لماذا لانعترف بالحب في فترة المراهقة؟؟؟؟؟موضوع للمناقشة

[عاشقة بغداد]

شلونكم يا اعضاء ياورود ربي يحفظكم من كل شر:):)
اكو موضوع طبعا اني مناقلتة بس هو يدور ببالي ودائما اناقش بي بس مااكو اي احد اعطاني شي يقنعني وهو الحب في فترة المراهقة
ليش اكثر الناس مايعترفون بهذا الحب يعني نسبة الي يؤمنون بي كلش قليلة تقريبا20% ليش يعني اكو هواي شباب وبنات تزوجوا عن طريق هذا الحب
دائما اتناقش بي بس للأسف مداالكي شي مقنع
اليوم خليت هذا الموضوع بالمنتدى الاكثر من رائع واتمنى الكة حل لهذا الموضوع

وتحياتي الكم وان شاء الله عجبكم

[سماء العراق]

شكرا ياعاشقه بغداد
اعتقد ان فتره المراهقه هي مرحله تحول من عمر الطفوله الى عمر الشباب وهاي المرحله تكون حساسه ودقيقه في حياتنا
بالنسبه لحب المراهقه ما اتصور شخص ما مربيه لان مثل ما كلت هاي مرحله التغيير ولكن كحب حقيقي لا اعتقد انه موجود فهذه تكون مرحله طائشه من عمرنا وعندما يكبرالشخص اتصور انه يضحك على نفسه من اشياء عملها وقت المراهقه
فاعتقد انه نادر ما تلكين واحد ااستمر بحب المراهقه لحين الزواج يمكن واحد بالميه وهذا رايي وما اعرف راي البقيه
وتقبلي مروري

[طفولة بريئة]

لان احساسنا في هذه الفتره يكون غير ناضج
ونحتاج الى التفكير العميق في مشاعرنا
كل شي من حولنا يؤثر فينا
حتى وان كانت كلمه غير مقصوده
سرعان مانكتشف انه وهم
تحياتي
طفولة بريئة

[عاشقة بغداد]

مشكورة حبي سماء العراق ورايج على راسي والله ومشكورة مرة ثانية
ومشكورة عمري طفولة على رايج

[عمر الساهر]

بسم الله الرحمن الرحيم
السلام عليكم و رحمة الله و بركاته..
موضوع مهم و نادر الوجود في المنتدى ..
بداية ً اتفق مع اخواتي في بعض النقاط ..

قلتي لم تقتنعي انت ِ ..
انا أعتقد بأني ساقنعك ِ..

ما الغرض من الحب اولا ؟

اليس هو الزواج ؟
و بناء الاسرة ؟

انت ِ ذكرتي اعلاه ان نسبة نجاح هذا الحب قليلة جدا ..
لماذا ؟ لانه في وقت مبكر جدا حيث لم يتم بناء الشخصية كما يجب...
تكون الشخصية بين مرحلة الطفولة و النضوج كما ذكروا اخواتي سابقا ...
و بالمناسبة انا عمري 18 سنة و لم ادخل في تجربة حب لحد الان ...
و هذا يؤكد صحة كلامي , مع العلم ان كثيرا من الفرص اتيحت لي لكني ابتعدت و ابتعدت ..
في بعض الاحيان جرحت الطرف الاخر ...لكني اعلم بان هذا التصرف هو الصحيح و الاصلح لمثل هذه الفترة ..

بالاضافة , فترة الشباب و المراهقة هي بدايتها هي فترة بناء ..
تثقيف النفس ...بناؤها ...هي فترة صقل الشخصية ..
فالشخصية القوية تبدأ من مرحلة المراهقة قوية...و بمرور الزمن تقوى و تقوى ..
و الشخصية الضعيفة ...تبقى طول عمرها ضعيفة ..
على أي شيء نركز في هذه المرحلة يا ترى ؟
لدينا واجبات كثيرة ..
بناء الشخصية ..و صقلها ..
الواجبات الدينية..
الدراسة و المستقبل..
حق الاصدقاء..
حق الاهل ..
امور كثيرة فعلا ..

