كثره العطل وتأثيرها

[iraq sun]

http://www.arabsys.net/pic/bsm/36.gif (http://www.arabsys.net/pic/index.php)


اليوم حبيت اتكلم عن موضوع العطل وكثرها وتأثيرها على المستوى الدراسي للطالب
جاي نشوف العطل سواء كانت السياسيه او الدينيه ماشاء الله لاتحصى والعطل متصير يوم واحد تصير اسبوع كامل والطلاب ميصدكون اكو يوم عطله بلاسبوع يضربون الاسبوع كله والله وهذا الشي جاي يأثر علينا وعلى مستوانا الدراسي يعني من نداوم ورى العطله مجاي نستوعب الماده وثاني شي الامتحانات مجاي نلحك نمتحن والمنهج الدراسي المقرر النا حتى نصفه مندرسه طول السنه طبعا وجاي نشوف كثره الرسوب بجميع الكليات واحنا كطلاب انذبها براس الاساتذه ونكول شادين ويانا واحنا اصلا مجاي نداوم ومجاي نفهمها للماده واغلب الطلاب الي يتخرجون مستواهم مو المستوى المطلوب يعني مو مثل زمان ومع الاسف على الطلاب الي يفرحون بلعطله الي يضربون الاسبوع كله ومن نحجي يكولون شعدكم مداومين ؟ زين احنا على شكو جاي نداوم غير حتى نثقف وندرس لو بس هيج نريد ننجح بدون دراسه ...

شكراً ..



اني اريد اعرف رأيكم بهذا الموضوع وارجو المشاركه وابداء رأيكم

http://www.arabsys.net/pic/thanx/49.gif (http://www.arabsys.net/pic/index.php)

[salahsport_82]

تحياتي لك شمس العراق

العطل حلوة بالنسبة للطالب بس تدرين هي تدمر اي شي اخذه من قبل وينساه

وهسه بعد راح اتصير العطلة كبيييييييييييييرة بسبب الاوضاع التعبانه
تحياتي لك وانشالله تزول الغمة

[**سكر زياده**]

اني مو بالكليه بس رح اشارككم بهذا الموضوع لان هو يعني الكل من الاول ابتدائي لحد سادس طبيه و خامس طب اسنان و صيدله و رابع باقي الكليات.................
طبعا كلنا نحب العطل بس هي تدمير النا كطلاب يعني اني مثلا نص الكتب ممخلصيها و فوكاها اجتلنه الاوضاع التعبانه و صارلنه اسبوع كاعدين و الظاهر رح نكعد اكثر و كل هذا يأثر علينا احنه مو اي احد غيرنه.كلشي دننساه و المدرسات حاقدات علينه عبالك احنه الي دنحدد العطل..........
تحيــــــــــــــاتي.....

[كونان البصراوي]

فدوه لالله

هههههههههههه



اني هماتين ويه سكر زياده

[iraq sun]

شكرااااااا على مشاركتكم صلاح وسكر وكونان


http://www.arabsys.net/pic/thanx/36.gif (http://www.arabsys.net/pic/index.php)

[ENGLAND]

بصراحة العطلة حلوة مثلا يوك او يومين مو 10أيام أو أكثر تصير مو حلوة و مؤترة على مستوى الطلاب من الناحية العلمية يعني أذا العطلة أسبوع يرادلنة ورة الاسبوع أسبوع ثاني يلة نتأقلم وية الدوام انا هذا رأيي المتواضع ومشكورة شمس العراق على الموضوع الراقي والجميل تقبلي تحياتي..

[سندباد]

هلو شمس موضوع متميز ولو اني تخرجت من كم سنه بس على العموم احب اشارك لأن هم مريت بهالوضع من جنت طالب
اكيد شمس العطل الها تأثير سلبي وايجابي ... السلبي راح تأثر على الطالب لأن راح ينقطع عن
الدراسه والمحاضرات ومراح يكون بنفس الهمه في حالة الدوام المستمر .. بالأضافه الى تأثيرها
على حالته النفسيه واكيد مراح يدرس راح يلتجأ الى غير امور (نوم ..اكل .. تلفزيون.. طبخ..طلعه
.... الخ)..الايجابي (عند البعض) راح يراجع اكثر ويظبط الماده ويجيب درجه عاليه اكيد(الدراخات)

مو بس هذا ..... تأثير سلبي مهم
الكبلات
خطيه راح يتضررون هواي وراح يصرفون ارصده هواي وشيجيب الدوام
عذراً للأطاله هذا رأيي المتواضع

[الكيمياء]

هلو شمس العراق

اشلونك وشأخبارك ؟؟

حمدالله ع السلامه
الموضوع كلش حلو ومهم جدا
بس ماكو احد يسمعنه ويشوفلنه حل بهاي المشكله
اتمنى تخلص هاي العطلة ونرجع نداوم
تقبلي مروري
تحياتي

[شهلاء]

مرحبا::شموسة حبيبتي شلونك..الحمد لله علسلامتكم جميعا

عشت علموضوع...العطل هواااااااية كاع تاثر علينه وصارت مملة ما جاي نواصل اسبوع مستمر من الدوام وطبعا كلش اله اثر كبير على نشاطنه مع الاسف محد منتبه لهيج مشكلة من المسؤ ولين..........وصرنا مدمنين مال عطل الاسبوع الي ما بي عطلة نحسه شطوووووووووله

تحياتي لكي

[iraq sun]

شكرااااااااااا الكم جميعا الحمد على سلامته الجميع والله ياسندباد ضحكتني حلو كلامك
ههههههههههههه شكرا كيمياء وشكرا ساندريلاوسندباد وengland

اذا اكو واحد بلدنيا يكره العطل فهو اني ويارب بعد ماكو عطل هههههههههههه

[ENGLAND]

اخويةIRAQ SUNشخبار الدوام بشرني اكو لو لأ لأن صارلي اربع أسابيع ماوصلتت للكلية