اللقاء مع المشرف القدير والمتميز *كوكو* [الأرشيف]

roza

07-31-2007, 09:55 PM

السلام عليكم
اليوم اللقاء مع مشرف عرفناه بكارثه
كانت مواضيعه وردوده جميله ولا تدل على أي كارثه وتترك اثر واضح في نفوسنا من تقدير لهذا الشخص
عاد المنتدى العراق من جديد ليعود كوكو
وانا اليوم ارحب باخونا العزيز كوكو (كارثه)

مرررررررررحبا بك معنا في شاشه منتديات موقع العراق

الاسئله
الاسم
العمر وتاريخ الميلاد
الترتيب بين العائلة
الهواية
التحصيل الدراسي
مكان الاقامه
ولي عوده من جديد
تحياتي لك

:o

JaKaL BaGhdaD

07-31-2007, 10:12 PM

الســــــلام عليــــــــــــكم

الف شكر الج أختي العزيزة roza على الاطراء الجميل
و الكلمااات الراائعة اللي صغتيها .. وانشاء الله
راح نبدي اللقاء بدون اي اصااباات او اشتباكات
وانشااء الله اكدرر اجااوب على كل اسئلتكم

الاسم :: علي محمد عدنان البدري

العمر :: طبعا اليوم عيد ميلادي هع هع اني من مواليد 31 / 7 / 1988

الترتيب بين العائلة :: الوحيد اني لا أخوان و خوات .. يعني الوحيد في المنزل

الهواية : كرة السلة اولاً .. ثانيا كرة الطائرة .. و النت اكيد ..

التحصيل الدراسي :: كملت السادس العلمي و طلعت معدل ما يقارب 90 .. وانقبلت هندسة معماري .. و بسبب الظروف تركت الدراسة ..

مكان الاقامة :: كل يوم مكاان ههههههههه بس حالياا العراق / مووووصل

وهلا بيج و بعوودتج .. مودتي

roza

07-31-2007, 10:17 PM

كل عام وانت بخير كوكو وربي يوفقك يارب
صح انت وحيد عد اهلك بس مشاء الله عدك هوايه خوات واخوه
اكيد كلنا هنا اخوتك صح لو مو صح
اشكر على اجابتك وانتظر الاسئله
تحياتي لك

roza

07-31-2007, 10:20 PM

اساله جديد

*اجمل يوم في حياة كوكو
* اي حزن مسيطر على كوكو
* لو كان بيدك تغير شي بلكون ماذا ستغير
*هل انت راضي عم حياتك
*اقرب شخص على قلبك
* سؤال تود اجابه عليه
وتحياتي

حسوني

07-31-2007, 10:34 PM

يا اهلااااا بعودة اللقاءات ...
و اهلا بيك كوكو و اكيد هذا احلى لقاء ..
و اسئلتي الك سهلة مو صعبة :D
1- نصيحة تقدمها لأخوانك الاعضاء
ابن الانبار الوفي ، زينة العراقية ، اللورد ، روزا ، حسوني ، عاشقة بغداد ، حسن الساهر
2- المن تكول هاي الكلمات ..
احبك .. محتاجك .. لا تتحداني .. انت مميز .. ما افيدك ..
3- هل كوكو الان يعيش قصة حب ؟
4- كم مرة حبيت و كم مرة انضربت بوري ؟ :D
5- رسالة اتوجهها الى شخص يحبك و انت ما اتبادله نفس الشعور ؟
6- شنو سويت بعد ما فاز المنتخب الوطني بالبطولة ؟
7- برأيك ما هو السن المناسب للزواج ؟

يلا جاوب :D
بس بصراحة لان اي سؤال احسك ممجاوبه بصراحة اني اجاوبه عنك :D
تحياتي ..

تــ على الراس ــاج

07-31-2007, 10:53 PM

مرحبااااا كوكو

منور والله خوية

يلا خل نبدي الاسئلة
بس مو صعبه لان انته خطية

السؤال الاول

ماهو سبب اختيارك هذا اللقب ( كارثة )

السؤال الثاني

ما معنى الصداقة من وجهة نظرك

السؤال الثالث

لو عينوك رئيس جمهورية العراق لمدة يوم واحد
ماذا تفعل

ارجو ان متكون اسئلتي ووجودي ثقيل على المعده هههههه

مشكورة روز على المجهود ووموفقه حبي

تقبلو مروري

عاشق عيون حبيبتي

08-01-2007, 02:39 AM

الســـــــلام عليكم

كل عام وانته بمليون خير حبيبي كوكو وانشاء الله العمر المديد بالصحة والعافية

والله ما اعرف شسئلك لان اعرف عنك كل شي :D

لان انته اول واحد تعرفت علي خلال شبكة العراق :D

تحياتي وتقديري لك يا وردة ...

micheal prince

عاشق عيون حبيبتي

08-01-2007, 02:41 AM

تذكرت اريد اسئلك سؤال

س/ شنو تفضل الاخوة او الصداقة ؟ ولماذا ؟

micheal prince

JaKaL BaGhdaD

08-01-2007, 02:22 PM

وانتِ بالف خير خيتووو roza و اكيد صح اني وحيد اهلي ولكن لكيت احسن اخوان و خوات بالدنيا كولها ويارب يحفظكم و يوفقكم و يحرسسكم من كل شرر ..

راح اجااوب على الاسئلة ..؟

اساله جديد

*اجمل يوم في حياة كوكو
* اي حزن مسيطر على كوكو
* لو كان بيدك تغير شي بلكون ماذا ستغير
*هل انت راضي عم حياتك
*اقرب شخص على قلبك
* سؤال تود اجابه عليه
وتحياتي

اجمل يوم في حياة كوكو :: اكثر يوم حسيت بي سعيد كللش كللش جااان عررس مال ولد صديقي كلش تونست بوكتها ولي هسة اذكره و من اذكره كللش افرح .

اي حزن مسيطر على كوكو :: والله حززن فرااق بغداد و فراااق الاصدقااء ... وكذلك ويا هذا الحزن مسيطر اليأس .. يعني صايرة توووب :D

لو كان بيدك تغير شي بالكون ماذا ستغير :: لو بيدي اغير شي جان غيرت حال العراقييين يعني اررجع العراق مثل قبل و احسن بعد ..

هل انتَ راضي عن حياتك :: اكيد لا لا لا لا لا لا لا لا لا لا لا لا واالف لا كللش ما راضي على حياتي ولكن شسوي ..؟ اكول الحمد لله على كل حال ..

اقررب شخص على قلبي :: اكيد حبيبتي ..

سؤال تود الاجابة عليه :: ههههههه ما شاء الله انتوا ما مقصرين بل اسئلة هههههه لا ما عندي .. :D

وتحياتي الكم

بنت كركوك

08-01-2007, 03:17 PM

السلام عليكم بلبداية
اي راح ابدي بلاسئله كوكو
يلالالالالالالا
اول سؤال \ من هو قدوتك في الحياه
ثاني سؤال \ عضو تفرح لما تشوفه متصل بلمنتدى
ثالث سؤال \ اكثر موضوع قريته وعجبك بلمنتدى
رابع سؤال \ اكثر خمس اعضاء تحبهم وتعزهم بلمنتدى مو تكول كلكم حدد بس خمسة ههههه
خامس سؤال \ اول ما تدخل للمنتدى لاي قسم تتوجه مباشرة
تحياتي الك
ولي عووودة
http://www.iraq-x.com/up/uploads/0e136777cb.gif (http://www.iraq-x.com/up)

JaKaL BaGhdaD

08-01-2007, 03:29 PM

اهيء اهيء اسف على التأااخرر بالررد بس الصبح دا انطي ررد و كلت اسووي رد شامل لكلل اللي عدهم اسئلة و كملته و دا انطي معااينة و انطفت الكهرباااااااء وااااااااااااا اسف جداا بس اليوم بالليل اجااوب على كل الاسئلة و اسف جدا على التااخر اهيء اهيء

