ايام العمر \كل مااكتبه اهديه لمن يتلقاه

[الشاعر عباس الفتلاوى]

أيام العمر

عاشرت الحزن ورافكت انه الظيم
ابد ما يوم ارفكتج يالفــــــــــــراح

وزخات الخزن صارت علي زخ ديم
وبحشاى الدهر نبت بحركه رمــــاح

مثل وتحد وحيد وفزعت علي كوم
تشيله الهوسة والبرنو والاصيـــــــاح

وإذا أخطت الفاله يصيب مكوار
وإذا أخطت الحربة يصيبني ســــــــلاح

وإذا صح صح زماني وياي يصح بالظيم
ويصح بالحزن والعبرة والانيــــــــــــاح

وإذا فد يوم امشـــــــي بـــــدون تعثير
زماني يصيح هــــا هـــا طاح مـا طاح

فد مرة الدهر شو جنه جار وياي
شيريد الدهر خل يأخذ أرد ارتاح

يصعد الجان أسمة ينكس الشفرات
ويخليني بشمرته اشتعل فلاح

على طبعة الامعاتد ما يغير دوم
شفت فد يوم شوجة حمت تفــــــــاح

إذا عاندت دهري وكابرت وياه
يكوم برمحة يطعني بالاجــــــراح

ومننصاب بجرح بعدة نزيفة يدير
فوكـــ الجرح ذكرني بجرح راح

موش بجرح واحد ابقى أنا أشل بي
أشل بثنين إذا مو أكثر أجراح

عالهل المنوال جبت العمر كله جروح
واذه وادموع وهموم ويلنيـــــــــاح

ولون واحد غلط وياي أظل مقهور
أمد جفي اله واطلب أليه أسماح

لان جازى العمر لتخشن كلوب الناس
ولون بيك القهر كول أني مرتــــــاح

ترى الشمات تتباوع تريد تفوت
بس تتهيئ الفرصة سهمهم لاح

خلي عالجرح اسبوسة والصنفات
وبالك تطي فرصة يهيج المرواح

[بغدادي - ابن اليرموك]

الله الله على الروعه في هذه الكلمات
رغم ما تحويه من الم وعذاب وحزن
لكن كلماتها ولا اجمل
حياك الله
وعاشت ايدك

تقبل مروري
وتحياتي