الجوله الرابعه .. مسابقة اجمل قصيده وطنيه ..

[انمار علي الدليمي]

http://www.arabsys.net/pic/bsm/8.gif (http://www.arabsys.net/pic/index.php)



نجاح بعد نجاح .. بتوفيق من الله سبحانه وتعالى وجهود الطيبين ممن شاركوا وصوتوا وساعدوا في انجاح هذه المسابقه الوطنيه اختتمت الجوله الثالثه وانطلقت الجوله الرابعهمنها ..



هذه الجوله تختلف قليلا عن مثيلاتها الي سبقنهه .. من حيث طريقة المشاركه وتعدد الجوائز .. حيث ستكون المشاركه داخل هذا الموضوع .. يعني الي يحب يشارك وينزل قصيده رح ينزلهه هنا ولا تقبل الردود هنا نهائيا سوى القصائد المشاركه بالمسابقه .ويتم مشاهدتها من قبل الاعضاء عند نهاية الموعد المحدد لتنزيل القصائد ويتم التصويت عليها بموضوع مستقل عن هذا الموضوع ..



رجاءا رجاءا رجاءا الالتزام بقضية الامانه الادبيه للقصيده والشاعر .. لأن الكل شاف شلون صارت اختراقات بالجولات السابقه وكثير من القصائد نسبت لأعضاء ليسوا اصحابها .. رجاءا هذه المسابقه فقط لمن يكتب بقلمهه مع احترامنا للجميع .

القصائد المشاركه بهذه الجوله تكون هنا حصرا .. يعني الي يحب يشارك ينزل قصيدته هنا كرد على هذا الموضوع ...
شكرا للجميع


نتمنى التفاعل من جميع الشعراء .. والاعضاء بالمسانده والتصويت للقصائد .. شكرا للجميع مقدما



ملاحظه\ لاتقبل الردود هنا .. فقط القصائد المشاركه بالمسابقه

[الدكتور فلاح الزيدي]

اتمنه ياموطني ...


اتمنه ياموطني ...

ترجع مثل ما جنت

حنه اوصواني او شمع ..

واعيون من تنفتح .

تعصر فرحهه ندى

او تشرب سحاب الدمع ..

واتمنه...

اشوف الصبح ...

بيه تنرسم صورتك ..

ورده اعله شفة نبع ...

يا خذ عطرهه الهوه ...

وايدك شذاهه دوه ..

يم كل كلب منفجع ..

اتمنه ...

اشوف الجبل متحزم امن السعف

والاعضميه تجي .

.باول اذان الفجر

للكاظميه ابشغف..

واتكلهه ..

اندهي الولد .بغدادهم فرعت واتريد شيلة شرف ..

ماتحمل ام الخدر تكضي عمرهه سبي

وابليلهه تختنك

واتصابح الاجنبي ..

ترف اوجذب تحتمل تسحك عليهه السرف ..


اتمنه ..

اطب مندلي ..

واكعد ابديرة هلي ...

واطبعلي بوسة عشك ..

وحده اعله وجنة عمر ..

او وحده اعله وجنة علي ..

والكه ..

الرمادي حضن ..

مامرة طور الحزن ..

وابرقته ينفتح وايلوح اعله النجف ..

اتمنه..

امشي ابوطن ..

مابيه اثر للجرح ..

اولابيه صوره ال امس

وابكل ..

محله اطب والكه الفرح مزدحم

مابين حنه اوعرس ..

وابغيمة العاطفه

الكه المحنه مطر ..

وانجوم زركه اوكمر ..

واطيور فوك الشجر ..

ماتنحكم بالحبس ..

واتمنه ...

اطب البلد ..

اوما اشوف اي مشكله ..

او بالرطبه ازورن علي

وابنينوى كربله ..

والشطرة..

من تختنك

تشتم عبير الدبس

الله ياموطني ..

ميزات الك هاكثر

عد الدول تندرس ..

مايك دوه الكل جرح ..

شمسك ضوة الكل شمس ..

كاعك نضيرة عدن..

