وتصل اللقاءات عند النقاش لنتعرف عليه

[طفولة بريئة]

اليوم لقاءنا مميز


مع شخص أستطاع لفت الأنظار


شخص أبهرنا بمشاركاته المميزة


سنقف عنده لنتعرف عليه اكثر

http://www.arabsys.net/pic/wrod/19.gif (http://www.arabsys.net/pic/index.php)



أنه النقاش


يسعدنا ان نتعرف عليك ومعرفة شخصيتك



وراح ابدي بالأسئلة التقليدية




الأسم



العمر



التحصيل الدراسي


الهواية

http://www.arabsys.net/pic/wrod/19.gif (http://www.arabsys.net/pic/index.php)



وأترك المجال مفتوح لأعضائنا للتعرف عليه من خلال اسألتهم



مودتي

[النقاش]

تحياتي الج اخت طفوله

اطيب تحيه

واشكرك على هذا الاطراء

اللي اخجلتي بي تواضعي

اولا اسمي

حسين النقاش

عمري

24

التحصيل الدراسي

طالب كلية الادارة والاقتصاد ((حالياً))

الهواية

الخط والتصميم والعمل على برامج الصوت


وتحياتي الج خيتووو

واتمنى دائماً اكون خفيف الظل عليكم

[بنت ديالى]

اهلا بريحة القداح ونور الصباح
اهلا بوردة المنتدى الفواحة


وصاحب الاطلالة البهية
الحبوب الطيوب..

منور اخوية النقاش..

كل الهلا بيك و الغلا..

كلت خل اجفت عليكم بالاسئلة قبل ما يجي احد ض4

حياتي طفطف مشكورة ع الاستضافةالجميلة ض21


شوية رح ادوخك بأسئلتي بس ادري بيك حباب و رح تتحملني ض7
يلا خل نبدي..كول يا الله..

-ليش اختاريت اسمك؟؟
-عضو قريب عليك ؟؟؟
-عضوة قريبة عليك؟؟
-عضو مرح؟؟
-عضو ذكي؟؟
-عضو واعي؟؟
-عضو ذوق؟؟
-عضو صريح؟؟
-عضو متكدر بدون متشوفه؟؟
-عضو تشتاقلة دووم؟؟
-عضو علمك اشياء كثيرة؟؟
-عضو تشكره؟؟

شنو اكلتك المفضلة؟؟؟
يا وردة تحب اكثر شي؟؟
احب الاوقات اليك؟؟
تحصيلك الدراسي شنو؟؟
كتاب عجبك كثير؟؟
فلم يعجبك كثير؟؟
موقف متكدر تنساه طول عمرك؟؟
كم صديق/صديقة عندك..صديق بمعنى الكلمة؟؟؟
كم اخوة عندك؟؟
وين تسكن؟؟
شنو معى الغربة بالنسبة الك؟؟
ما معنى الحب من طرف واحد من وجهة نظرك؟؟
يا بلد تحب تزوره؟؟
شنو فلسفتك بالحياة؟؟
هل تستغني عن مبادئك لاجل من تحب؟؟
تحب الشعر؟؟
لو اطلعتني على مكتبة اغانيك المفضلة..ماذا سأجد بها؟؟؟
العاطفة ...المنطق..ايهما اقرب لك؟؟؟
شكم مرة فلتت من المدرسة ؟؟
درس تحبه؟؟؟
درس تموت منة؟؟؟

تصلي؟؟
تصوم؟؟؟
كم مرة ختمت القرأن؟؟
تحب زوجتك تكون محجبة لو سافرة؟؟

اسم ولد تحبه كلش؟؟
اسم بنت تحبه كلش؟؟
اخر خبر محزن سمعته؟؟
اخر خبر مفرح سمعته؟؟
حاليا شمشتهي اكل؟؟
عندك بوسترات بحياطين غرفتك؟؟اذا عندك لاي من المشاهير بوستراتك ؟؟؟
لونك المفضل؟؟؟
شنو امنيتك بالحياة؟؟
لمن تلتجأ في لحظات الفرح؟؟
و ايضا في لحظات الحزن؟؟
ما اهم شئ انجزته في حياته؟؟؟
في يوم من الايام بجيت واحد؟؟؟
اذا عرفت بنفسك مخطئ في موقف ما..هل تتردد في الاعتذار؟؟
اول ما تكوم الصبح شتسوي؟؟
ساعة بيش تنام بالليل؟؟
مخدتك عالية لو ناصية؟؟
تحب علج بوبي؟؟
يا نستلة تحبهة كلش؟؟؟
احلى هدية اخذتهة بحياتك؟؟؟
اخر مرة المن اشتريت هدية؟؟
شوكت بجيت اخر مرة؟؟
اي نوع من الرياضة تحب؟؟
تنام الظهر مثل باقي العراقيين؟؟
تحب الموطا؟؟
تحب الهريسة؟؟؟
تحب الطرشي؟؟
هل انت مزاجي؟؟
تؤمن بالابراج؟؟
تقرأ جريدة؟؟؟
تحب الكلمات المتقاطعة؟؟
اذكرلي بيت شعر تحبه
اي نادي تشجع؟؟

منو مثلك الاعلى؟؟؟
شخصية ادبية تحبهة ؟؟
احسن صفة بيك؟؟
اسوء صفة بيك؟؟
اذا تطلع وية عضو و عضوة بالمنتدى..منو يكونون هذولة سعداء الحظ؟؟؟
هل انت صبور؟؟؟
شنو نوع موبايلك؟؟
شكد عندك رصيد هسة؟؟
شنو خطك؟؟
شكم ساعة باليوم تكعد عل نت؟؟

و اخيرا..
شنو رأيك ببنت ديالى؟؟؟
اسفة عل اطالة خيي ويارب ما تتعب من تجاوب..
ارق تحية..

