تعال ابجيتك تلكاني الك ناطور....

[وفاءسلطان]

الى من ارجعته لنا الغربه

بلا روح.........

يخلفلي الدهر يوميه بس احزان

اويحل بينه الدمع حته اول الفرحه

زرع بينه التخاذل وكت الامصاب

فطر روحي ابهضم من بان البكبحه

اوجفه اويانه الوكت من الجريبين

يرش كلبي ابملح ويخيط ابجرحه

يعطابه جرح مايهده وكت الليل

يحبالك يكن الميت ابذبحه

يجيلاتك علي اصواب بثر اصواب

طشرني العمر بجفاكم اوصرحه

يشهكاتك مصايب وجن الشريان

يلدمي انفطم من روحك المرحه

يبن امي العزيز البس الك حنيت

اون بجفاك ون الغرس ابرمحه

فرق بين الذي ايخيم عليه الليل

وهوابهاالغرب ما واحد اينصحه

اوفرق بين اليعيش الباب يم الباب

من صوتك يمر اعضاي احس تصحه

تعال ابجيتك تخمد لي نارالضيم

تخمدلي ابرجعتك جمرت الجبحه

ولمنك مثل ورد العطش للماي

وبأيدك اريدن دمعتي اتمسحه

تعال ابجيتك تلكاني الك ناطور

اقفلني اعله بابك وانته التفتحه

تعال ابهالكلب ماضل بعد دكات

كل رفه نبض اتخيلك تصحه

تعال اجفون عيني الصبت اعله الكاع

ودموم الكلب بالعين احس طفحه

وفنيت العمر ياخويه بس اتناك

وعيوني اعله دربك ضلت امشبحه

واحن ابفركتك مثل اليحن للماي

ما دور غلب بس احسبك ربحه

اومن ارض الغرب جابوك اليه اوعود

اكولن هالمرض لابد يمر صبحه

اثاريك جسد متمدد ابتابوت

من شفتك احسن ماتت الفرحه

اوروه ابعطشك حناني اوعجلت هالروح

لن روحي اعله روحك ضلت امشبحه
*************************
عذراً اذا كان فيها خلل في الوزن
فهي بداياتي بكتابة الشعر
كتبت سنه2006

[خالد الفراتي]

عاشت ايدج على القصيدة الجميلة

واسلوبك المميز

تحياتي لك
خالد الفراتي

[الشاعر ليث النعيمي]

الرائعه وفاء السلطاني ...

قصيدتك كبيرة ومعبرة .. في كل ما تحمل من الآم

احسنتي واجدتي

..............................................

للملاحظة وللاستفاده .. مع وافر التقدير ..

هنالك في خلط في الاوزان في بداية القصيدة

.................................................. ................................

زرع بينه التخاذل وكت الامصاب

فطر روحي ابهضم من بان البكبحه

اوجفه اويانه الوكت من الجريبين

يرش كلبي ابملح ويخيط ابجرحه

.................................................. ................

القصيدة على وزن الهزج ( التجليبة ) ( مفاعيلن مفاعيلن مفاعيلن )

وقد دخلت في هذه الابيات اعلاه في وزن الوافر ( النصاري ) ( مفاعلتن مفاعلتن فعولن )

حيث جاء الصدر نصاري والعجز تجليبه في البيتين ...

........................................

ارجوا عدم المآخذه لان القصيدة رائعه واتمنى ان لا تشوبها شوائب ..

مع كل الاعتزاز والاحترام

ليث النعيمي

[فياض مخلف الطوفي]

شاعرتنا الرائعه

سلمت يداك اختي الغاليه قصيدة جميله وكلمات معبره

دمت ايتها الاخت ودام قلمك الرائع

تحياتي ومودتي

[ابن الانبار الوفي]

كلمات يلفها الحزن من كل اطرافها
ما عساني الا ان اقول سلمكِ الله ورد كل غائب ومسافر
وحفظ لكِ اهلكِ وذويكِ..

الشاعره والاخت الكريمه وفاء سلطان
شكرا لكِ على ما ترفدينا به
من قصائد ومشاركات.

