حبيتك بروحي 00000

[كبيسية ودلوعة]

حبيتك بروحي وما حجيت وياك

لان خفت امنكلك تبتعد عني

وضميتك بكلبي وما كلت للناس

ورضيت ابقى بعذابي ولوعتي ووني

بس لشوكت اصبر .., والصبر محدود

وانت بنظرتك يوميه تكتلني

معروفه اليحب بس الكلب ينطيه

بس انت شلع من عندي ماخذني

على جروح الكلب تتمشه من تفوت

ومن دمعات عيني جفوفك تحني

بعيونك سوالف بيها الف تفسير

وحرت يا نضره منهن بيها تقصدني

اريد تحس عذابي ومثلي كون تعيش

ليش انه الوحيد الشوك ياكلني

وليش انه انهضم واتحمل اللوعات

وانت بكل وكت مرتاح وتغني

لازم تستمعلي وتفتهم مني

اشوفك جوه اشايل من هموم

واشوفك نار كلبي البيك تحركني

وراها بكيفك انت تقرر وتختار

لو تبنيني بيدك لو تفلشني

تحياتي للجميع وان شاء الله تعجبكم
انتظر ردودكم الحلوة
*كبيسية ودلوعة *

[بسمةامل]

كبيسية حياتي

الله الله لهذا الابداع

يسعدني ان اكون اول من يرد على كلماتك العذبة

شعر جميل غاليتي

سينقل للشعر الشعبي مع ودي وتقديري

[ღبنت الاصولღ]

حبيبتي كبيسيه
يسلموووووو روعه عاشت ايدك

تحياتي

[كبيسية ودلوعة]

ية هلا بيج عيوني بسمة امل منورة ياوردة
وهذا من ذوقج ياغالية
واني اسعد اكثر لانج اول من يرد على الشعر
والي شرف اشكرج على المشاركة الحلوة
تحياتي الج000كبيسية ودلوعة

[كبيسية ودلوعة]

كل الهلا بيج بنت الاصول منورة ياوردة
اشكرج على المشاركة الحلوة وهذا من ذوقج
تحياتي الج000كبيسية ودلوعة

[فياض مخلف الطوفي]

الف هلا بيك اختي كبيسيه


منوره والله ... كلمات روعه واكثر من روعه سلمت يداك ودام قلمك الجميل

لك مني الجمل تحيه

[كبيسية ودلوعة]

كل الهلا بيك اخ فياض منورنا بوجودك الجميل
وهذا من ذوقك واشكرك على المشاركتك الحلوة
تحياتي الك000كبيسية ودلوعة

[الشاعر ليث النعيمي]

قصيده جميله وذوق رائع وفائق الجمال ...

احسنتي يا وردتنا العبقه الكبيسيه الجميله ...

شكرا جزيلا

ودمت بخير وامان

ليث النعيمي

[اختكم موج البحر]

عاااااشت ايدج اختي الغاليه
على الكلماات الروعه
مشكوره والله لا يحرمنا منج
تحياتي الج ض21
اختكم موج البحر

[محمد عبد العراقي]

مشكوره اختي على كلمات الرائعه الله لا يحرمنا من ابداعج
منتظرين جديدج وبشوق
تحياتي

[كبيسية ودلوعة]

قصيده جميله وذوق رائع وفائق الجمال ...

احسنتي يا وردتنا العبقه الكبيسيه الجميله ...

شكرا جزيلا

ودمت بخير وامان

ليث النعيمي

مية هلا بيك اخي ليث منورنا بوجودك الجميل
واشكرك من كل كلبي على الكلمات الجميلة
وهذا من ذوقك الحلو اكيد
تحياتي الك 0000كبيسية ودلوعة

[كبيسية ودلوعة]

عاااااشت ايدج اختي الغاليه
على الكلماات الروعه
مشكوره والله لا يحرمنا منج
تحياتي الج ض21
اختكم موج البحر

كل الهلا بيج عيوني موج منورتنا ياغالية
وهذا من ذوقج الجميل واشكرج من كل كلبي
على المشاركة الحلوة
تحياتي الج 0000كبيسية ودلوعة

[كبيسية ودلوعة]

مشكوره اختي على كلمات الرائعه الله لا يحرمنا من ابداعج
منتظرين جديدج وبشوق
تحياتي

كل الهلا بيك اخي محمد منورنا بوجودك
وهذا من ذوقك واشكرك على مشاركة الحلوة
تحياتي الك000كبيسية ودلوعة