شباب احلى الابوذيات لاتفوتكم دشو؟؟؟؟؟؟؟؟؟؟

[الملازم العراقي]

شباب بس كون تعجبكم








اسرح شعرك تهدل صوبي وانساب
وطفح دمعك على الوجنات وانساب
اسألك ياهو گلي وياك وانسب
وتجازي افعالي الطيبه برديه

وعلاه
شربت المر وجرعت الآه عالآه
واصيح الآه وانت ترد وعلآه
وحگ الي سره بعبده وعلاه
لأزگيك الزهر باثنين ايديه

بسلاك
عگدت الگلب وسط الشوك بأسلاك
ونذرت العمر ويه الروح بس لك
احبك ولا تفكر يوم بسلاك (بنسيانك)
انه بنومي ويمر طيفك عليه

مرعلينه
ترف يامن ضعنكم مرعلينه
هجرتونه وجفاكم مر علينه
حلفت مهما الزمان يمر علينه
منسه ايام عشناها سويه

وصـل
يا گاطع بالهجر الارحام وصّـل
ومد جسور وللصوبين وصـل
لعگرب لا تأمن يوم ولصـل
يلدغك لو چنتله بيوم اخيه



اخوكم الملازم العراقي


المهنه:طالب في المرحله الاعداديه


molazm_rr@yahoo.com[/frame]

[لــؤلــؤة بــغــداد]

شكرآ جزيلآ الك خيو ولموضوعك الروعة المميز

[** الورده الماسيه **]

ابوذيات ايخبلن يسلموووو عالطرح الحلو

[salahsport_82]

تحياتي لك اخوي العزيز وتسلم ايدك

[ENGLAND]

شلونك اخوية الملازم
مشكووووووووور على هذي الابوذيات الرائعة
وأتمنالك أن تترقى وتصير ضابط