JaKaL BaGhdaD

08-02-2007, 12:21 AM

يا اهلااااا بعودة اللقاءات ...
و اهلا بيك كوكو و اكيد هذا احلى لقاء ..
و اسئلتي الك سهلة مو صعبة
1- نصيحة تقدمها لأخوانك الاعضاء
ابن الانبار الوفي ، زينة العراقية ، اللورد ، روزا ، حسوني ، عاشقة بغداد ، حسن الساهر
2- المن تكول هاي الكلمات ..
احبك .. محتاجك .. لا تتحداني .. انت مميز .. ما افيدك ..
3- هل كوكو الان يعيش قصة حب ؟
4- كم مرة حبيت و كم مرة انضربت بوري ؟
5- رسالة اتوجهها الى شخص يحبك و انت ما اتبادله نفس الشعور ؟
6- شنو سويت بعد ما فاز المنتخب الوطني بالبطولة ؟
7- برأيك ما هو السن المناسب للزواج ؟

يلا جاوب
بس بصراحة لان اي سؤال احسك ممجاوبه بصراحة اني اجاوبه عنك
تحياتي ..

وهلا بيك عيوني أي أكيد أحلى لقاء مبين من أسئلتك السهلة كلش

نصيحتي لكل من ..؟

ابن الانبار الوفي :: حبيبي ابن الانبار ظل هيجي ولا تتغير ابد وظل على طيبتك يا طيب .. و تحياتي ألك يا وردة الورود

زينه العراقية :: لا تشيلين هموم الدنيا على راسج و ماكو شي يستاهل و الشي اللي ما تريدي كولي ما أريده ولا تسووين شي غصب عنج أكيد تعرفين شنو اقصد .. و ديري بالج على دراستج لا تكضيها بس نت مثلي ..

اللورد :: حبيبي ظل هيجي على مثابرتك و عزيمتك و لا تتغير ابد لان أنت ورد .. و يجي يوم و مشاكلك تنحل و تسوي اللي اباالك ..

روزا :: روزه وردة والله رغم أني ما هلكد متعرف عليها بس اكوللها لا تظلين هلكد هادئة .. هع هع يمكن لان أني اضوج من الهدوء .. حاولي بكتابة الشعر بعد و بعد لان عنوان و إحساس شعرج حلو و لكن حاولي تصيغين الكلمات بصورة أحسن و اصح بعد و هذا كوله يجي بالكتابة و الممارسة .

حسوني ::: ههههههههه :D هههههههه :D ههههههه :D ههههههه ضحكة خبااثة .. حسوني حبيبي ظل على قلبك الطيب و و خلي بالك من دراستك .. وبطل وكااحة ههههههه هههههه هههههه هم ضحكة خبااثة .. و اكو شغلة هم بس المعنى في قلب الشاعر ههههههه هههههه هههههه

عاشقة بغداد :: ذبي الهموم و عيشيي حياتج و حاولي شكد ما تكدرين افرحي و تونسي و لا تشيلين همم لأي شي .. هههههه رغم أني زعلان منج بس ما اكدر ازعل من الووورد .. بس لا تخلين الحزن يخيم عليج لان ما يلوكلج ..

حسن الساهر :: حبيبي الورد اعرف قلبك طيب و وردة بس حاول تخفف من عصبيتك شووية لان العصبية مو حلووة .. و حااول اطوور نفسك بعد و بعد خصوصاا بالفوتوشووب هههههه هههه هههه ضحكة خبااثة هههه حبيبي الغالي ظل على أبداعك و إلى الاماام دائما أريدك و الله يوفقك

2- المن تكول هاي الكلمات ..
احبك .. محتاجك .. لا تتحداني .. أنت مميز .. ما أفيدك ..

أكول احبك :: لحبيبتي اكيــيـــــــد

محتاجك :: لصديق عزيز عليه صارلي هواية ما شايفه و هذا اعتبره روحي من الدنيا وكلش محتاج احجي ويا واسولف

لا تتحداني :: فد ولد هههه هههههه هههههه ماا أكول اسمه

أنت مميز :: و الله الكلل الكلل مميزين .. بس أني عندي واحد أحسه مميز بكل شي هو اخويا و تاج راسي ابن الانبار الوفي

ما أفيدك :: لفد واحد هو يعرف نفسه هههه هههه هههه

هل كوكو ألان يعيش قصة حب ؟

أي أي دا أعيش قصة حب حلوووة تخبل مو طبيعية شلون مال روميوو وجوليت و قيس و ليلى هع هع و الله يخليلي حبيبتي ..

كم مرة حبيت و كم مرة انضربت بوري ؟

هههههه شنو هل سؤال المحررج .. حبيبي إذا صدك حب من كل قلبي لا ما مااكل بووري .. بس قصدك إذا إعجاب و عجبتني البنية مثلا اروح اكولها معجب و تكولي آسفة هههههه عادي ض1 ض1 تصير بأحسن العوائل ..

رسالة أتوجهها إلى شخص يحبك و أنت ما أتبادله نفس الشعور ؟

اكوله أني ما أفيدك و ما اكدر أكمل وياك و أتمنى تشووف واحد غيري تحبه و ويحبك و أني أسف إذا جرحتك أو لعبت بمشاعرك بس أني ما أبادلك نفس الشعور ولا احبك ..

شنو سويت بعد ما فاز المنتخب الوطني بالبطولة ؟

ههههههههه صعدت للسطح ضربت طلقات و أكيد وكعت براس العالم هع هع ... هههههههه لا عمي ضربت طلقات بس ما وكعن براس احد لان احنا كولها مزارع يعني بين كل 3295032590329503 كيلوو مترر تللكي واحد واكف ههههه و ركصت و هووست و صدك فرحت من كل قلبي ...

برأيك ما هو السن المناسب للزواج ؟

امممم من أل 25 سنة و فوووك لان الواحد يكون بالغ و عاقل و بطل سوالف المراهقة هع هع و مكمل دراسته و يكدر يشتغل و يتحمل مسؤولية كاااملة مسؤولية بيت و زوجة و طفل اعتقد برأ أي هو هذا السن المناسب ..

وتدللل حسوني

حسوني

08-02-2007, 01:43 AM

شكرا حبيبي كوكو على الاجوبة ..
طبعا كل سؤال مجاوبته بصراحة جوابه عندي .. هههه
بس مراح اجاوب عنك لان انت وردة و حباب صاير ويايه ههههههه
مشكور حبي على اجوبتك الصريحة بس مو كلش ..
تحياتي ..

طفولة بريئة

08-02-2007, 02:27 AM

هلو كوكو شلونك
لازم اسالك اساله صعبه
لان ثلاث مرات اكتب وتنقطع الكهرباء
بس يله انت خطيه ض1

1- اذا اردت ان تعطي شي غالي اول شخص يخطر بالك منو
2-هل انت انسان جدي
3-ماذا لو انقطع عنك النت
4-مارأيك بالاسماء التاليه وقدم النصيحه لهم
دير رزو نور القمر باربي طفوله بريئة الاميرة الراويه
انمار الراوي عمر الساهر مايكل حارس يوسف
5-اغلى هديه تلقيتها المقصود مو بالثمن
6-هل تتوقع ان تحقق كل ماتتمناه
7- اذا اجتك بنت وقالت اني معجبه بيك شنو يكون ردك :D
8 واذا اجتك بنت وكلتلك اكرهك شنو تكله :D
واخيرا اتمنى لك الموفقيه من كل قلبي
تحياتي
طفولة بريئة

JaKaL BaGhdaD

08-02-2007, 02:32 AM

مرحبااااا كوكو

منور والله خوية

يلا خل نبدي الاسئلة
بس مو صعبه لان انته خطية

السؤال الاول

ماهو سبب اختيارك هذا اللقب ( كارثة )

السؤال الثاني

ما معنى الصداقة من وجهة نظرك

السؤال الثالث

لو عينوك رئيس جمهورية العراق لمدة يوم واحد
ماذا تفعل

ارجو ان متكون اسئلتي ووجودي ثقيل على المعده هههههه

مشكورة روز على المجهود ووموفقه حبي

تقبلو مروري

مراحب أختي العزيزة هذا نوورك والله .. هههههه أهم شي الأسئلة مو صعبة لان أني كللش خطية هع ..

