بيه شوكَ الكل عراقي (( اماني ليس ألا)

[رآفت آلحديثي]

بيه نار بنص دليلي
ومن اسولف يحتركَ بيدي الوركَ
فرق عن كَصة قصيده بلا حياء
وعن قصيده اتصب منصات الشعر دمعة وعركَ
انه عندي الجلمه للغركَان شاطي ..
وعد بعضهم كَشه ما تنفع دواوينه الغركَ
اكره سوالف حنان ابلايه طيبه .
والهوى الغدار ما عاشر دليلي
وما خدع طبعي اليعاشرني بحنان وما علت بين الخلكَ
انه يالتسأل سؤال بلا جواب .
حلي يصعب عاليحلني مسألة ذاك الوطن من انسركَ
شمعة طبعي الخاطر عيون الصديج
وانه مثل الناس طبعي ما اناشد,, الشمع ليش احتركَ!
راضع ابزغري العفاف وغيرة اهلي
بنص كياني انطركَت بروحي طركَ
انه شهكَه من الجنوب
وحسره من ارض الشمال
التاهت ابنص الطركَ
المح طيوف العراق بكل سمايه
شما تغيم روحي مره شما يمر رعد وبركَ
انه عشكَي من الجنوب
وبيــه نفحات الفرات
وتدري نفحات الفرات بيها عن باقي النسيم أشكَد فركَ
وبيه شوكَ اهل الجيزه
الحب أرضهم
هم شفت بدوي الخيامه هاجر وعاف وترك !
بيه حبي الكَاعي بيجي
وشوكَي تكريت الحبيبه
البيها دلالي انحركَ
بيه شوكَ الكل عراقي
من الجنوب
وبيه شوكَ الكل عراقي
من الشمال
وبيه للغربيه شوكَ
يا ابن موطن هواي
ما اريد انه اخسرك
هاي كَصتي البيها اسولف
وعرِكَت فوكَ الوركَ
دمعة طاحت من عيوني
دونتها اعله الوركَ









حبي لكل ذرة رمل تحمل أسم العراق

اخوكم
رآفت

[توفيق الصكبان]

انه عندي الجلمه للغركَان شاطي ..
وعد بعضهم كَشه ما تنفع دواوينه الغركَ
.................................................. .............
يشرفني ان اكون اول المارين....اخي وعزيزي انت والله شهم ونص
كلماتك كبيره كبيره بمعانيها...منذ مده وانا اتابع كل ماتكتب...يعجبني كل ماتكتب...
واتمنى لك الخير والمزيد وتقبل مني كل الاحترام...اخوك

[زياد البصراوي]

مشاعر جميلة ورائعة يا رآفتــ يا عراق احرفك تبنض دائما بحب الوطن ...
احسنت وابدعتـــ يا حبيبي لله درك وتمنياتي لك بالتوفيق

[ابن الانبار الوفي]

حي الله الحديثي العراقي ابن الجنوب والشمال
ابن الغربيه الي يحمل حب العراق بكل مشاعره واحاسيسه.
رأفت الحديثي اخي الكريم شكرا لك على ما سطرت من كلمات
ومن جبال الغيره والمشاعر والحب لكل شبر بهذا البلد الطيب..

حياك الله يا طيب وربي يبارك بيك ويخليك
منورنه بكل جديد وجميل من حضرتك.
تقبل التحيه.
http://www.iraqup.com/2008-03-uploads/iraqup.com_20080508_Ol3Sy-5Ce8_508777717.gifhttp://www.iraqup.com/2008-03-uploads/iraqup.com_20080508_Ol3Sy-5Ce8_508777717.gif



ابن الانبار الوفي

[احمد الصالحي]

تسلم ياورده على نبض المشاعر الجياشه
بحق بلدك العزيز الجريح الاليم

متألق دائما وابدا ً

تقبل التحيه

مني انا



احمد الصالحي

[Mahawi]

حياك الله شاعرنا الكبير رأفت الحديثي
شكراً لكَ على هذا الوصف الجميل وهذه المشاعر الرائعة
تناثرت منك الدرر
قدمت لنا رائعة من ورائعك الجميلة في حب الوطن
اطربتنا فهنيئاً لنا هذا القلم العطاء

http://www.yesmeenah.com/smiles/smiles/47/hangs%20(1249).gif

[رآفت آلحديثي]

انه عندي الجلمه للغركَان شاطي ..
وعد بعضهم كَشه ما تنفع دواوينه الغركَ
.................................................. .............
يشرفني ان اكون اول المارين....اخي وعزيزي انت والله شهم ونص
كلماتك كبيره كبيره بمعانيها...منذ مده وانا اتابع كل ماتكتب...يعجبني كل ماتكتب...
واتمنى لك الخير والمزيد وتقبل مني كل الاحترام...اخوك

اي اشوفك حتى من تنام عيني
واي احسك زيني كله وما اعوف بيوم زيني
ان نعم تطلبني دين !! ولازم اوفي بيوم ديني
اي نعم حب العراق جن زرع مزورع بيني


//

الصديق العزيز والانسان المحترم
الصكَبان يشرفني كلامك العطر
الذي خطته اناملك المرهفه
شكرآ الك لمتابعتك تتشرف كلماتي بك
وتتشرف بك القوافي والحروف
نعم اخي الحبيب غمرني كرم وسخاء حبرك
دمت بكل الخير وطيب الله انفاسك