[النقاش]

طبعا شكرا الج اختي بنت ديالى

ومثلما كلتي خلي نبدي ياالله

-ليش اختاريت اسمك؟؟

اني نقاش انقش اجمل الاشياء بالمنتدى اولا وثانيا لارتباطه بالعمل الفني

-عضو قريب عليك ؟؟؟

المشرف مصطفى البغدادي وبعدين كل اعضاء المنتدى

-عضوة قريبة عليك؟؟

............ لا اعذريني

-عضو مرح؟؟

ولالله اممممم هم ماشاء الله كلهم مرحين وماعدنه واحد عبوس

-عضو ذكي؟؟

كلهم حلوين واذكياء

-عضو واعي؟؟

اوراس ((الله يذكرة بالخير )) والباقيين كلهم

-عضو ذوق؟؟

اذواقهم كلهم حلوين دون مجامله

-عضو صريح؟؟

ابن الانبار الوفي

-عضو متكدر بدون متشوفه؟؟

مصطفى البغدادي اربعه وعشرين ساعه وما امل منه

-عضو تشتاقلة دووم؟؟

واللهي الكل دون استثناء وماعندي اي تفرقة بينهم

-عضو علمك اشياء كثيرة؟؟

الحياة مدرسه لابد نتعلم من الصغير واالكبير دون استثناء

-عضو تشكره؟؟

واللهي كلهم اشكرهم اذا ردوا على المواضيع مو بس مالتي

مواضيع كل الاعضاء

شنو اكلتك المفضلة؟؟؟

الباجة والاسماك

يا وردة تحب اكثر شي؟؟

كاردينيا

احب الاوقات اليك؟؟

اعشق وقت الليل من الـ 11 وورة

تحصيلك الدراسي شنو؟؟

مثل ماذكرت بعدني طالب بالادارة والاقتصاد

كتاب عجبك كثير؟؟

وعاظ السلاطين (( د. علي الوردي ))

فلم يعجبك كثير؟؟

والله ما اتابع افلام واذا اتابع بالسنه حسنه

موقف متكدر تنساه طول عمرك؟؟

حادث اتعرضت اله

كم صديق/صديقة عندك..صديق بمعنى الكلمة؟؟؟

اثنين او ثلاثة

كم اخوة عندك؟؟

اخ واحد وخوات ثنين

وين تسكن؟؟

بغـــــــــــــــــداد ((امي وابويه))

شنو معى الغربة بالنسبة الك؟؟

تجميد لذات الانسان واحتراق على نار هادئه

ما معنى الحب من طرف واحد من وجهة نظرك؟؟

شلل نصفي

يا بلد تحب تزوره؟؟

احب ازور لندن

شنو فلسفتك بالحياة؟؟

حبها قدري وفلسفتي وبغير حبها لا فلسفة لي

هل تستغني عن مبادئك لاجل من تحب؟؟

هي تحترم مبادئي وانا احترم مبادئها واليوم الذي تصل به للمباديء ((........))

تحب الشعر؟؟

نعم ولا تجدين النقاش ان لم يكن هناك شعر

لو اطلعتني على مكتبة اغانيك المفضلة..ماذا سأجد بها؟؟؟

ستجدين السيدة فيروز

ماجدة الرومي

عبد الحليم حافظ

حسين نعمه

محمد جواد اموري

قحطان العطار

فؤاد سالم

محمد عبد الجبار

كاظم الساهر

كريم منصور

والقائمه طويله

والتراث احبه بشكل مو طبيعي

العاطفة ...المنطق..ايهما اقرب لك؟؟

كل له اتجاهه وفي وقت العاطفه عاطفه

ووقت المنطق نستخدم المنطق

شكم مرة فلتت من المدرسة ؟؟

اوووووووووووووو

درس تحبه؟؟؟

التاريخ

درس تموت منة؟؟؟

الرياضيات

تصلي؟؟

الحمد لله

تصوم؟؟؟

الحمد لله

كم مرة ختمت القرأن؟؟

مرة وحدة

تحب زوجتك تكون محجبة لو سافرة؟؟

طبعا محجبه فانا شرقي رجعي بافكاري

اسم ولد تحبه كلش؟؟

والله كلهم حلوين وماعندي فرق

اسم بنت تحبه كلش؟؟

نفس الفقره اللي قبلهه

اخر خبر محزن سمعته؟؟

وفاة احد اصدقائنا كنت قد فارقته منذ زمن

اخر خبر مفرح سمعته؟؟

نجاحي

حاليا شمشتهي اكل؟؟

حاليا ليل وباجر مشتهي ع الغدة تشريب مال لحم ((اويلي ))

عندك بوسترات بحياطين غرفتك؟؟اذا عندك لاي من المشاهير بوستراتك ؟؟؟

لا ما عندي

لونك المفضل؟؟؟

الاحمر

شنو امنيتك بالحياة؟؟

ان احقق طموحاتي

لمن تلتجأ في لحظات الفرح؟؟

لامي والحبيبه

و ايضا في لحظات الحزن؟؟

لاخي وللوالدة واكثر شي الها والله

ما اهم شئ انجزته في حياته؟؟؟

كل اللي انجزته اعتز بي ومهم

في يوم من الايام بجيت واحد؟؟؟

وحدااااااااااااااااااااااات

اذا عرفت بنفسك مخطئ في موقف ما..هل تتردد في الاعتذار؟؟

كلا اعتذر واني الممنون

اول ما تكوم الصبح شتسوي؟؟

اقرة شغلات وايات واكوم اغسل وجهي وهلم جرا

ساعة بيش تنام بالليل؟؟

وره الوحدة

مخدتك عالية لو ناصية؟؟

وسط (( فخير الامور اوسطها ))

تحب علج بوبي؟؟

ما احب العلج اطلاقاً

يا نستلة تحبهة كلش؟؟؟

جبري و مريخ

احلى هدية اخذتهة بحياتك؟؟؟

والله اخر هدية من الحبيبه

اخر مرة المن اشتريت هدية؟؟

للحبيبيه

شوكت بجيت اخر مرة؟؟

ذاك اليوم من سافر اخوية

اي نوع من الرياضة تحب؟؟

كرة القدم

تنام الظهر مثل باقي العراقيين؟؟

ما احب النوم الظهر اصلا

تحب الموطا؟؟

احبهه

تحب الهريسة؟؟؟

احبهه تخبل

تحب الطرشي؟؟

اوووووووووو

هل انت مزاجي؟؟

لا مزاجي ولا احب واحد مزاجي

تؤمن بالابراج؟؟

اي نص ونص

تقرأ جريدة؟؟؟

اموت ع الجرايد

-تحب الكلمات المتقاطعة؟؟

لا

-اذكرلي بيت شعر تحبه

ودعت عمري حين وقفت مودعا ونثرت من فيض المشاعر ادمعاً

اي نادي تشجع؟؟

محليا الشرطه العراقي

واوربيا ريال مدريد


منو مثلك الاعلى؟؟؟

الثائر جيفارا

شخصية ادبية تحبهة ؟؟

د. علي الوردي

البير كامو

شكسبير

احسن صفة بيك؟؟

والله ما اعرف لا زم انتوا تعرفون بس حب المساعدة اعتقد

اسوء صفة بيك؟؟

عصبيتي

اذا تطلع وية عضو و عضوة بالمنتدى..منو يكونون هذولة سعداء الحظ؟؟؟

كلهم اكون سعيد وياهم والله مو مجامله


هل انت صبور؟؟؟

هوايه

شنو نوع موبايلك؟؟

N 73

شكد عندك رصيد هسة؟؟

دولارين وشويه

شنو خطك؟؟

حاليا اسيا قبل كان عراقنا والاثير اتخبل منه

شكم ساعة باليوم تكعد عل نت؟؟

مايقارب الخمس الى ست ساعات

و اخيرا..

