احمد الصالحي
07-29-2008, 08:06 PM
قلب والــــــــــــــــــــــــــــــــــده
.................................
احااااااااه يبني .... احاااااااااه يبني
يبني بعيوني حزن..
غافي ويه جفني..
ما يفز حتى اشتكيلك
يبني ليلي مساهره
ونومي شحيح..
وادري بيك امساهر ويه انجوم ليلك
يبني ياخذني الدمع ..
والدمع سيل ..
ينشف على اجروف خدي
يبني هاي الدنيه ضدي
انهدم بيه الحيل يبني
من سمعت انهدم حيلك
يبني حنة عرسك المخلوطه بدموعي الحنينه
يبني هذا الكَلب عينه ..
يبني بت عمك حزينه ..
رادت اتذب ثوب زفتها وتجيلك
يبني من جاني الخبر تيهت دربي
والمن اربي ..
وصورتك كَدام عيني ..
اوبين كَلبي ..
يبني مرّدت الكَلب جا بيش اشيلك
يبني يا تابوت شالك ..
بعد متني ..
ويا جفن..
يبني يلفك بعد حضني ..
يبني يا ماي اليغسلك..
بعد دمعي أويرويلك
يبني بستانك ذبل من شلت عنه
وما رونّه غيوم فجرك ..
يبني اعذرك ..
يبني خاين بيك دهرك ..
يبني مسحاة الفلح ضلت تنوح وترتجيلك
يبني والمشحوف محزن ..
لابس اثياب السواد ..
يبني والمردي اعلى طوله ..
واكَف ايريد اليلزمه ..
ويطر روج الماي سكته ..
يبني لاجن ما لزمته ..
وطاح لن مكسور خاطر مثل ماكسرو دليلك
يبني ابوك ابيوم شافك ..
جاك محني الظهر محدب ..
يبني يثغب ..
يبني صاح ابصوت يارب ..
والدمع بعيونه خط درب الرحيلك
يبني واختك لطمت الخد ..
يبني كلها اتصيح بس الله ولاحد ..
ياشباب الوافته اليوم المنيه ..
وما شبع من ها الدنيـّه ..
او ما وصل للي يريده
يبني والبيرق يخرخش بلسمه ويعلن حداده
يبني عاده ..
يبني صار الموت عاده ..
وخنجره ابنحر الشباب ايحز وريده
يبني يبني البيت مشتاكَ الضحكتك
يبني صارت موحشه ابفكَدك غرفتك..
يبني شكَت ثوبها اوصرخت ورقتك
والطمت ويه القصيده ..
يبني وادموعي الجرن كلها اعلى مودك
يبني جن ذبلان عودك ..
يبني يا محلى وجودك ..
يبني ردت اليوم اشم وجنة اخدودك ..
واشبكَ ايدي ابراحة ايده
يبني افرّع الراس وادعي ابكل غروب
يبني اعاين عا الدروب
يمته ترجع ..
يبني كَلب امّك توّجع ..
يبني صوت الناعي يفجع ..
يبني فت الصخر وايذوّب حديده
يبني بيدي اليوم ازفّك
يبني وابعلم العراق او نجمه الفك
يبني واتراب الوطن ...
باسك ابزلفك ..
يبني بي بان الفرح وأيام عيده
يبني من شافك طحت ما نصب ماتم
يبني ما كَال الكرم مات ويه حاتم
يبني لنّك كرّميته ..
يبني لن روحك هديته ..
يبني من ماتت شهيده
احاااه يبني
احاااه يبني
تحياتي
اخوكم
احمد الصالحي
.................................
احااااااااه يبني .... احاااااااااه يبني
يبني بعيوني حزن..
غافي ويه جفني..
ما يفز حتى اشتكيلك
يبني ليلي مساهره
ونومي شحيح..
وادري بيك امساهر ويه انجوم ليلك
يبني ياخذني الدمع ..
والدمع سيل ..
ينشف على اجروف خدي
يبني هاي الدنيه ضدي
انهدم بيه الحيل يبني
من سمعت انهدم حيلك
يبني حنة عرسك المخلوطه بدموعي الحنينه
يبني هذا الكَلب عينه ..
يبني بت عمك حزينه ..
رادت اتذب ثوب زفتها وتجيلك
يبني من جاني الخبر تيهت دربي
والمن اربي ..
وصورتك كَدام عيني ..
اوبين كَلبي ..
يبني مرّدت الكَلب جا بيش اشيلك
يبني يا تابوت شالك ..
بعد متني ..
ويا جفن..
يبني يلفك بعد حضني ..
يبني يا ماي اليغسلك..
بعد دمعي أويرويلك
يبني بستانك ذبل من شلت عنه
وما رونّه غيوم فجرك ..
يبني اعذرك ..
يبني خاين بيك دهرك ..
يبني مسحاة الفلح ضلت تنوح وترتجيلك
يبني والمشحوف محزن ..
لابس اثياب السواد ..
يبني والمردي اعلى طوله ..
واكَف ايريد اليلزمه ..
ويطر روج الماي سكته ..
يبني لاجن ما لزمته ..
وطاح لن مكسور خاطر مثل ماكسرو دليلك
يبني ابوك ابيوم شافك ..
جاك محني الظهر محدب ..
يبني يثغب ..
يبني صاح ابصوت يارب ..
والدمع بعيونه خط درب الرحيلك
يبني واختك لطمت الخد ..
يبني كلها اتصيح بس الله ولاحد ..
ياشباب الوافته اليوم المنيه ..
وما شبع من ها الدنيـّه ..
او ما وصل للي يريده
يبني والبيرق يخرخش بلسمه ويعلن حداده
يبني عاده ..
يبني صار الموت عاده ..
وخنجره ابنحر الشباب ايحز وريده
يبني يبني البيت مشتاكَ الضحكتك
يبني صارت موحشه ابفكَدك غرفتك..
يبني شكَت ثوبها اوصرخت ورقتك
والطمت ويه القصيده ..
يبني وادموعي الجرن كلها اعلى مودك
يبني جن ذبلان عودك ..
يبني يا محلى وجودك ..
يبني ردت اليوم اشم وجنة اخدودك ..
واشبكَ ايدي ابراحة ايده
يبني افرّع الراس وادعي ابكل غروب
يبني اعاين عا الدروب
يمته ترجع ..
يبني كَلب امّك توّجع ..
يبني صوت الناعي يفجع ..
يبني فت الصخر وايذوّب حديده
يبني بيدي اليوم ازفّك
يبني وابعلم العراق او نجمه الفك
يبني واتراب الوطن ...
باسك ابزلفك ..
يبني بي بان الفرح وأيام عيده
يبني من شافك طحت ما نصب ماتم
يبني ما كَال الكرم مات ويه حاتم
يبني لنّك كرّميته ..
يبني لن روحك هديته ..
يبني من ماتت شهيده
احاااه يبني
احاااه يبني
تحياتي
اخوكم
احمد الصالحي