ماهو سبب اختيارك هذا اللقب ( كارثة)

هههههههه لان والدتي العزيزة تصيحلي كارثة هع هع هع و الاسم يعجبني كذلك

ما معنى الصداقة من وجهة نظرك

الصداقة أني عندي أحلى شي بالوجود و خصوصا الواحد من يللكي صديق الوفي يعني يصادقه لشخصيته مو لمصلحة أو أي اطمااع أخرى .. و أني عن نفسي اعز و أحب الصديق كللش كللش اكثرر من روحي و اعزه هواية لان الصديق اكثرر من أخ أني اعتبره .. و بأختصار الحديث فأن الصداقة اختيار ....؟

لو عينوك رئيس جمهورية العراق لمدة يوم واحد ماذا تفعل

ما أحب أكون بهذا الموقف و ما اعتقد راح اكدر أغير شي أو اكدر أسوي شي لان الشي من تريد تهده ينهد بيوم .. و من تريد تبني فا يطوول سنيين .. فا ما اعتقد راح اكدر أغير شي .. ؟

لا أختي العزيزة أسئلتك حلوة و جميلة و ماكو أي ثقل ولا شي و نورتي الموضوع .. وشكر خاص لصاحبة الموضوع .. مودتي

JaKaL BaGhdaD

08-02-2007, 02:38 AM

وأنت من اهل الخير عيوني و غلاااي و كبدي مايكل اي والله صحييح انتَ اول واحد هع هع

بالنسبة لسؤالك حبيب قلبي .. اممم ثنينهم يحملون معاني حلوة

بس تريد الصراحة احب الصداقة اكثررر من الاخوة هع هع ليش ..؟؟ ما ادري هيجي احبها و خلص هع

تحياتي الك يا وردة و نورت الموضوع

roza

08-02-2007, 02:54 AM

اشكرك كوكو على النصيحه واني طبيعتي هيج معرف اغيرها وبعتقادي الهدوء صفحه حلوه بالبنت وان شاء الله استمر بالكتابه وان شاء الله اكون عند حسن ظنكم بيه
اشكركم يا اعضاء على تفاعلكم واسالتكم الحلوه وان شاء الله لي عوده مع مجموعه من الاسئله
تحياتي لكم/COLOR][/B[]

JaKaL BaGhdaD

08-02-2007, 03:04 AM

السلام عليكم بلبداية
اي راح ابدي بلاسئله كوكو
يلالالالالالالا
اول سؤال \ من هو قدوتك في الحياه
ثاني سؤال \ عضو تفرح لما تشوفه متصل بلمنتدى
ثالث سؤال \ اكثر موضوع قريته وعجبك بلمنتدى
رابع سؤال \ اكثر خمس اعضاء تحبهم وتعزهم بلمنتدى مو تكول كلكم حدد بس خمسة ههههه
خامس سؤال \ اول ما تدخل للمنتدى لاي قسم تتوجه مباشرة
تحياتي الك
ولي عووودة

وعليكم السلام خيتووو بنت كركوك وهلا بيج و بأسئلتج يلا ابدي الاجووبة أني هم

قدوتي بالحياة :: والدتي الله يحفظها اللي هية قدوتي بالحياة ...

عضو افرح من أشوفه متصل :: THE LORD & THE NIGHT PRINCE لان هذوولة بل سنة مرة ينشاافون هع هع و بس أخاف من أشوفهم متصلين لان أحس اكو شي بالمنتدى أو راح يصير شي هع هع :D

أكثر موضوع قريته و عجبني :: امممممم اممممم الموااضيع العجبني هواية بس أكثر موضوع مال وصف الأعضاء كللش جان يعجبني ;)

أكثر خمس أعضاء أحبهم اممم :: شنو هل احرااج هههههه والله يا عيوني كللكم أحبكم و كللكم امووت عليكم و ما افرق بين احد و احد ولا تكوليلي إلى خمسة لان كللكم عزيزين عليه .. الكلل بدوووووووووون استثناااء .. :D :D

من ادخل للمنتدى :: اتووجه للقسم مال التحشيش اشووف الزايدة الناقصة حتى أعالج الموقف على السريع ورااها أتوجه على المنتدى العام .. وراها أظل افرفر يمنة و يسرة لحد ما أدوخ و اطلع .. :D :eek: :rolleyes:

وهلا بيج مرة ثانية وهلا بعودتج .. مودتي :eek:

JaKaL BaGhdaD

08-02-2007, 03:46 AM

هلو كوكو شلونك
لازم اسالك اساله صعبه
لان ثلاث مرات اكتب وتنقطع الكهرباء
بس يله انت خطيه ض1

1- اذا اردت ان تعطي شي غالي اول شخص يخطر بالك منو
2-هل انت انسان جدي
3-ماذا لو انقطع عنك النت
4-مارأيك بالاسماء التاليه وقدم النصيحه لهم
دير رزو نور القمر باربي طفوله بريئة الاميرة الراويه
انمار الراوي عمر الساهر مايكل حارس يوسف
5-اغلى هديه تلقيتها المقصود مو بالثمن
6-هل تتوقع ان تحقق كل ماتتمناه
7- اذا اجتك بنت وقالت اني معجبه بيك شنو يكون ردك
8 واذا اجتك بنت وكلتلك اكرهك شنو تكله
واخيرا اتمنى لك الموفقيه من كل قلبي
تحياتي
طفولة بريئة

ههههههه زين كللش زين هلا بهل طلة مالتج :D اسألي براحتج اني هم كل ما اجاوب على اسئلة يكطع النت :([/

اذا اردت ان تعطي شي غالي اول شخص يخطر بالك منو

اكيد والدتي بالمرتبة الاولى وراها حبيبتي ويجي وراها صديقي و اخويا هذا الترتيب يعني بس اول شخص اهدي أي شي هوَ والدتي ..

هل انت انسان جدي

ههههههه بالحياة العادية كللش جدي الى دررجة بس بالنت لا اكون غير شكل يعني .. بس بل حالتين ما افقد روح المررح .

ماذا لو انقطع عنك النت

ما اكدر اعيش مو لاني ادمنت النت لا .. بس ما اكدر ابتعد عنكم وما اتواصل وياكم .. لو بيدي اخلي كل لحظة بعمري وياكم ... لان انتوا احلى و احسن ناس قاابلتهم بحياتي ..

مارأيك بالاسماء التاليه وقدم النصيحه لهم

دير الروز :: هههههههه بس لا تظل ساكتة لان السكووت يقتل وخلي تحاااول تنسى الهموم ولا تعيش عيشة واحد اكبر من عمره بـ 40 سنة ..

نــور القــمر :: رغم انو اني ما عندي فكرة كاملة عنها وما متعرف عليها معرفة جيدة .. ولكن احسها جدية جدااا .. ولكن قلبها طيب و اتمنى تظل على هذا النمط وما تتغير ..

باربي :: ههههههه خلي تريح نفسها شووية من نقل المواضيع ههههههه و خلي شووية هم تختلط يعني اني بالدردشة ما اشوفها غير بس من تنزل و تكول البس حزام الاماان و اوووت ههههههه هع .. بس هية وردة والله .. تحياتي الها و الله يحرسها .