سحرك دوه الكل نفس

طينك ذهب من ذهب

او ما يسوة غيرك فلس

مايسوة غيرك فلس

[وفاءسلطان]

كتبت قصيدتي لاجل كلمة المفكر بارا انطوان اللذي قال لوكان الحسين منا لوظعنا لة في كل ارض منبر ولدعونا الناس للمسيحية باسم الحسين (ع)ولنشرنا لة في كل ارض راية

-----------------------------
في كل ارضاًمنبراًجان ازرعت هالكاع
لوجان الحبيب حسين من عدنة
يحجيهة المسيحي اوجي قراهة اوعود
لاشايف امامة اولاوصل حدنة
ولالاطم مثلنة اويوم عاشريوم
نخدشهة الخدود اونلطم ابدمنة
لاعدهم حفيد اوجدة ابو الزهراء
و لاعدهم علي الكرار لاجدنة
ولاامة الشفيعة اوتشفع الهم يوم
لاعدهم عقيلة اتشابة العدنة
ولاعدهم وفائك يابطل عباس
ضحيت ابحياتك من ثكل همنة
ولاعدهم ارض فضلهة حتة الله
نزلهة العزيز الباري هالجنة
ولاعدهم طفوف اوناس تذبح ناس
يومية ابلائج انة يتعنة
وبجف الرعيع المايغزر بية
وبعين الصلافة ابأيدة يذبحنة
يكطعنة الوصل وبدون خوف الله
يتسلة ابدمانة اشماتهل منة
وتلمنة الشماتة اوعود بينة اتروف
اولن بينة الهضم بالروف تزرعنة
ولاعدهم كرب من البلاء اهناك
وبجيلة مصابج حاضرة ايسلنة
تتلاعب علينة ابدون الولايات
وعراس البقت بدماهة متحنية
وبدال العرس خلوهه عالموضات
لوتفجير عرسة ابساعتة ايدفنة
لوراح ابخطف ويعلسة هالعلاس
وبن امة اليعلسةاوموغرب عنة
لوذبحآيروح ابدون اي تعذيب
منشارة اليجزةاوتالي ايجفنة
ولاعدهم خوان اتنام عين ابعين
ويصبحن خناجر منة يلفنة
طشرونة اعلة غفلة ابغير سلة سيف
وحروب الغدر بصطار تلفحنة
اوتحسفنة المضة جي وي مدت الايد
تكطعة الاراذل اي تحسفنة
ولاعدهم وباء الينتف الهم ريش
وهروش الكلب بالريشة ينتفنة
حتة اشمايمر اصعب وكت من هاي
مانكدرنطير انحامي عن سدنة
ولاعدهم بعد ماكافي هالجلمات
اخافنك تريد اوتسمع العدنة
موش احنة الامانة الوصى بينة الله
والخاتم محمد كال يمتنة
خير امة اخرجت هالامة بين الناس
والحاضر يعلم الغايب العدنة
اويكلنةابحزن كلماتمر اسنين
مايهدة الجرح ويزيد يلجمنة
واسلاف الغدر والي اذبحتة حسين
عادونةابكرة فدنوب تبغضنة
ويرد الرسول ابماتغمض العين
حديوم الضهور الباري ينصفنة وفاء سلطان.....

[الشاعر أحمد الدراجي]

رسالة إلى الملك

قصيده نشرتها سابقا
واشترك بها في مسابقه القصيده الوطنيه




مبارك ياملك لايك عليك التاج
واكثر من عروسك والله متغاوي

اباركلك صدك زاير كنت او حاج
كآن من تكن بصراوي أو راوي

أتبع ماشئت الملّه مو منهاج
بس خل منهجك كل الملل حاوي

خلك من جمر لم المساؤى باج
وأصبح بالمشاكل لو ردت غاوي

بس عرشك رجل لومنه فلتت صاج
دك ضلعك محله ولاتظل ناوي

خلصنه العمر مايوم شفنه انتاج
بس قال الرئيس وحدث الراوي

موبينه العوج ماعدنه ذره عواج
بس عدنه الملك دوم الملك عاوي

غلف بالذهب عرشه وبنادق عاج
واحنه الشعب كلنه المو فكر داوي

من كد النصب عالفقره صرنه ازواج
خاوينه أمن ادفعه يجلب بخاوي

عراقك مو وطن آيه وشعب معراج
إذا كردي أنجرح ينصب عزه الفاوي

كركوك الكنز ماينطي لحجاج
ولاتقبل تحرسه بشلة اعتاوي

لان واوي الجبل عايش على الفراج
وإذا كض الدجاجه شيلزم الواوي




تحياتي

احمد الدراجي

[زياد البصراوي]

قصيدة ( الورد مذبوح )
.
.


أنته يل وجهك سمه وچفك أمان
أنتَ يل بيك البراءة تخاف من صوت الحنان
أنت يا اول منارة تشيدت بين الوجود
وجامعك مابيه أذآن.

شرد اكَلك ..
وانته بيك الصوت ميّت من زمــان
راهنت بورود شعبك .. وربحت بس يا حسافة البيك
خسروك الرهان !

