احمد الصالحي
06-23-2008, 10:54 AM
السلام عليكم
القصيده مهداة الى شخص عزيز هجر احضان العراق
وسكن ديار الغربه
الحنين الى النجف
************
اكَعـــــد .... اكَعــــــد
ياكَلب طــر الحزن ..
من جرحك اكَـعــــد
او فـّتح اهمومك تلاكَي
النايبات ابحضرتك ..
كلها اتشّهــد
او لا توّجـــد ..
دربك التمشيه ..
لو غلطان لوصح
ما توّجـــد
او حتى خيط الفجر ..
من طر انكَطع ..وأحنه بيه
جم دوب نعكَــد
او شوف ليلك علنهار ..
اشــكَد حزين ..
اولابس الجلباب الأسود
اكَعـــد ... اكَعــــد
يا كَلب طــر الحزن ..
من جرحك اكَعـــد
يلمشيت ابغير دربك ..
خايف ابممشاك .. تصحى
او تلكَه نفسك مالك احد
وأسكَي اخدودك دمع ..
من فيض جفنــك ..
بلجن ابدمعك توّرد
وادري احزانك ابد ما تنتهي
او ما اظن ..
لن الها كل حد
اوغربتك صارت طويله ..اومنها
جمــر الفركَــه يسعر ..
كَلي بلا اشلون يخمد
وادري بيك .. او جني ادري
عمرك الخلصته ونـّه ..
او زادت ابروحك محنـّه
والنجف عن عينك ابعد
او آآه يا ليل الطويل ..
احاه يا كَلبي الحنين ..
ابكَــد نجم ليلك تنهد
اكَعــــد ..... اكَعـــــد
يا كَلب طــر الحزن ..
من جرحك اكَعــــد
يا غريب الدار .. هجرك
ضل ينوح ..
اوكَلبك الملجوم جرحه ..
رايد ابدرب النجف لحظه ايتضمد
وانته جرحك لو نــزف ..
ينــزف حنين ..
وابلجم نفسه ايتعمد
وادري بيك اتحب تهاجر ..
مثل طير .. مثل نسمه
مثل غيمه ياخذها الهوى
وبالنجف ترعـــد
اويامسافات السكك ..
كلـــش طويله .. اي طويله
وكل جسر معباره منهد
يا السكنت الظلمه .. يمتــه
الكَمـــره ترجع ..
يم علي الكرار تركع ..
يمــه تسجد
اكَعـــد ..... اكَعـــــد
مودتي وتحياتي
اخوكم
احمد الصالحي
23 -6 - 2008
القصيده مهداة الى شخص عزيز هجر احضان العراق
وسكن ديار الغربه
الحنين الى النجف
************
اكَعـــــد .... اكَعــــــد
ياكَلب طــر الحزن ..
من جرحك اكَـعــــد
او فـّتح اهمومك تلاكَي
النايبات ابحضرتك ..
كلها اتشّهــد
او لا توّجـــد ..
دربك التمشيه ..
لو غلطان لوصح
ما توّجـــد
او حتى خيط الفجر ..
من طر انكَطع ..وأحنه بيه
جم دوب نعكَــد
او شوف ليلك علنهار ..
اشــكَد حزين ..
اولابس الجلباب الأسود
اكَعـــد ... اكَعــــد
يا كَلب طــر الحزن ..
من جرحك اكَعـــد
يلمشيت ابغير دربك ..
خايف ابممشاك .. تصحى
او تلكَه نفسك مالك احد
وأسكَي اخدودك دمع ..
من فيض جفنــك ..
بلجن ابدمعك توّرد
وادري احزانك ابد ما تنتهي
او ما اظن ..
لن الها كل حد
اوغربتك صارت طويله ..اومنها
جمــر الفركَــه يسعر ..
كَلي بلا اشلون يخمد
وادري بيك .. او جني ادري
عمرك الخلصته ونـّه ..
او زادت ابروحك محنـّه
والنجف عن عينك ابعد
او آآه يا ليل الطويل ..
احاه يا كَلبي الحنين ..
ابكَــد نجم ليلك تنهد
اكَعــــد ..... اكَعـــــد
يا كَلب طــر الحزن ..
من جرحك اكَعــــد
يا غريب الدار .. هجرك
ضل ينوح ..
اوكَلبك الملجوم جرحه ..
رايد ابدرب النجف لحظه ايتضمد
وانته جرحك لو نــزف ..
ينــزف حنين ..
وابلجم نفسه ايتعمد
وادري بيك اتحب تهاجر ..
مثل طير .. مثل نسمه
مثل غيمه ياخذها الهوى
وبالنجف ترعـــد
اويامسافات السكك ..
كلـــش طويله .. اي طويله
وكل جسر معباره منهد
يا السكنت الظلمه .. يمتــه
الكَمـــره ترجع ..
يم علي الكرار تركع ..
يمــه تسجد
اكَعـــد ..... اكَعـــــد
مودتي وتحياتي
اخوكم
احمد الصالحي
23 -6 - 2008