ابوذيات حوار بين حبيب وحبيبته

[حيدر كناري]

هي- هجرك ياولف صاير بلا حد
مثل سيف اليكص ركبة بلا حد
وكلتلي انتظري انا ارجع بلأحد
اجه الاحد ويمته تعود اليه


هو- احد سجين صبري وجن ولاحد
التفتت وماشفت ربعي ولاحد
وجم سبت اليمر بيه والاحد
اجي بس شوفتج تصعب عليه


هي- لتهم بالعمر خلصان وحده
وانا ضعني سرى بالهوى وحده
حلت جنها بعيونك غير وحده
كمت ماتسأل ولاتمر بيه


هو- غيرج ماحلى بعيني ولاطاب
ولادونج دخل قلبي ولاطاب
ياجرحي وياج لاهود ولاطاب
دم ينزف ولاتدرين بيه


هي- محبتك تجري وي روحي ويدماي
وعليك انشلت عظامي ويدماي
انجويت بيد انا ناري وبيد ماي
ولكن من يطابكهن سويه


هو- عليج الروح راحت من يردها
وكيحة همومي صارت من يردها
خطية الروح ملت من يردها
لأن بس الصبر يسأل عليه.
********************

[مأسآةشاعر]

أخي حيدر عاشت ايدك وان شاء ننتظر منك المزيد



اي عيني والله طالع حلووو كلش هاي وين الصورة يمنه بالشمال




تحياتي الك


مأسآة شاعر


http://www.up07.com/up5/uploads/618aa9e3ed.gif (http://www.up07.com/up5)

[حيدر كناري]

الف شكر خيتو على الرد الحلو وانشاالله انزل بعد مواضيع بعد احله
والصوره اي هاي بل شمال من رحت سفره وتقبلي مروري...............

[عاشقة ارضـــك ياعـــراق]

كلش حلو الحوار عاشت ايدك حدو علي هذا الحوار الرائع وان شالله بانتظار الاروع تحياتي لك تقبل مروري البسيط

[بزونه حنونه]

ابوذيات روعه والله مشكوووووووووووور على النقل الرائع تحياتي الك بزونه حنونه

[يوسف التكريتي]

سلمت الايادي حيدر على النقل المميز ابوذيات جميله

ننتظر جديدك يا ورده

[اسماعيل الراوي]

عاشت ايدك اخي العزيز على هذه الابيات الحلوة

تسلم ودام قلمك

[حيدر كناري]

الف هلا منورين والله
وردود بعد احلى ض21

وتحياتي الكم

[بسام العربي]

عاشت ايدك حياتي على هذه المحاوره الجميله تقبل مروري اخوك العزيز

http://www.iraqup.com/uploads/g7S6l-x1DG10522.JPG (http://www.iraqup.com/viewer.php?id=g7S6l-x1DG10522.JPG)