طفولة بريئة :: حااولي تفهمين الحياة صح خصوصا مسئلة الحب و تذكرين من تكافشنا هع هع من دا نتنااقش بس ظلي على هذاا النمط مالتج لان انتِ مميزة ..

الاميرة الراوية :: هية وينها شو ماكو ما دا نشوفها .. بس نصيحتي الها خلي تخفف شووية من نقل المواضيع ض13 لان المنتدى مو بس مشاركات .. و المعنى في قلب الشاعر .. واطيب التمنيات مني الها وياريت لو نشووفها من جديد .

انمار الراوي :: هم ماكو ما دا نشوفه شبيهم الرااووين تاج راسنا شو ماكو مختفيين شنو مسووين رابطة جديدة شكلها و مضربين عن المنتدى .. بس وردة هوَ و قلبه طيب و ياريت يظل هيجي . لا يغير طبعه و اني طبعا من المعجبين بمواضيعه لان مميز ..وياريت يستمر على هذا التميزز .

عمر الساهر :: وردة مال الله صديق كللش جميل و وفي .. ولو بس يبطل عصبية و اندفااعه هذا و حمااستة جان صار خوش وليد .. و اكوله لا تاااااخذ الامور بهيجي جدية وكذلك لا تعيش اكبر من عمرك .. ودا تفتهمني مو لو مومو ..

مايكل :: حبيبي الغالي هذا وردة .. و نصيحتي اله انو اريده يرجع للمنتدى و نشووف مواضيعه و ردوده و طبعا اني مايكل احسه توأم روحي امووووووووووووووت عليه .. ما اريده وما انصحة بس بالررجوع لان اني كللش مشتااق لطلته بالمنتدى ..

حاارس :: هوَ وينه حارس شو ما ينشااف بالشهرر مرة لا بالدردشة ولا بالمنتدى .. بس اكوله ظل على طيبة قلبك .. ولا كل شووية تشرب جااي ترى مو زين عليك هع هع .. وياريت لو تخلينا نشووفك دائماا ..

يوسف :: حباب خوش ولد لو ما عصبيته .. بطل هاي العصبية و بطل التفكير اللي انتَ تفكر بيه ترى كلنا اخوه و ماكو فرق بيناتنا و انتَ كللش زين تعرف على شنو دا احجي .. وياريت ياريت لو تفكر بهذا الموضوع .. كلنا اخوه و المعنى في قلب الشاعر مو لو مومو

وبعدين شبيكم ويا النصايح هع هع خلي انصح نفسي بعدين انصحكم هههههههه

اغلى هديه تلقيتها المقصود مو بالثمن

هدية من صديقة عزيزة عليه سافرت و قبل ما تسافر هدتلي هدية عبارة عن كلادة مقوسمة نصين نص يمي و نص يمها .. وطبعا لي هسة موجودة عندي و لحظة ما نزعتها وكللش كللش كلللللللش محاااااااااافظ عليها و اعتبرهااااا اغلى هدية اجتني بحياتي ..

هل تتوقع ان تحقق كل ماتتمناه

أي أي اكيد ليش لا مو بس متوقع متأكد لان اني طمووحي لا يووصف وراح ابذل كل جهدي حتى اوصل و احقق احلامي ..

اذا اجتك بنت وقالت اني معجبه بيك شنو يكون ردك

هههههه اممممم اذا البنية اعرفهااااااا راح يكون ردي احنا مجررد اصدقااء و اخوان ... واذا ما اعرفها فا راح اغلس و احسب نفسي ما سمعت شي و احاول ابتر الموضوع بدون ما اجررح المقابيلي ... بعدين اني مررتبط لو يجي ما ادري منو ما اعوووووووووووووف حبيبتي ....

واذا اجتك بنت وكلتلك اكرهك شنو تكله

اكوللها شكرراً و اهديلها وردة

واني هم اتمنالك كل الموفقية و النجااح و التميز في حياتك اختي الغالية طفولة و الله يحررسك و يحفظج من كل شرر ... واطيب تمنياتي الج و لكااتب الموضووع الاخت ROZA ...

JaKaL BaGhdaD

08-02-2007, 03:50 AM

--------------------------------------------------------------------------------

اشكرك كوكو على النصيحه واني طبيعتي هيج معرف اغيرها وبعتقادي الهدوء صفحه حلوه بالبنت وان شاء الله استمر بالكتابه وان شاء الله اكون عند حسن ظنكم بيه
اشكركم يا اعضاء على تفاعلكم واسالتكم الحلوه وان شاء الله لي عوده مع مجموعه من الاسئله
تحياتي لكم/color][/b[]

اكييد خيتوووو حلوة هية بس اني اكره الهدوووووء ههههههه و كل واحد حرررر بطبيعته و كل واحد مناا يحب طبيعته .. وانشاء الله هم تستمرين بل كتاااابة اختي العززيزة .. و اكيد انتِ عند حسن ظنه .. و اني هم اشكرر الاعضاء على الاسئلة .. واشكرك كذلك على الموضوع .. مودتي

:*:*FULA*:*:

08-03-2007, 07:56 AM

مرحبا كوكو اني اجيت ولو وصولي صار متاخر بس هم منورة مو ض27

يلا كوكو تعال جاوبني على كم سؤال

مارايك بالكلمات التاليه؟؟؟؟؟؟؟؟

الحب _الرومنسيه_الجمال_ورقه المشاعر_العراق

ماامعنى كلمه الصداقه بنظرك؟؟؟؟؟؟؟؟؟؟

مامعنى كلمة الخيانه في نطرك؟ وهل مررت بتجربه نهايتها خيانه ؟

ما هي احلى كلمة قيلت لكوكو ؟؟؟

شنو الشي اللي يخلي كوكو فرحان؟؟؟؟؟؟؟؟؟؟

شنو الشي اللي يخلي كوكو زعلان؟؟؟؟؟؟؟؟؟

شنو الكلمه اللي ترددها دايما؟؟؟؟؟؟؟؟؟؟

كلمه سمعتها ودايما ببالك متكدر تنساها؟؟؟؟؟؟؟؟

هل بودك ان ينضاف قسم في المنتدى ؟ وشو برايك ممكن يكون اسم هذا القسم ؟؟؟؟؟؟

ماهي الاكله اللي مايستغني عنها كوكو كل يوم ولو اني اعرف هههههههه؟؟؟؟؟؟؟؟؟؟؟

وكافي اتمنه ماكون طولت بالاسئله

بالمناسبه الي عودة مو عبالك اسئلتي خلصت ههههههههه

كوكو اكو عودكم سؤال اذا محبت تجاوب عليها سويلهن ترك
تحياتي الك

شيرين البغدادية

08-03-2007, 09:46 AM

هههههههههههههههههه
والل هاذا البرنامج كلش حلو
عاشت ايدج حبي روزة

roza

08-03-2007, 02:45 PM

مشاء الله مضل سؤال مسالتوا لكوكو
بس وين كو كو خلي يجاوب يلا ورنا لقاءات هههههههههههههه
كوكو صراحتك وخفت دمك كلش حلوه
ربي يوفقك يارب

roza

08-03-2007, 02:46 PM

حبيبتي شيرين انت الاحلى عيوني
تحياتي الج

roza

08-03-2007, 02:54 PM

عدددددنااااااااااااا
ها كوكو جاهز اكيد جاهز صححححححح
هل المره الاسئله بعيده كل البعد عن النصائح وهل الامور
هل مره تخصك وهيه
*الوزن
*الطول
*الشكل العام يعني اوصف نفسك بس مو تكول حلو واخبل نصيحه من اختك
* اكثر الملابس تحب تلبسها اكيد تيشيرت وجينز ههههه بس هيج حبيت اتاكد
*اذا كنت حلو انت شايف نفسك لو عادي عنك واذا كنت لا فغلس على السؤال :D

