جــــرح الآبابيــــــــــــــــــــل...؟؟

[خالد الفراتي]

(حينما يكون الجرح ذاتي..تكون القصيدة كالاتي.. خالد الفراتي)
.................................................. .................................................. ..............

جـــــــــرح الابابيل..
............................

أشكــد خطية السيف بيدك وانتة ماداخل حرب..
اشكد يصعب رحيلك لونكت بيك الدرب..
وانة كد جروحي كلهن..عندي مابيهن صعب..
حملتهن..عين عين..وسلمتهن روح متروسة ذنب..
ومااسولفلك عليهن..هنة عدهن بيت روحي مستقر..
والقهر عاهدني مرة..ومانكت بيه القهر..
رغم فرحي وياي باقي..وابدا مايشبع قهر..
سولفتلة اعليك مرة..
صبت عيونة نهر.
وسولفتلة اعليك اخر مرة.مرة..
شرب روحة وانتحر..
وكال نتبارة الذمم.. كتلة سد بسد ضحك..؟؟
كال تطلبني شهر..
وانة وكعت الشهر..
......

يابعد ..ماظن بعد يسوة العتاب..
وانتة شالع باب روحي..وهسة روحي بلاية باب..
تريد تطلع..روحي تطلع..تريد ترجع..لا لترجع..
لاترد..؟؟ ماضل شباب..
الكمر لوغاب يرجع.
.يشيل جف الظلمة ويخضر ضوة..
وانتة اول من كسر هاي القواعد..
غاب بس مارد هوة..
ياكواغد..والكواغد..
جانت اوراقي الجديــــــدة.
.(البيها شاعر ايدة بيدة..حتى من يضحك تحس الضحكة بيت.. وحتى من يبجي تحس ضربة جديدة..)
من غبت لليوم..تسمه كواغد..
مثل ماهسة النفس نازل وصاعد..
وانت كاعد.. فاتت اللحظة دقيقة.. اشكد(دقيقة)
من كثر مابيها مفقودة الحقيقة..
حسها جامد..؟!!


ادري ماتفهمني..مو مشكلتي هاي..
وانة من كد العطش ..كمت ابجي ماي..
وسولفت ذاكرتي يم.ذاك المجان..
جفك اعل الشط نسيته..وانة جاي..
..
يااابابيل...الترد جيش ابرهة..وترمي الحجر..
ياابابيل..البعد تحمل امانة..
وتنطي للكعبة جذايلها مهر..
اقتنعت..؟
اقتنعت بجيش ابرهة...وعشكت (سقر)
.........

ليلك..الليل العشكتة..
فضحت اعيون النهار..
وانكشف ستر المنصة..
ولاذت بسد الشعار..
وكون تدري..شجان يرمز هالشعار..
جان مكتوب بدمعتي...ودمعي نار..
(تقيم دائرتي لجروحك مهرجان)

نحن اصحاب القرار..؟؟
وفجاءة صوتك..صفك لروحك خطية
واستحيت ودنكت خجلان منك..
ريت كون البيك بية..
ريت كون الفشلة تتحول سجية..
وبيت من الابوذية..
راح اسمعك ابوذية..
(عصية الروح لاجن..سلسة بيدك
وعلى كيفك بعمري..سلسة بيدك
كضت عشرتي وياكم..سل سبي دك
عشرة شام وي الغاضرية)
واستحيت احجي البقية..

خايف اتكول السوالف..
جلمة خنكتها الشفايف..
وخايف اشكد اني خايف..
؟؟..
تسمع اعيونك دمعتي..وماتطيح
وتاخذ اشفافك اشفافي..وماتصيح..
وانةاريدك تستـــــريح..
يل جدمك من ملح..كحل جروحي.
ويلي باب اجروحك ايطل اعلى روحي
..
هاك بسمارك غلط دكة صحيح..
دكة بين اضلوعي مااكلك جريح..

.................................................. ...........................

[الشاعر رعد الفياض]

البيها شاعر ايدة بيدة..حتى من يضحك تحس الضحكة بيت.. وحتى من يبجي تحس ضربة جديدة..)

