اصوات البلابل ...

[زياد البصراوي]

من بعيد
ورقة شالتهه القوافي وتحلم بفد شي جديد
والقلم ثورة حياء
گبالّ طلقة التذبح العصفور عمدة
گبالّ شجرة تبيع باصوات البلابل لليصيد
من بعيد
سنينّة الصامن على سياج المسافة أتاني باچر بلكت ايمر بيهه عيد
هناكَ عيد
.
هناك گمرة
.
أهناك بشفاف الصدگ مزروعة جمرة
والـ خذوا ضحكاتنه بنص النهار .. رجعوهه وبيهه حسرة
شلون حسرة
ما لگوا محراب واگف خلّوا بكل بيت طبرة
والأجه وجايبلة بوسة يدوّر خدود الجهــال .. شو طبع فوگاهه سطرة
والزمان البينة عايش ماتت بچفة العقيدة
واحنه مدري شلون نوصل .. ليل ودروب الصبح كلش بعيدة
أختنگت الكلمات بچفوف السكوت
وماتت افكاري الجديدة
وگالوا اعله الشاعر اخرس حته لا فد يوم يحچي وعالوطن يكتب قصيدة
آنه راح ارثي العقيدة
.
البيهه ظلّ يبچي الأمس ويتاني باچر
الكتلت التاريخ بسيوف الدفاتر
العقيدة البيهه حتى الخارطة انترست سواتر
من زمان الثورة ماتت .. بيد تجار العقول
وعالرمح خلواّ ضماير
كافي خلي الصوت يحچي
ما اريد اختي الزغيرة تبيع بالشارع جگاير
.
وچم يتيم الراد يسترهن خواتة
وما گدر يبنيلة باب
وعدنة چم عطشان مات وذلته خيوط السراب
وچم شريفة البسطت بهدوم ابنهه
حتى لا تحتاج وتبيع الحجاب
واحنه ويـن
عفنه سهم اللا حقيقة النابت بعين الصواب
وبينه سيف
بينه سيف شگد وكح
يذبح بليل الجهـال ويضحك اگبالّ الجرح
وخاف لايطلع نهـار
ظلّ يخلي رماد بعيون الصبح
.
اغتالوا الثورة بمفاهيم الخضوع .. وسجنوا لسان القرار
ويا فجرنة المات سكتة
وكون يطلع ياخذ بثار النهـار
.
كـــون اطير
حتى اگل للشمس غيبي اخطية ماعنده سگف بيت الفقير
كون اطير
وأخذ وياي السما لمن ارد
حتى اجيبن للصرايف حفنه من ذآك البرد
وكون اوزع للعوائــل .. حتى بالحصــة ورد
حتة بالحصــة ورد
.
.
تحياتي الدائمة
زياد البصراوي

[احمد الصالحي]

اغتالوا الثورة بمفاهيم الخضوع .. وسجنوا لسان القرار
ويا فجرنة المات سكتة
وكون يطلع ياخذ بثار النهـار
.



يا حبيبي البصراوي زياد
يا اخي
ارد ابوسن كل حرف لو مر شفافي
وما افز من صحوتي
ولا اريد ابقى انه غافي
لان لو فزيت حلم القافيه ايروح البعيد
ويمكن ابشوكَه يجافي

زياد البصراوي

رائعة اخرى من روائعك الذهبيه

تطرزها اسواراً على قلوب عشاقك

هنيئا لنا بك


مودتي

اخيك

احمد الصالحي

[الدكتور فلاح الزيدي]

يابه شنو هاي

ها شنو هاي

اشو لا مو حلو او لاتشبه الغزلان

ولا لون الكرنفل بيك لو ورد

.
أهناك بشفاف الصدگ مزروعة جمرة
والـ خذوا ضحكاتنه بنص النهار .. رجعوهه وبيهه حسرة
شلون حسرة

كلي ابروح ابوك تنتضرني عود اعلقلك

على هيج جمله

لو على هيج مقطع

أختنگت الكلمات بچفوف السكوت
وماتت افكاري الجديدة
وگالوا اعله الشاعر اخرس حته لا فد يوم يحچي وعالوطن يكتب قصيدة
آنه راح ارثي العقيدة
.
البيهه ظلّ يبچي الأمس ويتاني باچر
الكتلت التاريخ بسيوف الدفاتر
العقيدة البيهه حتى الخارطة انترست سواتر
من زمان الثورة ماتت .. بيد تجار العقول
وعالرمح خلواّ ضماير
كافي خلي الصوت يحچي
ما اريد اختي الزغيرة تبيع بالشارع جگاير

يابه دروح

هاي شنو

عالرمح خلو ضماير

كافي خل الصوت يحجي

من زمان الثوره ماتت

تجار العقول

ما اريد اختي الزغيره اتبيع بالشارع جكاير

واتريد مني اعلق

وانته اشكاتب

ها
وچم يتيم الراد يسترهن خواتة
وما گدر يبنيلة باب
وعدنة چم عطشان مات وذلته خيوط السراب
وچم شريفة البسطت بهدوم ابنهه
حتى لا تحتاج وتبيع الحجاب
واحنه ويـن
عفنه سهم اللا حقيقة النابت بعين الصواب
وبينه سيف
بينه سيف شگد وكح
يذبح بليل الجهـال ويضحك اگبالّ الجرح
وخاف لايطلع نهـار
ظلّ يخلي رماد بعيون الصبح
.
وعدنه جم عطشان مات اوذلته اخيوط السراب