شنو رأيك ببنت ديالى؟؟؟

اخت غاليه علينه وحبابه بس اسالتج حيل مطوله ههههه

ولا يهمج

واني ملاحظ مشاركاتج حلوة دائماً

اتمنالج كل خير ويحفضج لاهلج وللي تحبيهم ويحبوج

وتحياتي الج

وارجو انه كنت صريح وياج ويه الجميع

[salahsport_82]

السلام عليكم

أختي العزيزة طفوله بريئة شكرآ لهذا اللقاء الجميل تسلم أيدك


أخي الكريم النقاش أخ عزيز وصاحب مواضيع جميله ذوق دومآ في كل اختياراته الراقيه

مبدع في كل مجال من مجالات التصميم والبرامج و عيني البارده والله

احب أحييك اخي العزيز على هذا الابداع وماعندي اسئله لأن الاخت الغاليه الحمد لله مخلت شي مسئلته ماقصرت والله

فقط حبيت اسلم واتمنالك الموفقيه في كل ميادين حياتك وأقول لا تحرمنا من جديدك الراقي

تحياتي للجميع

[النقاش]

حبيبي الغالي

صلاح نورت الموضوع

ومية هله بيك نورتني عيوني

[Al-Baghdadi]

السلام عليكم

اول شيء احب اشكر الاخت طفوله بريئه على استضافه اخويه وحبيبي حسين والقاء رائع


وثاني شيء احب اقول حسب معرفتي اخويه النقاش حسين انه ولد حباب ومؤدب وانسان عاقل وتعجبني شخصيته كلش اهوايه مو مجامله لن كدامه بس هذه هيه حقيقه

وعندي كم سؤال لن الاخت بنت ديالى ما بقت شيء النه ونبدي

اول سؤال

شنو الي تحب تنساه وما تذكره ابد من الماضي ؟

ثاني سؤال

شنو الي هسه انته وتقره سؤالي تتمناه ؟

ثالث سؤال

شنو رئيك بل مسلسل التركي نور و سنوات الظياع ؟

رابع سؤال

اكثر مهنه او شغله تحب تشتغله ؟

خامس سؤال

شنو مواصفات الشخصيه الي تحبه وتحب يكون صديقك من الجنسين ؟

سادس سؤال

شنو رئيك بل فن عراقي حاليا والفنانين الجدد قصدي فقط على غناء ؟

وخلصت واتمنالك يا غالي موفقيه ونجاح بحياتك وما تشوف شر بحياتك ياغالي وانته تستاهل كل خير يا ورده

وتحياتي لجميع

[النقاش]

حبيبي وصديقي واخويه الغالي

مصطفى البغدادي

علكم السلام ومية هلا بيك ياورد الورود

واني وياك اليوم راح اكلبهه لانه احب اسألتك

يلله نبدي ابو الصوف

اول سؤال

شنو الي تحب تنساه وما تذكره ابد من الماضي ؟

كل شي سيء سويته وطول البعد عن اغلى الاحباب

ثاني سؤال

شنو الي هسه انته وتقره سؤالي تتمناه ؟


اتمنى ان يلتم شملنه اقصد (( اني ووياهه )) ويتحقق الي راسم اله

ثالث سؤال

شنو رئيك بل مسلسل التركي نور و سنوات الظياع ؟

والله هذني المسلسلين دخلن بقوة للمجتمع بس اني بهاي الفترة كمت اشوف مقاطع من

مسلسل نور قصة حلوة لابأس بيهه واجتماعيه تعالج مشاكل كثيرة


رابع سؤال

اكثر مهنه او شغله تحب تشتغله ؟

العمل الاداري والفني كالتصاميم والخط والمهن اليدويه احبهه

سؤال

شنو مواصفات الشخصيه الي تحبه وتحب يكون صديقك من الجنسين ؟

والله ان يكون صادق ويايه ميكذب عليه

ويكون مخلص اليه ومن التفت واحتاجه الكاه يمي

سادس سؤال

شنو رئيك بل فن عراقي حاليا والفنانين الجدد قصدي فقط على الغناء ؟


مصطفى حبي سبق واني وياك حجينه على هاي السالفة وكتلك بهذا الوكت

ماكو مطربين الاما ندر والمشكله انه سرعه الاغنيه وهبوط كلماتها والحانها

فما ماكو خلود للاغنيه وانما فقاعه تسمعه اليوم وباجر تنساهه

مو مثل الاغنيه السبعينيه مثلا ((اخذ مثال اغنيه ياحريمه )) للفنان حسين نعمه

هي لحد الان خالدة بوجان كل العراقيين من ذاك الجيل وهذا وهكذا

والقائمه طويله والامثال هوايه




الغالي مصطفى اني اشكرك جدا

وممنون منك على هاي الاسئله وارجو انه كنت صريح وياك

تحياتي الشخصك الكريم

[بنت ديالى]

شكرا اخوية العزيز ع الاجوبة الحلوة..
انشاء الله ما تعبتك بالاسئلة..
اتمنالك الموفقية و السعادة بالحياة..
انشاء الله تتحقق كل امنياتك و طموحك..
و ربي يخليلك الي تحبهم..
و يا رب متشوف فراق..ض21
دمت في عناية الرحمن و حفضه..

