عــذابك ::,,,:: لشاعر المبدع رائد ابو فتيان

[حجي حشاش]

سلام عليكم ورحمه الله وبركاته
==========
اليوم يا ذوقتنا واعزائنا واهلنا الطيبين
راح اقدم لكم قصيده لشاعر شاب من محافظه بغداد و من اهالي الحريه
ونجم من نجوم السومريه ابدع بقصائد عديده
الشاعر رائد ابو فتيان
::: عـــذابــك ::


عذابك من مطر وأنه الارض وياك
اوغصباَ عالارض ماي المطر تجرع

صرت لجلك وتر واعزف گلت شتريد
خـنـجـر صرت تـطرب وانـه لتـگطع

يـلمـريـگ اذانـك مـن نـغم فـيـروز
انـا امـريـگ اذانـي ابـطبـت المدفع

مـعـقوله حـديد الـسانك ايـصب ضـيم
سـجاجـيـن ابـكلامـك تـطبـر المـسمـع

بسـك شـوف صـدري الدم صبح شلال
اومـن كبـر الجرح من عنده گمت اطلع

اومـن اتـرخصت حسـبالي راح اتروح
شـلعت الگلب بيـدك جـي گلت غـالـي

جـان ابلـون گلبـك شعـري اسـود شاب
صـبغته اخيـالي شـيب شصـبغ خـيالي

مو گلـشي التـرف كتـلك تـعب مـريـود
تـره الشـيطان گـلبـلك يـامـا غـنـالي

صرت سباح بعدك وانت صرت اورود
وانـت التـنـگطع وآنـه ابـقـى للتـالـي

اسـاس انـي واشـد گـد ماغميجه الگاع
اوريـشه انـت اشمتعله النسمتك تخضع

التـمر لتـشوفه عـالـي الفـضل للسـبـاح
لـذلك عـالـجـذع تـالـي السـعـف يـركع

فزعت اويه الشماته اوسهله عندك هاي
بـس صـعبـه الشـمـاته ابيوم الك تفزع

لـتـغـريني بـحنانك ونـت جسـمـك نـاب
اذا امـنـت لــحـمـي ويـاك يــتــگـطــع

ريـل اشـواگ امـرك وانـتـه لـتـماديـت
من فـاتـك تـصيـحـه اتـريـده الك يرجع

لــو يـرجـع زمـانـك ريــلـي مـايـرجـع

[ابن الانبار الوفي]

الشاعر رائد ابو فتيان صح لسانك على هذه الكلمات الجميله الرقيقه
وهذا العتب والصورة الجميله التي رسمتها كلماتك
تسلم وتعيش ومنتظرين منك الاجمل.

حجي حشاش تسلم عمي وشكرا على النقل والاختيار الروعه
عاشت الايادي وعفيه عليك.
دومك متابع الاجمل.


ابن الانبار الوفي

[عاشق الاصدقاء]

عاشت ايدك على الموضوع الجميل والمميز
تقبل دري ومروري
عاشق الاصدقاء

[بنت ديالى]

جـان ابلـون گلبـك شعـري اسـود شاب
صـبغته اخيـالي شـيب شصـبغ خـيالي

ض21ض21ض21
ض21ض21
ض21

اختيار ميز و نقل موفق..
تسلم حجي و عاشت الايادي..
بالتوفيق لشاعرنا المبدع..
و يا رب دوم التألق..
اجمل امنياتي..ض21

[زياد البصراوي]

جـان ابلـون گلبـك شعـري اسـود شاب
صـبغته اخيـالي شـيب شصـبغ خـيالي

شكرا يا حجينة الورد لهذا الذوق الرفيع
في الاختيار تحياتنا ... للشاعر المتالق رائد

[حجي حشاش]

ابن الانبار الوفي .. عاشق الاصدقاء .. بنت ديالى .. زياد البصراوي
===============
مااحلى هذه الاسماء التي مرت على موضوعي
يشرفني ويسعدني مرورهم جدأ .. نورتو صفحتي البسيطه
الله يسلمكم .. انتظرو المزيد من القصائد الاساتذه الشعر الشعبي
===============
ودي احترامي لكم
حجي حشاش

[النورس الحزين]

كلام رائع ومؤثر كلام جميل ارجومن الله التوفيق لك يا مبدع ........................اخوك احمد المياحي

[حجي حشاش]

كل الهلا بيك اخويه احمد المياحي

نورتني وحياك الله

ويسلمك ربي على المرور الحلو