر تحياتي واجمل امنياتي

[ايات الراوي]

سلام عليكم

خل الهموم تروح واتحل الافراح

هلال الأمل شفناه يم النجم لاح


خل الهموم تروح ونريح البال

وخلي بقهرها تموت شماتي الانذال



عاشت ايدك ابن عمي على الابيات الاكثر من روعه والى ابداع اكثر وبالتوفيق دائما

تقبل مروري البسيط
ايات الراوي

[اسماعيل الراوي]

وعليكم السلام ورحمة الله وبركاته

اهلا وكل الهلا بابنة العم الغالية ,,, آيات الراوي

لك جزيل شكري على ردك الجميل

سلمت يداك اختي العزيزة

تقبلي احلى تحياتي وامتناني الكبير

ودمتِ

اسماعيل الراوي

[لــؤلــؤة بــغــداد]

متفائل انا اليوم الكَى الاريده

ولو كَلبي مايهواه لكَطع وريده

انتهـ شاعر مبـدع .. شكرآ الك خيوو الورد ولموضوعك الف شكر ’’
يستحق القراءة اكثر من مرة ,,

[اسماعيل الراوي]

أختي الفاضلة

لؤلؤة بغداد ,,,, سلمتِ وسلمت يداك على الرد الجميل

اسعدني مرورك كثيراً وزيّن صفحاتي كلها ,,,,

لك كل شكري واعطر تحياتي