مرحبا""

[Remi]

مرحبا بكل اعضاء هذا المنتدى ولو انا جديده ما تعرفوني بس عندى استفسار عن الطلاب العراقيين المتخرجين ليش بس بالعراق ما مرغوبه الشهاده الجامعيه وخصوصا الطبيه للمراه هل المجتمع العراقي يحب انو فقط الرجال هم اليد العمله والمراه ما الها طموح وعذرا على الاطاله انا من وجهة نضري انو مجتمعنا متحفظ وملتزم حابه اعرف وجهة نضركم وشكرا جزيلا .....اختكم remi*

[سندباد]

مراحــــــــــــــــــب

أهلاً وسهلاً بكِ remi نوّرتي جامعة البصرة
يا صديقتنا ريمي آني يمكن اخالفج شوي بالرأي لأن اكو تقدير للشهادة
هنا بالعراق بس بهذا الظرف لا تحكمين علينا لأن الموازين انقلبت بسبب الظرف الطاريء
بس تدرين اكثر نسبة للتعيينات هم البنات انا استغرب من كلامج وخصوصاً الطبيّه مرغوبين
وبسرعة يتعينون للحاجه الماّسة الهم ... المعاهد جاي يتعينون بسرعه فكيف اذا كان طبيب ؟؟
ولا تنسين قارني النسبه بين الرجال والنساء في المدارس والمستشفيات والمصارف وغيرها
انا بكل مراجعاتي جاي اشوف نسبة النساء اكثر ... (عمي انتو محظوظين) ض4

نوّرتينا ونتشرف بمعرفتج (اذا ممكن عرفي نفسج بموضوع تعارف جامعة البصرة)
وتقبلي تحياتي وامنياتي العذبه

[salahsport_82]

السلام عليكم

خيتي الغاليه ريمي نورتي المنتدى انتي أهلآ وسهلآ بك اخت وصديقه عزيزة علينا

وأحب أناقش معاك هذه المسألة اتصور انتي مو بالعراق لأن العراق الحمد لله الان أصبح للشهاده مقدار جدآ كبير

وخاصه الدكتور او الدكتوره يعني ماشالله الدكتور حالته جدآ افضل من قبل أربع او خمس سنوات

أسف على الاطاله وشكرآ الك وياريت أنشوف منك الجديد من المواضيع

تحياتي للجميع

[Remi]

شكرا لكم جميعا على الترحيب الرائع والرد الجميل لكن انا الي اعرفه كل الي يتخرجون يسافرون لان بالخارج اكو طلبيه عليهم بعد ما ادري من ورى الدراسه غبت عن العراق كم سنه .....وشكرا تحياتي remi***