بمحكمة سوء التفاهم ...
كلشي جائز
حته ذبـح الوردة جائز
حته سجن النجمة جائز
حته شنق الضحكة جائز

بمحكمة سوء التفاهم .. حته سجان الضماير
گام يحكم عالضمير بلاية حاجــز
بمحكمة سوء التفاهـم ..
عدنة كلشي بلاية صوتة

وبينة صوت ..
شما يغني ؛ يشوف وردة مچفنة كَبالة تفوت
وبينة صوت .. العلّم ابيات الشعر عالحق تموت
وبينة صوت ..
قائد أعظم أنتفاظة صوت ضد أهل السكوت .




أنته يل جرحك چبير .
انته يا اول ضحية بمعركة بئس المصير
انت جرحك گام يكبر ..
صار اكبر حته من بيت الامير
وشرد اكَلك
حاكموا حته البلابل لأن تضحك للفقير .

واحنه شفنه وما حچينة
شفنة سيف ملطــخ بدم الضمير
وشفنة ماي من العطش يحفرلة بير
وشفنة تابوت النزاهه هناك .. ويشيعة الوزير

وكلشي شفنة .. وتالي ضعنة
چيه تركنة اللا وعي يرتب وضعنة
ولأن گمنة نشوف بچفوف الورد مزروعة طعنة
ولأن گمنة نگول عالفراشة ماظلّ بيهه معنــــــه.
ولأن برگـــاب النخل خنجر زرعنة ..

وتالي رحنة ..
رحنه صحنالك تعال
وأنته اجيت .. واحنه رحنة
رحنة نفرح بيك بس باكَوا فرحنة
ورحنة جبنالك صبح بچفوف ادينة .. وباكَوا
خيوط الشمس من خد صبحنة ..

شرد اكَلك
انته جرحك صار اكبر من جرحنة
شما نمّيل محنة عنك تنتفض مليون محنة .
واحنه رحنة .. لأن راس المال ضاع وخفنة يتطشر ربحنة
وانته اجيت ..
أي اجيت ..

واحنة رحنه







زياد البصراوي

[بحر الغرام.]

(((( قصيدة كتبتها بقلمي بعنوان ))))
((( أشكي هموم ألوطن )))

أشكي هموم الوطن وأشكي البعد مـرات

والدار بعد والوطن الموطن الثانــــــــــــــي

الك صورةً في كلبي مابعدتها المسافـــات

والك ظحكتاً تعكس صداها في كيانـــــــي

طيفك يمر بيه بكل الاوقــــــــــــــــــــــــــات

حزين ومن لجم جرحك تعانــــــــــــــــــــــي

واذا تغيير العلم يحل الخلافــــــــــــــــــــات

خل يومية نغير علم الوانـــــــــــــــــــــــــي

كافر او زرع بينا بذرة الشتـــــــــــــــــــــات

خلانه بعنف واحد يكتل الثــــــــــــــــــــاني

ناس اتهجرت او ناس طلبت اقامـــــــــــات

وانا وياك على الصعبات تلكانـــــــــــــــــي

جنه اهل طيبة اومحنه اومســـــــــــــرات

اشو حتى انحرمنه لشوف جيرانـــــــــــي

كلشي انحرمنه من هالحيــــــــــــــــــــات

اصبحنا بحقد وكراهيه والطبع الانانـــــــي

سفينه انا اصبحت بحر الممــــــــــــــــــات

وروح وياك مادام انت قبطــــــــــــــــــاني

نصبح ونمسي على نياح الامهــــــــــــات

واللون الاسود هو الصار عنوانـــــــــــــي

كافي ياوطن مأسي او معانـــــــــــــــات

أرجع لأيامك وأمسح احزانــــــــــــــــــي

انت ابو الفضل على كل الحظــــــــــارات

شعجب اليوم ماغزر احسانـــــــــــــــــي

احسنك طيف او واكف بالمـــــــــــحطات

امحظر اجناطك وتريد تنسانــــــــــــــــي

لك اصحى ياوطن او امسح الغــــــــزات

رافضاً حكم اليهودي او حكم ايرانــــــي

كالو الوطن سجن وانت نايم بســــــبات

كلت باقي مادام الوطن سجانـــــــــــي

يابو الخير ليش تفيض خيـــــــــــــــــرات

وانا من بير الحزن حبك اسكانـــــــــــي

انت في كلبي مو بالشعــــــــــــــــارات

وحبك بدمي يجري اويه شريانــــــــــي

مابيعً انا الوطن بالـــــــــــــــــــــدولارات

لكن لأجل الوطن ابيعاً قمصانــــــــــــي

مو لأني عراقي أبن دجلة والفـــــــرات

لأن على حليب الوفى متربي انــــــــي
.................................................. ................................