صور شعريه جميله جدا بحيث قرئتها اكثر من مره
يسعدني ان اكون اول المارين
تقبل مروري يامبدع ويا رمز لابداع خالد الفراتي
اخيك الفياض

[حلوة بس المشكلة كلش خبيثة]

وقفت مذهولة لروعة مارسمت من الصور
اصفق لك بحرارة لهذه القصيدة
مشكور اخوية مبدع والله
تحياتي الك
خبيثـــــــة

[الشاعر أحمد الدراجي]

(حينما يكون الجرح ذاتي..تكون القصيدة كالاتي.. خالد الفراتي)
.................................................. .................................................. ..............



؟؟..
تسمع اعيونك دمعتي..وماتطيح
وتاخذ اشفافك اشفافي..وماتصيح..
وانةاريدك تستـــــريح..
يل جدمك من ملح..كحل جروحي.
ويلي باب اجروحك ايطل اعلى روحي
..
هاك بسمارك غلط دكة صحيح..
دكة بين اضلوعي مااكلك جريح..

.................................................. ...........................



مـــــــــــــــــــــــــــــــــــاذا ارى
ياخالد
ماهذا لوحه مرسومه بحرفنه

كيف لا وانت الفراتي كما يسميك البعض

مثل النهر يجري ليعطي الحياة
انت تعيش لتعطي سحر الكلام


تحياتي

[وفاءسلطان]

؟؟..
تسمع اعيونك دمعتي..وماتطيح
وتاخذ اشفافك اشفافي..وماتصيح..
وانةاريدك تستـــــريح..
يل جدمك من ملح..كحل جروحي.
ويلي باب اجروحك ايطل اعلى روحي
..
هاك بسمارك غلط دكة صحيح..
دكة بين اضلوعي مااكلك جريح..
*********************
لا اعلم لم كل هذا الحزن
ولكنك تبدع مره اخرى
سلمت استاذ خالد

[احمد الصالحي]

السلام عليكم ..

يابه بلقرأن الكريم قريتها وكمت اجوول وحدي بلغرفه وارد اقراها مرة الثانيه .. بلا حسد يا اخي بس كولي منين اتجيب هذا الابداع .. وروح ابوي يمكن قريتها سبع مرات والف فره افتريت وحدي .... يا عمي على كيفك ويانه ... حبيبي يامبدع ياكلمه يا قافيه ياشااااعر ونعم الشعر الي اتنثره هنا على مسامعنه واعيونه .... وربي الا اكوووووم واصفق الك ... الله عليك الله عليك الله


مبــــــــــــــــــــــــــــــــــدع
وربــــــــــــــــــــــــــــــــي


تقبل مروري وانشالله انشوف من اعجازك الرائع بعد اكثر واكثر


حبيبي الفراتي





اخوك

احمد الصالحي

[رآفت آلحديثي]

يااابابيل...الترد جيش ابرهة..وترمي الحجر..
ياابابيل..البعد تحمل امانة..
وتنطي للكعبة جذايلها مهر..
اقتنعت..؟
اقتنعت بجيش ابرهة...وعشكت (سقر)

//

من الصعوبه يافراتي (( تكون اقتنعت الابابيل ))
الابابيـــل طيور ترمي دون غلط لهدف فأنها موجوهه ربانياً
لكن!! ابابيلك ربما تخطأ وابابيلي ايظاً
ربما لا انا ولا انت يافراتي احدنا مقتنعاً بالامر
وربما ليس يخفى عليك كم أعطينا دماً لتلك الكعبه
وكم من (( الجدائل المبلله بدماء زكيه اهديت قرباننا لها ))
ولحرماتها وربما العيب ليس بنــا يا فراتي ياعذب
لعمري الاقلام
نقف وقفات الاحترام والاجلال تدرس انت كدرس
ربما يحتاج شرحه لأمد
مبدع حينمـــا ترمي اثقال قولك يافراتي

حبي لك اخوك رأفت

[زياد البصراوي]

.
.
يا اخي قصيدتك مخيفة جدآ والله ..
.
.
وبنفس الوقتــ غنية بالصور الشعرية .. وكل بيت او مقطع منها
حمل كماً من الصور المنفردة ..
خروجك عن دائرة المألوف هو من زاد رائعتك ابداع وتألق ...
كسرت حواجز الاسلوب الكلاسيكي ودخلت لمنحنىً لا يغوص في اعماقه
الا الكبـار في الشعر .. وأنت كبير يا خالــد ...!!

