رآفت آلحديثي
02-18-2008, 05:32 AM
السلام عليكم ورحمه الله وبركاته
,,
اذا جرحك كلف لاتشكي للناس
ولاتشكي البشر اوجاعك بيوم
ترى بعد العسر لازم يمر خير
وماكو اعله البشر فد مشكله ادوم
الزلم وكت الشدايد ماتطخ راس
ومن هيبت صبرها اتوطي النجوم
ومر بينا البرد بشباطك الراح
ولبسنا اجلودنا بشحات الهدوم
//
ما اشكي الجرح متعلم اعله الظيم
ورضعتني الليالي اهمومها ارضاعه
وجبت عمري جرح مترافكَ اوياي
ولا شاكي الألم لو زادن اوجاعه
اكيد الحال يتغير يمرنا الخير
لابد مالشمس تشركَ فرد ساعه
ما دنكَت راسي الغير رب الكون
ويظل طبع الابي معروفه أطباعه
\\
والله ادريك صاحب عاشر الكلفات
وتدنكَله النجوم اتبوسه من راسه
الزين البيك ورده ومنها فاح الطيب
نظل نشتم اريجه ونعشكَ انفاسه
الطيب يبقى طيب والمراجل بيه
معروف بضميره ومنهجه وساسه
يظل صاحب وفي شما مرت اعوام
الصاحب ينعرف من نبضه وحساسه
فرق بين اليودك يحمي ظهرك دوم
يعني الوجه ماسه وبالظهر ماسه
الوجه يضحك الك طبع الي يغدر بيك
لاجن بالظهر بس تلتفت فاسه
//
تعال اكَرب دسولفك على الصار
وحجيلك عذابي وجرحي من ايش
امس شفت الوطن معروض بالسوكَ
دكَلي انت السعر تتوقع أبيش
تدري انت شوكت ياموطني انهانيت
راحة هيبتك من حلو الجيش
//
ست اسنين صابر والصبر لاوين !!
ولاشكلوا حكومه ولاأمن يوجد
كَالوا بس اصبروا وكلها خير اتصير
وطن شامخ بااهله معزز موحد
ادري منين تتوحدون شوف شصار
جمعة وصارت الاثنين والاحد
ويمكن هم سبت هم عطله صار النوب
وظل باقي الشعب متعوب ومجمد
//
الك الله لان ماظلك الترجاه
والك اهلك يموطن بيهم الغيره
والله من الفكر ما ظل بعد راي
وصايبني الجنون وحيرتي اجبيره
اعرف ليش من دون البشر هالحال
انا ابن الوطن ما شابع ابخيره
ادري انهج نعوف اديارنا شلون!
نهج وداعتك ما لازم الديره
//
الك الله يالعراق
والك الله يالشعب العراقي
اخوكم ومحبكم
(( رأفت الحديثي ))
,,
اذا جرحك كلف لاتشكي للناس
ولاتشكي البشر اوجاعك بيوم
ترى بعد العسر لازم يمر خير
وماكو اعله البشر فد مشكله ادوم
الزلم وكت الشدايد ماتطخ راس
ومن هيبت صبرها اتوطي النجوم
ومر بينا البرد بشباطك الراح
ولبسنا اجلودنا بشحات الهدوم
//
ما اشكي الجرح متعلم اعله الظيم
ورضعتني الليالي اهمومها ارضاعه
وجبت عمري جرح مترافكَ اوياي
ولا شاكي الألم لو زادن اوجاعه
اكيد الحال يتغير يمرنا الخير
لابد مالشمس تشركَ فرد ساعه
ما دنكَت راسي الغير رب الكون
ويظل طبع الابي معروفه أطباعه
\\
والله ادريك صاحب عاشر الكلفات
وتدنكَله النجوم اتبوسه من راسه
الزين البيك ورده ومنها فاح الطيب
نظل نشتم اريجه ونعشكَ انفاسه
الطيب يبقى طيب والمراجل بيه
معروف بضميره ومنهجه وساسه
يظل صاحب وفي شما مرت اعوام
الصاحب ينعرف من نبضه وحساسه
فرق بين اليودك يحمي ظهرك دوم
يعني الوجه ماسه وبالظهر ماسه
الوجه يضحك الك طبع الي يغدر بيك
لاجن بالظهر بس تلتفت فاسه
//
تعال اكَرب دسولفك على الصار
وحجيلك عذابي وجرحي من ايش
امس شفت الوطن معروض بالسوكَ
دكَلي انت السعر تتوقع أبيش
تدري انت شوكت ياموطني انهانيت
راحة هيبتك من حلو الجيش
//
ست اسنين صابر والصبر لاوين !!
ولاشكلوا حكومه ولاأمن يوجد
كَالوا بس اصبروا وكلها خير اتصير
وطن شامخ بااهله معزز موحد
ادري منين تتوحدون شوف شصار
جمعة وصارت الاثنين والاحد
ويمكن هم سبت هم عطله صار النوب
وظل باقي الشعب متعوب ومجمد
//
الك الله لان ماظلك الترجاه
والك اهلك يموطن بيهم الغيره
والله من الفكر ما ظل بعد راي
وصايبني الجنون وحيرتي اجبيره
اعرف ليش من دون البشر هالحال
انا ابن الوطن ما شابع ابخيره
ادري انهج نعوف اديارنا شلون!
نهج وداعتك ما لازم الديره
//
الك الله يالعراق
والك الله يالشعب العراقي
اخوكم ومحبكم
(( رأفت الحديثي ))