(((((((( كتبت بقلمي )))))))))
((( بحر الغرام ))))

(( لأجل عيون العراق العظيم ))

[عمار هليل الواسطي]

أحبتي مبدعي ومبدعات منتديات عراق السلام ...

وددت أن أكون احد المشاركين في هذه المسابقة للقصيدة الوطنية بقصيدة (( دمعة وطن )) أتمنى أن

تنال رضا كل من يتسنى له قراءتها .




أمس شفتــــــك دمـــــــع بعيون الأيتام

تخـــــط بخدودهـــــــم كلمـــــــــة خطيه

وأمس شفتك حمامـــــه بصحن الإيمام

مثل بوسه اعله خـــــــــد حامي الحميه

ينحر حسين ذاك الشـــــــــــال الإسلام

وكتب بالدم نصـــــــــــــــــر أعظم قضيه

يعيون الكَمر مــــــن صـــــــــــارن اخيام

لمــّن كل جــــــــراح الغــــاضـــــــــــريه

عيونــــــك مــــن يجيــــــــك الليل متنام

تتفــــــكَـــــد أولادك كــــل مـــســـيــــه

تجيهـــــــــــــم ورده حمره بدنيا الأحلام

بعطر فواح وبغصنـــــــــــــــــــك شظيه

خارطتك فلا تحتـــــــــــــــــــــــاج رسام

وشعبك أبــــــــــــــــــــــد ما عايز هويه

ذني من اختصــــــــــــــرهن أكتب الآم

وارســـــــــــــــــم جمجمه بصف بندقيه

عذرا ً ماقصـــــــــــــــدتك موطن إجرام

عاين عالشعـــــــــــــــــــب تعرف شبيه !!

الإجوني وحرروا طيحــــــولي الأصنام

بس فتحــــــــــــــــــوا عليّ باب المنيه

هسه أحتاج وكَفه وشّــــــــــدة إحزام

ماريد الحلــــــــــــــــول الفوضـــــــويه

تظل كلماتي طلقه وســـاحب إقسام

وصــــــــــــــــــــواريخ ودروع ومدفعيه

شوكت يرتـــــــــــاح بالي وعينك تنام

يمر بينه الفـــــــــــــــــرح لو ماله جيّه

[رآفت آلحديثي]

السلام عليكم ورحمه الله وبركاته .

تحيه حب للجميع . من اقصى الشمال .. الى اقصى الجنوب ..


الى قلب الامه العربيه


الى والدتي الحبيبه (( بغداد المحبه والسلام ))





ايخسى التأريخ كله الماذكر بغداد
وتخسى شوم الليالي الطفت الشمعه

باجر والله باجر ترجع وعينــــاك
وبأيدي وبديك ونعلن الرجعـــــه

وناخذها بحظن تستاهل ام الخير
نسد عنها الحزن برواحنا السمحه

ونمر ليها بمحبه اتضوي وجه الليل
وبّســمة طفل نمحيــــج يادمعـــه

انه وياك واحد عاليصير وجــــار
وباجر كل ذليل امدنج انطلعــــه

نغسل كل حزن جدرانها من الآه
وعلى خدود الشوارع بوسنــا انطبعه

نسوي من العشكَ اسوار تحمي الدار
وبحبـــنـا وعشكَنـــا نسوي لج قلعـــه

مو طبع الابن لو تعب صاب الدار
يعليها ويسوي اعماد من ضلعــــه

اي ذوله هلج صدكَيني يا بغداد
لكل(( ماءً ))عذب تلكَينهم نبعــــــه

باجر كلها تبني الطاح منج يوم
ويظل ابنج يا أمي المرجله بطبعـــــه

ابوج انتي العراق الخلف الشجعان .
وعليهم يشهد التأريخ بالفزعـــــه

نرد ليــج الفرح من حلكَ السبـــاع
وعندج زلم زينـــه وتكَدر اتطلعـــــه

نكَصلج من لحمنــــا وما يمرج عوز
وهـلا بضيفج ييمه انعزه ونشبعـــــه

ياديوان ربعــــج يالبسمتج جــــــود
يظل شّــح الكرم بس ايدج توزعــــــه

ياكعــــبة شرف خضرت عله النهرين .
جود وطيب بارك ربي ابزرعـــــه

تعال اكَرب يول امك تحشم بيك
غافلها الحرامي وعيب من ردعـــــه












محبكم واخوكم
رأفت الحديثي

[احمد الصالحي]

السلام عليكم ..


