مقهى ل((لشعر الشعبي))

[انا عراقي]

السلام عليكم ورحمة الله وبركاته

في الحقيقه راودتني فكره وان شاء الله تعجبكم وهي اقامت مقهى للشعر الشعبي في منتدانا الرائع

وهي ان يكتب كل عضو يدخل هذا المقهى خمس او ست ابيات من الشعر الشعبي

ولامشكله ان يزيد بيت اوبيتين على المقرر

فانا ادعو جميع الاخوه المشاركه وبالخصوص شعراء المنتدى

وانا اول من سيشارك في الموضوع



شجاهه العين سهرانه ولا مر بجفنه النوم

تعاتب ليله وتبجي تطالع كمر وي انجوم

عجيبه الي جره عليه عجيبه الصارلي اليوم

ولفي اليوم متبدل جرحني والگلب ملجوم

حگهه العين سهرانه وحگهه لو جفاهه النوم


تقبلو تحياتي

انا عراقي

[انمار علي الدليمي]

تعتب عالعيون تكول سهرانه حقهه العين تسهر ما تشوف النوم
ومتعجب عالجرالك انت مصدوم مو عجبه الولف يجرح يخون اليوم.
لأن هسه الزمان او وكتك اتغير وصار الليل يطلع ماكو بيه نجوم.
لاتتعجب انت اليوم عالصار لأن جايك وكت ضيم وقهر وهموم.

هذي كم بيت من تأليفي...
طبعا اني كتبتهن من شفت موضوع انا عراقي وحاولت اخليهه قريبه على الابيات مالته يعني وكأنه تكون مساجله..
يعني اني كتبتهن بسرعه .. فأعذروني اذا ما كانت بالمستوى المطلوب..
اوجه شكري للاخ انا عراقي على الموضوع والفكره الحلوه واتمنى التفاعل من كل الاخوان الشعراء.
اخوكم انمـــــــار

[انا عراقي]

وهاي اني جبت قصيده عن الوطن


لم جرحك گوم وانهض ياحزين

گوي عزمك والصعب نجتازه

وصيح حيهم وين انصار العراق

الحوك بالشدة انعرف والعازة

انته وانه العراق وبحبك جنان

وفاز من ضحى على حبك فازة

صيح حيهم ياوطن تلگه الرجال

تصير الك سيف وجسر وجنازة

لم جراحك ياوطن وتوّچه گوم

اليوم كلنا نصير الك عكازة



مشكور خويي نموري على الرد ووالكلمات الجميله
شكراعلى الاهتمام

[انا عراقي]

هاي وينكم شو ماكو احد يشارك
اليوم جبتلكم قصيده
زعل الام




زعل وآلام عيشه هموم بهموم

اكعد لفضه وياك هاليوم

لزعل معتاد منك وانت مفهوم

تدلل على الگلب والگلب ما لوم

ودلالك زاد كلش غطه النجوم

طعناتك هذي هوااي و بسيف مسموم

وجرحك ما نشف هل ينزف دموم