سفينة نوح كلبي او كلشي شايل بيه

[الدكتور فلاح الزيدي]

سفينة نوح كلبي او كلشي شايل بيه

اوجبحه اويه العواصف كصة اشراعه

ربيته اعله اديه اوعلميته اشكال

اومشيته ابدرب بيه نار لسّاعه

علمته الوكاحه اوعلميته الطيب

اودرسته الرفض والسمع والطاعه

اوكلته صبر كلما تشهه الزاد

واله دافن حدر كل ضلع تجواعه

درفعته ابشرايع طينهن سرياف

حته اوكف واشوف اشلون مطلاعه

كتبته السوالف كلهه خارج قوس

اوسمعته الكلام ابغير سماعه

عودته النطارة اوعرف شنهو الليل

اوسويت السهر من اغرب اطباعه

علمته النخل من تهز جفه الريح

يتنخه بعروكه النابته ابكاعه

اوكتله العاش عمرة اتوسل اويه الناس

مو مثل التكفه ابشمرة اذراعه

اوكتله العوز ذله اوفهم معنى العوز

اوعرف ساعة الذله اووكف الساعه
********************************************

السرياف=هو الطين الكثيف


الدكتور فلاح حسن الزيدي

[زياد البصراوي]

الله يا شاعرنه المبدع

اجدت الوصف باحرفك هذه

صفقت لك بحراره على هذه القصيده


الرائعه

تقبل مروري

[مأسآةشاعر]

السلام عليكم اخي دكتور فلاح اولا قبل ان ابدأ بردي على هذه القصيده ارجو ان تقبل مني اعتذراي لأنني مهما قلت ومهما مدحت فأنا مقصر في الرد على هذا الكلام الرائع انت حقا شاعرا مجددا للشعر الشعبي وهذا هو رأيي فيك

وتحياتي الك يا شاعرنه الغالي

مأسآة شاعر

http://www.up07.com/up5/uploads/618aa9e3ed.gif (http://www.up07.com/up5)

[انمار علي الدليمي]

ردت بس اكتب آني وارد علموضوع وردت اثبت واخلي الماوس بالصفحه
ما سيطر بعد شيلوني من الميز عيوني مثل النار صارت بيهن الجدحه
لأن دكتور كاتب هالقصيده اليوم فلاح الزيدي يرسم عالوجه فرحه...

هذا رد سريع جدا كتبته بلحظات بعد ان قريت قصيدتك الرائعه..
اعذرني دكتور اذا ما كنت بالمستوى بهذه الابيات البسيطه ...
اتمنى ان يكون ردي قد اسعد حضرتك...
شكرا جزيلا وتقبل ردي ومروري..
اخوكم انمــــــــار

[عاشق الاصدقاء]

http://www.arabsys.net/pic/zkarf/44.gif (http://www.arabsys.net/pic/index.php)


الله خيو على هالقصيده الجميله ننتظر منك المزيد

[الدكتور فلاح الزيدي]

الاخ زياد البصري اشكرك والنعم منك على


مرورك الطيب

كيف لا وانته ابن البصرة الفيحاء

[الدكتور فلاح الزيدي]

يا صاحب الماساة

كل الشكر لك

ممرت على القصيده

فكملت بمرورك

دمت اخا عزيزا

[الدكتور فلاح الزيدي]

اخي عاشق الاصدقاء


اشكرك على مرورك الجميل وبارك الله فيك

[The Night Prince]

الله الله يا دكتور ... قصائدك واحدة اروع من الاخرى ... الله لا يحرمنا من ابداعك
تحياتي

[MARIA]

عودته النطارة اوعرف شنهو الليل

اوسويت السهر من اغرب اطباعه

علمته النخل من تهز جفه الريح

يتنخه بعروكه النابته ابكاعه


كلمات معبرة تؤثر بالنفس


مشكووور خيي وعاشت ايدك

قصيدة اقل ما يقال عنها رائعة

[البصراويه]

عاشت ايدك يا شاعرنا المبدع
والله قصيده روووووعه
تقبل مروري
تحياتي

[حسين فاضل العيداني]

الله دكتور

تعجز الكلمات عن الوصف

ابدعت

تحياتي لك

[نور البدر]

سفينه نوح كلبي وكلشي شايل بيه

الله الله يادكتور الابداع
يادكتور الشعر
سلمت اناملك

[الدكتور فلاح الزيدي]

شكرا لكم لمروركم الحلو

والجميل