شمعه....شعر شعبي بقلم الجريح

[الجريح]

مرات من اسمعك ارد احضنك حيل
اخافن من احضنك بيدي انت تموع
لان كلك شمع واني الاوجلك نار
تدري من اللهب تذوب احلى شموع
هم تقبل احضنك اني يا محبوب
لو بالشرع عندك الحضن ممنوع
تنزال الحواجز من نشوف احباب
وبذاك الوكت كلشي اليجي مشروع
مشكلتك بعيد وما نشوفك طيف
فتشوف العيون مخاويات دموع
ومن صوتك يمر بذني احن واتشتاك
وتصوريك تشوفه بهلقلب مطبوع
تلكاه بشغف يركص يغني بيك
ولو هو بسجن مسجون بين ظلوع
شفت اني بشر صنف يابو اصناف
يمكن عاشرت تسعين ؟
ميه نوع؟
مثلك ما لكيت ابين كل الناس
لان كل البشر بيهم شويه تراب
وانت من الشهد
وعطر المسك مصنوع
تبقى للابد موطن اذود عليك
واسمك رايتي دومه يظل مرفوع

تحياتي ... الجريح ..سرمد الساهر

[ابن الانبار الوفي]

شكرا لك اخي الكريم
على اضافة هذه الكلمات ..تسلم وتعيش
تمنياتي لك بالمزيد من التقدم والتوفيق.

سلامي واحترامي.


ابن الانبار الوفي

[الياسري العراقي]

شعر جمـــــــــــــــــــيل وروعه

وننتظر جديدك


مشكور

[محمد عبد العراقي]

مشكور اخي على كلمات الرائعه
تحياتي

[تفاحه .. تفتف ..]

ثانكس

كلمات جدا جميله

تقبل مروري