اهداء خاص لكل انسان فقد اعز ما يملك

[رآفت آلحديثي]

احس ليلي اليمر ذيب وينام وياي
يظل ينهش دليلي الطلعت انهاري


شتفيد السوالف بيــه نار وضيم
تظل حسرة وعبرتي مطرزه اشعاري


اعذروني الدمع ماخله ليــه افراح
ولا ظل للفرح بشعاري من طاري


البوم اكَفت رحيل وفاركَتني اتنوح
ومن كَد البجي مني ارتحل جاري


يا دمع اشوكت سولفلي بالله ارجوك
لي يمته وتظل فوكَ الوجن ساري


الناس اهواي بلّوتها وألمها يهون
وانا فدكَي ابعزيز الروح متواري


يوميه الصور تجرح نظرها العين
بكل صوب وكتر صوره الها بدياري


امي وبيه حسرة اتهدل الجبال
وعليج الحد لحظتي اموجره ابناري


صُبن حيل دمجن ونعي ام يعيون
بعد اجراً عليمن اكتم الجـــاري


اصيح امي ويرد مخنوكَ عبره الصوت
مثل خنجر يرد ويكَطع اوتاري
من كَد الصراخ اتكَطعن اوتاري






ياناس يوم الفكَد مدري دمه لو مي
السال من مهجتي مانفع بي لومي
لومي عليه بعد يا دنيتــــي لومي



شيفيد اخذني الحزن مافادني الوني
وبجلاي ذيبه ومجاري انيابها الوني
لو يرد ليه الرحــــــــل وينفع الوني



والله طول العمر لبجي ابدمه لمي
تستاهل ابجي الدمه هاي الحنينه امي






//


اخوكم ومحبكم
رافت الحديثي

[بغدادي - ابن اليرموك]

يا سلام على الروعة والابداع يا شاعرنا العزيز
جميل ما خطه قلمك
وابداع ما بعده ابداع

تقبل مروري المتواضع امام هذه الروعة
وتحياتي

[naors]

روعة والله روعة

[لــؤلــؤة بــغــداد]

اعذروني الدمع ماخله ليــه افراح
ولا ظل للفرح بشعاري من طاري


شكرآ جزيلآ الك اخي الشاعـر الوردهـ

موضوعك روعــهـ مثلـكـَ

كلمــات كلشـ حلــوهـ /

وانـ شاءالله محد يفقد غالـــي بحياتـهـ !!

[* مشتاقه يابغداد *]

شتفيد السوالف بيــه نار وضيم
تظل حسرة وعبرتي مطرزه اشعاري


*****

عاشت ايدك اخويه الكريم كتبت فابدعت
سلمت انامل على الكلمات الرائعه والمؤلمه والحزينه

تحياتي وتقديري الك

http://www.arabsys.net/pic/thanx/24.gif (http://www.arabsys.net/pic/index.php)

[مغرم رومانسية]

كلمات رائعة

وتعبير اروع اتمنى ان ارى جديد

تقبل مرور ولك ودي واحترامي

[الهيثم]

اقول روعة والله قمة الروعة

تسلم على هذا الابداع المتواصل

اتمنى لك الابداع والتمييز الائم

[الحزينه دائمأ]

عاشت ايدك اخي كلامات جميله

[انت حياتي]

مشكور اخوي رافت الله يخليك