تعال ادخل وفهمني مو تعبت من التفكير

[عراقي بالامارات]

السلام عليكم شونكم شخباركم واحد واحد يارب اتكونو بخير

اريد افتهم الضاهرة الي هسة منتشرة والي هي كلل وحدة ابنية عمرها 11 او 12 او 13 سنة واتشوفها كاتبة بمكان الدولة :في احضان حبيبي....بقلب حبيبي.....يم حبيبي :s(1):

وكله حبجيات واتحاول اتسوي علاقة حب واكو بعضهن يالخاين ويا ماعرف شنو

وبعضهم كاتبن اشعار بالتوقيع مالتهم حياتي اتحطمت لما عفتني وتباع على العمر مالتها 11 سنة يعني انتي عمرك 11 بعدك ربع مرحلة من عمرك معايشة بعد اي حياة الي اتحطمت من عافك (م200) (م200)


يعني ادري بعدك بهذة العمر وهيج تسوين بحضان حبيبي ..وبقلب حبيبي الله يعلم من توصلين 17 او 18 عمر المراهقة وين راح تسكنين

يعني شلون حب هذا مال اطفال لان هذا العمر بعدكم اطفال راهقو عيشو عمركم بحلاوته لتبدون باشياء مو وكتهه تره تتندمون


يعني شنو السالفة شنو القصة هل هذة حب لو قلة ادب لو موديل يردون اقلدون هاي مسلسلات مال نور ومادري منو وهميس مادري جفيس مادري لميس هي وحدة من ذني ض4

.................................................. .................................................. .................................
السلام عليكم كسف حالكم يارب اتكونو بخير ودومكم اتضلون بخير

اول شي احب اشكركم على تفاعلكم ويا الموضوع وعلى مشاركاتكم

ثاني شي اني شفت اغلب الردود اتكول انو الذنب من الاهل وهن هيجج ديصيرن

والبعض الاخر اكول الذنب من صديقات


فاني اكلكم الذنب كله من صديقات وهن الي سون هيج بالابنية

واني جبتكلم مثال هسة حتى اششووفكم شون الذنب من الصديقات

واني دافتر بالمنتدديات فشت منتدى ودخلت بيه وكمت اتفرج بالاقسام الى

ان شفت هذة الموضوع والي يعني صدك موضوع غرريب عجيب

الابنية الي منزلة الموضوع والله العظيم اقسم بالله عمرها 13 سنة بس

اخليكم ويا الموضوع وبعض ردود البنات الي بالمنتدى :
http://www.arb-up.com/files/arb-up-2008-6/nKc99097.jpg

لا وتكول مشكلة يعني ....هي متدري المشكلة انو هي بهيج عمر ادخل نفسها بالحب وهاي الاشياء وتترك دراستها ومستتقبلها وصراحة اني مو معارض للحب بالعكس اني ويا الحب بس اشوف العمر المناسب للحب من 18 او 19 سنة وفوك يعنيي على الاقل اتكون الابنية متهية فكريا وتعرف تصرف وتعرف تختار وتكون تاضجة فكريا واتكون ناهية الجزء الاهم من حياتها الدراسية والي هي اهم شي بحيياة الانسان الدراسة

هسة نجي للنصائح الي انطنيها صديقاتها:

http://www.arb-up.com/files/arb-up-2008-6/5p399769.jpg


http://www.arb-up.com/files/arb-up-2008-6/smd99804.jpg


واريد تنتطوني رايكم بكلام .................
http://www.arb-up.com/files/arb-up-2008-6/Vbv99850.jpg


http://www.arb-up.com/files/arb-up-2008-6/dxz99932.jpg


ها شنو رايكم بهذة الي صير بددل مصيدقاتها ينصحهنها اكلها انتي بعدك صغيرة على هيج سوالف
بالعكس اكعدن اعلمنها واحلى رد مال هذة اتمناج يمي جان عرفت شون اعلمج عبالج هي تتعلمها شي افديها بمستقبلها ههههههههههههه ض24

تحياتي الكم ويارب نكدر انعالج هذة المشكلة بالنقاش والتوصل الي حل لان صراحة هذة كارثة وربي كارثة وانوب تتنتشر وحدة اجر الثانية

[sandy belle]

(ق2)

مشكورعلى الموضوع

ولو ضحكت بنهايه بس هاي حقيقه صايره

على قولتك من يكبرون شنو رح يسون
!!!!!!!!!!!!!!!!!!