.
.

اسمح لي بتحليل بسيط لما اسطتيع عليه من هذه اللوحة التي ابهرتني
.
وقبل اي كلام لابد ان انوه ان هذا اللون والاسلوب مجرد كتابته مجازفة
والدخول الى عراك الخطابات الشعرية والترميز في الصور وتوظيف والتلاعب
بالمفردة . والحفاظ على رصانة اللوحة .. فيها جدآ مهم وحساس ..
.
أشكــد خطية السيف بيدك وانتة ماداخل حرب..
اشكد يصعب رحيلك لونكت بيك الدرب..
وانة كد جروحي كلهن..عندي مابيهن صعب..
حملتهن..عين عين..وسلمتهن روح متروسة ذنب..
ومااسولفلك عليهن..هنة عدهن بيت روحي مستقر..
والقهر عاهدني مرة..ومانكت بيه القهر..
رغم فرحي وياي باقي..وابدا مايشبع قهر..
سولفتلة اعليك مرة..
صبت عيونة نهر.
وسولفتلة اعليك اخر مرة.مرة..
شرب روحة وانتحر..
وكال نتبارة الذمم.. كتلة سد بسد ضحك..؟؟
كال تطلبني شهر..
وانة وكعت الشهر..

الخطاب الشعري في هذا المقطع . رمزي وأليم .. وكما اسلفت يحمل اكثر من صورة خطيرة .. وجريئة .. وأسلوب حواري صريح رغم الرموز .
.
.
ولكني في هذا البيت اقف

وسولفتلة اعليك اخر مرة.مرة..
شرب روحة وانتحر..

.
صعود وارتقــاء موفق جداً في ختم المقطع
بحيث تجميعت شاعرية المقطع في هذا البيت القصير .
.
.
من ميزات القصيدة ... انك تأوى للأرتقاء والصعود تنازلياً بالابيات
بمعنى اخر انك تسير بمستوىً هادئ ثم تنفجر فجأه

.(البيها شاعر ايدة بيدة..حتى من يضحك تحس الضحكة بيت.. وحتى من يبجي تحس ضربة جديدة..)

وانت كاعد.. فاتت اللحظة دقيقة.. اشكد(دقيقة)
من كثر مابيها مفقودة الحقيقة..
حسها جامد..؟!!


لنبعد التسمية عن هذا المقطع ( ونسميه ) قصيدة قصيرة
اختزلت مضمون الرائعة بهذا المقطع الصغير ... تجيد تراجيديا الرسم على
الزمن ... وهذه تراجيديا صعبه جداً ..
.
.
كما ذكرت لك القصيدة خطيرة جداً
ولا اريد ان اضع نفسي بمأزق واتعمق داخلـها لعلني اخفق
في الغوص باعماق بحورهـا ..
.
.
تسير بخطىً رائعة
الا ان المشوار امامك اصعب ...
اخوك .. زياد

[خالد الفراتي]

البيها شاعر ايدة بيدة..حتى من يضحك تحس الضحكة بيت.. وحتى من يبجي تحس ضربة جديدة..)

