حدث الساعه

[tweety]

هلو شباب شلونكم و شنو اخباركم انشاءالله الكل بخير
اريد اناقش هذا الموضوع و كل واحد يعبر عن رأيه بحرية تامة
و الموضوع هو عن لعبه الباجر و شلون تتوقعون راح تكون اللعبه و كل واحد يكتب همين توقعاته عن النتيجة , اني شخصيا اتوقع تعادل الى الضربات الترجيحية و ادعو بالفوز لاسودنه النشامه ,, بس الخايفة منه انو يكون الكأس كاعد بالسعودية من اول يوم بالدوري و خايفة همين من الحكم الاسترالي اللي راح يطلع قهر خسارة منتخب استراليا باجر بشبابنه شلون شتكولون راح يجي ويانه الحظ ( انشاءالله) لو بما انو كلها صارت ضدنه فاحتمال حتى الحظ لا سامح الله يصير ضدنه يلي كل واحد ينطي رأيه و خليها حلقة نقاش مفتوح الى لحظة اللعبة انشاءالله

يارب انصرنه و فرح اهلنه و لا تفشل شبابنه ,, يارب احفظهم و قدرهم ع الفوز و رفع رايتنه الطاهرة بكلمة الله اكبر

[الفنكوش الاسود]

ان شاء الله الفوز لاسود الرافدين وهيه مبينه السعودين اذا فازوا لاسامح الله أكيد بالغش أو بالرشاوي ولو الحديث يكول

(ان بعض الظن أثم) صدق رسول الله

[tweety]

اخوية فنكوش هي مو مسألة ظن بس لانو هذا الواقع مامعقوله هيج السعودية بكل شي متميزة ! و ماكو شي دخلت بيه الا اشترت نتيجته و هذا شي معروف حتى بالبرامج الفنية و اعتقد هذا الشي واضح و اني اصلا تقصدت اخلي الموضوع بهذا المنتدى حتى يكون حلقة نقاش و انو كل واحد ينطي فكرته و يعبر عن رأيه و يناقش و شكرا على مرورك

[سماء العراق]

هلو توته
اني اعتقد حتى لو خسر المنتخب لا سمح الله فالي وصلوا اله يستحق رفع الراس وما قصروا الاسود
وكان هناك تحليل على الجزيره الرياضيه البارحه ذكروا به صفات المنتخبين صح السعوديه قويه وعدنه اربعه بالهجوم وتوصل للمرمى بسرعه لكن احنا الدفاع قوي والحارس ايضا وعدنه الضربات الحره جيدين فيها
واني اعتقد الفوز النا باذن الله لان هاي الفرحه الوحيده للعراقيين ولا يتخلى رب العالمين عنا
وندعو من كلوبنا بان يوفق المنتخب اليوم ويرفرف علم العراق فوق ملعب اندونيسيا ويبقى اسم الله اكبر عالي
وتقبلي مروري

[الفنكوش الاسود]

أختي تتدرين لو نفوز او منفوز احنا ممستفادين لان حمام الدم مستمر بالحالتين احنا خصرانين كل يوم

بالحياة الواقعية 50 انسان حتى المغول مسوو هيج المهم اني سمعت تقريرعلى العربية انه حتى

الارهابين:mad: يوقفون هجوماتهم وقت اللعبة ويقعدون ايشوفون اللعبة :D;):pههههههههههه

[زيد الشمري]

ان شاءا لله الفوز لاْسود الرافدين ونكسر خشم كل من يكره العراق والعراقيين

[عاشقه المطر]

ان شاء الله الفوز للعراق ولو فازت السعوديه ما اعتقد رح يكون بالرشاوي او بسبب الحكم الاسترالي لاننسى ان السعوديين عندهم لاعبين اقوياء جدا لايستهان بهم
لكن رغم ذلك مايكدرون ينافسون اسوود الرافدين الابطاااااااااااال اعتقد ان العراق رح يفوز بالركلات الترجيحيه

[حسوني]

شكرا لك ريا و سكينه على الموضوع ..
و العراق فـــــــــــــــــــــــــــــــــــــــــــــــــ ــــاز باللقب ،، و من الفرحة مدا اعرف اكتب ..
مبروك للعراق هذا الانتصار الـتاريخي ..
تحيــــــــــــاتي ..

[tweety]

اخوية حسوني اني اصلا نسيت النت من الفرحة و هسه يله كدرت اجاوبك تره موضوعي جان مجرد شي للنقاش لانوتتذكرون اشصار بكاس الخليج هذا الشي جان موسوس براسي و خايفة منه انو السعوديين يسوون نفس الشي بس مو ويه لواعيبنه و انما ويه الحكام بس الحمدلله رب العالمين جان ويانه ....

اشكر مرور الجميع و الحمدلله راية الله اكبر رفرت عالية لانو الراية البيها كلمة الله اكبر مستحيل تنكس ..

اخوية فنكوش الله يحفظ كل العراقيين بس لا تنسه انو هاي اللعبه و هذا الفوز و الفرحة الي ملت الدنيا روت كل البشرية انو مو العراقي ينزل و يكتل اخوه العراقي و انما اثبتت هاي الفرحه و هذا الفوز انو اكو دخلاء و مجرمين يردون يفرقونه بس ما كدروا و لا راح يكدرون انشاءالله لانو احنه شعب ارقه من هيج افكار متخلفة تلجألها اسرائيل و اتباعها و اشكر مرورك و اهنيك على فوز العراق و انشاءالله تكون فاتحة خير على وطنه الحبيب و انشاءالله يكون هذا الكاس هو السد العالي اللي راح يوكف حمامات الدم

تحياتي للجميع و اكرر تهنأتي لكل عراقي .. للعراقيين بس لانو ماحد يفرحلنه الكل تمثل و بس اعرف