(ق2)

متابعه ردود الاعضاء

و لي عودة .........

(ق2)

[salahsport_82]

السلام عليكم

اخويه العزيز لو نتكلم من الان لباجر مراح نكدر نسوي شي أبدآ لأن العائله هي المحرك الاول والاخير لكل فتاة صغير وشاب ايضآ ليش نقول فقط البنات

يعني لو رب العائله يراقب بنته أو أبنه وشنو يكتب في المنتدى ويراقب جواله أكيد كل هذا مراح يصير

مع ذلك هنالك من لديهم أخلاق مع العلم لا يوجد لديهم رقيب الحمد لله على كل حال نتمنى أن يحفظ الله كل طفله حتى لو لم يكن هناك رقيب لها

احترامي ألك خيي الغالي

[عصفورة المحبة]

السلام عليكم على كل الاعضاء الكرام الموجودين بلنتدى
موضوع جميل واقعي
اني رائي البنية من عمرها 11 او12 سنةوتحب هاي الشغلة ترجع على الصديقات الي تعيش وياهم ومثل متعرفون الصديقات الهم تاثير طبعا مو الكل
والعتب على الاهل وعلى الام بشكل خاص لان الام هية سر بتها يعني المفروض كلشي تحجي الى امها وهية الام غير تنصحها وادكولها هذا الشي خلط وخصوصا البنية بهيج عمر لازم اكو مراقبة عليها من قبل الام بلخصوص لان الام هي اقرب شي للبنية
اسفة على الاطالة
تحياتي للجميع
الله يبعدنة عن الخلط ويوفق الجميع
عصفورة المحبة

[! Toota !]

يعني شنو السالفة شنو القصة هل هذة حب لو قلة ادب لو موديل

هي موديل على كَولتك
مو فكرة قلة ادب بس
هم ميعرفون يفكرون بحياتهم اصلا
ولا يعرفون عواقب اللي ديسووه
لتكَولي جهال لان اللي تسوي هالشي مو جاهلة
واللي تفكر بهالطريقة مو تفكير طفلة
اذا الخطأ من تفكير البنية نفسة

يعني اكو اهلهم مربيهم
بس هم ميعرفون يفكرون وميعرفون
الحياة زين

الثقة الزايدة من الاهل والدلال
تأدي لهالنتيجة

واكو اهل حتى من يكتشفون اللي دتسوي
شهرين ويرجعون يوثقون بيها
وهذا اكبر غلط

ومرة ثانية اذا سوت نفس الشي يكون ذنبهم اكثر مما هو ذنبها


الموضوع فعلا ظاهرة
عاشت ايدك يا عراقي

[عيون حائرة]

وعليكم السلام
خير الي يصيبك دوم ويصيب امة محمد كلها

طبعا هذا تقليد للكبار وللمسلسلات الي دخلتنه من تالي وحقيقة بدا يبن اثرها السلبي على بناتنا واولادنا
لاكن يبقى السبب الوحيد هو الاهل بس اريد اعرف هم الاهل شنو شغلهم تجاه الاولاد وخاصة بهذا العمر اذا هم هسة مراقبوهم او علموهم على الصح والغلط وفهموهم بان هم بعدهم اصغار وكدامهم العمر كله وهم بعدهم ببداية العمر اشوكت لعد يعلموهم
ومثل مكلت انته اذا هي او هو بهالعمر هذا وهيجي عدهم حبيات لعد من يكبرون شيسون
اني اكلك الله اليستر من هذه الفئة من تكبر
واني ملاحضه هذي الظاهرة وبكثرة جدا ومتكلمة مع هذي الاعمار صدكني اتفاجات جداااا ونفس السؤال سألت نفسي شراح يسوون من يكبرون
لاكن ارجع واكول السبب سبب الاهل هم الاساس بهذا الغلط الكبير والي راح يولد مشاكل كبيرة
بس منكول غير الله يحفظهم