صور شعريه جميله جدا بحيث قرئتها اكثر من مره
يسعدني ان اكون اول المارين
تقبل مروري يامبدع ويا رمز لابداع خالد الفراتي
اخيك الفياض

الشاعر( رعــــــــد الفياض)
هذا النص كان حياتي..
فلااعرف انة حياتي جميلة بهذا الشكل..؟؟
....
كان ردك رائع يارائع تسلم وياربي انشوف ابداعك..
والف مرة تسلم
اخوك الفراتي

[زياد البصراوي]

اسمح لي بكل حُب ان اعود ومعي شيئاً من دراسة مبسطة لبقية رمزيتك الاخ خالد ...
.
.
ادري ماتفهمني..مو مشكلتي هاي..
وانة من كد العطش ..كمت ابجي ماي..
وسولفت ذاكرتي يم.ذاك المجان..
جفك اعل الشط نسيته..وانة جاي..
..
يااابابيل...الترد جيش ابرهة..وترمي الحجر..
ياابابيل..البعد تحمل امانة..
وتنطي للكعبة جذايلها مهر..
اقتنعت..؟
اقتنعت بجيش ابرهة...وعشكت (سقر)
.
.
ايظاً تميز هذا المقطع بالخطاب الشعري المُبهم .. ( مُرمز ) أذ أخذ هذا المقطع من القصيدة بابين .. الظاهري والباطني .. وروح القصيدة في الباطـــن .. ( وانه من كَد العطش كَمت ابجي ماي ) ... الكتابة على غطاء التصور البعيد والمضمون الباطني في وقت القصيدة والبُعد التصويري
يجعل هذا البيت مُختزلاً لطاقات القصيدة الرمزية ويجتمع فيه التوظيف الصعب والتفنن بالرسم لوحة رغم صعوبتها الا انـها تترك ناظراً مهماً لدى المُتلقي ...

يا ابابيل الترد جيش ابرهه .....
.
.
فتحت باب خطير من ابواب المجازفة الفعلية في باطن هذا البيت ...!! وهُ،ـنا يجب ان تأخذ القصيدة منحنىً اخر من الحفاظ على المستوى الابداعي للقصيدة .. ولقد بنيت هذا الاساس القوي لتكون الخطى القادمة ابسط واسهل .. مع انـها ستظهر بصور رائعة وتصاعدية في التألق .... .
.
.
.
.

ليلك..الليل العشكتة..
فضحت اعيون النهار..
وانكشف ستر المنصة..
ولاذت بسد الشعار..
وكون تدري..شجان يرمز هالشعار..
جان مكتوب بدمعتي...ودمعي نار..
(تقيم دائرتي لجروحك مهرجان)

.
.
ارى انك ذهبت للتصوير على خيالٍ جميل ... صورت الليل ( بالعشق )
وبسرعة فائقة وغير ملفتة للأنظار اتجهت لل ( منصة ) وهنا تغيير منطقي
لا بالخطاب الشعري وأنمـا بالصور التشبيهيه للمقطـع .. وهذا ما التزمت بهِ
من بادئ القصيدة ,, التحول السريع ؛ والثبات على نفس نقطة الحوار ,, عاملٍ
من اهم العوامل التي ساعدت على اعطاء نفس خاص للرمزية ؛؛




نحن اصحاب القرار..؟؟.
.

؛؛ الصوت الشعري في هذا البيت والحوار المباشر اصبح اساساً لما تليه من ابيات للمقطع نفسه ,, فالمباشرة واضحة جداً بهذا المقطع .. وايظاً التزمت بالمباشرة الصريحة ,,,
.
.

وفجاءة صوتك..صفك لروحك خطية
واستحيت ودنكت خجلان منك..
ريت كون البيك بية..
ريت كون الفشلة تتحول سجية..
وبيت من الابوذية..
راح اسمعك ابوذية..
(عصية الروح لاجن..سلسة بيدك
وعلى كيفك بعمري..سلسة بيدك
كضت عشرتي وياكم..سل سبي دك
عشرة شام وي الغاضرية)
واستحيت احجي البقية...


.
بالرغم من اني لم ادخل في خوض هكذا اسلوب شعري ولكنني وجدتهُ اضاف للمقطع خاصية مختلفة تماماً عن بقية فصائل القصيدة ,, أذ تداخلهُ بيت ابوذية ,,
وأصبح ضمن القصيدة ,, بشرعية تامة ,, حيثُ اصبح البيت مكملاً للقصيدة ( وزناً ومعنىً ) وهنا تألقتُ في فتح الابوذية ,, ( عشرة شام ويه الغاضرية .. واستحيت احجي البقية ) اصبحت الابوذية مفتوحة ,,, رغم قفلهـا ؛؛َ..َ!!!

