مصفى الدوره
07-30-2008, 06:00 AM
يم عثمان .. وقفة خجولة بين يدي أم عثمان العبيدي ..علي الزيدي و سالم التميمي
ننحني اجلالا واحتراما في حضرة امهات شهداء العراق ، لكن في حضرة ام عثمان نذوب وفاءا وننصهر تواضعا وخجلأ
***
يم عثمان
ابنج بعده مامات
ولا غرگان سـيّــَس بــين الجروف
لاسمَـه بكل گـلب مشـچوخه رايات
يسـبَــح بالوريد ويــضـرب چـفـوف
ثـَـلـث سـنِـين مّرن وابـنـچ يــفـــوج
بـشـطوط الگـلوب يـَـوَحد الصـفوف
مــــا تـعـّـب ازنوده مگـالـَـب الروج
يــلِـم كرخ ورصافه ويـنَـزَع الخوف
***
يم عثمان
انشدچ من حملتيه
تنسيتي بفرات ودجــله ردتيه ؟؟
لان طــبعَـه مثل خنــياب نهران
يـفـِيض بلا حدود وما له تشبيه
وهم هزيتي نخله وذبت ارطاب
لــو كــل النـَخل يوميلچ انطيه ؟؟
ومن صدرچ رضَع لو كل الانهار
تـِـتجَمـّـع بثديج من ترضعيه ؟؟
وحــبل سره بـكتر واحــد تركتيه
لو نص الجسر بيدچ دفنتيه ؟؟
مالمه الگبر وانهال التراب
عليه ارواحنه انهالت تغطيه
***
يم عثمــان
كلنــَـة نــصيــر ولدچ
نضــويـلِـچ نظــَـل طول الليالي
ويظــَل عثمــان بــينـَــة وكلنــَـة عنـدچ
وعــــَـلــَـة بابـــچ نقــدّم كـــلــشــِي غالي
نجــيــچ ويـه الجــســر ونضـّوي الشموع
وويــــــانــَـه الگَــمر لو جِــان عـــالــــي
وبــحضـــرَة الـــقــدّم روحـــَـة قربــــــان
كــــل احـــــنَــة رعـــيــَـة ومــاكو والـــي
***
يم عثمان
بابچ لا تــسدّيــه
خـــاف انـــمــر علــيــچ وهــــوّة بيــنـَة
وخاف ويــــانـَـه مـــِن تــردين تمــشـين
لام عثـــمان الاخرى البــــلـــمــدينه
وخــاف من النهـــر ما يرضة عثمان
يــــآخــــذ مــــــآي ويــوزّع علــينـَة
لأن مـايچ وفـــَـة وبيــه ريحة الطيب
ومن زمـــزم عيـــونــچ مــارويـنـَة
***
يم عثــمــان
ابنچ بعدة مـــــا مــات
ما تيــّـه الرايــــَـة ولــســّـَة بيــــدة
واگَـف عـالجــســر ويـدلّــي بــالناس
وللكــــاظــم عــلامـَـة احــنــة نــريدة
ولأن جــثــّـة الكـــاظم عبرتـة بلـــيــل
مـــاســمـعـَـــت بچـي وجِــانت وحيــدة
بچـيــنـَــة ارواحــنـــَــة وبچيـنـَـة عثمان
وكل بغدادنة صــــارت شــَـهــيــدة
علي الزيدي & سالم التميمي
25رجب 1429 - 29/ 7/ 2008
ننحني اجلالا واحتراما في حضرة امهات شهداء العراق ، لكن في حضرة ام عثمان نذوب وفاءا وننصهر تواضعا وخجلأ
***
يم عثمان
ابنج بعده مامات
ولا غرگان سـيّــَس بــين الجروف
لاسمَـه بكل گـلب مشـچوخه رايات
يسـبَــح بالوريد ويــضـرب چـفـوف
ثـَـلـث سـنِـين مّرن وابـنـچ يــفـــوج
بـشـطوط الگـلوب يـَـوَحد الصـفوف
مــــا تـعـّـب ازنوده مگـالـَـب الروج
يــلِـم كرخ ورصافه ويـنَـزَع الخوف
***
يم عثمان
انشدچ من حملتيه
تنسيتي بفرات ودجــله ردتيه ؟؟
لان طــبعَـه مثل خنــياب نهران
يـفـِيض بلا حدود وما له تشبيه
وهم هزيتي نخله وذبت ارطاب
لــو كــل النـَخل يوميلچ انطيه ؟؟
ومن صدرچ رضَع لو كل الانهار
تـِـتجَمـّـع بثديج من ترضعيه ؟؟
وحــبل سره بـكتر واحــد تركتيه
لو نص الجسر بيدچ دفنتيه ؟؟
مالمه الگبر وانهال التراب
عليه ارواحنه انهالت تغطيه
***
يم عثمــان
كلنــَـة نــصيــر ولدچ
نضــويـلِـچ نظــَـل طول الليالي
ويظــَل عثمــان بــينـَــة وكلنــَـة عنـدچ
وعــــَـلــَـة بابـــچ نقــدّم كـــلــشــِي غالي
نجــيــچ ويـه الجــســر ونضـّوي الشموع
وويــــــانــَـه الگَــمر لو جِــان عـــالــــي
وبــحضـــرَة الـــقــدّم روحـــَـة قربــــــان
كــــل احـــــنَــة رعـــيــَـة ومــاكو والـــي
***
يم عثمان
بابچ لا تــسدّيــه
خـــاف انـــمــر علــيــچ وهــــوّة بيــنـَة
وخاف ويــــانـَـه مـــِن تــردين تمــشـين
لام عثـــمان الاخرى البــــلـــمــدينه
وخــاف من النهـــر ما يرضة عثمان
يــــآخــــذ مــــــآي ويــوزّع علــينـَة
لأن مـايچ وفـــَـة وبيــه ريحة الطيب
ومن زمـــزم عيـــونــچ مــارويـنـَة
***
يم عثــمــان
ابنچ بعدة مـــــا مــات
ما تيــّـه الرايــــَـة ولــســّـَة بيــــدة
واگَـف عـالجــســر ويـدلّــي بــالناس
وللكــــاظــم عــلامـَـة احــنــة نــريدة
ولأن جــثــّـة الكـــاظم عبرتـة بلـــيــل
مـــاســمـعـَـــت بچـي وجِــانت وحيــدة
بچـيــنـَــة ارواحــنـــَــة وبچيـنـَـة عثمان
وكل بغدادنة صــــارت شــَـهــيــدة
علي الزيدي & سالم التميمي
25رجب 1429 - 29/ 7/ 2008