وهذا رايي البسيط
واشكرك على الموضوع القيم
وانشالله الي هم بهذا العمر يستفيدون من الاعضاء واراءهم

[jwan]

و عليكم السلام و رحمة الله و بركاته

هلو عمر نحن بخير اذا انت بخير

و بخصوص المووضوع

اول شي هذا الجيل غير غير غير عنه بكل شي

و الاهم من كل هذا الاهل الهل ثم الاهل الي قليل ما تلاكيهم مهتمين باولادهم و ما يعرفون اصلا شديسون لان هم مشغولين بنفسهم

و اغلب الي دتحجي عنهم هم الي مو بلدهم و مغتربين لان هذه الفقرة كلش مهمة و البيئة تاثر بالواحد كثير

و لو اكو شويت رقابة مستحيل يصير هيجي شي

و بعدين لا تعب نفسك على كولة الكايل عيش كثير تشوف كثير


مودتي

ض21

[منال]

http://www.al-wed.com/pic-vb/33.gif

مســــــــاء الورد

http://www.al-wed.com/pic-vb/33.gif

طبعا عاشت ايدك وانت مبدع وبدون نقاش

http://www.al-wed.com/pic-vb/33.gif

هسه نجي للموضوع
كلامك صحيح اي والله واني داشوفه بكثرة منتديات
بس تدري هذا حب مال اطفال يعني هي بعمر 11 او 12
شنو افتهمت من الحب وسوالف الحب عبالها مهند لو مدري منو
داتشوف المسلسلات الي هي كوليته اعلام وبس يعني مو نفس الواقع بتاتا
وتروح تتعلق لو تحب وتوكع نفسها بي اصلا مو يمها هسه !
وياريت الاهل ينتبهون بس حتى الاهل ميكدرون يسون شي
لان الي بالبال بالبال محد يغيره

وقال تعالى::

لايغير الله قوما حتى يغيروا مابأنفسهم

صدق الله العظيم

يعني اذا هي متوعه لنفسها محد يكدر يغيرها ابد
وان شاء الله هاي الظاهر تخلص..

وعاشت ايدك مرة الخ

منول

[عراقي للمـــوت]

وعليكم السلام..
السبب الاكبر الي يتحمله هو الاعلام العربي الفاشل...مسلسلات منحطة....
والامر منه انحطاط المجتمع...
ولو رجعنا لاصل المشكلة..تكون هي تربي الوالدين وللاسف...
فعلا بدات اشمئز من هالحالة..تشوف بنية عمرها 12 سنة ..كاتبتلك جملة الي بنية عمرها 20 سنة تستحي
تكتب مثل هذا الكلام(اقصد كله حبيات ومن هالخرط)
منكول شي غير اللهي نسالك حُسن العاقبة..

[فتاة القمر]

السلا م عليكم

واللة ياخى اعتقد احنة بزمن غريب الطفل ما عاد طفل اعتقد

براءة الاطفال الى يحجون عنها صارت من قصص الف ليلة وليلة

والسبب الرئيس هو الاهل والتلفزيون

يعنى يااخى الافلام التركية مصارلهه غيلر مدة قصيرة لنحملهه اكثر من طاقتها ليش وين راحت الاغانى والافلام العربية

اذا انى الكبيرة استحى اباوع عليهه

مااادرى شلون هاى الاهل تسمح لنفسهه وللاطفالهه تتفرج على هالاشياء

العائلة متجمعه على قنوات الاغانى والى تعرض كلشي

وعادى الكل يتفرج على هاى المصايب

بعد شنو تتوقع من الاطفال الى يفتحون عيونهم على هيج مناظر

اللة يستر عالجميع
مودتى

[بروحي اداوي جروحي]

