مرحبا..ممكن نسولف..ونتاقش

[شهلاء]

مساء الخير::شلونكم؟؟؟شخباركم؟؟؟

اخواني اخواتي الكبار المحترمين)

بما انو احنه هنا كلنه اصدقاء... وتجاربكم كثيرة....وفاهمين الحياة اكثر منا
ولازم واحد يساعد الثاني..!!!

ممكن...تحجونا عن الكلية... شنو سلبياته ...شنو ايجابياته...؟؟؟؟؟

احترامي ...

[salahsport_82]

أهلا بيك سندريلا ومليون مرحبا

الكلية شي جميل والله تعارف جديد ومن اخر يعني مختلط أفكار جديد وشبابية تختلف عن المراحل السابقة واكيد بيها سلبيات ومن أخطر السلبيات الفهم الغلط للاختلاط بين الجنسين يعني اكوا شباب متصورين الكلية والاختلاط البيها مجرد علاقات غرامية فالمفروض من البنت الحذر قبل أنتقاء من تماشيهم من الاصدقاءوالزملاء هناك

تحياتي لك

[الكيمياء]

هلو سندريلا

طبعا ..مجتمع الكليه مجتمع راقي
لكن الفهم الخاطئ والتصرفات هي التي
باتت تعكس صورة غير لائقه عن مجتمع الجامعة

تحياتي لك

[سندباد]

هلو سندريلا تحياتي لكِ
يمر الشخص منا بأحلى واجمل مرحله لتكوين العلاقات بين الاشخاص في مرحلة الدراسة
الجامعية على اعتبار مجتمع الجامعة يضم الشريحة الراقية والطبقة المثقفة من طبقات المجتمع
فيها الكثير من الايجابيات منها تلاقح الافكار بين الشباب من كلا الجنسين وكيفية التعامل مع
الاخرين فرضاً مرحلتك فيها (50) طالب وطالبه اكيد راح تتعامل مع نفس العدد من العقول المثقفه
ونفس العدد من الافكار والتصرفات راح تنعكس على شخصيتك وتستفيد منها مستقبلاً
السلبيات موجوده وتقل بتصرفات الشخص نفسه اذا احسن التعامل مع البقيه وفهم مشاعرهم
بأتجاهه ..... عذراً للأطاله سندريلا لكن الموضوع يستحق ..تقبلي تحياتي لكِ

[شهلاء]

مرحبا صلاح ...شكرا لأعطاء النصيحة الحلوة..

اتشرف لمرورك...احترامي

[شهلاء]

اهلا كيمياء غاليتي شكرا ..لك

ولمرورك الراقي..

حبي واحترامي.

[شهلاء]

اهلا بيك اخي الغالي سندباد...

شاكرة لك المساهمة البناءه...في الموضوع...

نورت الموضوع والمتصفح...تسلم للمشاركة المميزة

احترامي

[هدوء]

هلو سندريلا افكارك متميزة

الحياة الجامعية حياة جميلةبكل ما تحمله الكلمة من معنى

على الرغم من انه توجد صعوبات ولكن باستطاعة الطالب ان يتخطاها باسلوبه الخاص

ايجابيات هذه المرحلة الدراسية:

1. تزيد من قوة الشخصية للطالب.

2. تجعل عنده سعة ادراك والمام كامل بشتى المواضيع.

3. اكتساب خبرات اكثر عن طريق الصداقات الكثيرة بين الجنسين ولكن ضمن المفهوم المتعارف عليه للصداقة.

4. تحقق حالة من الاعتماد الكلي على النفس.

اما السلبيات فهي ممكن ان نتجاوزها عن طريق السلوك الحسن والاخلاق الجيدة سواء بين الطالب والطالب او بين الطالب والاستاذ.

وتحياتي لكم

[sunshine]

حبيبتي سندريلااا الكلية او الدراسة الجامعية مثل ما كالو الاخوان تجربة جديدة وحلوة...... وشي اكيد لكل شي سلبياتة واجيابيته لكن بقى شلون نتعامل وية الموضوع ..........
وتقبلي مروري

[شهلاء]

صباح الورد والياسمين على هدوء الغالية وعلى العزيزة شروق

عن جد اشكركم جدا عن كل الي قلتوه..تسلمون احبابي

لكم حبي.

[triva]

موضوع كلش حلوو وعاشت ايدك على هلفكرة,,,
بالنسبة الي الكليه مرحلة دراسية مختلفة عن باقي المراحل واول واحد ميدخلها راح يحس بالتغير الكبير بين حياة المدرسة والجامعة واول مشكلة تواجهة هي الاختلاط والمفهوم الغير صحيح اله ,,اني بالنسبة الي احنة مدا نعيش حياة جامعية واتمنى هذا الشي يتغير,,,اما الايجابيات فهي تخلينة نتعرف على اصدقاء اكثر وتقوي الثقة بالنفس,,
تقبلي مروري

[شهلاء]

صباح الخير والورد على تريفا الغالية

اهلا بك نورتي الموضوع...شكرا لرأيك..اسعدني مرورك

خالص احترامي.