[النقاش]

شكر خيتي بن ديالى

واني ممنون

وتحياتي الج

[طفولة بريئة]

عدنا من جديد مع مجموعة اسئلة اتمنى ان ماتكون مزعجة


http://www.arabsys.net/pic/wrod/2.gif (http://www.arabsys.net/pic/index.php)




س:1 ...ماهو برجك ؟ ولونك المفضل ؟


س:2 ...اجمل 3 صفات تراها في نفسك؟

س:3...3صفات تكرهها في نفسك؟

س:4 ...صفة متواجدة في المجتمع تكرهها؟

س:5 ...ماهو الشئ الذي تخاف منه ويشغل بالك اكثر من بقيت الاشياء؟

س:6 ...ماهو اجمل موضوع قراته في منتديات منتديات عراق السلام سواء انت كتبته او غيرك؟

س:7 ...من من الاعضاء تحب اسلوبه في الكتابة ؟

س:8 ...ماذا تحب وماذا تكره؟

س9...اسأل نفسك سؤال وأجب عليه

س: 10 .. هل انت متزوج واذا متزوج كم طفل لديك ؟


س:11 .. في اي بلد تسكن وفي اي محافظه ؟

س 12... في حياتنا الكثير من الصدف .. فما هي اجمل صدفة حدثت بحياتك؟؟


س13... لكل شخص نقطة ضعف .. فما هي نقطة ضعفك؟؟


س 14... شخص لا ترفض له طلب؟؟


س15... ما هي التجربه التي تتمنى تكرارها؟؟


س16.... اسوا خبر سمعته؟؟

س17 .. دعوه صادقه من اعماق قلبك لمن تهديها؟؟

س18 شنو أكثر الاقسام تحبه بالمنتدى


س19 منو تتمنى يكون اللقاء وياه بعدك


س20 ... شنو رأيك بأسألتي ههههههههههههه

وان شاء الله لي عودة حتى ازهكك

مودتي
http://www.arabsys.net/pic/wrod/2.gif (http://www.arabsys.net/pic/index.php)

[النقاش]

اهلا ومرحبا اختي طفوله

واهلا بعودتج

واني حاضر وبالخدمه

للرد على اسألتج

نبدي ياالله


س:1 ...ماهو برجك ؟ ولونك المفضل ؟

الحوت - الاحمر

س:2 ...اجمل 3 صفات تراها في نفسك؟

والله من مدح نفسه ذمها

لكنك قلتي التي تراها في نفسك فأنا ارى

1- الصدق 2- حب المساعدة 3- احترام المواعيد

س:3...3صفات تكرهها في نفسك؟

1- العصبيه 2- الحدة 3- الخوف من المستقبل

س:4 ...صفة متواجدة في المجتمع تكرهها؟

عدم الشعور بالمسؤوليه تجاه ارضهم ووطنهم

س:5 ...ماهو الشئ الذي تخاف منه ويشغل بالك اكثر من بقيةالاشياء؟

الخوف من المستقبل

س:6 ...ماهو اجمل موضوع قراته في منتديات منتديات عراق السلام سواء انت كتبته او غيرك؟

كل المواضيع قراتها جميلة ولتي كتبتها ايضا جميلة ومعتز بها

لكن يوجد موضوع للصور التراثيه العراقيه في منتدى التشكيل اعتز به كثيرا وهو حصري

لمنتديات عراق السلام والموضوع من اعدادي ونشري

س:7 ...من من الاعضاء تحب اسلوبه في الكتابة ؟

الجماعة رواد القسم الفصيح كلهم حلوين

س:8 ...ماذا تحب وماذا تكره؟

احب العراق واكره اللي ميحبه

س9...اسأل نفسك سؤال وأجب عليه

س-لماذا انتقلت من منتدى الاغاني لمنتدى الموبايلات

ج- بكل صراحه لانه ما اريد انشر الاغاني

س: 10 .. هل انت متزوج واذا متزوج كم طفل لديك ؟

لا اعزب

س:11 .. في اي بلد تسكن وفي اي محافظه ؟

اسكن بنص العراق يعني بالقلب يعني بغداد امي وابويه هي

س 12... في حياتنا الكثير من الصدف .. فما هي اجمل صدفة حدثت بحياتك؟؟

لقائي بها

س13... لكل شخص نقطة ضعف .. فما هي نقطة ضعفك؟؟

العاقل منا من لا يعطي نقطه ضعفه

س 14... شخص لا ترفض له طلب؟؟

الوالدة الكريمه فقط (( والباقيين نتناقش ))

س15... ما هي التجربه التي تتمنى تكرارها؟؟

لو عادت بي الدنياودارت الافلاك دورتها بالعكس لاخترت ان اجرب حبها مرة اخرى ودون مجامله

س16.... اسوا خبر سمعته؟؟

في حياتي سمعت خبر واحد سيء ولا ياتي اسوء منه هوووو (( لحظة الفراق ))
س17 .. دعوه صادقه من اعماق قلبك لمن تهديها؟؟

لنفسي ولها وللعراق

س18 شنو أكثر الاقسام تحبه بالمنتدى

قسمي احبه واموت علي والمنتدى العام والاغاني العراقيه

س19 منو تتمنى يكون اللقاء وياه بعدك

المشرف مصطفى البغدادي

س20 ... شنو رأيك بأسألتي ههههههههههههه

حلوة واشكرج لرجوعج مرة اخرى واتمناج الموفقيه اختي الغاليه

وان شاء الله لي عودة حتى ازهكك

مية هلا بيج خيتي بكل وقت واني هاديء وما ازهك ابد هههههههههه

تحياتي للجميع واتمنى انه كنت بمنتهى الصراحه والشفافيه

[عَـــ ألاحًًًًَزإُن ــأزف]

V
V
V
V

[عَـــ ألاحًًًًَزإُن ــأزف]

السلام عليكم ورحمة الله وبركاته


اولا مشكورة خيتو طفولة على القاء مع المشرف المميز


حبيت اطرح عليك كم سؤال


1- لو فارقك احد الناس العزيزين عليك وانتة متعف لشي ابتعد هنك وبعدين توضح الك الاسباب ويطلع مفتهم غلط شراح تسوي ؟



2- هل انتة مسامح في كل الامور لو البعض لو يبقى الشي بالك ومتكدر تنسا ؟؟


3- هل فكرت بيوم من الايام ... وانتة ضايج ... تطلع برة العراق .. ؟؟



4- شنو اكثر اكلة تحبهة عدى الدولمة والباجة ض4 ؟؟؟؟؟


5- هل بعتقادك الي يكون موزع اغاني او استوديو او اي شي يخص الاغاني ... تكون هلشغلة سلبية ؟؟؟


6 - طلعلي وحدة من هذني شنو اكثر شي تحبهة (( السباحة . كرة الطوبة ض4 . بلياردو .. ))

7- شنو رئيك بل اعضاء الي راح اذكرهم وياريت تفصيل ممل يعني يخليني اوصل للفكرة عن شخصيتهم ض4