هسه خلصنا من المجموعه الاولى وعدنا مجموعه الخ :)

*اكثر ماده بمواد المدرسه اتحبها
* اكثر ماده تكرها وتاخذ درجات مو زينه وشكد اقل درجه اخذت بيه مو تكول 90:eek:
*هل انت بيوم من الايام مطرط من الصف لو كنت كلش حباب وعاقل والمدرسين يحبوك هوايه ؟؟؟؟
وبسسسسسسسسسس هاي هيه
تحياتي

لــؤلــؤة بــغــداد

08-03-2007, 03:41 PM

الـسـلام عليـكم ورحمـة الله وبركاتـة

اشلونك اخي كوكو انـ شـاءاللهـ زيـن ؟؟

اني عندي كـم سـؤااااال

1 _ شـنـو الحلم اللي كـنت تتمنـى تحققـة وماحققتــــــه ؟؟

2 _ أصـعـب موقف مر في حياتك ؟؟

3 _ شـنـو أمنيتـــــك فـي الحيــــــاة ؟؟

4 _ شنو الشي اللي حبيته بـ اختك لؤلؤة وشنو الشي اللي كرهته بيهـا جاوب بصراحـه ؟؟

5 _ إي قسـم تحبــة في المنتـدى ؟؟

6 _ شـنـو اللي يعصبــــــك ؟؟

7 _ شـنـو اكثـــــــر موقف محرج واجهـك في حياتـــــــك ؟؟

8 _ منــــــو أكثــــــر شخـص بتعــــــزه ؟؟

9 _ شنـو اكثـــــر دولة بتحبها في حياتك وشنو اكثر دولة تكرها مع ذكـر السبب ض45 ؟؟

10 _ مــــاذا تعنــــــي لك بـغـــــــداد (( الـعـــــراق )) ؟؟

ابن الانبار الوفي

08-03-2007, 05:11 PM

علاوي الورده اشلونك اعيوني يا كوكو الغالي ....
بالحقيقه الجماعه نازلين عليك بالاسئله ما شاء الله عليهم
ما امخلين اي سؤال هههههههههه ...
اولا شكرا على النصيحه يا طيب وهذي دلاله على ذوقك الطيب واخلاقك الحلوه
ولانه انت طيب تصف الناس بالطيبه ..حياك الله اخويه وكل الشرف الي انه اتلقا
نصيحه من اخ وصديقك مثل حضرتك اعيوني .....

بصراحه اني اكتفيت بمشاهدة الاسئله والاجوبه
وصراحه اتونست واخذت كفايتي من المعلومات ههههههههههههه.

ربي يحفظك لاهلك ويديم عليك حبهم الك ويا ربي دوم الفرح والسرور
وما اتشوف شر بحياتك ....

الشكر لوردة المنتدى العزيزه الغاليه روزا ممنون منج يا ورده ...

ابن الانبار الوفي

JaKaL BaGhdaD

08-03-2007, 08:43 PM

ههههههههههههه حباايبي وربي كهربااء ماكو و نت ماكو اليوم بالليل راح تشوفون الاجااباات كوللها جاااهزة و اني اسف جداا على التأخررر بالررررد بس وربي وربي كهربااء ماكو اهيء اهيء ... سالمين شو كلبتهاا مأساة اني .. تحياتي

roza

08-03-2007, 08:50 PM

اوكي كوكو الله يعينك على الكهرباء وان شاء الله تجاوب على الاسئله
تحياتي

* مشتاقه يابغداد *

08-03-2007, 09:52 PM

السلام عليكم

بالبدايه احب احيي المقدمه الطيفه والمخرج الممتع ** روزه & ابن الانبار الوفي **

بالفعل برنامج جميل ومممتع ةكمت اغار منكم ههههههه

واحب احيي كوكو اخوويه الورد

ورح اسئلك سؤال واحد لان الاسئله الباقيه ضامتها للبرنامج مالي ض40 هههههه

1- ويقال ان الكلام من فضة والسكوت من ذهب...

ماذا تفعل إذا كان الصمت طبعك عند الحزن والغضب .. ؟؟

عندما يسيء اليك شخص عزيز لديك بكلمة أو تصرف ...

فيلفك الصمت وتتجمد الحروف على شفتيك

وتتحجر الدموع في عينيك . ماذا تفعل ؟؟

تحيااااتي

عاشقة بغداد

08-04-2007, 01:00 AM

مساء الخير
شلونك كوكو اسفة اذا زعلتك بشي والله صدك انتة اخ عزيز بس جنت بوكتهة كلش ضايجة وقافلة من الرئيسي
والله الشباب والبنات ماقصروا بس حبيت امر للموضوع واعتذر الك

JaKaL BaGhdaD

08-04-2007, 02:03 AM

مرحبا كوكو اني اجيت ولو وصولي صار متاخر بس هم منورة مو ض27

يلا كوكو تعال جاوبني على كم سؤال

مارايك بالكلمات التاليه؟؟؟؟؟؟؟؟

الحب _الرومنسيه_الجمال_ورقه المشاعر_العراق

ماامعنى كلمه الصداقه بنظرك؟؟؟؟؟؟؟؟؟؟

مامعنى كلمة الخيانه في نطرك؟ وهل مررت بتجربه نهايتها خيانه ؟

ما هي احلى كلمة قيلت لكوكو ؟؟؟

شنو الشي اللي يخلي كوكو فرحان؟؟؟؟؟؟؟؟؟؟

شنو الشي اللي يخلي كوكو زعلان؟؟؟؟؟؟؟؟؟

شنو الكلمه اللي ترددها دايما؟؟؟؟؟؟؟؟؟؟

كلمه سمعتها ودايما ببالك متكدر تنساها؟؟؟؟؟؟؟؟

هل بودك ان ينضاف قسم في المنتدى ؟ وشو برايك ممكن يكون اسم هذا القسم ؟؟؟؟؟؟

ماهي الاكله اللي مايستغني عنها كوكو كل يوم ولو اني اعرف هههههههه؟؟؟؟؟؟؟؟؟؟؟

وكافي اتمنه ماكون طولت بالاسئله

بالمناسبه الي عودة مو عبالك اسئلتي خلصت ههههههههه

كوكو اكو عودكم سؤال اذا محبت تجاوب عليها سويلهن ترك
تحياتي الك

هههههههههههههههههههههههههههههههههههه لا لا منوووورة زينه ض27 ض27 ....... لا عمي نشااقة مو تروحين تصدكين هاا خخوووش وبعدين حتى لو صدكتي شراح تسوين أي ها لا تهددين خوش اني ما تهدد لا شنو بس صوجي اني اشاقة وياج لان انتِ مو مال شقة مال مشتمل انياااااااااااااااااااااااا ....

هلا بخيتووو الوردة زينه العراقية .. منوورة وربي ض6 ض7 ض7 ض7

يااباا نبدي نجااوب احسن مو لو مو مو

مارايك بالكلمات التاليه؟؟؟؟؟؟؟؟

الحب _الرومنسيه_الجمال_ورقه المشاعر_العراق

الحب :: احساااس بالفررح

الرومنسية :: هية تعبير عن الحب و العاطفة

الجمال :: اساااس الوجوود في كل شيء

ورقة المشاعر :: هية الصدق بالتعبير

العراق :: هو الأول و الأخير

ماامعنى كلمه الصداقه بنظرك؟؟؟؟؟؟؟؟؟؟

هية العلاقة الصادقة بين شخصين الخالية من المصالح

مامعنى كلمة الخيانه في نطرك؟ وهل مررت بتجربه نهايتها خيانه ؟

اعتقعد الخيانة مبينه من اسمها مبينه والها نظرة وحدة .. مررت بتجربة لا ما مررت بيهاا ..

