قصيدة زعل خوان

[احمد الذهبي]

زعل خوان نزعل ونتراضه اردود
طبع الخوه ماي اليعطش يردله
راضعنه الوطن مو بيدك انته تروح
هيه الخوه قابل ثوب وتبدله
وافرض بدلتني شلون جا والدين
مو وكت الصلاه ماعدنه بس قبله
تره الخوان تعتب والعتب مسموح
والزين العتب من ينحجي يقبله
كافي الخشبه عدنه تصير بس تابوت
وبباقي الدول صبوره لو رحله
وكافي بجادر يداوم الطالب كام
يقره الفاتحه والمدرسه معزله
وكافي بلا شباب يشب شباب الشاب
والشاب الشباب بعينه مايحله
وكافي بلايه كحله عيون الحديثات
عرفن بس دمع ما عرفن الكحله
وكافي احلم احب جوه الورد والياس
موجوه القصف والدنيه مشتعله
وكافي احلم جذب عنتر بعد ما اصير
وياهي العدها واهس واقتنع عبله
وكافي اطفالنه يقلدونه انه وياك
وبالعيد اشترو قناصه موحجله
وحته يصير مثلي ومثلك ابني شلون؟
يتحارش بخوه يتقصد يزعله
ليش بلا سبب نتكاتل انه وياك
تكتلني واكتلك شنهي النحصله
اكتلني بشرط سدلي الفضائيات
واضمنلي الخبر ماواحد يوصله
وخل زعلك فرات شما يريد يطول
يم كرمة علي ويتراضه وي دجله

[الطائي]

عاشت ايدك قصيده رائعه
تحياتي

[ابن الانبار الوفي]

اهلا وسهلا ومرحبا
اهلا وكل الهلا ويا كل المراحب للشاعر الورده والمبدع
اهلا بنجم الشعر وقمره .. الاخ الكريم احمد الذهبي ..

قصيدة تكلم ضمير كل عراقي وتحرك الغيره عند كل واحد
يكفي ما حل بنا وما يجري .كلمات جميله من قلب عراقي
اصيل طيب يحب وطنه ويخاف عليه كما يخاف على نفسه.

عراقي انا وانت عراقي واحد نحن فلا تفرقنا الاسماء
قلبنا واحد وحبنا واحد ودمنا الذي يجري في العروق واحد
فعلى اي شيء نختلف ونتخاصم ونتزاعل؟

اتمنى لك كل الخير والتوفيق والمزيد من العطاء
والذهاب بعيدا وبعيدا في الشعر وعالمه.
ممنون منك اخي الكريم
تقبل التحيه.




ابن الانبار الوفي

[* مشتاقه يابغداد *]

السلام عليكم

قصيده في قمه الروعه والجمال
جمال الروح والقيم والاخلاق العراقيه
عاشت ايدك اخويه الكريم *احمد الذهبي*
على الكلام الذهب

تحياتي وتقديري

[النورس الحزين]

اباع ابداع موطبيعي وعلي اتمنه اتكون احسن شاعر بالعالم موبس بالعراق

[احمد الذهبي]

الطائي تسلملي ياورده واشكر كرمك في المرور
ابن الانبار الوفي شكرا لكلامك الرائع وطيبتك وعراقيتك ياعراقي
مشتاقه يابغداد لك مني كل المشاعر الاخويه وشكرا لك
النورس الحزين يارب يحفضك ويسلمك ويشيل الحزن عنك ياطييب

[يوسف التكريتي]

اخي الغالي احمد الذهبي

قصيده في قمه الابداع تحاكي الوضع الذي يمر به بلدنا

سلمت اخي العزيز على هذه الروح الوطنيه وهذه

هي شيمه العراقي حياك الله وننتظر جديدك

[MR.MSTAFA AL7SENE]

وخل زعلك فرات شما يريد يطول
يم كرمة علي ويتراضه وي دجله

ياهلا والف هلا بابو اشهاب

منور منتديات موقع العراق بقصائدك يارائع

وعاشت ايدك عالقصيدة بحق رائعة بكل معانيها

نطمع بالمزيد

تحياتي الك

[MARIA]

وكافي بلايه كحله عيون الحديثات
عرفن بس دمع ما عرفن الكحله
وكافي احلم احب جوه الورد والياس
موجوه القصف والدنيه مشتعله
وكافي احلم جذب عنتر بعد ما اصير
وياهي العدها واهس واقتنع عبله
وكافي اطفالنه يقلدونه انه وياك
وبالعيد اشترو قناصه موحجله


عاشت ايدك اخي الكريم كلمات اقل ما يقال عنها رائعة تعبر عن واقع الحال

دمت في تميز ونسال الله ان يرفع هذه الغمة عنا وعن وطننا الحبيب

[وسام برنس]

الف شكر احمد الذهبي على القصيده الروعه

وتقبل تحياتي

اخوك وسام برنس

[ابو اماني كريم الحجامي]

زعل خوان نزعل ونتراضه اردود
طبع الخوه ماي اليعطش يردله
راضعنه الوطن مو بيدك انته تروح
هيه الخوه قابل ثوب وتبدله
.
.
واضمنلي الخبر ماواحد يوصله
وخل زعلك فرات شما يريد يطول
يم كرمة علي ويتراضه وي دجله



وخل زعلك فرات شما يريد يطول
يم كرمة علي ويتراضه وي دجله


الله الله

الله عليك يااحمد الذهبي

والله وعاشت ايدك

قصيده تتحدث بجرأه وثقه

تحاكي الواقع

عاشت اناملك الذهبيه

أسف لتأخر ردي

وتقبل مني كل الود

[احمد الذهبي]

شكرا لكم اعزائي مروركم
اسعدني جدا جدا جدا

[ali_sadie1973]

الاخ العزيز ابن العمارة احمد الذهبي بارك اللة بيك واناملك التي كتبت القصيدة وننتضر منك الجديد وانا مااشوفك من فترة انشااللة تكون بالف خير ولكن اسمع اخبارك من انور اخوك علي الساعدي

[احمد الذهبي]

شكرا لكم ربي لايحرمني منكم
انا عاجز امام كلامكم وطيبتكم

[د0 علي الهاشمي]

الله الله يا احمد يا ذهبي الشعر والروح

قصيدة رائعة اذكر انني سمعتها منك شخصيا

تحياتي يا مبدع

[Power of Men]

عاشت ايدك حبي على هه القصيدة
الجميلة تحياتي الك معى التقدير

[عاشق الاصدقاء]

السلام عليكم يا ذهب
عاشت ايدك يا مبدع كلام رائع
يتكلم عن الوضع برايي وراي الكل ايظا
يعني كلامك ولا اروع ولا اجمل
لا ادري ماذا اكتب امامه
تقبل ردي ومروري
عاشق الاصدقاء