مو مهم الفوز بس الاهم من نكتب للعراق الجريح

وحياكم الله



نخوه الكل عراقي ايحب العراق ....!!

*************************
*************************



بعد بينه طراوه وخضره هالروح
وبعد بينه دمع يجرح بلعيون

**
صح صعبه السنين أوصعبه الأيام
بس كلشي ابمحبتك صدّكَ ايهون

**
ما نلكَله حبيب ايداوي الجروح
ولا جفّك مثل جف اليداوون

**
اتحملنه وكتنه أو صرنه ناطور
نحرسك بلسهر عن لا يبوكَون

**
وصدكَ باكَوك لمن غمضت العين
لجن وسفه التحرسك نامت اشلون

**
خذوك ابزودهم والتمو أعليك
وكَامو من لحم جتفك ينهشون

**
تصيح الله واكبر .. صاحو وياك
بسم الله وعلى نحرك يهومون

**
بسجاجين الطمع بين الزراديم
كَامو بيك كل ساعه يحدّون

**
نواعيرك بجت والنهر عطشان
على حالك دمه ضلو ينوحون

**
وطفالك يتامى ابغيرك اليوم
من ادموعهم كَامو يرضعون

**
كِيعانك غدت تترجى للغيث
بس الغيث شح ويه اليشحّون

**
كل دمعه تسيل اتروي الخدود
تنشف كَبل لا تنبع بلجفون

**
شبابك ضيعوه أو مثلوا بيه
ويشيب أمن الحزن ما بين السجون

**
بينه الهجر شخصك وارتحل شال
وبينه البلغرب وي دهره مرهون

**
وبينه هنا اويلي اشلون يا حال
بكل شارع مدينه اهنا يموتون

**
ششكيلك بعد من ضيم الأيام
الصوره اتوضحت للي يفهمون

**
بغدادك تنوح وذبلت العين
وذيج البصره صاحت لا تنامون

**
وذي قارك تهلهل حيهم اهنا
تفرع الراس وتحزم اليفزعون

**
أعماره وقادسيه وياهن الكوت
هبّن هبّه وحده وهزّن الكون

**
ومناك الرمادي اتشد بلحزام
وجوامعه تنادي الكل يكَومون

**
وشوف ديالى لمن هزت الويد
وسفحها وي الجبال ايصير طاعون

**
وتشهد كل نجفنا ويشهد البيت
وأميرك علي شاهد عل يشهدون

**
وأخذ من كربله من طفها تربان
شم ريحة زلمها البلكرب عون

**
ومن واحة حسين اسمع تغاريد
ومن جف الجفيل الليله يروون

**
كَوم انهض بعد شيفيدك النوم
وصير الطود وابلع يلا فرعون

**
اناشد كل عراقي او هذا موال
سطرته عليكم وانتوا تدرون

**
لجن حب العراق ابين القلوب
ما اريدن الحبه اليوم تنسون

****
**
*
ما اريدن الحبه اليوم تنسون

***********
******
****
***
**
*
*
مع فائق التحيات

اخيكم

احمد الصالحي

[حكمت البيداري]

ياعراق أرجــع ولمنــــا ..

http://img522.imageshack.us/img522/3654/01baghdad1ez2.jpg

من دونـك ياوطـن أغــراب
أنذلينـــــا من بــــاب لبـــاب
مابيـــن دمعــــات العيــــــن
وعـض الأصــبع والشـفتين
عبـره صــارت،عبـره النــا
ياعـــراق نرجـــع وتلمنــــا،
أهـــل وگــرايـب واحبــــاب

ياشــــامت بيــــا وبوضـعي
لايغــرك حـزني ولا دمـعي
من يومـي وأنـي أبن النـعمه
خيري يعم أصحابي وربعي

عبـره صــارت،عبـره النــا
ياعـــراق نرجـــع وتلمنــــا،
أهـــل وگــرايـب واحبــــاب

عيونـكم عمـت، يـا اوغـــاد
غيـره وحســد،على بغــــداد
أيـــــام الفــــــرح والخيـــــر
بهـمــت شــــــــعبنا تنعـــــاد

عبـره صــارت،عبـره النــا
ياعـــراق نرجـــع وتلمنــــا،
أهـــل وگــرايـب واحبــــاب

يلــه أمشــــــونا يا أخــــوان
نلــم الشـــوك من البســــتان
خـل نـزرع ونخضـر الدنيـا
بظـل خوتنـا، نعيــش بأمـان