1 - دلالية

2- عيون حائرة

3- نابليون بغداد

4 - الكتكوت المتوحش

5- البغدادي

6- طفولة بريئة

7- عبودي الراوي

8- لؤلؤة بغداد

9- ايات الراوي

10- حلوة بس المشكلة كلش خبيثة



واخيرا

اريدك تكولي شنو السلبيات والايجابيات بــ عــ الاحزان ــازف

واتمنى انو اكون خفيف الظل عليك وردة ض21


تحياتي ض21

[النقاش]

مية هلا حبيبي الغالي


عازف الاحزان


نورتني

اخويه الغالي


حبيت اطرح عليك كم سؤال



يلله نبدي حبيبي

اني حاظر للجواب على اسئلتك

1- لو فارقك احد الناس العزيزين عليك وانتة متعرف ليش ابتعد عنك وبعدين توضح الك الاسباب ويطلع مفتهم غلط شراح تسوي ؟

اروح وافهمه وما اتردد في ان اعتذر واتاسف حتى لومكنت غلطان

2- هل انتة مسامح في كل الامور لو البعض لو يبقى الشي بالك ومتكدر تنسا ؟؟

مو بكل الامور على وجه العموم بس مسامح على وجه الخصوص وانسى الشي ميبقى بالي لانه قلبي

طيب وما احمل لاحد اي شي بقلبي

3- هل فكرت بيوم من الايام ... وانتة ضايج ... تطلع برة العراق .. ؟؟

ابد مافكرت ولايوم رغم كل الظروف التعيسه اللي مريت بيهه اكو ارتباط خفي بيني وبين هاي الارض

بس تطلعني منهه ما اكولك اموت بس ما اعرف اعيش

4- شنو اكثر اكلة تحبهة عدى الدولمة والباجة ؟؟؟؟؟

الاسماك عموما سواء كان مشوي مقلي او غيرها

5- هل بأعتقادك الي يكون موزع اغاني او استوديو او اي شي يخص الاغاني ... تكون هلشغلة سلبية ؟؟؟

طبعا العمل الفني ما اخفيك سر عمل ممتع جدا والوسط الفني اني تعايشت ويا اوقات هوايه

اجمل مجتمع هو الوسط الفني اما السلبيه اللي تقصدهه فما بيهه اي سلبيه سوى اذا استخدمت

الاغنيه (( بوجه اخر )) مثل هي هذا اليوم كالغرض المادي والفن يجي ثانوي هذه السرعه والضحاله

بالاغنيه هي السلبيه الاولى والاخيرة واني يعرفوني الجماعة اكره الاغني الجديدة والسريعة ومرتبط

بالفن التراثي والقديم بشكل مو طبيعي

6 - طلعلي وحدة من هذني شنو اكثر شي تحبهة (( السباحة . كرة الطوبة . بلياردو .. ))

والله السباحة ماعرف اسبح الصراحة

كرة الطوبه اموت عليهه

بلياردو اعرفلهه بس ضعيف جداً يعني اذا الزم الكيوب الزمه مثل القلم هههه

7- شنو رأيك بل اعضاء الي راح اذكرهم وياريت تفصيل ممل يعني يخليني اوصل للفكرة عن شخصيتهم


1 - دلالية

والله العظيم مشايف اسمهه لاول مرة اشوفه هناااا

ولا صغرا بيهه

2- عيون حائرة

اخت عزيزة و وردة

3- نابليون بغداد

والله خوش نابليون

وذو ملاحظة شديدة وفعال بس اكو شي بي مدوخني

تدري شنوو اكو كلمه جوة توقيعه كاتب

(( قصؤؤ )) من يوم اللي شفتهه لليوم دايخ بيهه

ما اعرف شنو؟؟؟

4 - الكتكوت المتوحش


اخويه و حبيبي الغالي

حلوو عمله ومرتب

مثابر بنشاطة الرياضي


5- البغدادي

اوووو مصطفى البغدادي اخويه وزميلي وحبيبي

وبيناتنه تفاهم وانسجام مو طبيعي

6- طفولة بريئة

اخت طفوله وحبابه وابد مشايف منهه اي قصور

مواظبه بعملهه بس اكو فد شي بيهه اسئلتهه هوايه ههههه

7- عبودي الراوي

حبوب عبودي ومشاركاته حلوة

وملتزم بالردود على كل الاعضاء

بس بي شغله وحدة زغنونه لو يبطلهااا

((توقيعه كلش جبير اكبر من راسي ))

8- لؤلؤة بغداد

اختنا الغاليه والملتزمه

صاحبه احلى مشاركات واجمل ردود

مثابرة ونشيطة

9- ايات الراوي

ايات حبابه ووردة مال الله

10- حلوة بس المشكلة كلش خبيثة

بعد شخليت اسمهه هو ينطيك الشرح

هع (( لا والله ماصايرلي ولاصغرا بيهه اي موقف حتى اعرفهه ))

واخيرا

اريدك تكولي شنو السلبيات والايجابيات بــ عــ الاحزان ــازف


عازف الاحزان حبيبي الغالي

انت وردة واحترمك كلش وياربي نتعرف اكثر بالمواقف الجايه

وياريت تضيف ايميلي يمك

وتكتبلي وما شاء الله كلك ايجابيات

ويانه بالمنتدى عاد بالطبيعه هم هيج

وسلبيات كل سلبيات ماعند

بس شغله وحدة طببتني بالمتاهه مال اسئلتك ودوختني ههههههههه

ولا يهمك وردة اني اتشاقه وياك

تحياتي الك وارجو انه كنت صريح وياك

الك مني اطيب التحيات

واشوفك بكل خير

[ابن الانبار الوفي]

هلا والله مية مرحبا
حياج يا طفولةه الورده على اللقاءات الجميله
مع الاعضاء والمشرفين الحلوين ..

