على لسان سبعة فقراء (لم ياخذو من عراق الترليونات فلسا احمر )

[الدكتور فلاح الزيدي]

فقير رقم واحد ....

الوكت هم اومصايب راتبالي

اوبقيت ادعي اعله عمري ريته بالي

الحكومه امس حسبت راتبالي

حزن وانطت فروقاته اذيه

فقير رقم اثنين ....

الحزن مجموع بفادي وراتب

اوذنب بالفرحه كلت اذنب اوراه اتوب

زياده انطت حكومتنه وراتب

وانه من اثنينهن ماصح بديه

فقير رقم ثلاثه.......

الفرح بالجذب مامر يوم سلّم

عليه اوخاطري للحزن سلّم

الحكومه الشرعت للغير سلّم

بنتلي درج يشرف عالمنيه

فقير رقم اربعه.....

ارياجي للقهر رتلن بايات

اوكمت للراحه اصيح ابصوت بايات

الوادم للغنه ركبت بايات

وانه للفكر وكتي ايصيح بيه

فقير رقم خمسه .....

اريد اطرح حزن كلبي وضيفه

وادك بيت الهضم بيدي وضيفه

اخافن بعد ما حصل وضيفه

واظل بالبيت بس افرك بديه

فقير رقم سته ....

روحي من الزغر بالضيم تعين (عجن )

وبعد كتلهه مو بس هاي تعيين

امكيف جاي احصل عود تعيين

غشيم انه واخبالي العم عليه

فقير رقم سبعه .....

روحي الناكة الونه صفت بيد

اوصحتي الكوه اهيسها صفت بيد

دوله اواخ من عدها صفت بيد

ايحشى السامع هذوله ال .................

[IMAN]

يادكتور فلاح ماادهشني فعلا هو هذا التقمص العجيب
والله رائع رائع رائع
اختك ايمان الكوفي

[زياد البصراوي]

تجيد لغة الابداع د . فلاح
اهنئك على روحك
وانا قد ذكرتها
من يكتب معاناة الشعب
انسان

[ابن الانبار الوفي]

حياك الله شاعرنا العزيز
وربي يوفقك وانت تتكلم بلسان هذه الطبقه الفقيره
الي بكل وكت واگعين بيها والدگ على روسهم !!!!

على كيفك ويانه دكتورنه ههههههههههه
صح لسانك وربي يسلمك.


ابن الانبار الوفي

[Mahawi]

مســـــاء الخيـــرات

ابوذيات جميلة جداً..صح لسانك يا شاعرنا المبدع على ماكتبت
شكراً جزيلاً وننتظر جديدك القادم
وان شاء الله من بيت الى بيت ابدع متواصل

[خالد الفراتي]

من يشعر بغيره يرى جروحه واضحة..

الدكتور لمست اقدام ووجوه الحقيقة..

سبعة وانا ثامنهم..؟؟
الف تحية لشاعريتك
الفراتي

[اجراس الرحيل]

الله الله
عاشت ايدك دكتور مبدع والله

[وفاءسلطان]

والله عالجرح

تسلم ياشاعر الفقراء

ابدعت من جديد....

[عاشق الاصدقاء]

دكتورنا وشاعرنه الكبير
نعجز عن قول شيء فماذا نقول بحقك قليل
تقبل ردي ومروري
عاشق الاصدقاء

[فاضل البصراوي]

الله الله
تعيش اناملك دكتورنا العزيز
تحياتي الك ولقلمك المبدع

[حجي حشاش]

عاشت ايديك يا دكتورنا الغالي ..

ابو ذيات جميله و معبره وصح السانك


تقبل مروري
حجي حشاش

[محمد عبد العراقي]

الله الله
مشكور يا شاعرنه
على كلام الجميل لا بل رائع جدا
تقبل مروري
محمد عبد العراقي

[الدكتور فلاح الزيدي]

كل الود لكم احبتي

لتطريزكم وجنات صفحتي با اجمل الكلام

شكرا لكم

وحرمكم الله من الفقر