[sabahbox]

اني مااسولف وياكم لان استحي عموووووووووووووو
:icon_rr::icon_rr::icon_rr:

[شهلاء]

مرحبا اخوي صباح....اهلا بيك,,

عفوا ما عرفت شنو قصدك...الموضوع يطرح لجميع الاعضاء...والي يحب يشارك

يتفضل...والي يستحي براحته..

مع السلامة.

[cpa_asca]

السلام عليكم

شكرا على الموضوع الجميل واحب أعلق على كلام تريفا ان مجتمع الكليه يتأثر هوايه بوضع مجتمعنه وخاصة سلوكيات الطلاب والطالبات وما ننسى اكو اشياء بالجامعه باقيه جميله وما تغيرت ويارب الاشياء الي تغيرت ترجع مثل اول ....وشكرا


تحياتي
Cpa_asca

[شهلاء]

مرحبا...اهلا اخي نورت..الصفحة

شكرا للمرور والتعليق..

لك كل الاحترام.

[من البصرة]

مرحبا الكلية مثل ماكالوا زملائي انه هي مجتمع راقي وجميل ولكن صحيح نضرة المجتمع للأختلاط اصبح جريمة بحق الفتاة لأن هي المتضررة بلأول والأخير حسب نضرهم بس كمان لازم نصحح هالفكرة يعني تكون علاقة الطالب والطالبة في حدود معينة حدود الدراسة فقط اما اذا كان لهدف اخر فهذا الشي اولا حرام تنظلم البنت لأن مثل ما تنظلم لبنية ممكن ينظلم احيانا الولد ايضا يعني الومالة حلوة بس في اخر الأيام اصبحت شيء مكروه لكثرة ما نسمع عن الحوادث التي يتعرضون لها فئة خاصة من الشباب والبنات تحياتي

[شهلاء]

مرحبا..اهلا وسهلا اختي من البصرة

اولا احب ارحب بيك...نورتي المنتدى يارب تفيدين وتستفادين..

شكرا لرايك في الموضوع...شرفتي بكلامك.

تحياتي.

[ENGLAND]

أهلآ شهلاء

ولو مشاركتي متأخرة بس ميخالف احسن من ماأشارك

بصراحة الكلية شي جميل ومرحلة من أهم المراحل اليمر بيهة الأنسان

لأن راح تلتقي بأشخاص من نفس المستوى الفكري والعمري بس يبقى شي واحد

عدم فهم البعض من الطلاب(طالب أو طالبة) لمفهوم الصداقة والزمالة داخل الكلية

لكن بمرور الزمن كل طالب راح يعرف مفهوم الكلية شنو ...............

تحياتي

[شهلاء]

انكلاند

اخي العزيز

اهلا بك نور الموضوع...

يسعدني مرورك الراقي والواعي

لك جزيل الشكر اخي

تحياتي لك

[ألهاجري]

شهوله اهم شي لاتتورطين بحب فاشل وفكري بدراستج اكثر من وناستج

[شهلاء]

الهاجري


اهلا بك اخي

لك جزيل الشكر على المرور

الدراسة هي الاهم والمهم

تحياتي

[مهند الكعبي]

الكلية هي نقلة في حياة الطالب لذلك يجب التعامل معها بجية اكثر لذلك الطالب يشعر بنوع من التخوف
بالنسبة الي الحياة الجامعية حلوة من جانب الدراسة والاصدقاء خاصة بالهندسة

تحياتي اخوكم المهندس




http://up5.m5zn.com/photos/00101/in8rmw79rzev.jpg

[توتو11]

حلمي بدنيا ادخل كليه

وانشالله بس هالسنه


وانا احب اعرف كل شي عن الكليه وعرفت


وجنت اسال ابن خالاتي لهو وياك بجامعه البصرة

[ايهم البصراوي]

اختي العزيزه اني اداره واقتصاد محاسبه وجماله مسائي
وربج مشايف الكليه بس يوم لمتحان فياريت اتغيرين السؤال لين
احتمال ارسب بيه وانتي مترضين باذيتي

[شهلاء]

مهند الكعبي

اهلا بك خيي

لك جزيل الشكر على المرور

تسلم

دمت بخير

[شهلاء]

توتو11
هلا والله خيتي

ان شاء دخلين للكلية ياوردة

شكرا جزيلا للمرورك

دمتي بخير

[شهلاء]

ايهم البصراوي

اهلا وسهلا بك اخي العزيز

وان شاء الله تنجح

وعلى الاقل زور الكلية بالأسبوع مرة

تحياتي لك

اختك

شهلاء

[ENGLAND]

أهللآ شهلاء

أهم شي الدراسة لأن بالنجاح تجي الفرحة طول السنة..

انتي بأي كلية...

تحياتي

[شهلاء]

اهلا انكلاند

اخي العزيز

اني مو بلكلية خيي اني بالمدرسة

بس اني متعلقة باعضاء الجامعة واحسكم اخواني واخواتي اكثر من باقي الاعضاء

تحياتي لك اخي العزيز