مساء الخير عراقي
عاشت ايدك على هذا الموضوع المميز
صحيح اني عمري صغيرة موكلش جبيرة اتمنى تتقبلوني بين ارائكم الجميلة
بس اني همين متفاجئة بهذي الضاهرة اخالط بنات اتعجب على افكارهم وسوالفهم
الي هي اكبر من عدهم يعني اني من وراء افكارهم بقيت مااخالط البنات


مااريد اكول انو السبب الرئيسي من الاهل لان منريد نظلمهم
هواية عوائل ايرقبون اولادهم وميكدرولهم
بس اكول السبب الريئسي تبقى البنية هي وظميرها
هواية بنات بهيج عمر12او 13وهنة يتيمات لااب ولا ام
وهي اتشوفها تسوى ميت ابينة بعمرها عدها اب وام من شرفها واخلاقها

واتمنى ماازعجتكم برائي البسيط والمتواضع
دومك مميز
تحياتي الك

[طفولة بريئة]

شكرا على الموضوع عراقي




اكيد موضوع او نكدر نسميه افه اجتماعية نتعرض اله



كل هذا بسبب قنوات التلفزيون والتطلع الي صار بالبلدان العربية وتأثرهم بالغرب



وعدم المتابعة المستمرة للأهل


بس مانكدر نحكم على الكل يمكن اكو يصرفون على فطاريتهم وحب اطفال يعني مثل مايحبون الماما والبابا



مودتي

[عراقي بالامارات]

السلام عليكم كسف حالكم يارب اتكونو بخير ودومكم اتضلون بخير

اول شي احب اشكركم على تفاعلكم ويا الموضوع وعلى مشاركاتكم

ثاني شي اني شفت اغلب الردود اتكول انو الذنب من الاهل وهن هيجج ديصيرن

والبعض الاخر اكول الذنب من صديقات


فاني اكلكم الذنب كله من صديقات وهن الي سون هيج بالابنية

واني جبتكلم مثال هسة حتى اششووفكم شون الذنب من الصديقات

واني دافتر بالمنتدديات فشت منتدى ودخلت بيه وكمت اتفرج بالاقسام الى

ان شفت هذة الموضوع والي يعني صدك موضوع غرريب عجيب

الابنية الي منزلة الموضوع والله العظيم اقسم بالله عمرها 13 سنة بس

اخليكم ويا الموضوع وبعض ردود البنات الي بالمنتدى :
http://www.arb-up.com/files/arb-up-2008-6/nKc99097.jpg

لا وتكول مشكلة يعني ....هي متدري المشكلة انو هي بهيج عمر ادخل نفسها بالحب وهاي الاشياء وتترك دراستها ومستتقبلها وصراحة اني مو معارض للحب بالعكس اني ويا الحب بس اشوف العمر المناسب للحب من 18 او 19 سنة وفوك يعنيي على الاقل اتكون الابنية متهية فكريا وتعرف تصرف وتعرف تختار وتكون تاضجة فكريا واتكون ناهية الجزء الاهم من حياتها الدراسية والي هي اهم شي بحيياة الانسان الدراسة

هسة نجي للنصائح الي انطنيها صديقاتها:

http://www.arb-up.com/files/arb-up-2008-6/5p399769.jpg


http://www.arb-up.com/files/arb-up-2008-6/smd99804.jpg


واريد تنتطوني رايكم بكلام .................
http://www.arb-up.com/files/arb-up-2008-6/Vbv99850.jpg


http://www.arb-up.com/files/arb-up-2008-6/dxz99932.jpg


ها شنو رايكم بهذة الي صير بددل مصيدقاتها ينصحهنها اكلها انتي بعدك صغيرة على هيج سوالف
بالعكس اكعدن اعلمنها واحلى رد مال هذة اتمناج يمي جان عرفت شون اعلمج عبالج هي تتعلمها شي افديها بمستقبلها ههههههههههههه ض24

تحياتي الكم ويارب نكدر انعالج هذة المشكلة بالنقاش والتوصل الي حل لان صراحة هذة كارثة وربي كارثة وانوب تتنتشر وحدة اجر الثانية

[عيون حائرة]

وعليكم السلام


ابصراحة التصائح مااعرف اتضحك هههههههههههههههههه
مااعرف اتخليك تنقهر على هيج اجيال