النقاش عيوني شلونك اخبارك ان شاء الله مليح
عيوني كم سؤال على الماشي اخذهم وياك وديهم للحجيه وخلي تجاوب عليهم .
http://4rsan.net/imagehost/uploads/ef19cf202e.gif (http://4rsan.net/imagehost)

** انت اكبر اخوتك؟ واسأل الحجيه شلونك من چنت زغير ؟ لا تغلس

** اهلك چانوا مدللينك ؟ لو عشت عمرك بالدفرات ؟ ههههه

** من سماك؟ وليش؟
هاي مثل ما كتلك تسأل الحجيه عليهم يعني مو الك.را1
* شلون وصلت للمنتدى؟
* بصراحه هل تغيرت مكانة المنتدى عندك بعد تغيير الاسم والانتقال؟
* شنو نظرتك للأنسان الي يحجي بالمثاليات ؟ يعني بس حجي.
* شنو رأيك في المرأه العراقيه ,العربيه,الغربيه ؟
* شنو رأيك اذا زوجتكَ تتوظف ,سواء مدرسه او اي دائره حكوميه او شركات؟
خلصنه من النسوان ههههههه ض36

** تحب كرة القدم ؟يعني تعلب طوبه ؟(ك.2.8.)
** افضل لاعب عراقي ,عربي .عالمي؟
** عرفت منو النادي الي تشجع لكن يا منتخب غير العراق تشجع؟
** فريقين لعبو مباراة انتهت تعادل 1/1 بس اكو فريق ما سجل
ولا هدف شلون صارت ؟هع(هـ1)

*** ماهو الشيء الذي اذا اكل الانسان نصفه يموت؟
*** عمتك اخت ابوك خال ابنهه شيصيرلك؟
*** امريه تشمي على الجسر شسم بنتها ؟ هههههه
خوش حزازير مو خابرني اذا حليتهم هههههه.
http://4rsan.net/imagehost/uploads/ef19cf202e.gif (http://4rsan.net/imagehost)
يلا عيني كافي تعبت


شكرا مقدما على الاجوبه
واكو سؤال راح اسأله الك بعدين واشوف شنو سالفتك هههههه
طفوله الورده ممنون منج خيتي على التواصل ربي يسلمچ ورده.

ابن الانبار الوفي

[النقاش]

هلا بيك ومية هلا ياغالي

ونورت الصفحة حبي

النقاش عيوني شلونك اخبارك ان شاء الله مليح
عيوني كم سؤال على الماشي اخذهم وياك وديهم للحجيه وخلي تجاوب عليهم .

الحمد لله اخويه ابن الانبار الوفي واشوف الصفحة دتطلع منها كلوبات

لانه انت منور اليوم مع كم الاسئله مالتك وبالمناسبه الحجيه تسلم عليك هوايه

وتكول يوميه طالعلي ابن الانبار بدرب اضلم هههههههههه مرة الصور مرة اسئله مرة ما ادري ايش

** انت اكبر اخوتك؟ واسأل الحجيه شلونك من چنت زغير ؟ لا تغلس

اني اصغر اخوتي وسألتهه كالت طنت خوش ولد والله مكنت وكيح يعني فقير

كنت وصدكني ما اغلس

** اهلك چانوا مدللينك ؟ لو عشت عمرك بالدفرات ؟ ههههه

مابين ذلك سبيلا يعني هيجي وهيجي بس من وعيت ع الدنيه اندفرت دفر

مو طبيعي مو منهم بس من الدنيه

** من سماك؟ وليش؟

الوالدة والله تحب اسم حسين وذاك اليوم كتلهه كالت اتمنى يصير عندك

ولد هم تسمي حسين ههههههههههه والله مو شقه

هاي مثل ما كتلك تسأل الحجيه عليهم يعني مو الك.

ادري متكولي شجلبت ويه الحجية هع

* شلون وصلت للمنتدى؟

اكو موضوع بمنتدى الاغاني كان بي الالبوم مال الفنان عمر سعد

عن طريق البحث طبيت اله وشاركت بمنتدى الاغاني وبعدين

طلبت من الاخ اوراس اللاشراف وصرت مشرف

* بصراحه هل تغيرت مكانة المنتدى عندك بعد تغيير الاسم والانتقال؟

لا متغيرت سوى الاسم والانتقال ماكو اي تغير بصراحة وبالعكس صارت عندي همه اكبر

اقدم كل شي حتى لايفشل لانه مثل ماتعرف صرنه امام تحديات كبيرة

* شنو نظرتك للأنسان الي يحجي بالمثاليات ؟ يعني بس حجي.

حبيبي الغالي المثاليه متعني بس حجي المثاليه الانسان يكون صاحب مبديء مخالف

للناس كلهه (( يعني يعيش بزهد في مجتمع كلهه تدور تخمط )) كمثال لا للقياس

وهؤلاء الناس قلة جدا واللي يحجون هوايه وهؤلاء الناس هوايه جدا فشتان مابين الاثنين

* شنو رأيك في المرأه العراقيه ,العربيه,الغربيه ؟

العراقيه عانت معاناة موطبيعيه

العربيه بقت مهمشه وبقت سلطه الرجل والتعنت ضدها

الغربيه اخذت كل الادوار بالمجتمع وبقن النسوان الانفي الذكر يتحسرون

على ماعاشته ((اقصد العربيه والعراقيه ))

* شنو رأيك اذا زوجتكَ تتوظف ,سواء مدرسه او اي دائره حكوميه او شركات؟

ما اكولك اني واني بس استصعبهه بس اذا كان دخلي

قوي ليش تتوظف عني اقصد اذا كنت متمكن ماديا ً لا اوضفهه ولا اخليهه تتوظف

ابطلهه واكعدهه بالبيت


خلصنه من النسوان ههههههه

هههههههههههههههههه

** تحب كرة القدم ؟يعني تعلب طوبه ؟

احب الطوبه - كنت العب وهسه بطلت

** افضل لاعب عراقي ,عربي .عالمي؟

عراقي - احمد راضي . نشأت اكرم

عربي - احمد حسام ( ميدو )

عالمي - زيدان - رونالدو

** عرفت منو النادي الي تشجع لكن يا منتخب غير العراق تشجع؟

فرنســـــــــا

** فريقين لعبو مباراة انتهت تعادل 1/1 بس اكو فريق ما سجل
ولا هدف شلون صارت ؟هع

اللاعب مال فريق الخصم سجل خطأ بمرماه

*** ماهو الشيء الذي اذا اكل الانسان نصفه يموت؟

سمسم

*** عمتك اخت ابوك خال ابنهه شيصيرلك؟

ابويه

*** امريه تمشي على الجسر شسم بنتها ؟ هههههه

اسمهه ريه بس هاي اعرفهه لانه جيراننا

خوش حزازير مو خابرني اذا حليتهم هههههه.