ثم فلنفرض ان شخصا احب فتاة ً و هو في السابعة عشر من عمره ..
و ثم ماذا ؟!! ...هل سيتزوجها ؟ و متى يكون هذا ؟
انا شخصيا مستحيل اتزوج دون سن ال 27 ..
بالاضافة الى ذلك ..لن اتزوج ابدا اذا لم اكن متمكن ماديا من ذلك..
فمن المستحيل ان اترك والدي يصرف علي ّ و على عائلتي ..
بهذا الحال انفت صفة الرجولة ..

بشكل عام , الحياة اولويات ..
في هذه المرحلة ..
المستقبل ( الدراسة ) و بناء الشخصية اولا !!
يجب عدم شغل البال بامور اخرى ..
كل ُ شيء ٍ في وقته جميل..
لماذا تعتقدين يا اختي انهم جعلوا الجامعة مختلطة ؟
لان من المفترض ان الجنسين قد نضجا , و يتم التعارف هناك و من ثم الحب ..و ينتهي بهم الامر الى الزواج..
حيث تكون العقول اكبر و اكثر نضوجا ً , و المراهق كما تعلمين عبارة عن موجة هائجة من المشاعر و العواطف , فتكون قراراته مبنية على العاطفة الا ما ندر , و تكون غير موزونة بالشكل المطلوب .


بانتظار ردك ..
و لي عودة اخرى ..

تحياتي الحارة لك ِ لطرحك هذا الموضوع....

[بنت كركوك]

بدوووووووون تعليق

[toffee]

والله يا اختي اني رايي انو الحب واحد يعني الحب حب ميتغير يعني احنة منكدر نكول للمراهق هذا شعورك مو حب او هذا حبك غلط ( يعني لازم نعترف بحب المراهقة ) بس المشكلة وين انو هل هذا الحب قائم على اسس صحيحة تتضمن مقومات النجاح يعني هل هو ناتج عن مجرد اعجاب وفراغ للمراهق ام نتيجة انسجام روحي حقيقي ودراسة لشخصيات الحبيبين هنا يتحدد مدى نجاح حب المراهقة من فشله ولهذا نجد النجاح في حب المراهقة قليل لان الغلط مو بالحب الغلط في الاسس التي اعتمد عليها المراهق في حبه وذلك لقصور في شخصيتهة و عدم خبرته بالحياة كما ان المراهقين اغلبهم مع الاسف يسعون وراء الحب ولا ينتضرون الحب يعني تشوفيهم يوكعون نفسهم باول اعجاب يصادفو ويكولون هذا الحب الحقيقي ولا يفسروه اعجاب حقيقي.... ولكن مع ذلك هناك حب مراهقة ناجح لانه ناتج ( عن قصد او غير قصد من الحبيبين ) ناتج عن انسجام روحي و توافق بين شخصيات الحبيبن يعني احدهما يكمل الاخر و كذلك لا ننسى دور الزمن والضروف وهذا له كلام كثير خارج الموضع لكن انا اتكلم عن الحب بحد ذاته مدى نجاحه او فشله في سن المراهقة واتمنة اكون وصلت الفكرة بصورة صحيحة ( الخلاصة لا يجب ان نمنع المراهق من ان يحب لكن علينا ان نوجهه كيف يحب او على الاقل نوضح الامور بالنسبة له )
تقبلي مروري وان شاء الله تستمرين في التالق

[الفنكوش الاسود]

والله الشخص ابدا ميفكر باحب الحقيقي الا اذا جان أكو بنية يحبها من الطفولة يعني حب حقيقي

مثلا بالمدرسة شايفها هيجي شي والله مادري ترة اني هم بعدني شاب تقريبا 17 سنه هههههههههههههه

[عاشقة بغداد]

اشكركم على تفاعلكم وية الموضوع صحيح اني قليلة المواضيع لكن المواضيع الي دااقدمهة تفيدنة بحياتنة وهذا مو مدح بس يعني لو شتكولون؟؟؟
مشكور عمر على كلامك لرائع
ومشكور توفي وتحياتي الك
ومكشور يا فنكوش
والله يوفقكم ان شاء الله بجميع جوانب الحياة يا ربي

[roza]

موضوع مهم جدا
اشكرك اختي على هذا الطرح
اني اشوف الحب في فتره المراهقه احساس حقيقي وحب صادق لان يكون الطرفين ان كان البنت او الشاب كتله من المشاعر والعواطف
بس مع الاسف هذا الحب نهايته دائما الافتراق
لماذا؟
اول شيء لان الشاب والفتاه بعده في بدايت حياتهم وبعد امامهم دراسه وبناء مستقبل
لان اني اشوف الحب نهايته الزواج والاستقرار وهذا ميصير مع المراهقين
الا في بعض الاحيان يكون الطرفين متمسكين بعضهم ويبنون مستقبلهم معا ويرتبطون بالنهايه
تحياتي الج

