اخذ كلبى الك

[الشاعر عباس الفتلاوى]

اخذ كلبى الك وانطينى صفناتة وخل كلبى بديك يصير ناعور
واخذ بالك دليلى موذر من الظيم مو باكة الحرامى لجان ناطور
صح انى غشيم وماعرفت اختار صح امشى بظلام ومادركت النور
بس مجبور والله وداعتك مجبور مثل االماى مجبور عالنارة يفور
مثل كرصت خبز وابنص لهيب النار اتعاشر نارها وماتنكر التنور
صح دمع الوفة يصعب على الوفاى صح طيب الوفة يتجاوز الكافور
ماشفتك وفى من دمعى هل عليك ياحيف الوفاء البيك منحور
تراهو الصوج منى وكون اضب الخيط وكل طيبتى ادفنها والها اشيد كبور
بحر لما يغرك ماتهابة الناس يتنكس اعكالة ابين الابحور
ولو طير الصكر ياكل فطيس الميت توليه الحداية تنكرة الصكور
صح عيط النخل يصعب على الصاعود بس ربك يخلى لكل وضع دستور

عباس الفتلاوي

[ابن الانبار الوفي]

حلوه الكلمات والمشاعر
عاشت الايادي اخي الكريم وتسلم على القصيده
وعلى كل ما تكتبه لنا من جميل الكلمات ..



ابن الانبار الوفي

[بســـ ألم ـــمة]

كلمات جميلة جداً عاشت ايدك اخي

بالتوفيق الك

[يوسف التكريتي]

الله عليك يا عباس الفتلاوي صح لسانك يا ورد

صح عيط النخل يصعب على الصاعود بس ربك يخلى لكل وضع دستور

كلمات في غايه الروعه خطها قلمك ننتظر جديدك يا ورد

تحياتي

[الحزينه دائمأ]

مشكوره على القصيده