متكدرلي بالحزازيز صدكني لانه اني غير شكل

شكرا مقدما على الاجوبه

واكو سؤال راح اسأله الك بعدين واشوف شنو سالفتك هههههه

هههههههه اعرف وداعتك شتريد تسأل واني بالخدمة

شكرا الك ياغالي ونورت الصفحة يامديرنا العزيز

واني سعيد جداً بوجود ويانه

وتحياتي لشخصك الكريم

[طفولة بريئة]

* شنو رأيك اذا زوجتكَ تتوظف ,سواء مدرسه او اي دائره حكوميه او شركات؟

ما اكولك اني واني بس استصعبهه بس اذا كان دخلي

قوي ليش تتوظف عني اقصد اذا كنت متمكن ماديا ً لا اوضفهه ولا اخليهه تتوظف

ابطلهه واكعدهه بالبيت


ملاحظة صغيرة


هل تصور العمل بس مادة ؟

زين شلون توصل للأكتفاء المادي بنظري الأنسان مهما يجمع يكول قليل ويحاول يكسب اكثر


على فكرة هذا مو طمع بس دائما يحاول الوصول للأفضل


وعلى كلامك اذا كنت متمكن ماديا حتى ماتاخذه مثقفة



وداخله كلية لان ماكو وحده درست وتعبت وبعدين تعوف هذا كوله وتكعد بالبيت !


شورطك وكتبت هيج هههههههههه




هسه راح اسألك سؤال




شنو الي يخليك تكعد مرتك بالبيت ؟


خوف منه او عليه



انتظر ردك وبعدين اعقب علية

هاي مو مني من ورى مهند سألك هيج سؤال هههههههههه


مودتي

[النقاش]

اهلا اخت طفوله

مرة اخرى

ونجي على اسألتج


ملاحظة صغيرة


هل تصور العمل بس مادة ؟

زين شلون توصل للأكتفاء المادي بنظري الأنسان مهما يجمع يكول قليل ويحاول يكسب اكثر


على فكرة هذا مو طمع بس دائما يحاول الوصول للأفضل


وعلى كلامك اذا كنت متمكن ماديا حتى ماتاخذه مثقفة



وداخله كلية لان ماكو وحده درست وتعبت وبعدين تعوف هذا كوله وتكعد بالبيت !


شورطك وكتبت هيج هههههههههه


اولا اخت طفولة العمل بالنسبه للمراة الشرقيه والمجتمع الشرقي العايشين بي

والتفكير اللي يحيط بينا بس مادة والاكتفاء المادي اللي يريد يوصله الانسان

هو بالقناعة وبحمد الله على النعمه اللي انطاه اياه وطبعا هو الانسان ميتوقف طموحه

ومو كل شي مادة

وبالنسبه للانسانه الي اتزوجهه تكون مثقفه وتدرك كل كلمه اكولهه الها

وساعتهه اكعد يمهه واتكلم وياهه وافهمه بطريقتي الخاصه ان تترك العمل ومتتوظف

ومو بالضرورة درست حتى تتعين درست حتى تاخذ شهادة وبس

طبعا ماكو اي ورطه هههه واني بالخدمة



هسه راح اسألك سؤال

جواااااااب


شنو الي يخليك تكعد مرتك بالبيت ؟


خوف منه او عليه


اللي يخليني اكعد مرتي بالبيت

طبعا خوف عليهه لاسباب (( .............))

هوايه يمكن انت تعرفين خيتي لانه انت قريتي اجوبتي الانفه

على الاعضاء السابقين


انتظر ردك وبعدين اعقب علية

تدللين اختي باي وقت

هاي مو مني من ورى مهند سألك هيج سؤال هههههههههه


لاعادي من حقج خيتي

تحياتي الج ولمهند وللكل

[sun of baghdad]

السلام عليكم ورحمة الله وبركاته


اولا ..مشكوره حبيبتي على اللقاء المميز ..دومج مبدعه


اخويه النقاش

اني ما عندي اي اسئله اسألها لحضرتك (وما شاء الله ما قصروا عليك بالاسئله هههههه)

بس حبيت انه اشاركم واشكرك على كل ما تقدمه من ابداع ...لان فعلا النقاش مبدع ودوم تقدم كل ما هو جديد ومميز .. وتسعى لرقي المنتدى ..هذا اللي كلنه نشوفه من مشاركاتك وحضورك المميز


فبالتوفيق دوم يا رب اخويه ..وتحقق كل اللي تتمناه وتطمح اله ..وربي يخليلكم الحجيه


تقبل مروري

تحياتي
اختكم ايات الراوي

[النقاش]

مية هلا خيتي

ايات الراوي

ونورتي

وشكرا الج

لمرورج

وتحياتي لشخصج المبدع

وشكرا لدعائج وربي يسلمج

تحياتي

[عَـــ ألاحًًًًَزإُن ــأزف]

السلام عليكم ورحمة الله وبركاته


رجعت مرة اخرى بكم سؤال

اطرحهم على المشرف المميز النقااااش



1- سبق وان ذكرت حبيبي الغالي تركت قسم الاغاني لانك مترغب بة او بل احرى شي مرفوض من ناحيتك .... زين قسم مقاطع الصوت شنو مو كلة اغاني ؟؟؟؟ لو شي اخر بالك ض21

2- نفرض انتة تحب انسانة معينة ... وبينكم قصة حب ... وفجأءة والدك جبرك انو تزوج انسانة اخرى

راح تاخذ الي يريدهة كلبك لو الي والدك يكولك عليهة ؟؟

3- شنو برئيك احلى حياة النت ......... لو الواقعية ؟؟؟

اكتفي بهذني الاسئلة ض4

تحياتي ض21

[tears of the sun]

السلام عليكم ورحمة الله وبركاته


شكرا لك غاليتي طفولة بريئة على الاختيار المميز



أخي الكريم


النقاش


منور قسم اللقاءات مية هلا بيك

اتمنالك اسبوع جميل و ممتع

تقبل مروري و مشاركتي

تحياااتي لك

[Hasnaa Baghdad]

مرحبا للكل بدون استثناء 000اني احب اشكر الاخت طفولة بريئة انة اتاحت النة الفرصة حتى نسلم اول شي ونستمتع بكم الاسئلة الهائل للاخ النقاش000اكيد اني ما عدي ولا سؤال لان الجماعة ما قصروا (ههههههههه) بس احب اشكره على النصائح مال الميك اب اللي قدمنة اياها وشكرا جزيلا000تقبلو مروري

[sandy belle]

اولا احب اشكر الاخت طفوله على اللقاء الرائع

و اختيارها الاروع


و هسه نجي للاخ المبدع النقاش

اشلونك خيو انشاء الله بخير

اني حبيت اسالك اليوم على الالوان

و كل لون شنو يعبرلك و منو من اصدقائك

الابيض

الاحمر

الوردي

الاخضر

الاصفر

الازرق

البنفسجي



الاسود


هسه كل شخص بحياتك انطيه لون
يعبر عنه

والدك

والدتك

اخوك

اختك

صديقك

توأم روحك

حبيبتك

و بس


يا رب ماكون ازعجتك باسألتي

سلامي

[يوسف black man]

