بعد مااريد صاحب \ قصيدة كتبتها وانا بين الحياة والموت وهذا من عمل الصديق بي

[الشاعر عباس الفتلاوى]

بعد ماأريد صاحب

صديجي الماوكف وياي بالشداة
ترك جرحي يدير وضمد اجروحه

كسر جنحي وتركني بنص شبج صياد
وبيدين الوكت خلاني مرجوحه

بعد ماكو ثقه يا روحي للصحبان
بهذا الوكت كلمن حاير بروحه

شما يرسم قلم رسام واسمه شما وصل صوته
يبقى الفخر للوحـــــــه

شما يكبر ضرعها الشاة مابي فود
بس تبقى عليله الشاة منفوحه

كلشي وياي سويته أظن مسموح
بس هاي ابد مالا تظن مسموحه

عيب عالصديج الينكر العشرة
ويتركة بنص شماتة بفرح صايوحه

صديج البنفاها وياي صاير عون
وعلي مابطل الجيات والروحـــــــــه

بس طحت بكلافه تلاشه عني وراح
وترك جرحي بكلافه ادمومه مسفوحه

تركني أليت خروف بحلك سرب ذياب
تتعاون عليه ذياب مفضوحـــــــــــه

صديج ألي يضحكك دوم لتخاويه
خاوي الزين والجلماته ناصوحـــــه

شيش مالجمر واجويلك الدلال
بعد مااريد صاحب عهد للوحــــــه


الشـــــــــاعر
عبـــــاس الفتلاوي

[هيبة ملكة]

عاشت ايدك وصح الله لسانك على هالكلام الحلو والله كانك قلت الي بالي بس مجنت اعرف اطلعها وتحياتي الك كلشي وياي سويته اضن مسموح بس هاي ابد مالاتضن مسموحةتحياتي وعاشت ايدك