بلايه موعد لـــفه ؟

[رآفت آلحديثي]

كالولي صبرك بعد ..
لازم يرد السعد
هذا انه صابر عمر ..
كاضيها بس بالصبر
جبت العمر انتظر
حتى الصبر ملني
وكَالولي ازرع ورد ..
تجني العطر قداح
كل يوم اسكَي الورد .
صدكَني ما مرتاح
من الزرع والشكَه
بس التعب نابني
جنت بصبايه ملك ..
طايش عله اهمومي
رايح وراجع ورد ..
مخلصه بضحك يومي
بعدين من اصفنت ,,
والحالتي عاينت !!
كل ضني بعدي صبي
ثاري الوكت غرني ..
كسرني حمل الوكت ,,
لمن وعيت افهمت
والي اعتقدته امس ..
ينفعني يوم النحس
من جاني غفله الحزن ,
للأسف شو عافني ,,
وجنت ابشباب العمر ..
شو غفله جاني الكبر ,
بلايه موعد لفه
الشيب من مرني



الصبر منهج لروحي . ماادعيته
ودعاي الجان حرزي . مادعيته
الشيب بيوم مرني .. ما دعيــته !!
عاينت اعله راسي الشيب مالي
واظن ياروح غير الصبر مالي
بعد يا دنيــا حيـــل وياي مالي
وخلي همومج وبلواج بيــــه







حبي لكم
الحديثي

[زياد البصراوي]

رآفـــت ؛ حبيبي ,, انت اكبر من ردي ,,, هذا ,,, احسنتـ وابدعتـ ,, يا حبيبي ,,
.
.
استمتعت بقراءة النص .. كالعادة ,.,, تحياتي لمدينتك و لكَ اينما تكون
.
.
اخوك زياد

[Mahawi]

أخي المبدع رآفت آلحديثي
عاشت ايدك على هذي القصيده الجميله وهذا النثر الرائــع
تسلم على هذا الابداع
ننتظر جديدك المميز
مودتي

http://www.yesmeenah.com/smiles/smiles/47/hangs%20(1249).gif (http://www.yesmeenah.com)

[حلوة بس المشكلة كلش خبيثة]

عشت ياحديثي قصيدة رائعة
دمت مبدعا
اختك حلوة

[الشاعر أحمد الدراجي]

رافت الحديثي

والله محتار شكتب

ابدااااااااع



سلمت ايها الغالي الرائع





تحياتي

[ابن الانبار الوفي]

اهلا ويا مية مرحبا بالشاعر الروعه
ابن العراق الحبيب ..

كلمات جميله ومو جديد عليك هذا الجمال
انت مبدع ومتميز وما شاء الله عليك عمي عيني عليك بارده
الشعر الجميل والاختيار الاجمل للمفردات . حياكم الله اغاتي.
تقبل التحيه وبيض الله وجهك.




ابن الانبار الوفي

[احمد الصالحي]

بلصبر همت وذبت
واعيوني صارن عمي
لن ما شفت خير الي
بالدنيه لمن طحت
اهواي مرن علي
وياريت مرن سوى
بس كل مصيبه التمر
انخى لمامي علي
واصرخ واكولن حلم
مر بيه طيف وندم
وسالفتك التنحجي
ايجرها خط القلم
يا صاح بسك صبر
ما ظن يفيد العمر
اسنينك اللي مضن
نحسبها جنها صفر
ويا رأفت اشما كَلت
بأيامك الهاجرت
لا تظن شيبك يرد
اسوّد لمن شيّبت



مبدع ... الحديثي .. حين اقراء اقف بهدوء استطلع
احرفك واتبناها كطفل صغير احمله على كتفي
مبدع .. الحديثي كما انت حرفك يكون مبدع مثلك

تقبل
مروري البسيط المتواضع

اخوك
الصالحي

[##سندريلا##]

بعدين من اصفنت ,,
والحالتي عاينت !!
كل ضني بعدي صبي
ثاري الوكت غرني ..
كسرني حمل الوكت ,,
لمن وعيت افهمت
والي اعتقدته امس ..
ينفعني يوم النحس
من جاني غفله الحزن ,
للأسف شو عافني ,,
وجنت ابشاب العمر ..
شو غفله جاني الكبر ,
بلايه موعد لفه
الشيب من مرني

الله عليك اخي رأفت ---
ابدعت والله

[خالد الفراتي]

لن اتــــــــــــــــــــــــــــردد عندما اقول والله انت مبدع..
حبي لك ولامكاتنيتك الجميلة.
اخوك الفراتي

[عاشق الاصدقاء]

كالولي صبرك بعد ..
لازم يرد السعد
هذا انه صابر عمر ..
كاضيها بس بالصبر
جبت العمر انتظر
حتى الصبر ملني
وكَالولي ازرع ورد ..
تجني العطر قداح
كل يوم اسكَي الورد .
صدكَني ما مرتاح
من الزرع والشكَه
بس التعب نابني
جنت بصبايه ملك

وكلنا لا نتردد ابدا عند قولنا انك مبدع فانت الابداع عينه
عاشت ايدك
تقبل ردي وممروي
عاشق الاصدقاء

[متغربه]

شکرا اخی علی الکلمات الرائعه
تقبل مروری

[رفل العراقي]

عاااااااااشت الايادي استاذ رأفت قصيدة رووووووووووعة والله

[الشاعر ليث النعيمي]

الاخ والصديق الشاعر الرائع رأفت الحديثي ... بعد التحيه ..

كلماتك رائعه ... نص كالندى الثلجي الذي يداعب اوراق القلب .. الحمراء

ابدعت وسلمت لنا الرائع ...

بارك الله بك وحفظك

محبتي لك

اخوك النعيمي

[علي ريماس]

من ابداع الى ابداع
ومن ذوق الى ذوق
احسنت اخويه رافت والله جميله كلش