عبـره صــارت،عبـره النــا
ياعـــراق نرجـــع وتلمنــــا،
أهـــل وگــرايـب واحبــــاب

مانســـــينا شــــــچنا وويــن
أحنـــا أحفــــــاد النهـــــرين
نـرد أمجــادنــا نـــرده والله
ومحســــوبه برگبتنـــا ديــن

عبـره صــارت،عبـره النــا
ياعـــراق نرجـــع وتلمنــــا،
أهـــل وگــرايـب واحبــــاب

يامحتــل شـــيل، أچـوالاتـك
لاعلمـــــك ولا دولاراتــــك
أخـــــذها وروح ولاتســــأل
عراقـــي وتاريخـي أغاتــك

عبـره صــارت،عبـره النــا
ياعـــراق نرجـــع وتلمنــــا،
أهـــل وگــرايـب واحبــــاب

حكمت البيداري
8-1-2008

[ميثاق الهلالي]

قصيدة ورده وحسين قضية حب عراقية

قصيدة كتبت للحب العراقي الدافيء

للوجع العراقي
للجرح العراقي
للموت العراقي


....................................

عاشوا فد شارع جيران أطفال اثنين
چان أسم الطفله السنيه (ورود)
واسم الطفل الشيعي (حسين)

يرسمون البسمه عله الشارع
يلعبون لحد آخر غيمه
ومن تمطر چان يغطيهه ومنهم گام يغار الشارع


شموع بدم الشمس أشتعلوا من يگدر چان يطفيهم......
ماكو عيون التحسد چانت
چانت عين الوطن عليهم......
......
وكبرت ورده.... وكبر حسين

وگامت تخجل من عيونه
وماتگدر بعيونه تباوع لو مر من يم باب البيت

وچان يجيبلهه ويا ورده
ومايلگاهه بسد الباب
ويزرع گلبه اباب البيت......
.............

وافتر زمن الموت الاسود بالعالم والحب أنداس

ناس تهرب دم وغيره
وناس تطفي عيون الديره
وناس تفرق بين الناس

وشالوا اهل حسين بليل
وظلت ورده تعد جروح.....

وينزف راس الشارع صبح
وادم غربه ورشاشات وموت ودم
جنازه ترد وجنازه تروح......

وكسروا باب البيت وطبوا
لبدت ورده بسد الباب

وعاشت لحظة خوف وحيره
أبين الرشاشات العفنه وبين الورده البيد حسين
ونشغت وأتنخت بحسين......

وسمع الريح وصوت جروحه تگله ورود
وهد حسين بطرگ هدومه
وشگ هدوم الليل السود......

وجاب ويا ورده من جروحه
ووصل باخر نبرة صوت

ونزلت اخر گطرة دم من السچینه
الشافت بيهه ورود الموت......

وسمع الموت يحاچي الوادم
چانت اشرف لحظة موت

وماتت بحسين شچم ورده
وردت بعيونه الايام
الناس الشارع ضحكة ورده وگلبه الينزف يم الباب
وهسه دموع وموت ودم وشمع بنار الشارع ذاب.....


وشدوا علم عله التابوت
وچلب بزياگ التابوت..........
وحط الورده
وسددهه القنّاص بظهره
وطلعت روحه عله التابوت......

وشيعهم بجنازه الشارع

وكام الموت يحاچي الوادم
چانت اشرف لحظة موت

كام الموت يحاچي الوادم
فلتحيا الورده السنيه
وفليحيا الفلاح الشيعي

وفليحيا عراق الحرية
فليحيا عراق الحرية

[الشاعر حسين المالكي]

شكراً لكم اخواني على هذه المسابقة من جديد
وانا اشارك بقصيدتي المتواضعة

( الك هل روح منذورة )


جبت حبر وقلم ارسـم واخطن بيك
رسمت الخارطة بنص كلبي محفورة

وذا عنــة بعدت مــرة وصعب ملكا
اشوفـــة بكلبي انـة نــاحت الصورة

يمتة اعراقنة نشـوف الـفــرح بلعين
وعلة شجرة الصبح تتلاسن اطيورة

يعراق انـت رسمك يمشي بضلوعي
الك ترخص حياتي وروحي منذورة

تعذبنــة بغيـابـك والله طـاح الحــال
بس غصبن تركت روحي مجبورة

افجر عمـري لجلك لـو نخيت بيوم
ورشـاش الكلب والـروح شـاجورة

عراق انـت الأصـل لدكلي هذا وذاك
جبت عمرك فخـر والكـاع مستورة

وصدك هل حرب عله وتزول بيوم
وترد مثل الشمس مايطفـة ابد نورة

كلنة اخوان نرجع والله نصفة براي
ويجـي سني يتعنـه لشيعي ويزورة
ويجـي شيعي يتعنـه لسني ويزورة