برايي انو الحل الوحيد هو اولا الاهل يراقبون تصرفات بناتهم بالطلعة والطبه والاهم مراقبة اصدقاءهم تصرفاتهم اخلاقهم اشلونه زينة مو زينه علمود ينصحون اولادهم بمرافقتهم او لا ويمنعوهم من الاختلاط بيهم

واما البنات شنو اضحكيله وشوفي ايحبج ميحبج
واللاخ لتبينيله والثانية اتكولها اضحكيله بس خليج ثكيله

اعرف هو هذا الحب بنظرة البنات هذا دليل على عدم فهمهن للحب ومعناه وهن بعدهن اصلا ميعرفن اشلون يتصرفن بهيجي مواقف لان اصغار وعقلهن ابدا مناضج

لاكن يبقة حل هذي المشكله الاول والاخير بيد الاهل لان هم المسؤلين على مراقبة اولادهم اذا كان ولد او بنت فمااعتقد الصديقات اياثرن على البنات لان الصديقات هم الهن اهل وهم الهم مسؤلية على بناتهم يعني اذا هم ربوهم على احسن تربية شتعتقد راح ياثرن على غير بنت لا ماايدك بهذا الشي

واني احب انصح كل بنت بيهجي عمر اولا انتبهي الدراسة لان هي الي تثبت وجودج بالمجتمع والي اتخليج محترمة من قبل الشاب وهذي السوالف مال الحب اجليها اشوية لان مراح اتفيدج باي شي

وهذا رايي في حل هذي المشكله الكبيرة جداااااااااا والي دتكثر وتزيد يوم عن يوم



واسفة على الاطاله لكن حقيقة موضوع يلفت الانتباه ويستحق النقاش

وشكراااااااااااااا الك عراقي على الموضوع

[هتلوري]

السلام عليكم

طبعا موضوع كلش حلوة وموضوع يعكس واقع الحال الي نعيشه طبعا هاي الحاله صايره مو موديل لا صايره لعب مال { جهـــــآل } يعني شنو بنيه عمرها 11 لو 12 كله حبيبي وحياتي يعني نطلع بصف الاول متوسط او الصف الثاني والله ما اعرف هذولي العوائل شلون اتفكر شنو هذا التفكير السطحي ميخافون على بنااتهم والله شتريد تحجي وشتريد اتكول بنات تالي وكت والي تكتلك اتحب واحد يعوفها اتروح للثاني هع وللثالث { وتسوي مسابقات ويه صدقاتها على مود العلاقات واني حبيت فلان وفلان يخبل وهيه بعدها هسه طالعه من { البيـــضه } والى ما اخره }

موضوع يرادله كتاب كامل علة مود تتناقش بيه لان شتريد تحجي بلرد مالتك ميكفي

لا والحلوى الي هسه البنات الي بجات العراق تجي يومين للجات وتضل تخلي { ضاد 12 وتحجي معلكَـ عبالك وحده عمرها 30 سنه والله يا الله }

مشكور حبي على هذا الموضوع النقااشي البحتي بحد ذاته وشكرا وتقبل مروري

وارجع واكول { الصوج مو صوج الولد صوج البنيه هع هع }}

هـــــــــــــــــــــــــــــــــــــــــــــــــ ـــــــــــتلرٍ

[زحل الخفاجي]

نعم مثل ماكلت قلة أدب وقلة تربية ونقص بكل فيتامينات المباديء

زمنا زمن صعب لأن الألتزام والصدق صاروا شي تافه بعين الناس

ماكو بيت يربي أولاده على أحترام الكلمة وعزة النفس

لكن يربوهم على السفاهة والطيش

أكبر غلط في حياة الأنسان أن يفهم

أن المادة هي حل لكل مشاكله وأن الحب تسلية وترويح عن النفس

لكن هذا واقعنا ومن نشوف شخص متزن نكول يوه شكد نغصه

[رمـــال الذكريـــات]