وجم شريفه البسطت بهدوم ابنهه

(يــــــــــــــــــــــــــــــــــــــــــــــــ ـــــــــــــــــــــــابويـــــــــــــــــــــــ ـــــــــــه)

حته لاتحتاج واتبيع الحجاب

سهم الاحقيقه النابت ابعين الصواب

بينه سيف اشكد وكح يذبح ابليل الجهال

يابه انته اشكد وكح

عمي مو روحي راح تطلع

شعلق اوعليمن اعلق

اوهو شنو العندي حته اعلق

تره اعذرني زياد ماراح اكمل القصيده للاخر

لان اذهلتني

او خوفتني

او بشرتني

اوريحتني

لان القصيده

اللي بيها هيج حجي

ابالف الف الف الف الف .................................................. .......خير

والله ممتع الى مالانهايه

[ابن الانبار الوفي]

الله يسلمك
ويديمك يا ابو ايوته الغالي والعزيز
صح لسانك وبيض الله وجهك..من صدك مراح اكتب شي
قابل شنو احجي بحضرتكم عمي ؟ انت خليت شي؟

ربي يزيدك ويحفظ بلدك واهلك وناس
سلامي لك يا اصيل.


ابن الانبار الوفي

[* مشتاقه يابغداد *]

**زياد البصراوي**

الله الله الله

روووعه بكل معانيها وسطورها

وكلماتها

ابدعت اخي الكريم

مااعرف شنو اكتب رد

فلكلمات كلها لاتكفي للرد على كلمات اجل واسمى واروع منها

عااشت ايدك اخويه الكريم

تحياتي وتقديري

ض21

ض21

ض21

[حسين فاضل العيداني]

الله زياد

مبدع دوما

اييها الشاعر الشفاف

تحياتي لقلمك المبدع

[محمد عبد العراقي]

الله الله
مشكور اخي على كلمات الرائعه جدا اتمنالك الموفقيه
تحياتي

[زياد البصراوي]

احمد الصالحي
تكتفي كلماتي بالشكر والامتنان
لحضور مبدع مثلك يا احمد
شكرا لكل شئ
وانتظرني قريبا على طريق الهواجس المجنونة
اتمنى ان ارك هناك

[زياد البصراوي]

فلاح الزيدي ..
انت شاعر وتعلم معاناة الشاعر حينما يخوض تجربة الواقع
في القصيدة الا انني اليوم اكتشفت ان المعاناة تتحول الى سعادة
بسماع هكذا كلام .. ومشاعـر من مشاعر من مشاعر
قد لا اكون قد وفيت رسالتي لاشكرك
الا انني صادقت احلامي عسى ان ارى طيفك الشاعر
بعدد اصوات البلابل التي باعتها الشجرة
ابعث لك تحياتي

[نور البدر]

ابو آيه أخويه العزيز
يعني شتريدني احجي
راح اسكت وحجي دموعي البخدي

مع كل شطر اختنق واشهق
واتفاعل و مع كل حرف سيل من الدموع

التاريخ الأنسان الضمير الالم الصرخه كل شيء وجدته هنا
اكتب حروفي وخجلي يلفني
ماذا اقول واي شيء اخطه

حيائي دوامه تلفني

وضياء الحروف وهج



تثبت القصيده

اعذر ردي المتواضع أمام هذا الشموخ

[زياد البصراوي]

ابن الانبار
مهــند صديقي العزيز
انا اشكر الله لانه عرفني بيك
شكرا لطيبتك يا حبيبي

[زياد البصراوي]

**زياد البصراوي**

الله الله الله

روووعه بكل معانيها وسطورها

وكلماتها

ابدعت اخي الكريم

مااعرف شنو اكتب رد

فلكلمات كلها لاتكفي للرد على كلمات اجل واسمى واروع منها

عااشت ايدك اخويه الكريم

تحياتي وتقديري

اختي العزيزة
مرورك الجميل شرفا لقصيدتي
اشكرك على كلماتك اللطيفة
شكرا لكِ وتحياتي

[IMAN]

يازياد البصري صدقني كلمة ابداع قليلة ابحقكم
وارجوك متفهمني غلط
اختك ايمان الكوفي

[احمد الصالحي]

زياد البصراوي

والله ترضى ما ترضى

اجي واقراء القصيده واطلع

اقراها اليوم وباجر وبعد باجر ويوميه لما اشبع منها

وبكيفي زين



احبك والحسين



الصالحي

[زياد البصراوي]

حسين العيداني حبيبي الغالي
شكرا لتواجدك

[زياد البصراوي]

الاخ محمد عبد
تسلم وتعيش على هذا المرور
اللطيف مثلك

[زياد البصراوي]

