عابس الاعضميه _ بطلب الاخوان

[الشاعر رعد الفياض]

ومضه

عطش جسر الاّئمه وراد يطلب ماي ...... راد يصيح ماي وصاح عثمان

القصيده
الى طف الكاضميه جسر الاّئمه والى عابس الاعضميه عثمان العبيدي

عله مصاب السجين تعنت الناس
واجراس الكنائس عزفت الموت
امس عالجسر حاضر كاظم الغيض
يشيع بالجثث والجسر تابوت
وامس شيعتنه ماتت منهه الاف
وسود القطع تلكه منين متفوت
ولازم قطع مندك عالحياطين
نصبغ سود كل حيطان البيوت
ويمكن رجع لينه طف الحسين
ونفس ذاك الصبح للخدر حارس
ورجع عباس والاكبر والاصحاب
ورجع ذاك الكحيل الجان فارس
ورجع منضر قتلهم ها هنا اشلاء
هنا نفسه الشمر للقتل مارس
هنا نفسه وهب ها هنا الانصار
وعثمان العبيدي صبح عابس
فزع عثمان سني عاليغركون
وابد ماكال بالشيعه شعليه
نقذ ارواح سبع وضحه بالروح
وعلن صوت الرفض لاسوء قضيه
وفزع للكاضميه وصار غطاس
وكسر ضهره الحجه بالطائفيه
ومن مات التحق وي ركب الحسين
اذن هوه وهب بالغاضريه
عثمان العبيدي لازم انعاك
ولازم احجي بسمك عالمنصه
يالانت صرت للخوه عباس
وبقت فوك الوجه عكرت الكصه
ياقصه كتبت للزمن عنوان
ويعنوان الزمن شالته القصه
لساني دوم يلهج ذاب بطرواك
ولساني المايذكرك بيدي اكصه

الكلب غركان بحزانك والك طاف
وامس ماوصل للحضره والك طاف
طف بكربله سامع والك طف
على جسر الاّئمه باقي طبعه

تنويه .. هذه الابوذيه تسمعه القلعاويه على وزن مدينه القلعه
مثل كلمة طبعه ودمعه وفجعه واخرها

مودتي رعد الفياض

[زياد البصراوي]

حلو يا رعد
كللللش حلو ..
لقد اجدت باختيار الموضوع ( جسر الائمة وعثمان العبيدي )
تحياتي الك

[ابن الانبار الوفي]

شكرا جزيلا
على هذه الكلمات اخي الكريم
مناسة تكتب بها الكلمات تمجيدا لصورة جميلة
مشرقة ومشرفة رسمها ابن الاعظيمه تجسيداً لوحدة العراقيين وبلدهم.

سلامي واحترامي .


ابن الانبار الوفي

[خالد الفراتي]

قصيدة جميلة
يارعد تسلم

وعاشت ايدك

اجدد حبي لك

اخوك الفراتي

[رآفت آلحديثي]

الله يالفياض

يامن فاض باجمل وانبل المشاعر

حياك الله يا طيب ألاصل وصح لسانك

وبارك الله بيك على هاي القصيدة الاكثر من رائعه

والتي حملت مشاعرك الجياشة واستذكارك

لهذا الحث العظيم .. تقبل الله روح الفقيد

الى جنان عرضها السموات والارض

ودعني أقبل اناملك الشريفه التي خطت

هذه الابيات .. محبتي الك يالفياض

لاهنت وبيض الله وجهك

[الشاعر رعد الفياض]

حلو يا رعد
كللللش حلو ..
لقد اجدت باختيار الموضوع ( جسر الائمة وعثمان العبيدي )
تحياتي الك

زياد مرورك اسعدي جدا
مودتي لك

[اساور الغرام]

انت مبدع كما عهدناك
مطرب باعذب صوت ومؤلف باجمل الكلمات موسيقي بارع
بل انت فنان الم بكل انواع الفنون ووضع لنا اجمل اللوحات التشكيليه
لاتحرمنا من جديدك فنحن من متابعيك بشغف

[عازفة الناي]

عاشت الايادي على الصيدة الجميل

تقبل مروري البسيط

[عاشق الاصدقاء]

حلو يا مبدع
كلام جميل
عاشت ايدك
تقبل ردي ومروري
عاشق الاصدقاء

[فاضل البصراوي]

الله الله
تسلم اخويه رعد يا مبدع

جميله القصيده بمعنى الجمال

تحياتي الك

[*يـــاقـــوتـــه*]

رعد شكرا لك اخي
هنا جسدت حقيقه العراقي
سلم لنا هذا القلم فخرا
حفظك الله
تقبل مرور متواضع

[الشاعر رعد الفياض]

شكرا جزيلا
على هذه الكلمات اخي الكريم
مناسة تكتب بها الكلمات تمجيدا لصورة جميلة
مشرقة ومشرفة رسمها ابن الاعظيمه تجسيداً لوحدة العراقيين وبلدهم.

سلامي واحترامي .


ابن الانبار الوفي


مهند اشكرك على مرورك الجميل
مودتي لك

[المستطرق]

والله بديع يا أخي

ارق تحياتي