السلام عليكم و رحمة الله و بركاته

شلونك حبيبي عراقي بالامارات
تسلم و عاشت ايدك على الموضوع
و الطرح الروعه


اخويه هو الامر انت وظحته
لذلك اني راح اناقش من وجهة نظر مقاربه
هاي الابنيه لوما يكون في داخلها
استعدادا للصداقه و التعارف مجان تسمع كلام هذني البنات
لا و اصلاً مجان فكرت بالصداقه بهيج عمر لكن مثل ما تفضلت انت
هي صارت موده و لازم كل ابنيه عدها حبيب تتلكم بي كدام صديقاتها
و الامر يرجع الي عقد نقص تحاول الابنيه تغطيها بكون عدها علاقه
فكدام صديقاتها تكول اكو واحد يحبني بمعنى اكو من يهتم الها
هذا راح ينطيها دعم كبير لكن هي ما تفكر و تكول لو طلع الامر كذب
شلون راح تفش فشله و صديقاتها يتشمتون بيها و بالاظافه الى ذلك
هي شلون راح ينكسر خاطرها و ماله من أثر نفسي عليها


هذا هو رأي المتواضع بالامر
و تسلم ورده على طرح هاي الظاهره
الي نتمنى من الله سبحانه و تعالى ان تختفي





مع تحياتي
.
.
.
قصؤؤ غير الناس

[عراقي بالامارات]

مشكورين على مروركم وصدك هاي الضارهة يعني لازم انشوفلها حل


تحياتي ض21

[سـفـيـر ـالأحـزـآن]

السلام عليكم ورحمة الله وبركاته

اول شي احب اشكرك اخي العزيز على هذا الطرح الجميل الي بصراحه ماكو واحد ما معايش هيج حالات

واحنه الشباب الاكثريه من عدنه متعايش هيج حالات واكو بينه الي ينقهر على هيج بنات واكو بينه مع الاسف

يستغل هيج ضعف وسذاجه وجهل من البنات ....

اخويه العزيز احنه من انشوف هيج بنت وبعمر صغير وهيه تحجي بالحب وتعرف اشياء يجوز البنت الجبيره متعرفهه

اول شي اختيار الاصقاء السوء الي مع الاسف اكو عوائل متعرف شنو الادب والتربيه راح يكونون وباء

على بنات الناس ويبقن ايعلمن صديقاتهن اشياء مو زينه ... اول شي اختيار الاصدقاء الجيدين والابتعاد عن الاصقاء السوء

والاهم من كل هذا اساس التريه .. والاساس يبدي من البيت ومن الام خصوصا


واكيد احنه مننسه التلفزيون والقنوات الفضائيه الي دمرت عقول الشباب من مسلسلات وافلام هذا هم سبب

لدمار الشباب من كلا الجنسين احنه منكدر انركز على البنات فقط اكو اولاد بأعمار صغيره ويفكرون بتفكير اشخاص

كبار ويعرفون كل شي عن الحب ولو بس على الحب زين اكو هوايه اشياء غير اخلاقيه يعرفوهه وهمه بعمر صغير

اهنا دور الاهل يبدي بمراقبة اولادهم وتربيتهم بصوره صحيحه


اتمنه ما طولت عليكم ... تقبلو مروري

[توتو11]

والله شي محزن وانا دائما افكر


يعني هيجي النت وصلنا؟؟؟؟؟؟؟؟؟

خلانا نمشي ويا الشي المحرم

والمذموم

وليغضب ربنا

من حب ودردشه

وكلام معسول بين الاعضاء

سبحان الله البشر

يصنعون اشياء سلبياتها اكثر بكثير من ايجابياتها

وانا الصراحه اضايق حيل

من شابه تجيب اسم الحب

ولو عرفته صحيح

لكان هسه هي مزوجه

والحليم تكفيه الاشارة

[عاشق سارة للابد]

الاستهزاء برأي احد العباقرة الامريكان هو منتهى الحرية بس اتصور موضوعك شوية يمس الكل مو عمر محدد وما اريد اكول غير انه بي نوع من الاستهزاء اللي ما اعارضة والتجاهل هم نوع من انواع الحرية وبس وشكرا على الموضوع المحلو