ما هي احلى كلمة قيلت لكوكو ؟؟؟

احبــــــــــــــــــــــــــــــــــــــــــــك

شنو الشي اللي يخلي كوكو فرحان؟؟؟؟؟؟؟؟؟؟

من احس بالحرية ........

شنو الشي اللي يخلي كوكو زعلان؟؟؟؟؟؟؟؟؟

التأأخيــــــــر و الانتظااااااار يعصبني و يزعلني و يخليني اتخبل

شنو الكلمه اللي ترددها دايما؟؟؟؟؟؟؟؟؟؟

اكثر كلمة اكولها واررددهاا ::<<<< ترى هااي مو حاالة

كلمه سمعتها ودايما ببالك متكدر تنساها؟؟؟؟؟؟؟؟

لاتظن انساك

هل بودك ان ينضاف قسم في المنتدى ؟ وشو برايك ممكن يكون اسم هذا القسم ؟؟؟؟؟؟

قسم اممممم الافلام و الالعااب الالكترونية وووو قسم التنمية ..؟

ماهي الاكله اللي مايستغني عنها كوكو كل يوم ولو اني اعرف هههههههه؟؟؟؟؟؟؟؟؟؟؟

الزلاااااااااااااااااااااااااااااااااااااااااااااا اااااااااااااااااطة

وكافي اتمنه ماكون طولت بالاسئله

بالمناسبه الي عودة مو عبالك اسئلتي خلصت ههههههههه

كوكو اكو عودكم سؤال اذا محبت تجاوب عليها سويلهن ترك
تحياتي الك

لا عيوني هلا بيج وبأسلتج و لا طولتي ولا شي .. و هلا بيج مرة ثانية .. واني جاوبت على كل الاسئلة .. تحياتي الج ...

JaKaL BaGhdaD

08-04-2007, 02:12 AM

عدددددنااااااااااااا
ها كوكو جاهز اكيد جاهز صححححححح
هل المره الاسئله بعيده كل البعد عن النصائح وهل الامور
هل مره تخصك وهيه

*الوزن
*الطول
*الشكل العام يعني اوصف نفسك بس مو تكول حلو واخبل نصيحه من اختك
* اكثر الملابس تحب تلبسها اكيد تيشيرت وجينز ههههه بس هيج حبيت اتاكد
*اذا كنت حلو انت شايف نفسك لو عادي عنك واذا كنت لا فغلس على السؤال
هسه خلصنا من المجموعه الاولى وعدنا مجموعه الخ
*اكثر ماده بمواد المدرسه اتحبها
* اكثر ماده تكرها وتاخذ درجات مو زينه وشكد اقل درجه اخذت بيه مو تكول 90
*هل انت بيوم من الايام مطرط من الصف لو كنت كلش حباب وعاقل والمدرسين يحبوك هوايه ؟؟؟؟
وبسسسسسسسسسس هاي هيه
تحياتي

هلا بيج وبعودتج ونورتي الموضوه و حاضر اني لكل الاسئلة وجاااااااهز ..

الوزن :: 70 كيلو غرام

الطول :: تقريبااا 190 سانتيمتر يعني سانتيمين و اوصل ال 190

*الشكل العام يعني اوصف نفسك بس مو تكول حلو واخبل نصيحه من اختك

شااب بغدادي وعندج الحساب !

اكثر الملابس تحب تلبسها اكيد تيشيرت وجينز ههههه بس هيج حبيت اتاكد

صحححححححح امووت عليهن

اذا كنت حلو انت شايف نفسك لو عادي عنك واذا كنت لا فغلس على السؤال

لا عاادي ما شاايف روحي او شي لان الجمال جمال الروح مو جمال الجسد

اكثر ماده بمواد المدرسه اتحبها

الرياااضيااات

اكثر ماده تكرها وتاخذ درجات مو زينه وشكد اقل درجه اخذت بيه مو تكول90

اللغة العربية هع هع هع

هل انت بيوم من الايام مطرط من الصف لو كنت كلش حباب وعاقل والمدرسين يحبوك هوايه ؟؟؟؟

هههههه عيني اني الادارة مال المدرسة تعقدت مني بحيث بل اخير ترركوني .. جنت اجي للمدرسة درسين و اطفر من السيااج هع هع من السادس الابتدائي الى حد السادس علمي اني ما فد يوم داومت دوام كامل اكثر شي 4 درووس و اطفرر بس جنت بل امتحانات اقراا و اجيب درجات زينه فا المدرسين يدرون درجاتي زينه فا مثل اليطمطمولي هع هع هع ..

وتحياتي الج خيتووو

JaKaL BaGhdaD

08-04-2007, 02:28 AM

الـسـلام عليـكم ورحمـة الله وبركاتـة

اشلونك اخي كوكو انـ شـاءاللهـ زيـن ؟؟

اني عندي كـم سـؤااااال

1 _ شـنـو الحلم اللي كـنت تتمنـى تحققـة وماحققتــــــه ؟؟

2 _ أصـعـب موقف مر في حياتك ؟؟

3 _ شـنـو أمنيتـــــك فـي الحيــــــاة ؟؟

4 _ شنو الشي اللي حبيته بـ اختك لؤلؤة وشنو الشي اللي كرهته بيهـا جاوب بصراحـه ؟؟

5 _ إي قسـم تحبــة في المنتـدى ؟؟

6 _ شـنـو اللي يعصبــــــك ؟؟

7 _ شـنـو اكثـــــــر موقف محرج واجهـك في حياتـــــــك ؟؟

8 _ منــــــو أكثــــــر شخـص بتعــــــزه ؟؟

9 _ شنـو اكثـــــر دولة بتحبها في حياتك وشنو اكثر دولة تكرها مع ذكـر السبب ض45 ؟؟

10 _ مــــاذا تعنــــــي لك بـغـــــــداد (( الـعـــــراق )) ؟؟

يا هلا بهل طير ض1 منوورة اني بخير اذا انتوا بخير ..

1 _ شـنـو الحلم اللي كـنت تتمنـى تحققـة وماحققتــــــه ؟؟

درااستي بس احققهاا احققهاا لو اعرف هذااك اليوم يكون اخر يوم بعمري

2 _ أصـعـب موقف مر في حياتك ؟؟

من دا اودع اصدقاائي اخر يوم كان اللي ابغداد كاان كللش يوم صعب ونص اصدقائي اللي ودعتهم .. فارقوا الحياة هسة فكل ما اذكرر هذااك اليوم كللش اضووج و اتكئب ..

3 _ شـنـو أمنيتـــــك فـي الحيــــــاة ؟؟

أنو اعيش بمكاان و استقرررررررررررررررررررررررررررررررررررررررررررررر

4 _ شنو الشي اللي حبيته بـ اختك لؤلؤة وشنو الشي اللي كرهته بيهـا جاوب بصراحـه ؟؟

اكثر شي حبيته بلؤلؤة هوَ قلبها الطيب و ما تحب احد يزعل منها واللي يزعل منها تجي تراضي .. اكثر شي اضوج منه من تضحك هع هع لان يعللللللللللق يمي ..والله يا لؤلؤة وردة انتِ

5 _ إي قسـم تحبــة في المنتـدى ؟؟

المنتدى كوله احبه ولكن احب المنتدى العاام و التحشيش هم

6 _ شـنـو اللي يعصبــــــك ؟؟

اتعصب من يكون المقاابيلي ما يفهمني يبوووو اتنررفز و اتعصب و لو بودي اضرب روحي طلقة

7 _ شـنـو اكثـــــــر موقف محرج واجهـك في حياتـــــــك ؟؟

هههههههههههه ما مرر عليه هيجي شي .. بس ترى هااي اني احررج الموقف مو هوَ يحررجني

8 _ منــــــو أكثــــــر شخـص بتعــــــزه ؟؟

ولد صديقي اموت عليه اعزه كللش كللش و تااج راسي والله هااي بالحياة العادية طبعاا .. بالنت كللكم شللع بدون استثنااء معزتكم لقلبي وحدة ..