تحياتي لكل المشرفين والمراقبين بصراحه حبيت بس اسلم عليكم .............................. تحياتي

[النقاش]

حبيبي عازف الاحزان

السلام عليكم ورحمة الله وبركاته


رجعت مرة اخرى بكم سؤال

اطرحهم على المشرف المميز النقااااش



1- سبق وان ذكرت حبيبي الغالي تركت قسم الاغاني لانك مترغب بة او بل احرى شي مرفوض من ناحيتك .... زين قسم مقاطع الصوت شنو مو كلة اغاني ؟؟؟؟ لو شي اخر بالك

لا مو شي اخر ببالي

لكن منتدى الصوتيات اتحداك اذا عندي مشاركه بي بس مهمتي فقط ترتيب القسم لا اكثر

نفرض انتة تحب انسانة معينة ... وبينكم قصة حب ... وفجأءة والدك جبرك انو تزوج انسانة اخرى

راح تاخذ الي يريدهة كلبك لو الي والدك يكولك عليهة ؟؟

لا راح اخذ اللي بالي واحاول اقنعه اذا مقتنع اخذهه وبعدين يزعل علية

وبعدين اصالحه لانه ماكو اب يكره ابنه ويزعل عليه او يتبرة منه

3- شنو برئيك احلى حياة النت ......... لو الواقعية ؟؟؟

احلى شي بالدنيه الصدق والواقعيه واني اعتبر الصداقات بالنت هبي مزيفه ومتوكل خبز اصلا

وتكذب على روحك واني كدام روحي ما اكدر اجذب

اكتفي بهذني الاسئلة

تدلل حبي وبخدمتك اني
تحياتي

[النقاش]

السلام عليكم ورحمة الله وبركاته


شكرا لك غاليتي طفولة بريئة على الاختيار المميز



أخي الكريم


النقاش


منور قسم اللقاءات مية هلا بيك

اتمنالك اسبوع جميل و ممتع

تقبل مروري و مشاركتي

تحياااتي لك


شكرا

وتحياتي وممنون للمرور

[النقاش]

مرحبا للكل بدون استثناء 000اني احب اشكر الاخت طفولة بريئة انة اتاحت النة الفرصة حتى نسلم اول شي ونستمتع بكم الاسئلة الهائل للاخ النقاش000اكيد اني ما عدي ولا سؤال لان الجماعة ما قصروا (ههههههههه) بس احب اشكره على النصائح مال الميك اب اللي قدمنة اياها وشكرا جزيلا000تقبلو مروري

تدللين اخت حسناء

تحياتي الج

خيتوو

منورة الموضوع

[النقاش]

اولا احب اشكر الاخت طفوله على اللقاء الرائع

و اختيارها الاروع


و هسه نجي للاخ المبدع النقاش

اشلونك خيو انشاء الله بخير

اهلا وسهلا خيتوو

اني حبيت اسالك اليوم على الالوان

و كل لون شنو يعبرلك و منو من اصدقائك

تدليين ونبدي ان شاء الله

الابيض

مثال للصفاء اي صفاء القلوب والسلام ايضاً


الاحمر


لوني المفضل اللي ما احب غيرة


الوردي

اووو لون حلو مادامه مشتق من الاحمر يعني المحبة

الاخضر

اجمل شي واتمنى تكون بغدادنا بهذا اللون

الاصفر

الاصفر حلو ومتدرين شلون اطلع من البس اصفر اطلع اكطع ((هع ))

الازرق

الأزرق ومشتقاتة كلهم اصدقائي وخصوصا بالعمل الفني احبهم جدا

البنفسجي


احبه وما احبه احبه في اوقات وماحبه في اوقات

الاسود

جميل الاسود ولكن بعيدا عن الحزن



هسه كل شخص بحياتك انطيه لون
يعبر عنه

والدك

اسود

والدتك

الابيض

اخوك

الاخضر

اختك

بنفسجي

صديقك

الوردي

توأم روحك

الاحمر

حبيبتك

الاحمر

و بس


يا رب ماكون ازعجتك باسألتي

تحياتي خيتوو ومية هلا بيج بكل وقت وماكو اي ازعاج بالعكس

سلامي

اهلا وسهلا خيتوو

نورتي الصفحه

تحياتي الج وسلامي

[النقاش]

تحياتي لكل المشرفين والمراقبين بصراحه حبيت بس اسلم عليكم .............................. تحياتي

مية هلا بيك

وعليكم السلام

تحياتي الك وردة وشكرا جزيلا لدخولك

للموضوع

[طفولة بريئة]

لقاء مميز

مع شخص رائع

اتمنى تكون قضيت وقت ممتع ويانه

ومانكون ثقلنه عليك

وننتظر منك كلمة اخيره حتى نختم اللقاء

مودتي

[النقاش]

الاخت العزيزة

طفولة برئيه

(( جميل ان يكون لك قلب انت صاحبه لكن الاجمل ان يكون لك صاحب انت قلبه ))

هنا في منتديات عراق السلام قد اصبحنا قلب واحد وفكر واحد

بل اصبحنا نشكل الواحد قلب الاخر فقد كسبنا مودة الاخرين وهذا مايروم له الانسان الصالح السوي بنظري

لانا شخصياً

وفي ختام هذا اللقاء الشيق الذي احببته بصراحة

فأحب ان اشكرك للباقه والشفافية التي حملتيها

ومن الادارة المميزة للقاء منذ البدايه والى هذا اليوم

واحب ان اشكر كل من دخل الى هذا الموضوع

وشاركنا بطرح الاسئلة وارجو ان اكون قد وفقت في اجوبتي

وان كان واخطاءت فاطلب السماح من شخوصكم الكريمة

ولكم التحيه ودمتم بود

كل من اراد ان يعرف النقاش

اعتقد قد عرف الشي الذي يريده
وان كان بودكم فانا متواجد عبر الماسنجر

والمنتدى

ومن اراد شيئاً ان شاء الله لن اقصر معه

لكم مني اطيب التحيات

ودعواتي لكم بكل خير

ارجو انه انا قدكنت خفيف الضل معكم

بالعكس انتم قد كنتم كرماء معي

فتحيتي لكم

واطيب تحية

سلامي

[طفولة بريئة]

اهلا بيك اخي الكريم

كنت ضيف خفيف الظل

تعرفنا عليك اكثر وشددتنا أجوبتك


شكرا على سعة صدرك

مودتي