[احمد حمادة]

طبعا ارائكم كلش حلو اني اشوف من وجهة نظري ان الشحص من يدحل مرحلة المراهقة تبدي عندة احاسيس التقرب من الجنس الاخر هاي بالنسبة للولد بس بالنسبة الكم ما أدري فاكو نص يحبون حب من صدك مو بس لعب و اكو نص للاسف مجرد يكَضي وكت و طبعا هي هاي النسبة الكبيرة فنلاحظ انه ماكو حب و طبعا اني من جنت ابهاي الفترة ما جنت اصدك اكو حب بس الايام تثبت كل شي للواحد.

تقبلي مروري يا عاشقة بغداد
احمد حمادة

[حسوني]

السلام عليكم ..
معندي اضافات على الكلام الي اتفضلوا بي الاخوان جميعا ..
اشكرهم جميعاً
اشكر الاخ عمر الساهر اجابته الرائعة .. و كذلك توفي
و الاخت روزا ..
و ما اكو قاعدة عامة للحب .. بس الاجدر بينا كشباب مراهقين ان نستخدم عقولنا اكثر ..
و نتعلم شلون نسيطر على مشاعرنا ،،

شكر خاص لعاشقة بغداد على موضوعها الجميل و المفيد ،، و الحقيقة مواضيعج رائعة
اتمنى تستمرين على نشاطج ..
تحياتي ..

[فنون العشق]

تسلموووووووووووو عل موضوع
بس احتمال حب مراهقه بعض احيانا يكون صحيح
وبعد مراهقه يكو اكيد صحيح
والحب بشكل عام حلو
هذا هو تعلقي
مع تحياتي اختكم فنون العشق

[شيرين البغدادية]

اجمل تحية الج حبيبتي على الموضوع الروعة او دمتي اب هل التقدم ان شاء الله
تحياتي الج ياوردة
شيــــــــــــــرين

[شيرين البغدادية]

اجمل تحية الج حبيبتي على الموضوع الروعة او دمتي اب هل التقدم ان شاء الله
تحياتي الج ياوردة
شيــــــــــــــرين

[عاشقة بغداد]

مشكورين جميعا
مشكور حسوني الوردة
مشكورة اخت فنون
مشكورة حبي وحياتي شيرين
وتحياتي الكم جميعا

[ابن الانبار الوفي]

الموضوع مو حلو هههههههههههههههههههه ض7..:D

موضوع جميل والنقاش الي صار عليه ايضا جميل وحلو ومفيد ...
انا من رأيي انه الحب بهذا الوقت لا بتعدى عن امرين ..
اما ان يكون اعجاب ونزوه بمرور الايام ستنتهي وتنقضي وكل شيء يرجع الى حاله.
والاخر هو حب حقيقي وتواصل بين الطرفين...لكن الامر الاول اكثر ورودا والاكثر
تواجدا في حياة الشاب والشابه في هذه المرحله ..

مرحلة المراهقه مرحلة حذره فيها الكثير من التقلبات
ويكثر فيها الاعجاب بالغير والانجذاب نحو الجميل والرقيق.. من الكلمات والاشكال ..
على فكره اني حبيت وعمري 10 سنوات ههههههههه..
كنت في ريعان الطفوله ....

شكرا لذيذا اعيوني الغاليه عاشقة بغداد يا فروحه
مواضيع جميله وتواجد حلو ..دومج منوره يا ورده ..

http://www.swahl.com/up/m91/swahlcom_a8b0.gif (http://www.swahl.com/up)

ابن الانبار الوفي

[* فتـى ألاحلام *]

شكرا اختي على الموضوع الجميل


وعلى فكرة في فترة سن المراهقه الانسان يكون ليست لديه قرار ثابت


ويكون جدا حساس لدرجه انه لا يتحمل الامور الصعبه ولا يعترف بكل شيء





تقبلي مروري

[عاشقة بغداد]

مشكور يا ابن عمي العزيز هنودي الورد الموضوع محلو ليش ترد وتناقش علية هههههههههههههههه
مشكور اخ علاء