(شمس بغداد)للشاعر علي املا الخزاعي

[حلوة بس المشكلة كلش خبيثة]

السلام عليكم ورحمة الله وبركاته


هذه القصيدة للشاعر المبدع علي الملا الخزاعي بحق كاظم الغيض والمعذب بقعر السجون الامام موسى ابن جعفر (عليه السلام) عظم الله اجورنا واجوركم بهذا المصاب




السجنوك بحياتك ياشمس بغداد

احتلوا ديرتك بس غمضت عينك

والسموك ردوا بالدرع مولاي

والكطعوا جبدتك كطعوا دينك

والعافوك مرمي اعله الجسر مولاي

ردوا عالجسر مسحوا نياشينك

وصوتك يبقى صوتك خلده التاريخ

ونولدت امس ماماتن اسنينك

ياباب الكرم يابيدر الطيبات

اكعد كسروهن كل فناجينك

ياباب الحوائج تقبل انته اشلون

بغداد الحبيبه اتصير محتله

وانته ابن الحسين المايهاب الموت

منهجكم كتب هيهات للذله

ذبحوا شيعتك ياكعبة الاحرار

وحاطوا كبتك يالكبتك قبله

تيهنه الدرب ماعدنه ظل مقياس

بس درب المكابر كمنه نندله

كتالك رجع شايل حقد تاريخ

ولد هارون اجت وطلبك بعتبه

والثار اعله مودك سكتاه الكال

موجود الاله ويحرس الكعبه

ومتانين يفزع للبلد مختار

ولو ادري الخوارج مذنب اتحسبه

ردت كلهه ردت سيدي العادوك

ردت عالمنابر حيدر تسبه

نشيعك مونعش تشيعك بكل يوم

لان يوميه الف تشييع من ناسك

يالساسك نبي ومتفرع المعصوم

ياهو العنده زود ويوصل الساسك

ياجنة عدن يالتخدمك املاك

وملائكة العرش مولاي حراسك

طلبه انريد منك تفزع البغداد

وتجي بفقار ابوك ودرعك وطاسك

لان ذبحوا عراقك مثل ذبح احسين

اخذ ثار العراق وثار عباسك




تحياتي

[MR.MSTAFA AL7SENE]

سلام عليكم
عظم الله لنا ولكم الاجر بهذا المصاب

وجعلنا من انصار موسى بن جعفر (( علية السلام ))

=====================
وصوتك يبقى صوتك خلده التاريخ

ونولدت امس ماماتن اسنينك

وعاشت ايدج خيتي عالنقل المميز
لشاعر المبدع على الملا الخزاعي

تحياتي

[حلوة بس المشكلة كلش خبيثة]

مشكوووور سيد على المرور
منور انشاءالله من انصاره
تحياتي

[محمد عبد العراقي]

مشكوره خيتو على نقل الجميل ومميز
ننتظر مزيد منج تحياتي

[ابن الانبار الوفي]

صح لسان شاعرنا العزيز على الملا الخزاعي على هذه الكلمات
وربي يسلمه ويخليه ..

وشكرا لكِ يا حلوه بس المشكله خبيثه ( هذا الاسم مصيبه هههه )
على النقل الجميل والاختيار الحلو..

على فكره الشاعر
له ديوان في منتدياتنا زاخر بجميل القصائد.
ديوان الشاعر علي الملا الخزاعي (http://www.iraqpf.com/forumdisplay.php?f=158)

سلامي واحترامي .


ابن الانبار الوفي

[فياض مخلف الطوفي]

الف شكر اختي الغاليه حلوه

نقل موفق وجميل ورائع ... سلمت يداك اختي العزيزه

ودمت متاْلقه ايتها الوردة الجميله

اجمل واحلى تحيه لك

[حلوة بس المشكلة كلش خبيثة]

محمد عبد مشكور اخوية على المرور نورت الصفحة
تحياتي

[حلوة بس المشكلة كلش خبيثة]

مشرفنة الورد مشكور خيوو عالمرور نورت بطلتك
تحياتي الك ياوفي

[حلوة بس المشكلة كلش خبيثة]

شاعرنة الورد فياض مشكور على المرور المتواصل بصفحتي
تحياتي الك خيووووو
منور

[خالد الفراتي]

عظم الله اجرك واحسنت
حجي
قصيدة جميلة
وليس بغريب عليك الابداع

[عاشق الاصدقاء]

موضوع جميل ومميز عاشت الايادي
مبدعه دائما وابدا
تقبلي ردي ومروري
عاشق الاصدقاء

[الحزنـــ ألابديـــ]

تسلمين علوية على هاي القصيدة الرائع
للامام موسى ابن جعفر علية السلام
وعظم الله اجورنا واجوركم

[حلوة بس المشكلة كلش خبيثة]

الفراتي مشكور اخوية العزيز على مرورك
نورت الصفحة

[حلوة بس المشكلة كلش خبيثة]

عاشق الاصدقاء يسعدني وجود بصماتك باستمرار في صفحتي
تحياتي الك ورد

[حلوة بس المشكلة كلش خبيثة]

عظم الله اجورنا واجوركم اخي العزيز
مشكور (الحزن الابدي) على مرورك نورت
تحياتي الك