[نواره الحزن]

طبعا صدك عاشت ايدك ع هالموضوع صدك موضوع مهم اشو صايرات حبجيات ومو بنصاف شني هاي وبالاخص البنات بس تعرف صوج الاهل والله لو عندي اله اعلكهم بالبنكه بابا شنو هالسوالف هههههههههههه
الف شكر خيو

[بنت بغداد آني]

السلام عليكم ورحمة الله وبركاته

مشكور اخي عراقي على هذا الطرح والنقاش الجميل
مميز انت دائمآ

هاي مودة وصوج الصديقات والاهل
واعتب على الام يعني امهات هواية بناتهم بالشرق وهمة بالغرب بعيدين كل البعد عنهم
والصديقات يشجعوها يعني اذا ماعدها حبيبي (على كولتهم الحب مالتي)يعيروها ويساعدوها تصير مثلهم مع الاسف..
ومن الظروف المساعدة هو الاغتراب والسكن ببيئة مختلفة هذا عامل مهم
بالاضافة الى النت والموبايل اكيد تساعد هاي الاشياء
بس اليريد يسوي شي يسوي والميريد ميسوي
ماعتقد راح يصير حل الهم
بس ندعيلهم الله يهديهم يارب..
.
.
تحياتي

[عصفورة دجلة والفرات]

بالبداية احب اهنيك على الموضوع لأن بصراحة ضاهرة منتشرة جدا
اني برأيي الأهل ينطون الثقة للبنت او الشاب في حدود المعقول ويكون هناك رقابة عليهم بدون ميشعرون
يحاولون يتقربون من اصدقائهم والهم الحق بأبعاد اي صديق يشوفوا غير مناسب
وتقوية علاقاتهم مع الأصدقاء الي يأمنون على اولادهم وياهم حتة عن طريق التعارف بين الأهل
ووالمدرسة الهة دور كبير في الحفاظ على اخلاقهم وتوعية هذا السن بالذات من مخاطر كل شي يسسووه
اتوقع الحل كلة بيد الأهل والمدرسة والأصدقاء الخلوقين الواعين الي يقدمون النصيحة الجيدة النابعة من بيئتهم الناضجة

تقبل مروري وتحياتي

[عراقي بالامارات]

بالبداية احب اهنيك على الموضوع لأن بصراحة ضاهرة منتشرة جدا
اني برأيي الأهل ينطون الثقة للبنت او الشاب في حدود المعقول ويكون هناك رقابة عليهم بدون ميشعرون
يحاولون يتقربون من اصدقائهم والهم الحق بأبعاد اي صديق يشوفوا غير مناسب
وتقوية علاقاتهم مع الأصدقاء الي يأمنون على اولادهم وياهم حتة عن طريق التعارف بين الأهل
ووالمدرسة الهة دور كبير في الحفاظ على اخلاقهم وتوعية هذا السن بالذات من مخاطر كل شي يسسووه
اتوقع الحل كلة بيد الأهل والمدرسة والأصدقاء الخلوقين الواعين الي يقدمون النصيحة الجيدة النابعة من بيئتهم الناضجة

تقبل مروري وتحياتي

والله خيتي مثل مكلت بداية الموضوع السبب الاول المسلسلا\ت المدبلجة الي اتاثرو بيها والسبب الثاني الاهل الي عافيهم هيج لايسائلون عليهم ولا شي

تحياتي الك وشكرا على مروروك

[أمير الليل]

عراقي بالأمارات

والله انت روعـــــه

بالمناسبه بربك اكو عدنه بالمنتدى هيج اعمار
انتظر جوابك

وربي يحفظك

أمير الليل

[yasmeena]