سلامي واحترامي .


ابن الانبار الوفي

[بروحي اداوي جروحي]

الله الله على هذي الكلمات الجميل
تسلم الانامل الي كتيتها
تحياتي

[عاشق الاصدقاء]

وفاء عاشت ايدج اختي العزيه على الكلمات الجميله والرااااااائعه
دمتِ لنا
تقبلي ردي ومروري
عاشق الاصدقاء

[وفاءسلطان]

عاشت ايدج على القصيدة الجميلة

واسلوبك المميز

تحياتي لك
خالد الفراتي

تسلم اويسلم مرورك استاذ خالد

اسعدني تواجدكم الطيب

وتواصلكم الرائع...

[Mahawi]

صبااح الخيراات

شكراً جزيلاً يا شاعرتنا المقتدره وفاء سلطان على الكلمات الجميله رغم حزنها لكنها كانت بدايه جميله وموفقه
ابدعت في صياغت المفردات
ننتظر جديدك القادم
تقبلي مروري وردي

http://www.yesmeenah.com/smiles/smiles/47/hangs%20(1296).gif

[وفاءسلطان]

الرائعه وفاء السلطاني ...

قصيدتك كبيرة ومعبرة .. في كل ما تحمل من الآم

احسنتي واجدتي

..............................................

للملاحظة وللاستفاده .. مع وافر التقدير ..

هنالك في خلط في الاوزان في بداية القصيدة

.................................................. ................................

زرع بينه التخاذل وكت الامصاب

فطر روحي ابهضم من بان البكبحه

اوجفه اويانه الوكت من الجريبين

يرش كلبي ابملح ويخيط ابجرحه

.................................................. ................

القصيدة على وزن الهزج ( التجليبة ) ( مفاعيلن مفاعيلن مفاعيلن )

وقد دخلت في هذه الابيات اعلاه في وزن الوافر ( النصاري ) ( مفاعلتن مفاعلتن فعولن )

حيث جاء الصدر نصاري والعجز تجليبه في البيتين ...

........................................

ارجوا عدم المآخذه لان القصيدة رائعه واتمنى ان لا تشوبها شوائب ..

مع كل الاعتزاز والاحترام

ليث النعيمي

الف تحيه لك ولتواجدك ولنقدك الرائع

وانشاء الله اتفادى هذه الاخطاء
برغم من انها قديمه...

[.•:*:•. Rami.ALrassam.•:*]

عاشت الايادي عزيزتي الغاليه شاعرتنا المبدعه وفاء
على هذا الشعر الروعه
تحياتي الج با الموفقيه والنجاح
الى الابداع دوم وليس يوم
تحياتي الج ورده

[وفاءسلطان]

شاعرتنا الرائعه

سلمت يداك اختي الغاليه قصيدة جميله وكلمات معبره

دمت ايتها الاخت ودام قلمك الرائع

تحياتي ومودتي

تحياتي لك ولطيب كلامك
ولكرم حظورك المتواصل

[صبار الخفاجى]

السلام عليكم ايتها الشاعرة الشاعرة

انا لست بصدد النقد والخروج من الوزن
ولكن عندما قرات القصيدة عشت لحظات لااراديه
عادت بيه الذاكرة الى عاطفة وحنين اهلنا الذى لايوصف
وذكرتنى بالفراق المر وبكل من احب وكادت تنزل دموعى لولا
حيائى من الناس الموجودين بالقرب منى لانى خارج العراق
حاليا
شكرا مرة اخرى واتمنى لك التوفيق والمزيد من الابداع والتالق
ؤلماذا انتى وراء الكواليس لولا دخولى الى هذا المنتدى
لما سمعت بك
انا رئيس اتحاد شعراء ذىقار وساعود قريبا الى الناصريه انشاء الله
فهل تتقبلين الدعوة عند عودتى للمشاركه فى مهرجان
وهذا ايميلى thigar_poets@yahoo.com
واتمنى ان يكون هناك تواصل بيننا وكل من يريد ان يتواصل معى على الايميل
مع احترامى وتقديرى لك ولابداعك