9 _ شنـو اكثـــــر دولة بتحبها في حياتك وشنو اكثر دولة تكرها مع ذكـر السبب ض45 ؟؟

العرااااق .. اكرره ترركيااا مع الاعتذاار لعدم ذكرر السبب

10 _ مــــاذا تعنــــــي لك بـغـــــــداد (( الـعـــــراق )) ؟؟

اذا قلنا بغداد فا قد قلنا العراق وهية بالتالي الاول و الاخير

وتحياتي الج اختي العزيزة

JaKaL BaGhdaD

08-04-2007, 02:39 AM

السلام عليكم

بالبدايه احب احيي المقدمه الطيفه والمخرج الممتع ** روزه & ابن الانبار الوفي **

بالفعل برنامج جميل ومممتع ةكمت اغار منكم ههههههه

واحب احيي كوكو اخوويه الورد

ورح اسئلك سؤال واحد لان الاسئله الباقيه ضامتها للبرنامج مالي ض40 هههههه

1- ويقال ان الكلام من فضة والسكوت من ذهب...

ماذا تفعل إذا كان الصمت طبعك عند الحزن والغضب .. ؟؟

عندما يسيء اليك شخص عزيز لديك بكلمة أو تصرف ...

فيلفك الصمت وتتجمد الحروف على شفتيك

وتتحجر الدموع في عينيك . ماذا تفعل ؟؟

تحيااااتي

جوابي البسيط لسؤالك ..:: هو أن الله تعالى قد باركَ بكاظمين الغيظ ... وكما يقول المثل ..:: أن قلت الجواب جواب ..

مودتي

JaKaL BaGhdaD

08-04-2007, 03:09 AM

حبيبي ابن الانبااار الوردة ما ادري شلون اشكرك يا بعد عمري و روحي على كلمااتك الحلوة العسل مثلك .. ربي يحفظك ويحفظ اعضاء المنتدى ويحفظ العراقيين جميعاا .. الف شكررا الك و تحياتي الك يا ورد ..

عاشقة اختي العزيزة عيب تكولين زعلان مني لان ماكو بالدنيا كولها اخ يزعل من اخته و اني اعزج اكثر من ما انتِ تعزيني .. واني لا زعلان ولا شي و انتِ اخت غالية .. تحياتي الج اختي العزيزة و اني هم اسف اذا جرحتك بكملة اول تصرف او اي شي .. مودتي

لــؤلــؤة بــغــداد

08-04-2007, 04:00 AM

صباحكم ورد جـــــــــــوري

اخي الطيب كوكو الـف شكــــــــر على الأجوبـــــــــة الرقيقــــــة

وربـــــي ماقصـــــــــــرت

ربي يهنيــــــك في حياتــــــك ويسعدك

tammy1

08-04-2007, 05:01 AM

هلوووووو خيو كوكو اني عندي كم سؤال الك يلة نبدي ;)
شنو رأيك بلاعضاء :
تاااااااامي :p
الفنكوش الاسود
السااااااااااحر
توتة
وشنو تنصحهم:confused:
هل فكرت بأن تبتعد عن المنتدى سواء كان لفترة معينة او نهائيا واذا مفكر قبل فشنو السبب :confused:
كلمة للاعضاء الي مشاركاتهم صفر :D:D
عدد خمس بلدان تحب تزورهم واذا تحب تذكر السبب يكون احسن :D
سؤال شخصي :D كم مرة حب كوكو بحياته بس حب حقيقي يعني مو اعجاب
هل كوكو من النوع الغيور :p
اوصف نفسك بكلمة واحدة ;)
نقطة انتهى.:D
مع تحياتي اني تااااااااااااااااامي http://www.iraq-x.com/up/uploads/d1f60ec794.gif (http://www.iraq-x.com/up)
ملاحضة اذا كان اي سؤال معاد او احد الاعضاء سألو فيرجى الاجابة بترك
يرجى الكتابة بخط واضح وصريح :D وعدم استخدام القلم الجاف الاحمر :D

مأسآةشاعر

08-05-2007, 12:39 AM

http://www.iraq-x.com/up/uploads/aadb5c4dbf.jpg (http://www.iraq-x.com/up)

السلام عليكم أخي كوكو طبعاً قبل لا أبدأ اشكر روزا على هذا الموضوع

أخي كوكو ماشاء الله والله آني عبالي عمرك 30 وفوق بدون حسد :eek:

والنوب طلعت مصلاوي اووووف من المصالوى :D ههههههههههههه

الله يوفقك انشاء الله وماشاء الله عليك اخي وعالمعدل الي مطلعة :cool: اتمنالك النجاح بكل خطوة تخطيها بحياتك

تقبل تحياتي ومروري

مَأسَآة شَاعِر

roza

08-05-2007, 10:28 PM

اشكر كل من شكر روزا وان شاء الله كل اللقاءات تكون حلوه
مثل اللقاء مع كوكو
وكوكو ارجوا ان ترد على اسئله تامي لان اليوم اخر يوم بلقاء معك
ندري ضوجناك واخذنا من وقتك الكثير بس استحملنا وان شاء الله مكانت اي اسئله مزعجه
تحياتي

JaKaL BaGhdaD

08-06-2007, 04:02 AM

خيو كوكو اني عندي كم سؤال الك يلة نبدي
شنو رأيك بلاعضاء :
تاااااااامي
الفنكوش الاسود
السااااااااااحر
توتة
وشنو تنصحهم
هل فكرت بأن تبتعد عن المنتدى سواء كان لفترة معينة او نهائيا واذا مفكر قبل فشنو السبب
كلمة للاعضاء الي مشاركاتهم صفر
عدد خمس بلدان تحب تزورهم واذا تحب تذكر السبب يكون احسن
سؤال شخصي كم مرة حب كوكو بحياته بس حب حقيقي يعني مو اعجاب
هل كوكو من النوع الغيور
اوصف نفسك بكلمة واحدة
نقطة انتهى.
مع تحياتي اني تااااااااااااااااامي
ملاحضة اذا كان اي سؤال معاد او احد الاعضاء سألو فيرجى الاجابة بترك
يرجى الكتابة بخط واضح وصريح وعدم استخدام القلم الجاف الاحمر
_____________

هلا بيج خيتووو تامي و بأسئلتج ...

تامي :: انسانة رائعة
الفنكوش الاسود : مثااابررر
السحارر :: ورردة ساحر بمعنى الكلمة
توتة :: الرقيقة

طبعا اسف على التعبير المجاازي الكم بس انتوا تستااهلون اكثررررر بس دا انطيكم رأئي بيكم بكلمة وحدة او اكثر من كلمة ...

هل فكرت بأن تبتعد عن المنتدى سواء كان لفترة معينة او نهائيا واذا مفكر قبل فشنو السبب

أي فكرت ولفترة طويلة و فكرت كذلك العمر كله .. والتفكير لحد الان ترى أبالي .. السببب ما اكدر اظل بمكان اني اكو ناس بيه زعلانين مني او شي ...؟؟

كلمة للاعضاء الي مشاركاتهم صفر

نشكرركم على جهوودكم ... وما قصرتوا .. ورفعتوا اسم منتدى العراق .. الف شكر

عدد خمس بلدان تحب تزورهم واذا تحب تذكر السبب يكون احسن

مصرر :: لان اشووف الهووووسة و الحياة البسيطة
الصين :: عالم غريب
الامارات :: كا استقراار و عمللل
باريس :: ههههههه مبين السبب
العراق ::: ..........................................؟؟؟؟؟

سؤال شخصي كم مرة حب كوكو بحياته بس حب حقيقي يعني مو اعجاب

مرتين

هل كوكو من النوع الغيور

غيوور ولكن مو بعصبية او بتعبير اخرر همجية يعني ... يعني ما اخلي غيرتي تقودني لغير فعلات ........