والله يا اخي عراقي بالامارات موضوعك رائع لان يطرح قضية واقعية
اني بالنسبة الي شايفة هواية حالات من الحب في بداية فترة الصراع بين الطفولة و الشباب الا وهي فترة المراهقة
كلنا قد مررنا بهذه المرحلة ونعلم ما يحصل للفتى وللفتاة من تغيرات جسمية ونفسية وعاطفية
في هذه المرحلة التي يقال ان تربية الاهل فيها اكثر اهمية من مرحلة الطفولة, الجميع (المراهقين) يكونون في صراع نفسي شديد
لاثبات الذات في الاسرة وبين الاقارب وبين الصديقات والاصدقاء وغالبا ما يعاملون من قبل الاهل كلاطفال مما يزيد من اصرارهم على اثبات انهم قد كبروا ولم يعودوا بحاجة الى اهتمام الاهل وعنايتهم (وهم لا يعلمون ان هذه المرحلة هي اكثر مرحلة يحتاجون فيها الى عناية الاهل وحبهم وعاطفتهم )فمن الطرق التي التي تساعدهم على اثبات الذات هي
التقرب من الجنس الاخر حيث انهم يفتخرون عندما يحظون بعلاقة حب ويتحدثون عنها بين اصدقائهم او صديقاتهن كنوع من التباهي ضانين انهم قد اصبحوا كابطال الافلام والمسلسلات الرومنسية 0والاشخاص الذين لا يعلمون بما يحصل هم الاباء والامهات مما يؤدي الى وقوع هؤلاء المراهقين في كثير من الشراك التي تعود عليهم بعواقب وخيمة وهم الذين كانو يظنون انهم يسيرون في طريق وردي ولا يعلمون ما بداخله من سواد حالك فلا بد للاهل بدلا من الدلال الزائد والثقة الزائدة وبدلا من القسوة والكتم على نفوس ابنائهم وبناتهم ان يختارو حل وسط والذي هو منحهم الثقة ضمن حدود المعقول مع المراقبة ايضا في حدود المعقول وما يتبعها من اوامر ونواهي التي تكون في حدود المعقول0
:but1:

[الاسدالحزين]

http://www.arabsys.net/pic/bsm/15.gif (http://www.arabsys.net/pic/index.php)

مساء الانوار عزيزي

والله موضوع روعة ويستاهل الواحد مو بس ايرد علي وانما ينتبه الى اكثر واكثر

والذنب الاول هو الاسرة فعلى الام ان تكون قريبة من بنتها وتفهمها الصح من الخطاء

والااختلفت الموازين فركيزة كل بنت امها!!!!!!!!!!

وثاني شي ياريت هالبنات يلتفتن لدراستهن افضل من اللهو وياريت الشباب هم ينتبهون

ويتركون اللعب بالنار اذا هم بهيج اعمار هذا ديسوو لعد من يوصلون العشرين شحيسوون

ودعوتي للجميع ان ميستعجلون الامور

وكلشي بوكتى حلو.................


سلامي

[الامين]

مشكور على الموضوع

وبرأيي السبب بكل بساطة هو:
التعلم في الصغر كالنقش على الحجر

يعني المفروض من الأهل يعلمون أبنائهن بهيج أعمار على :
-أحترام نصيحة الأكبر سنا
-لا يعيش الأبناء الأأعمارهم حتى لو كانوا موهوبين
-ترسيخ القيم والأخلاق الأسلامية الأصيلة (مو أحنة عرب والأسلام تعاليمة كلش قريبة من عاداتنا)
-شغل أوقات فراغ الأبناء بالبرامج المفيدة وأردافهم بالكتب العلمية الشيقة والغير مملة (خير جليس في الزمان كتاب )
-تحفيز الأبناء على مستقبلهم بأنة سيكون شخصية مهمة في المستقبل

وهناك العديد من الوسائل المفيدة والكثيرة جدا التي يصعب فهمي القاصر على أستحضارها الأن

وتقبل مروري
الأمين

[sunshine]

السلام عليكم خيوووو عمر شلوونك

والله موضوعك يدوخ شوية
بس تدري يمكن يكذبون بحقيقة اعمارهم ولا ممعقولة طفلة عمرها(11) سنة تلتهي بهسوالف زين تحب منو بهذا العمر ؟؟؟؟؟؟؟؟؟؟؟ والله ما ادري

وبالعموم هو تاثير الاهل والتربية وطبعا هذه الاشياء واحدة من ضياع البنات

تقبل مروري