[رافع المكوطر]

السلام عليكم اخوان اعتذر على تاخري بالمشاركة بهذه المسابقة الجميلة واحب اشارك بالقصيدة الوطنية الي موضوعهة
تناول حقوق الانسان
بعنوان انسان ولكن ..؟
تكول من ابتسم هالناس ونسان
وما تدر البسم بحشا ونسان
موش انة بشر يا ناس وانسان
اشو هاللجنة ماتعترف بيه
........
ادوره بيا ارض حقي انة مسلوب
واكل للناس حق اني انسان
صارت ناس بعدي بعلو النجوم
وانة احفر بكاعي سنين تعبان
عشت عمري كضيتة كلة مطلوب
بس ذنبي عراقي وهذا برهان
اموت واحتي كل يوم الف مرة
وما رايد فقط بس شمة امان
هذا ابسط حقوقي ما موفرة فلان
ومن احجي يكول ارهابي علان
هذا الي تشوفة وعايش وياه
حقك يالعراقي ادور مجان
تدوره بيا ارض كلهة طغت عالناس
لان انتة عراقي وبيك نيشان
ما مسموح الك تكتب اريد حقوق
ومامحقوق الك تحجي اني زعلان
وعليمن محترك دمك تجر باوف ؟
كتبونة الجماعة بكان ياما كان
تالفت قصص بينةواحنة بيهة شخوص
ما من حقنة نحجي نكول غلطان
عمي انتة الصحيح واحنة غلطانين
منريد الحجي يتخطه هالاوزان
وما اريدك علي تزعل يبو التقدير
بس عذبني وكتي واني حيران
معذور وجبت اعذاري كلهة وياي
من جيت اشتكي يم عتبة الجيران
بس ردت بعطف تحجي بضع كلمات
وميخالف بكلبك كول بطران
حقك واعتذر يجرالك الي تريد
ما تنقص وهيه كلمة السان
هسة الي اكولة بكلشي معذور
غصبا عنك وعني اني انسان
غصبا عنك وعني اني انسان
والسلام عليكم
اخوكم
رافع الهلالي
ولتنويه ان بيت البوذية من ضمن ابيات القصيدة
الى الاخوان في لجنة التحكيم

[كريم تويج]

الدوله والعثك

دولتــنه تاكل بالعـــــثك ظل بنفسهه الطايحه
محروم عايش هالشعب يايـوم هيه تـصالـحه
عاش العمر بس محروم
كل يوم أتعس مــــن يوم
يمته الفرج يبن النبي والعين ظلت شابحه
***********
كلنه انتهه عــــهد الظلم بالكن نعيش ونرتــاح
شفنه الوضع اتعس بعد بنيه الالم صار جـــراح
والدوله ميهمه البجي ولا همه شنهو الي راح
كرسيهه عند الي مهم والكون لو كله طــــــاح
متمركزه بحجي الجذب
مو كافي مو بسكم نهب
عدهه الجذب ساحة قدم والدوله تلعب سارحه
****************
أغنه الدول هذا البلــــــد أشكال مليان الـوطــن
نهرين يجرن بالوفـــــه كيعانه حلوه وخضّرن
غير الذي تحت الارض خيرات بيهه تجمعــن
وترابــــه مهبط للرسـل نسماته هيل تعــــطرن
وين الذي يراعي الضمير
وحســاب يحسب للفــقــير
ويـــوزع الثروه بقسط وتكـون كلهه رابحه
****************
مليانه كاعي مــــن النفط مـــن البـــــرد نتـــلوه
وشطوطي معقوله أنشفت والماي ينزل كـــــــوه
أسـف أنه كلوبي أحـــترك خط الطوارى بي ضوه
أشكــال تلكه بـهالــــــبــلد همزين بـــيد الله الهوه
فهموني ياأهل العقل
بالدوله لو بينه الخلل
جا ليش من أحجي الصدك بوجهي تصيح الصايحه
جوعان ماعدنه بعد ولاباقي واحد معتاز
كل واحد وبيته ملك راتب اله شكد ممتاز
ونحلة ازمة هالنفط بالبوري يمشي وي الغاز
هذا العمل عدنه حلم مركون قيد الانجاز
بالفين والمية عام
تلكاه خيرك كدام
خيرات مليان البلد متكلي المن رايحه

