نسبة النجاح في جامعة الانبار ... مسؤولية من؟؟؟؟؟؟

[جواد الرمادي]

السلام عليكم جميعا اخواني واخواتي طلاب وطالبات جامعة الانبار
الجميع يدرك نسبة النجاح الضئيلة جدا في جامعتنا العزيزة وبالمقابل نسبة الرسوب والاكمال الكبيرة التي لاتتناسب وحجم الجهود التي بذلها الطلاب والاساتذة وخاصة في هذه السنة التي شهدت استقرارا امنيا والاهم منه الاستقرار النفسي في محافظتنا العزيزة .
من يتحمل مسؤولية هذا الامر
الطلاب ؟
ام الاساتذة؟
ام الوضع العام
وارجو من جميع الاخوان والاخوات ان تكون ردودهم واقعية وعقلانية وليست بغرض الانتقام الشخصي من استاذ من اساتذة بالكلام عليه والانتقاص من قدره فليس من المعيب ان نذكر عيوبنا فالاعتراف بالخطأ فضيلة كما يقال
اما عن نفسي فانا نجحت والحمد لله من الدور الاول ولكن نتيجة زملائي الطلاب ازعجتني كثيرا

[حمودي الدليمي]

السلام عليكم
هلا بيك حبي جواد نورتنا
اي والله كلامك صحيح
السنة الرسوب هواية بجامعة الانبار
مو بس هاي حتى الاعدادية والمتوسطة البكلوريا رسوب هواية
السنة صار تشدد مو طبيعي بكل الدراسات
اسئلة صعبة لم يتوقعها الطالب نهائيا
وخاصة بالجامعة
اني تربية علوم حياة
اسئلتنا كلش صعبة السنة
طبعا المسؤولية للطالب بالاول
والثاني الادارة ورئاسة الجامعة
شكرا جزيلا الك على هذا الموضوع
تقبل تحياتي
طبعا اني طلعت مكمل اب3 مواد

[عبودي الراوي]

شكرا جواد على الموضوع






بس اريد اكلك انو المصايب توكع




كلهة على الطالب يعني الاستاذ يكلك





اني انطيت محاضرة وهاهية معلية بالباقي



تحياتي

[ابن الانبار الوفي]

اهلا وسهلا يا مرحبا ..
ولو تاخر الرد بس يلا ميخالف نسجل حضور برأي ..

بالنسبه لسبب الرسوب والنسبه الكبيره التي نسمع عنها وشاهدناها ومثل
ما تفضل اخونا احمد انو ليست بالجامعه والكليات فقط وانما في الاعداديه والمتوسطه
يعني السادس والثالث.. صحيح ربما الاسئله صعبه وربما صار تشدد وهاي اخلي عليها
علامة استفهام يعني شنو تشدد خوما نخلي الطالب ياخذ راحته ويبدي يغش وينحج
بهاي الاساليب..

الاستاذ بالمدرسه والكليه يعطي الدرس والمحاضره وبعدين يسأل منو ما فاهم منو حاب اعيدله
الدرس محد يحجي والكل على اساس مفتهمه ومن يجي الامتحان كلشي ماكو وين راحت الدروس
والتحاضير مدري !!

فاقول ان اللوم والسبب يعود على الطالب بالدرجة الاولى والاهم
فهو الذي بيده ان يدرس يتابع يحضر يكون متابعاً لكل ما من شانه
ان يفيده بالامتحان ..

لا احد يزعل اغلب الطلاب يوصلون الكليات حتى يدخل عالم الاختلاط وي الطالبات
والطالبات كذلك اني كلت اغلب يعني مو الكل لكن النسبه برأي كبيره وهوايه.

سلامي واحترامي لصاحب الموضوع الاخ العزيز جواد
وحياك الله خيي الورده يا ابو الاشعار الجميله.

ابن الانبار الوفي

[جواد الرمادي]

السلام عليكم اخواني واخواتي جميعا
اشكركم اخواني احمد وعبودي الراوي وابن الانبار الوفي على مروركم ورايكم الصريح واني اشوف راي الاخ ابن انبار الوفي صريح جدا وبمكانة لان مع الاسف الجامعة بنظر الكثيرين مجرد علاقات وصداقات
واتمنى ان نسمع راي اخواتنا الطالبات بالموضوع
الشكر موصول للمشرف على المنتدى
تحياتي
جواااااااااااااااااااااااااااا الرمااااااااااااااااااااااااادي

[نواره الحزن]

السلام عليكم اخواني اني طالبه جامعه الانبار بالتربيه
راح احجي الي اليه والي عليه
بصراحه الرمادي من الابتدائيه الى الجامعه ما متعلمين على التشدد فهاي السنه صار التشدد ولهذا محد نجح اله الي بذراعه
اسفه اذا كان كلامي ولومي بس ع الطلاب
بس الي يقره ينجح
واني الحمد لله قريت وتعبت واعتمدت ع نفسي ونحجت وطلعت الثانيه ع القسم
الف شكر الك اخويه العزيز

[جواد الرمادي]

اختي نوارة الحزن
اشكرك على ردك الصريح والمباشر واهنئك على النجاح الباهر وكلامك اصاب كبد الحقيقة لان محافظتنا اعتمد بيها الطلاب على الواسطة من الاول ابتدائي وحاليا نرى الغش في الامتحانات الوزارية التي جرت هنا بالقرب من بيتي ولكن هذا لا يعني الغاء الجزء الاخر من الطلاب ومن ضمنهم حضرتك اللذين نجحوا بجهدهم
تحياتي
جواااااااااااااااااااااااااااااااد الرماااااااااااااااااااااااااااااادي
شاعر المنتدى