.
.
.
يتبع


مع الحب

[دمع العيون]

الله الله الله
مبدع ومتجدد في كل ماتكتبه
ولي رد متواضع اتمنى ان يروق لك
احسنت واجدت يا ملك الابداع

[الدكتور فلاح الزيدي]

وينك يا شاكر السماوي

وينك يا زامل سعيد

وينك يا مظفر النواب

تعالو شوفو ابعينكم

الرمزيه وين وصلت

بك الرمزيه ستبقى ياخالد

[الشاعر ليث النعيمي]

مدري من اقره الفراتي .. اصفن وروحي تروح بغير ديره

واهجس بداخل شبابيج الضلوع ... حابس اني ولايه تنزف ...

وابقه ارجف ...

جرحي .. وخزة ابره .. بيه .. وما عرفت اشلون اشله

شلون .. راح اكدر اشل ... جروح .. كدر .. ولايه تنزف

................................

الرائع الفراتي ... اعصار جديد من اعاصيرك الادبيه

قصيده قمة الروعه قرأتها عدة مرات

كأنها تحملني ... الى السماء ثم ترميني

صور ... يعجز لساني عن التعبير

والله ابدعت ...

محبتي واشتياقي

اخوك ليث

[خالد الفراتي]

البيها شاعر ايدة بيدة..حتى من يضحك تحس الضحكة بيت.. وحتى من يبجي تحس ضربة جديدة..)

صور شعريه جميله جدا بحيث قرئتها اكثر من مره
يسعدني ان اكون اول المارين
تقبل مروري يامبدع ويا رمز لابداع خالد الفراتي
اخيك الفياض

الشــــــــــــــــاعر الحبيب (رعد الفياض)

اسعدتني كلماتك الرائعة والتي تنم عن وعي وادراك عالي.
وانا خجل لما وضعته هنا بين هذه الصفحة..
اخي رعد شكرا لكل حروفك الجميلة..
وسلمت يامبدع اخوك الفراتي

[خالد الفراتي]

وقفت مذهولة لروعة مارسمت من الصور
اصفق لك بحرارة لهذه القصيدة
مشكور اخوية مبدع والله
تحياتي الك
خبيثـــــــة



الاخت الطيبـــــــــــــــة(حلوة)
وجودك الدائم سر سعادتي المستمرة..
وكلماتك الجميلة تلطف مسامعي دائما

اشكرك من كل قلبي..
اخوك الفراتي

[خالد الفراتي]

مـــــــــــــــــــــــــــــــــــاذا ارى
ياخالد
ماهذا لوحه مرسومه بحرفنه

كيف لا وانت الفراتي كما يسميك البعض

مثل النهر يجري ليعطي الحياة
انت تعيش لتعطي سحر الكلام


تحياتي


( الغالي ابو شهــــــــــــــــاب الوردة)
ايها الشاعر الشفاف..
وجودك الرائع وتعيبقك الجميل اسعداني فعلا..
وانا ممنون لتواجدك الجميل هنا..
واشكرك جدا على رقة حروفك وطعم الشاعرية فيها..
اخوك الفراتي

[MARIA]

(عصية الروح لاجن..سلسة بيدك
وعلى كيفك بعمري..سلسة بيدك
كضت عشرتي وياكم..سل سبي دك
عشرة شام وي الغاضرية)
واستحيت احجي البقية..


