حجي حشاش
07-27-2008, 09:28 PM
سلام عليكم ورحمه الله وبركاته
شلونكم اخواني شخباركم
============
موضوعي قصيده لشاعر المبدع
:: مالك طالب الحمداني ::
سوق الشيوخ
بعنوان .. غيره و ريح
غيره اوريح مايگطعهن الباب
اوباب الريح اخجل من اسده
اجيتك باب ومن نبضات الگلوب
اويسكت نبض گلبك من ترده
تموت اوماادفنك تزغر الگاع
اومكانك بلگلب ماتجي ابكده
فجر حبك عصر ماقبل الاسلام
اوليلك هبل من اسهر اعبده
تعبد رمشي الاسفل والعلى سوط
الاهك يذنب من رمش اجلده
انخه الحمزة من تتعاند اوياي
اوجيشك من عنب بجفوفي امرده
دنيه انت وأگلبك وحذف الياء
اومن اقراك هند اطيك جبده
من تشرحلي صدري اتسمم البيه
مو انه الحسن بس انته جعده
صلافه سيفي تكسر عين السيوف
اوسيفك يستحي امن خيال غمده
ظهرك خيط لاتتحزم ابموس
بيدك ينگطع كل ماتشده
اذا ابعد الاصابع بيك الجروح
انه بيه جرح ماتحصى عده
الفرزدق جرحي ماهم لونزف نار
الشاعر يحترگ ويده اعله خده
تمثالك رمل وجفوفك الماي
كل ماينبني اجفوفك تهده
شهر وبسنتي شفتك نفع مابيك
شهر وبلايه خبزة المن اعده
مو تعافي اجيتك رجلي بلگاع
لان تشتمني اذا گتلي تهده
من اتطيح اشيلك مااخليك
اخاف ادگول وحده ابدال وحده
سهمك دگ عليه اوشفته خطار
مابيه نفس بس عيب ارده
ثلث تيام اهلنه اوتنشد الضيف
وانه اسنين اعزبه اوماانشده
گصتك وانه عربي المانسه الذيب
اوحان الثار يومه اوهذا حده
وتتنازل اذا يثبت التاريخ
عيسى مو نبي اولانبي بعده
شلونكم اخواني شخباركم
============
موضوعي قصيده لشاعر المبدع
:: مالك طالب الحمداني ::
سوق الشيوخ
بعنوان .. غيره و ريح
غيره اوريح مايگطعهن الباب
اوباب الريح اخجل من اسده
اجيتك باب ومن نبضات الگلوب
اويسكت نبض گلبك من ترده
تموت اوماادفنك تزغر الگاع
اومكانك بلگلب ماتجي ابكده
فجر حبك عصر ماقبل الاسلام
اوليلك هبل من اسهر اعبده
تعبد رمشي الاسفل والعلى سوط
الاهك يذنب من رمش اجلده
انخه الحمزة من تتعاند اوياي
اوجيشك من عنب بجفوفي امرده
دنيه انت وأگلبك وحذف الياء
اومن اقراك هند اطيك جبده
من تشرحلي صدري اتسمم البيه
مو انه الحسن بس انته جعده
صلافه سيفي تكسر عين السيوف
اوسيفك يستحي امن خيال غمده
ظهرك خيط لاتتحزم ابموس
بيدك ينگطع كل ماتشده
اذا ابعد الاصابع بيك الجروح
انه بيه جرح ماتحصى عده
الفرزدق جرحي ماهم لونزف نار
الشاعر يحترگ ويده اعله خده
تمثالك رمل وجفوفك الماي
كل ماينبني اجفوفك تهده
شهر وبسنتي شفتك نفع مابيك
شهر وبلايه خبزة المن اعده
مو تعافي اجيتك رجلي بلگاع
لان تشتمني اذا گتلي تهده
من اتطيح اشيلك مااخليك
اخاف ادگول وحده ابدال وحده
سهمك دگ عليه اوشفته خطار
مابيه نفس بس عيب ارده
ثلث تيام اهلنه اوتنشد الضيف
وانه اسنين اعزبه اوماانشده
گصتك وانه عربي المانسه الذيب
اوحان الثار يومه اوهذا حده
وتتنازل اذا يثبت التاريخ
عيسى مو نبي اولانبي بعده