سالي الكعبي
08-27-2007, 04:29 PM
كل السنون عظام بس سنة ليلو
جاكم وسيع العين عن دربة ميلو
*
كل السنون عظام بس سنة فضة
دهن ودبس يهواي ومينين اكضة
*
رحت انا للدكتور حاجاني بسكوت
لو ولفك يداويك لو باجر اتموت
*
لو ممشى عشر سنين امشيهة واكثر
ما اتعب وما اجوز من حب الاسمر
*
لو مو ترش تيزاب لو تزرع الغام
اللحم خلة يروح اوصلك عظام
*
لا تسال على الحال خليهة سكتة
تسال على المكتول والكاتل انتة
*
كون انكلب فنجان بيد الكهوجي*
واوصل لحلك هواي وانتحب وابجي
من جبتو طاري اهواي تيهت شوري
خدرت بالفانوس حسبالي قوري
*
كالولي ولفك راح كلتلهم ابعد
كالو صعد للغيم كلتلهم اصعد
*
نذرك يا سيد ادخيل دولار ابو المية
من افز والكا هواي غافي على ادية
نذرك يا سيد دخيل دولار ابو العشرة
من افز والكا هواي صدري على صدرة
*
جيتك غفل يهواي تضحك لكيتك
حسبالي تحزن دوم من فاركيتك
*
من قست حلك هواي المحبس اصغر
خافن يغص بالماي الله يستر
شفت الضوة من بعيد كلت احتركنة
لمن وصلت البيت لن ولفي يمنة
هم حلو هم زغير هم ازرك عيون
بس بي طبع مو زين من يوعد ايخون
سبحان من سواك نص وجهك عيون
زغير سبيت الناس من تكبر اشلون
روحي بسرير الموت تنشدني عنك
وتكلي ليش هواك متبري منك
ارد اسال العشاك ليش انا مشتاك
نايم بحضن هواي واشتكي من الفراك
راح التودة الروح ما ينفع اللوم
اصبح سميري النوح من بعدة وهموم
انهجم بيت العين هلكد وكيحة
كل ما يمر احليو اتكلي صيحة
انة من احب اشفاك كل ساكني يهيج
يبقى الطعم وياي وي بلعة الريج
رش الدرب تيزاب حافي اعتنيلك
جا شلي بالرجلين الما تجيلك
اوصل الحي هواي لو تشبج ارماح
والمعتني الطيبات مو فشلة لو طاح
زيبك ابجف سكران خلتني دنياي
ما بية اجيك زحوف ولا بية مشاي
يسالني البطران اعربلي كان
حسبالة مثل العام عكلي بمكانة
شحجي وتريد الناس من عندي احجي
دمعتي بطرف العين بس احجي ابجي
يسالني البطران حالك اشلونة
الغاضب الله علي هم ينشدونة
مهما تعذب الروح اصبر واحبك
ازحف زحف مصيوب وامشي على دربك
جاكم وسيع العين عن دربة ميلو
*
كل السنون عظام بس سنة فضة
دهن ودبس يهواي ومينين اكضة
*
رحت انا للدكتور حاجاني بسكوت
لو ولفك يداويك لو باجر اتموت
*
لو ممشى عشر سنين امشيهة واكثر
ما اتعب وما اجوز من حب الاسمر
*
لو مو ترش تيزاب لو تزرع الغام
اللحم خلة يروح اوصلك عظام
*
لا تسال على الحال خليهة سكتة
تسال على المكتول والكاتل انتة
*
كون انكلب فنجان بيد الكهوجي*
واوصل لحلك هواي وانتحب وابجي
من جبتو طاري اهواي تيهت شوري
خدرت بالفانوس حسبالي قوري
*
كالولي ولفك راح كلتلهم ابعد
كالو صعد للغيم كلتلهم اصعد
*
نذرك يا سيد ادخيل دولار ابو المية
من افز والكا هواي غافي على ادية
نذرك يا سيد دخيل دولار ابو العشرة
من افز والكا هواي صدري على صدرة
*
جيتك غفل يهواي تضحك لكيتك
حسبالي تحزن دوم من فاركيتك
*
من قست حلك هواي المحبس اصغر
خافن يغص بالماي الله يستر
شفت الضوة من بعيد كلت احتركنة
لمن وصلت البيت لن ولفي يمنة
هم حلو هم زغير هم ازرك عيون
بس بي طبع مو زين من يوعد ايخون
سبحان من سواك نص وجهك عيون
زغير سبيت الناس من تكبر اشلون
روحي بسرير الموت تنشدني عنك
وتكلي ليش هواك متبري منك
ارد اسال العشاك ليش انا مشتاك
نايم بحضن هواي واشتكي من الفراك
راح التودة الروح ما ينفع اللوم
اصبح سميري النوح من بعدة وهموم
انهجم بيت العين هلكد وكيحة
كل ما يمر احليو اتكلي صيحة
انة من احب اشفاك كل ساكني يهيج
يبقى الطعم وياي وي بلعة الريج
رش الدرب تيزاب حافي اعتنيلك
جا شلي بالرجلين الما تجيلك
اوصل الحي هواي لو تشبج ارماح
والمعتني الطيبات مو فشلة لو طاح
زيبك ابجف سكران خلتني دنياي
ما بية اجيك زحوف ولا بية مشاي
يسالني البطران اعربلي كان
حسبالة مثل العام عكلي بمكانة
شحجي وتريد الناس من عندي احجي
دمعتي بطرف العين بس احجي ابجي
يسالني البطران حالك اشلونة
الغاضب الله علي هم ينشدونة
مهما تعذب الروح اصبر واحبك
ازحف زحف مصيوب وامشي على دربك