الصداقة.شجرة لاتقاس بطولها تقاس بعمق جذورها

[الكيمياء]

السلام عليكم ورحمة الله وبركاته

اصدقائي حبيت اطرح عليكم موضوع عن الصداقه...

اكيد لكل واحد من عدنه صديق ؟؟

الصداقه حسب مفهومي هي احساس ,تواصل

بس حبيت اسولف وياكم واعرف انتم مرتاحين وي اصدقائكم يعني من تحجون وياهم ترتاحون ؟؟؟

اما بالنسبة الي انه لحد هسه مالكيت الصديقه الي ارتاح وياها (يعني تحس بيه بدون مااسولف وياها) على الرغم انه صديقة وكاتمة اسرار لهواية اصدقاء

وبعض الاحيان قد تكون الاخت صديقة او الاخ صديق بس يبقى اكو فرق بين الصداقة والاخوة (واكيد انتم فاهمين قصدي )

اتمنى اقرة مشاركتكم ارائكم عن الصداقه

مالي ارى نفر الاحبة مسرعا ونفري وان ينتهي امده
عشرت امرء لايحمل الا همومه وهمومي باتت تبحث حاملها
احببت كل من عاشرت وصادقت كل من لاقيت
يضيق صدري اذا غابو عني وابقى اسيرة الحزن والالم
لكنني ايقنت موخرا ايقنت باني متى مابحثت عنهم
وجدت الكل يغدو ويترك جرحا لا اجد مشفاه

[سندباد]

مرحبـــــــــــــاً كيمياء
شكراً لكِ موضوع جميل وحساس
بالنسبة للصداقة من اسمى العلاقات في الحياة ولكن بعضها تستمر لسنين طوال وبعضها عامل
واحد يجمعها هي(المصلحه) وتزول وتضمحل هذه العلاقه بزوال العامل المكون او المسبب ..لكن
الصداقه الحقيقيه لا تجمعها غايه او مصلحه ... ويكون اساسها الاحترام المتبادل والصدق .. والوفاء والتضحيه الموده والاخلاص ...ومقوله قديمه كنا نتداولها عن الصداقه :
لاخير في صداقه تجمعها الغايات ولا خير في صديق ينسى الذكريات
شكراً لك مره اخرى وتقبلي مروري

[الكيمياء]

اهلا سندباد

شكرا لكلماتك المعبرة عن اجمل معاني الصداقة

واحساسك الجميل تجاه الصديق

تقبل تحياتي وشكرا لمرورك الرائع

[salahsport_82]

تحياتي لك كيمياء

اعتقد الاصدقاء في هذا الوقت اصبحوا قليلين جدآ لكنهم موجودين وهم كالنجوم في السماء تجدهم عند الحاجة لهم تحياتي لك واتمنى تجدين صديقتك الصدوقة

[الغروب]

اهلا كيمياء حبيبتي شكرا جزيلا على الموضوع
مااروع الاحساس عندما يرتاح الانسان في صداقته
وما اقساه عندما لايجد صديق يشاركه في السراء والضراء
انشاء الكل يجد اصدقاء قريبين من حوله
تقبلي مروري

[ENGLAND]

هلو كيمياء

بصراحة موضوعك كلش حلو وجميل
و رأيي بالصداقة من ضروريات الحياة
لكن بهالوكت نادرآ ماتحصل على الصديق
بمعنى الكلمة _والله انة هسة عندي
صديق مو مثلي بطبعة او أفكارة لكن كلش
قريب مني

[الكيمياء]

اهلا صلاح والغروب وenglind

نورتو المنتدى بمشاركاتكم الجميلة

وصيحح الاصدقاء بهلوكت قليلين مثل ماكال صلاح

وبالنسه ل englind

اكيد اصدقاءنه مو دائما نفس افكارنه
بس اكيد اكو اهوايه اشياء نتفق عليهة مو صح

تحيااااااتي لكم

[هدوء]

كيمياء

موضوع جميل ..كلمات اجمل ..واحساس صادق..
واجمل شي في الصداقه مصداقية هذه الصداقة
اتمنى ان تحصلي على صداقات قويه لانها شي جميل ورائع ان تجد من يفهمك دون ان تتكلم
(( رب اخ لم تلده لك امك ))

تقبلي مروري

[iraq sun]

السلام عليكم ورحمة الله وبركاته

شكرا الج الموضوع جدا حلو
الصداقه اهم شي بلحياه لان كل انسان وين ميروح وباي زمن راح يصادف ناس راح يكون علاقه صداقه وياهم لان هو محتاج الها بس من الصعب ان تشوفين صداقه حقيقيه مبنيه على الصدق والاحترام والوفاء وخارج المصالح بزمنا هذا وحتى لو انوجدت الصداقه الحقيقيه فمنلكاها خاليه من المصلحه التي انبت عليها الصداقه ... وانشاء اللهتلكين الصديقه الي تفهمج يارب

http://www.arabsys.net/pic/thanx/46.gif (http://www.arabsys.net/pic/index.php)

[الكيمياء]

مرحبا .. هدوء وشمس العراق

نورتو المنتدى بوجودكم ..

شكرا لمروركم الرائع

وتقبلوني صديقة لكم ...

تحيااااااااااااتي

[iraq sun]

اوكي كيمياء انت صرتي صديقتي بس خلي اشوفج بلكليه احنا مو نفس الكليه وصارلنا هوايه هنا وحده مشايفه الثانيه وقسم الانكليزي مو بعيد عنكم واهلا وسهلا بيج صديقتي

http://www.arabsys.net/pic/engwelcom/79.gif (http://www.arabsys.net/pic/index.php)

[الكيمياء]

هلو شمس العراق

اهلا وسهلا بيج

انه اعرف بنات بقسم الانكليزي وانشالله نلتقي

واتعرف عليج اكثر

تحياتي وشكرا لمرورك الرائع

[عيون حائرة]

اما بالنسبة الي انه لحد هسه مالكيت الصديقه الي ارتاح وياها (يعني تحس بيه بدون مااسولف وياها) على الرغم اني صديقة وكاتمة اسرار لهواية اصدقاء

حبيبتي كيمياء اني مثلج لحد الان ملكيت الصديقة الي اتمنيتهه اتكون صديقة اليه

ونشالله تلكين الصديقة الي تبحثين عنها

شكرااااااااااااااااااااا حبيبتي على الموضوع

[كيماوي]

كيمياء
موضوع جداً راقي لمناقشة الصداقة التي اصبحت هذه الايام بطريق الاندثار

[الكيمياء]

اهلا وسهلا عيون حائرة

شكرا لمرورك الرائع

تحياتي....