لا تزعل قصيدة غزل ... شاركني برايك لان برايكم نصل الى الافضل

[الشاعر عباس الفتلاوى]

لا تزعل

لا تزعل اترجاك لا تزعل من تزعل نظام الكون يتبدل

يعنى البحر كله يجف والصـــــــــــــــحراء تتبلل

يعنى الشمس هيه ادور ويثبت الزهرة وزحـــــــــل

يعنى الشاة صارت ذيب والعكــــــــروك يتفيـــــــــل

يعنى الفرس يتحفة وابــــو الدبــــس يتنعـــــل

يعنى الرمله صارت طين والطـــــــينايه تترمـــــــــل

يعنى العدل كام يميل وبيزه بزعــــلته اتعــــــدل

يعنى الكسل صار انشيط والمــــنشوط يتملـــمــــــــل

يعنى الماى صاير نار وطعم النار صـــار اجــــمل

صرت اتجوة انى بماى وابرد الماى بالمشعــــــــل

تموت الناس من تزعل يحيه المــــيت من تزعــل

طعم الحنظل اتعسل وصار العسل هو حنظــــل

نظام الكون من زعليت كله لزعلــــــك اتعطــــــل

كمت اشتم ورد عسبالي جثت ميت وغدة عطر الجنازة بشمته اجمل

كل هذا طبيعي يعود لو بس بسمه من اشفاك بيها عليه تتجمل

[ايات الراوي]

سلام عليكم

بصراحه اني ما اعرف بالشعر ولا اكدر انطي رايي او تعليق ...

لكن القصيده كلش حلوه وخفيفه وكلماتها بسيطه وحلوه

مشكور اخويه على القصيده وانشالله الى تقدم اكثر وابداع اكثر

تقبل مروري وتحياتي لحضرتك