اخي الكريم

كتبت فابدعت تعبير اقل ما يقال عنو غاية في الرووعة

سلمت يداك وسلم قلمك لما خط من ابداع


تقبل متواضع ردي البسيط ومروري

[خالد الفراتي]

؟؟..
تسمع اعيونك دمعتي..وماتطيح
وتاخذ اشفافك اشفافي..وماتصيح..
وانةاريدك تستـــــريح..
يل جدمك من ملح..كحل جروحي.
ويلي باب اجروحك ايطل اعلى روحي
..
هاك بسمارك غلط دكة صحيح..
دكة بين اضلوعي مااكلك جريح..
*********************
لا اعلم لم كل هذا الحزن
ولكنك تبدع مره اخرى
سلمت استاذ خالد


الشاعرة الرائعة وفاء سلطان..
امطرتيني بسيل وجودك الزاهي
وتغمات حروفك المتناغمة مع تالقصيدة..
شكرا لانك هنا
اخوك الفراتي

[خالد الفراتي]

السلام عليكم ..

يابه بلقرأن الكريم قريتها وكمت اجوول وحدي بلغرفه وارد اقراها مرة الثانيه .. بلا حسد يا اخي بس كولي منين اتجيب هذا الابداع .. وروح ابوي يمكن قريتها سبع مرات والف فره افتريت وحدي .... يا عمي على كيفك ويانه ... حبيبي يامبدع ياكلمه يا قافيه ياشااااعر ونعم الشعر الي اتنثره هنا على مسامعنه واعيونه .... وربي الا اكوووووم واصفق الك ... الله عليك الله عليك الله


مبــــــــــــــــــــــــــــــــــدع
وربــــــــــــــــــــــــــــــــي


تقبل مروري وانشالله انشوف من اعجازك الرائع بعد اكثر واكثر


حبيبي الفراتي





اخوك

احمد الصالحي

الشاعر الرائع والذي بداء يسابق نفسسه للنجاح اليومي الذي اجده على هذا المتصفح الرائع..
اشكر تواجدك الرائع..
واشكر كلماتك.. الجميلة واطراءاك الجميل فعلا..
وانا احسد نفسي عليك يامبدع..
اخوك الفراتي..

[خالد الفراتي]

يااابابيل...الترد جيش ابرهة..وترمي الحجر..
ياابابيل..البعد تحمل امانة..
وتنطي للكعبة جذايلها مهر..
اقتنعت..؟
اقتنعت بجيش ابرهة...وعشكت (سقر)

//

من الصعوبه يافراتي (( تكون اقتنعت الابابيل ))
الابابيـــل طيور ترمي دون غلط لهدف فأنها موجوهه ربانياً
لكن!! ابابيلك ربما تخطأ وابابيلي ايظاً
ربما لا انا ولا انت يافراتي احدنا مقتنعاً بالامر
وربما ليس يخفى عليك كم أعطينا دماً لتلك الكعبه
وكم من (( الجدائل المبلله بدماء زكيه اهديت قرباننا لها ))
ولحرماتها وربما العيب ليس بنــا يا فراتي ياعذب
لعمري الاقلام
نقف وقفات الاحترام والاجلال تدرس انت كدرس
ربما يحتاج شرحه لأمد
مبدع حينمـــا ترمي اثقال قولك يافراتي

حبي لك اخوك رأفت


وقفت اتامل حروفك ودقة تعابيـــــــــــــرك الرائعة ووجدت نفسي صغيرا جدا امام هيبة هذه الكلمات الرائعة
وقد لاانصفها فكيف ارد بالله عليك..
الرائع رافت الحديثي تزداد جمالا بكل حرف جديد..
اشكر تواجدك الجميل هنا..
احبك لله
واعش حروفك.
اخوك الفراتي

[الشاعر محمد العيساوي]

اختصر واكتفي بقولي
هذا الابداع ليس بغريب عن خالد الفراتي
تحياتي اليك ولأباعك

[الوردة البنفسجية]

الله الله
ياشاعرنا الرائع
خالد الفراتي
لجمال وروعة
الصور الشعرية
والاتقان المميز
اعدت قراءة القصيدة
عدة مرات
وفي كل مرة
اقول انها الاخيرة
وحين انتهي
تتعطش الروح مرة
اخرى لتقرأ اجمل
الكلمات , واروع المعاني

شكرا لك
على اتحاف نواظرنا
ومسامعنا
باجمل المعزوفات
الشجية
تقبل تحياتي