قصيدة ابوذيات عسى ان تنال اعجابكم رافع الهلالي

[رافع المكوطر]

يا ما عالجرح تصعد واشلبيك
وانتة من الوفة ماظن وشل بيك
شنهي تريد ترجعلي وش البيك
حسبالك كبل تضحك عليه
واجي لبيك من تصرخ وشبيك
ومن ازعل فلا تسئل وشبيك
اصير النار اتمنة واشب بيك
خاطر تعرف انتة شصار بيه
وماترجع بعد تكمش بدايه
لان انتة الكلت كلمن بدايه
تظن هاي النهاية لا بدايه
لان درب الشمس مابيه فيه
وانتة الليل ويايه مترهم
والترهيم مو ثوبك ؟ مت رهم
انة بكلبي منعندك متر هم
وانت مليم ما تحمل اذيه!
وهاي تهون خوش اكلة اكلهة
واسئل عالذي كبلك اكلهة
لا تسئل غشيم انتة اكلهة؟
نعم كلهة ولا تخلي بقيه
لان تنرد عليك وتظل صافن
وتكول شلون كلهن علي صافن
مو جنة كبل يا خلي صافن
شجاك ورحت وك تلعب عليه
مو تدري اللعب بالحب مدور
اوالحزن همين ابشرنك مدور
من كلبك فطم كلبي مدور
على غيرك لان خريج اذيه
ويعرف شنهو بيك الصار والدار
وترجع بالفشل للكلب والدار
جنت مرصعك بالذهب والدر
لكن حضرتك عضيت اديه
وكلت ما اريد حبك والهداية
وتدري كل اذيه والهداية
لاتطلب رضاية والهداية
من ربك ابد موصنع اديه
وربك يعرف العايل من العال
ويذبك لو طرت صدك من العال
انة كلبي خلص صدك من العال
وانسة ان انة وانتة نرد سويه

تحياتي اخوكم رافع الهلالي

[جليل رحيمه]

الاخ رافع المكوطر

تمنياتي لك التوفيق

وتقبل مروري

[حسين فاضل العيداني]

الله

رووووووع

تحياتي

[رافع المكوطر]

مشكورين شلع وهذا ديوانكم شوكت متحبون

[عاشق الاصدقاء]

شكرا الك عيوني
عاشت ايدك تسلم على الكلمات الرائعه
دمت لنا مبدعا
ووفقك اللله الى ما يحب ويرضى
تقبل ردي ومروري
عاشق الاصدقاء

[هدوء]

رافع

تسلم وعاشت ايدك