حلوه بمعنى حلوه

[الشاعر ايهاب المالكي]

حلوة بمعنى حلوة ومامبالغ بيج
بحسنج دورو بس مالكو خلة
محلية المدرسة وتشهد الرحلة بهاي
حطيتي برحلتج ميت الف عله
دوه موصفج الي الطب مو وكت وكتين
بالسبعة الفدوام وبثنعش حلة
ماغير وقت توقيت شتوي وصيف
توقيتي من اشوفج ينكلب كلة
السبعه ونص وقت تعطشض الشمس البيه
ويجف ريجهه وبشوفج تبلة
وخصرج سيف حاد عيون ماتت بي
يدرن بي منية ورضن يمشلة
لذلك حتى اموت اعترض دربج دوم
غير العندة سيف بشدته يسله
يااحدث زليخة الماتقد الثوب
واجمل من زليخة الصممج جلة
يوم المااشوفج بي احسة يروح
مو من عمري اكول وفدوة الج ولة
يلتوصل وزير التربية اترجاه
خليلغي العطل وبقصتي اتكله
اذا تستمر عطلة ابين يوم ويوم
يعني الخل بعد مايلتقي بخله

[MR.MSTAFA AL7SENE]

اكيد حلوه

عاشت ايدك عيوني ايهاب المالكي شاعرنة المبدع

بنتظار الجديد

تحياتي

[يتيمة الحب]

عاشت ايدك عيوني قصيد كلش حلوه

[الشاعر ايهاب المالكي]

يتيمة الحب
Mr.mstafa Al7sene

حبي وامتناني لكم يارائعين ...محبتي لكم

[نوتيلا]

عاشت ايدك اخوية وشاعرنا الكبير
ننتظر جديدك من الابداع والتميـــــــــز
دمت بتــــــــألق
اجمـــــــــل التحيــة والســــــــلام

[الشاعر ايهاب المالكي]

المتالقه نوتيلا ...مميزة بردودك دائما ...دمت متالقه ومبدعة ..

[جليل رحيمه]

المبدع دائما الحبيب ايهاب المالكي

لكلماتك وسبك قصائدك لون خاص

ومسحة متّقنة

يتجول القاري لها بشدة المتابعة ليرى عنصر السيادة في لوحتك ومدرستك الخاصة



امنياتي لك بكل الخير


وتحياتي للاصدقاء جميعا


اخوك جليل رحيمه

[عبير 3]

°ˆ~*¤®§(*§*)§®¤*~ˆ°كلماتك في قمة اللله الروعه اخي الغالي الله يعطيك الف عافيه°ˆ~*¤®§(*§*)§®¤*~ˆ°

[الشاعر ايهاب المالكي]

شكرا لكم اصدقائي لي الشرف ان احضى بمروركم ...اعتذر عن تاخر ردي ..شكرا لكم مرة اخرى

[ابو ذر]

عاشت يدك حبيبي القصيده روعه مشكور على القصيده