عزيزتي نور
لا تقلقي .. فالمآسي كثيرة
والاقلام صريحة .. والايادي الحرة
لا تقبل بالقيود ..
اسبقيني لمحطة الدموع ..
فالطريق سالك

[زياد البصراوي]

يازياد البصري صدقني كلمة ابداع قليلة ابحقكم
وارجوك متفهمني غلط
اختك ايمان الكوفي
.
.
ايمان
انا مؤمن بالحقيقة
فلا وجود للمسافات هُنـا
اطمئني
فقلوبنا لا يعيش فيهـا غير المودة
الى حين اخر كوني ببقاء سرمدي

[زياد البصراوي]

زياد البصراوي

والله ترضى ما ترضى

اجي واقراء القصيده واطلع

اقراها اليوم وباجر وبعد باجر ويوميه لما اشبع منها

وبكيفي زين



احبك والحسين



الصالحي

احمد
اذهب هناك ..
المردي ( ينتظرك )
وأالهة الحقيقة تنام هناك بسلام
يا سيدي .. بمن اقسمت انت
انا اقسم .. انني احبك

[خالد الفراتي]

البيهه ظلّ يبچي الأمس ويتاني باچر
الكتلت التاريخ بسيوف الدفاتر
العقيدة البيهه حتى الخارطة انترست سواتر
من زمان الثورة ماتت .. بيد تجار العقول
وعالرمح خلواّ ضماير
كافي خلي الصوت يحچي
ما اريد اختي الزغيرة تبيع بالشارع جگاير
.
وچم يتيم الراد يسترهن خواتة
وما گدر يبنيلة باب
وعدنة چم عطشان مات وذلته خيوط السراب
وچم شريفة البسطت بهدوم ابنهه
حتى لا تحتاج وتبيع الحجاب
واحنه ويـن
عفنه سهم اللا حقيقة النابت بعين الصواب
وبينه سيف
بينه سيف شگد وكح
يذبح بليل الجهـال ويضحك اگبالّ الجرح
وخاف لايطلع نهـار
ظلّ يخلي رماد بعيون الصبح


الشاعر زياد البصراوي...
يقينا ..اثبت للشعر انك قادر عليه..
وتمتلك اليد الطولى ..
وتجعل الحروف تتبعك اينما تشاء..
قصيدة ..
الكمال فيها واضح والكمال لله وحده...
قصيدة يجب ان تدرس...
حبي لك اخوك الفراتي

[زياد البصراوي]

يا خالد
تتنفس قصائدي هواءك
وابداعك
فكون بقربي دائمـاً
لانك خالد افخر بك
تحياتي الى الفرات

[خيال شارد]

زياد البصراوي



دمت للابداع



تقبل مروري المتواضع امام عتبة قلمك المبدع

[زياد البصراوي]

زياد البصراوي



دمت للابداع



تقبل مروري المتواضع امام عتبة قلمك المبدع

شكرااااااااااا

وتقبلت

[بنت ديالى الجريحه]

قصيده رائعه بمعنى الكلمه


جزيل الشكر لك اخي المبدع


.....
تحياتي

[زياد البصراوي]

.
الشكر لكِ اختي الغاليه ..
نورتي الصفحة بهذا المرور

[وفاءسلطان]

اللللللللللللله
الله الله الله

الله عليك ياشاعرنا الكبير

قصيده اكثر من رائعه

سلمت اناملك الذهبيه

[صاحب الظل الطويل]

اخوي البصراوي الاصيل
قريتها مرتين و سمعتها مره
و اسمعها بعد مره و مره و مره هم لعيونك الحلوين
عاشت ايدك يا مفخره للشعر الشعبي العراقي بالعالم كله
نفتخر بيك و بكل شعرأنا المبدعين الي حبهم للوطن يبين من اول حروف القصيده
تحياتي الك حبيبي و دمت للأبداع منبر يا صاحب الكلمة الصريحه
احترامي سيدي





صاحب الظل الطويل

[زياد البصراوي]

الاخت وفااااء
اشكر تواجدكِ المنير هنا

كوني بخير عزيزتي

[زياد البصراوي]

الاخ الكريم ( صاحب الظل )
شكرا لك
ولاطراءك الجميل
يشرفني حضورك عزيزي واخي الكريم

[Mahawi]

مسااااء الخيرااات

قصيدة كلش كلش حلوه تسلم الانامل اللي كتبت فأبدعت
تسلم وتعيش يا شاعرنا المبدع زياد البصراوي
ننتزر جديد ابداعاتك القادمه

[زياد البصراوي]

شكرا اختي العزيزة الغاليه لتنويرك الموضوع تحياتي

[هجران]

زياد البصراوي

غني عن التعريف
شاعر

متألق
مبدع
مميز

بكل ماتحمله الكلمه من معنى
سلمت يديك
ولا تحرمنا من جديدك
تقبل مروري

[زياد البصراوي]

هــــجران ..
شكراً ... فأصوات البلابل تحتاج للتغريد في وقت الصباح
تحيتي

[waleed_RAUL]

عشت زياااااااااااد على هاي الاشعار الحلووو
:rose: