الشاعر عباس الفتلاوى
04-05-2008, 01:10 AM
بغداد ماحسبت
بغداد ماحسبت بيج اليصير يصير باجر شمسنه تطر ويطر ضواها بخير
باجرتجينه الشمس....واتصيرزفت عرس....ودجله فرح تنترس
ونورس الحب يطير
بغدادي انتي انا وما ساومج بالغير بغدادي نهر الهنى وناعوره بيه يدير
ويدير بيه وفه....بغدادي ارقى صفه....مملوئه بالعاطفه
صدرج وسيع اجبير
بغداد شرد اوصفج اقلامى كلها اتحير خلينى اوصفج بنت وخلى اترك التنظير
شعرج عبائة نسه....ووجهج بدر بالمسه....وتاج العشك لابسه
وعالجيد طوك يدير
ويالطولج انتى شعر يتمايل ويالفير ويالمشيتج عارضه فوك الدليل اتسير
موعالارض الكلب....رجليها مااحس تعب....عسبلى طعم العنب
والها انحني تقدير
بغدادي ام الوفه ياصرخة التحرير اقسم برب الفله و هل أية التطهير
بغدادي يا بغداد....انتى الملح والزاد....انتى شعر وامجاد
يامصدر التفكير
وغراب النعه دجلتج باجر يولي يطير وباجر يروح الذبح والقتل والتهجير
باجر نرد كلنه....الشيعه والسنه....وانعيد خوتنه
وانحارب التكفير
ونمسح اثار الحرب والموت والتفجير
وباجر شمسنه تطر ويطر ضواها بخير
بغداد ماحسبت بيج اليصير يصير باجر شمسنه تطر ويطر ضواها بخير
باجرتجينه الشمس....واتصيرزفت عرس....ودجله فرح تنترس
ونورس الحب يطير
بغدادي انتي انا وما ساومج بالغير بغدادي نهر الهنى وناعوره بيه يدير
ويدير بيه وفه....بغدادي ارقى صفه....مملوئه بالعاطفه
صدرج وسيع اجبير
بغداد شرد اوصفج اقلامى كلها اتحير خلينى اوصفج بنت وخلى اترك التنظير
شعرج عبائة نسه....ووجهج بدر بالمسه....وتاج العشك لابسه
وعالجيد طوك يدير
ويالطولج انتى شعر يتمايل ويالفير ويالمشيتج عارضه فوك الدليل اتسير
موعالارض الكلب....رجليها مااحس تعب....عسبلى طعم العنب
والها انحني تقدير
بغدادي ام الوفه ياصرخة التحرير اقسم برب الفله و هل أية التطهير
بغدادي يا بغداد....انتى الملح والزاد....انتى شعر وامجاد
يامصدر التفكير
وغراب النعه دجلتج باجر يولي يطير وباجر يروح الذبح والقتل والتهجير
باجر نرد كلنه....الشيعه والسنه....وانعيد خوتنه
وانحارب التكفير
ونمسح اثار الحرب والموت والتفجير
وباجر شمسنه تطر ويطر ضواها بخير