اوصف نفسك بكلمة واحدة
نقطة انتهى.

راح انتظرها منج .. انتِ راح توصفيني ......؟؟

مع تحياتي اني تااااااااااااااااامي
ملاحضة اذا كان اي سؤال معاد او احد الاعضاء سألو فيرجى الاجابة بترك
يرجى الكتابة بخط واضح وصريح وعدم استخدام القلم الجاف الاحمر

هلا بيج تامي .. لا ماكو اسئلة معادة ... و كتبت بقلم واضح ........ وتحياتي

واسف بالتأخير بالرد بس هل ايام مشغول جدا جدا .. مودتي

JaKaL BaGhdaD

08-06-2007, 04:08 AM

حبيبي مأساة وعليكم السلام .. طبعا شكر الك و شكرا خاص لروزة .. هههههههههه ليش كبرتني :D طيررررت المعجباات هع هع ... و حبيبي فد تعديل بسيط :p .. اني مو مصلاوي اني سامرائي و ماكو فرق اكيد ولكن حاليا ساكن بالموصل مؤقت .... و اشكرك على كلامك الجميل و الله يوفقك و يوفق جميع الاعضاء و تحياتي الك ..

روزه شكرا شكرا على هذا اللقااء اللي قدمتي انتِ .. اني تونست جدا وياكم و اتمنى كنت ضيف خفيف عليكم .. وما ضوجت احد بأي جوااب .. ورديت على جميع اسئلتكم .. تحياتي الج أختي .. وتحية خااصة لأخويا ابن الانبار الوفي من خلف الكواليس :D .. والله يوفقكم في لقاءاتكم القادمة .. دمتم بوود .. اخوكم كـــوكـــو

tammy1

08-06-2007, 05:32 AM

شكرا خيو كوكو علاجابة
اني راح اوصف كوكو من خلال معرفتي القصيرة بي
غااااااااااااااااامض
تقبلو مروري

JaKaL BaGhdaD

08-06-2007, 05:35 AM

هههههههههههههههههههههههههههههههههههههه .... تحياتي

بغداد يانور العين

08-06-2007, 06:17 AM

هاااي شنو انى دخت الله يسااعدك كوكو
بس والله الاعضاااء ورود شلون اسئله حلوه يسألون وانت ورده وتستااهل كل خير والله يوفقك
انى كل الاسئله الى ردت اسئلها انكالت بس عندي سؤااال واااحد لان عيب اجى اكتب رد وما اكتب سؤال ههعهعه

س/ جم سن عندك هههههههههه

لالالالا دا اشاااقه السؤاال هو شنو اول شى يشدك او تنعجب بيه بالانسان المقااابل ومو شرط بنيه

.................................................. ...........

تحياتي الك وللورده روزه وللاخ الورده ابن الانبااار

JaKaL BaGhdaD

08-06-2007, 02:54 PM

الله يسااعد الجميع اهلن اهلن .... لا عاادي حتى لو تجين تتفررجين و تطلعين عادي ض1 ... بالنسبة لسؤالك والله 250 سن و احتمال يصير بيهن زيادة هع هع ............. اكثر شي يجذبني بالشخص شخصيته و طريقة كلامه ......؟؟

وثكرا ثكرا ثكرا على المرروور .. وتحياتي الج

بغداد يانور العين

08-06-2007, 10:31 PM

مشكوررر كوكو الورده على الاجاابه هواي عندك سنون هههههههههههه

تحياتي الك
.........................

ابن الانبار الوفي

08-07-2007, 02:06 PM

http://www.swahl.com/up/m91/swahlcom_0876.gif (http://www.swahl.com/up)
السلام عليكم اعيوني .....
بصراحه وبدون مجامله او مداهنه لا اعرف بماذا اصفُ ضيفنا العزيز والطيب
((كوكو )) علاوي الورده ..ساكون صريحا معكم وقفتُ كثيرا وانا افكر ماذا اقول في نهاية
البرنامج وبماذا اختم بعد هذه الرحله الجميله قضيناها في عالم الاخ الغالي كوكو الحبيب.
http://www.swahl.com/up/m91/swahlcom_0876.gif (http://www.swahl.com/up)
انسان اجمل ما تكون فيه اخلاقه وتسامحه وقلبه الطيب والحنين تواضعه من غير ضعف
وسام له وتميز لسلوكهِ .. تعاونه مع الغير وجعل نفسه تحت الخدمه لاي عضو او عضوه
في هذا المنتدى ..احسستُ انه يفرح كثيرا اذا ما طلب منه احدنا مساعده واعتقد احساسي في مكانه ..
http://www.swahl.com/up/m91/swahlcom_3922.gif (http://www.swahl.com/up)
امنياتي له بالحياة السعيده ويا ربي الفرح والسرور وربي يحفظ
الولد الوحيد كوكو لامه ولابيه ويا ربي يحفظهم الك يا غالي يالحبيب..سلامي للوالدين العزيزين ..
http://www.swahl.com/up/m91/swahlcom_3922.gif (http://www.swahl.com/up)
اني اسف انه المخرج هو الي ختم اللقاء مخرج شنو اني حامل جنطة التصوير ما ارهم ههههههههههه
كان المفروض وردة المنتدى وغاليتنا روزا هي الي تختم بس يبدو انو النت عدها عااااوي يعني تعبان.
ان شاء الله مراح ايكون ختامي خلل لهذه الحلقه وهذا اللقاء الممتع ..والله انا اتونست وانا اتابع اجوبة اخويه كوكو وهو يرد على اسئلة الناس الطيبه والاعضاء الحبابين ..
ربي ايسلم الكل ويحرسهم ....
http://www.swahl.com/up/m91/swahlcom_0876.gif (http://www.swahl.com/up)
ادري طولت اي اي بس لا اتصيحون ههههه يلا كافي طفو الكاميرات وعزلو
خلي انروح للضيف الاخر ..ههههههه
http://www.swahl.com/up/m91/swahlcom_0876.gif (http://www.swahl.com/up)

انا راح انتظر تعقيب من الاخ كوكو يعني اخر كلمة لك يالغالي
ولا اطول هههههههههههههه لانه ما بقى عدنه غير كم دقيقه :p:p:p
http://www.swahl.com/up/m91/swahlcom_3922.gif (http://www.swahl.com/up)

http://www.swahl.com/up/m91/swahlcom_f495.gif (http://www.swahl.com/up)
ابن الانبار الوفي

roza

08-07-2007, 11:48 PM

اخي العزيز والغالي ابن الانبار يعجر لساني عن شكرك لمساعدتي في تقديم البرنامج
اني هم صدكت اني مذيعه ههههه
ما عندي اي كلام اضيفه على الوصف الي وضفت بي (كوكو)
كوكو نشكرك جزيل الشكر لوسع صدرك ونشكرك على اجوبتك الحلوووووووووووه مثل ما عودتنا
تحياتي لكم
كانت معكم من استديوا اللقاءات roza
الى اللقاء مع مشرف او عضوا جديد
تحياتي

JaKaL BaGhdaD

08-08-2007, 02:33 AM

هع هع هع ادري عزلتوا انتوا غير تنطوني فلووس اللقااء هع هع .. اشكررك جزيل الشكر حبيبي ابن الانباار على كلامك الحلوو وهذاا كوله يدل على طيبتك و اصالتك يا ورد .. و اشكرررررررر الاخت روزة شكرر جزيل والله يوفقكم و يوفق جميع الاعضاء و اني استمعت جدا جدا و انشااء الله تتوفقون في لقااءااتكم الجااية والله يحررسكم .. اخووكم الى الابد علاااااوي ( كوكو ) .............