المناقشه للجميع

[فراشة]

السلام عليكم

بلحقيقه الموضوع هو( المراه المتزوجه الي تعمل خارج المنزل وتصرف على نفسها
واولادهاوعلى زوجها احيانا )
لماذا يفضل الرجل حاليا المراه التي تعمل خارج المنهزل ؟هل يفكر انه في يوم من الايام راح
اتمن عليه بفلوسها وتكوله هاي افلوسي؟الايخجل من هذا الشعور ؟
اني من رايي الخاص ان هذي مشكله وتسبب فروقات ومشاكل لان الرجال هم اصلا قوامون
على النساء والرجل الله هياه لهذا الشيء
صدكوني هذا الكلام عن تجارب والتجارب لاقرب الناس الي هم اخي وزوجته وكذلك احد اقاربنا
المشاكل عالكه .
لكن مو كلها هيجي اكوا حالات استثنائيه لان مابين الرجل والمراه فلوس لانهم واحد والي
ايحب ابد مايهتم للفلوس مهما صار
لكن ارجع واكول ابن الحلال ماايدور على صاحبة وضيفه واملاك وافلوس لان الفلوس اتروح
وتجي كلنا مرينا بحالة جوع وحصار لكن اتحسنت اوضاعنا لكن الي يفهم يختار البنت الخلوقه
المؤدبه والي ترفع راسه بين الناس وتازره بلشدات وتصبر على الحلوه والمره وتراعي
زوجها وتحبه ومو شرط الجمال والمال لان كلها زائله
لكن ارجع واكول الضروف هيه الي سوت بينه هيجي الرجل كاعد بلبيت اينضف ويربي اطفال
والمراه تشتغل واتدبر كل شيء بهل الوكت التعبان طبعا بلمناطق الساخنه مثل حالتنا لكن
مازال بعض الرجال يعملون .

[سماء العراق]

عاشت ايدج حبي بنت العشرين على هذا الموضوع
بالنسبه لرايي اني اعتقد بان الزواج هو مسووليه مشتركه بين الزوج والزوجه فاماكو اي غلط بان تشغل الزوجه وتساعد زوجها وخاصه بهاي الظروف الصعبه الي يمر بيها بلدنا ومثل ما تعرفين هوايه من الرجال كعدوا بالبيت خوفا على حياتهم او لانه ماكو شغل
والمراه الصالحه مااعتقد انه يجي يوم وتمن على زوجها بهذا الشي لانه من واجبها ان تساعده وتحمي بيتها واطفالها من الاحتياج لاي شي ليس من اجل النقود ولكن الحياه بلا عمل تكون جامده وممله و بلا حراك واذا هو ما يستطيع وهي قادره فماكو اي مشاكل ان شاء الله بيناتهم
وتقبلي مروري

[toffee]

والله الموضوع حلو و عاشت ايدج اني رايي ان المشاكل المادية بين الزوجين لح تذوب و ميصير الهة اي قائمة اذا عرفوا انهم اساس زواجهم قائم على تكملة الاخر يعني يكمل احدهما الاخر فلو فرضت الضروف (وهو عكس المعتاد عادة ) ان تقوم المراة بمساعدة في مصاريف البيت فا المفروض ان يقرب ذلك بين الزوجين لا يباعدهما لان الزوج سوف يعلم بان هناك من سيقف الى جانبه في ضروف الصعبة لكن هذا لا يعني الاتكالية كما نشاهدها في بعض الازواج مع الاسف .... المهم خلاص قولي هو الزواج في نضري هو مشاركة بين شخصين في بناء حياه سعيدة لا يمكن لاحدهما بمفرده ان يبنيها وتتم بالمشاركة والعطاء والجود كل شخص بما يستطيع وبما يملك دون تحميل الشخص الاخر منية المشاركة لان السعادة سوف تشمل الاثنين معا والا تحولت الحياة لجحيم وزواج فاشل..
اني اسف على الاطالة لكن هذا غيض من فيض وتقبلي مروري [/COLOR][/COLOR][/B]

[حسوني]

السلام عليكم ...
شكرا بنت العشرين على الموضوع ...
بالنسبة لرأيي .. اعتقد اذا كان الحب موجود بين الطرفين تقل هوايه من المشاكل ..
و حتى لو كان الزواج تقليدي .. يعني مو عن قصة حب .. لازم يصير اكو نوع من الاحترام بين الزوجين
احترام لرغباتهم .. فإذا كانت الزوجة هي تريد تشتغل ميصير امنعها ..
يعني مثلا هي طبيبة او مهندسة مثلا خما ادمر مستقبلها .. و مو معناها اني طامع بفلوسها :D
لهذا لازم اتصير العلاقة الزوجية مسبوقة بنوع من الاحترام و التفاهم حتى ميصير اكو اختلاف بعد الزواج ..
و صدكيني بنت العشرين .. اذا كان الرجل مثلا معنده فد عمل معين يكدر يعيش منه و كان اكو حب فالمرأة
اذا كانت قادرة ان تشتغل مراح اتقصر و بنفس الوقت الرجل من يشوفها هيج يسوي المستحيل حتى يحاول يريحها و يسعدها ..
لهذا بنت العشرين الحب و الاحترام هو الاساس و هذا كله يعتمد على نوع العلاقة و مدى التفاهم بينهم
و همينه يعتمد على تربية الشخص و اصله و اخلاقه ..
و هذا رأيي المتواضع ..
شكرا مرة ثانية على الموضوع المهم ..
تحيــــــــــــــــاتي ..

[فراشة]

شكرا الكم (سماء العراق وتوفي وحسوني ) علىالمرور و المناقشه وفعلا ماقصرتو بلموضوع وانطيتوه حقه

[ثعلب الصحراء]

مشكور على الموضوع

اني برايي

المراة ميصير تشتغل

خاصة اذا متزوجة وعدهة اطفال

والرجل الي يخلي زوجته تشتغل

حتى لو كان هو هم يشتغل

برايي اعتبرة ماعندة

لاغيرة ولا احساس

وشكرا
http://www.arabsys.net/pic/bsm/18.gif (http://www.arabsys.net/pic/index.php)
ثعلب الصحراء