ياهو التلزمه انكر يدك والكرسي يدري دوار
عوفوالطمع صلحو الوضع موكافي لم الدولار
بس مره حسو بهالشعب لاينفجر صاير نار
وكت الغضب كل تنسحك مايبقى الهم تذكار
عالجرف صاير هالخطر
بركان ساعه وينفجر
وكت الصفر نار وتشب ماتسمع اله النايحه

مسكين يتمسكن اجه للكرسي حين الي وصل
خلاك عايش بالوعد بالجنه يزرعلك امل
عالشاشه من يحجي الك لاكصة تعرك لاخجل
من يحجي شيصطر جذب عنده الجذب اصبح غزل
بحلامه طاير للسمه
وفكاره كلهه مسممه
الحكام منتبوك اظن اقره علينه الفاتحه

[يونس محمود]

اشوفك يا عراق تتفجر بين ايادي الارهاب يفجرون القبور واضرحة الاطياب


يمته يمته ترجع ياوطن نخوة وغيرة وشباب


العراق بشيعته وسنته دوم رافع راسه وشاد همته


انا عراقي من بلد الخير دوم رافع راسي ولا غير


انا عراقي مثل كل الناس والعراقي ذهب وفضه والماس

شون قهر قهر اخذ العراقين هالدهر

يا العراق الاسد ادعو ربي يبعد عنك الحسد

بالقلب خارطتك محفورة كانهه نحت عالمي بالصورة

يا عراقي يا حبيبي من امرض انته طبيبي
انته العراقي الباشا سويت غيرك خرخاشا

تتوافد عليك الحشود يوميا بلا حدود

انتضر المهدي يطلع ويكول للعراق اسمع

انته منصور باذن الله وتطلع بابها طله

اشوفك ترسم مستقبلك بيدك وانتضر من بعيد كل جديدك

اذا انا مو عراقي فاتمنى اني اكون عراقي

اريد اشوفك يا عراقي كتلني الشوق واذا ما شفتك اتمنى تكون فوق

انا واثق انك من حديد وهذا ابدا شي مو جديد

طول عمرة العراق محروم يوم اسوا من يوم

اي ضالم خربهه علينه وضيع كلشي من ايدينا

يا ربي ابعد الضالم وانته يا رب ابحدك العالم

يا رب فرح كل عراقي لانه ماكو غير العراق ابحده راقي

[خالد الفراتي]

..........

[خالد الفراتي]

اود ان اشارك معكم بهذه القصيـــــــــــــدة..
مع الود..
ـــــــــــــــ
رسالة وطنيــــة.. الى مهاجر..؟

لاتعوفة البيت البحضنة ربيت.. ارجع وغير مواقيت الزمن
بيتك ايريدك ترد مفتوحة اديه..وين مثل عراقك اتلاكي وطن.
.........................
(الشعب)
اي تعال الغربة بس ذل وهوان..ياغريب العاش كبلك بالامان
كاعك اتانيك تزرعها ورود...وصوت امك ينزل ادموع وحنان
وحتى هذا الدرب ظل عينة عليك...من تدوسة اجدامك ايخضر شجن
بيتك ايريدك ترد مفتوحة اديه ..ووين مثل اعراقك اتلاكي وطن.
...................
(الام)
يمة رد لية انكسر ظهري عليك..ورسمن الشيبات غربة اعلى الشعر
يمة والباب انتظر حنة اديك.. يمة حتى الحايط ايناغي الصور
يمة رمش عيوني طيفك مايجيه.. يمة بس احلام موزينات اجن
بيتك ايريدك ترد مفتوحة اديه.. ووين مثل اعراقك اتلاكي وطن
...........

(الابن)

باب اجتني المدرسة وباجر سؤال..راح يسالني المعلم بابا وين
شرد اجاوب والدمع صار الجواب..وباب هية الماتشوفك ماهي عين
مسافر وباجر يجي..بابا تعال..بوية ترضة ادموعي ادفعهن ثمن
بيتك ايريدك ترد مفتوحة اديه..ووين مثل اعراقك اتلاكي وطن
.............
( الوطن)
يامهاجر انت ضلع من الوطن.. كافي يومية بجرح هذا البلد
يشرب من اخلافك دموع المرار..خل يضوك بجيتك مرة الشهد
انت واعدت الوطن ابنة تصير.. شموع شاعلك بعدهن ماطفن
بيتك ايردك ترد مفتوحة اديه.. ووين مثل اعراقك اتلاكي وطن