فريق جامعة البصرة

[salahsport_82]

السلام عليكم

تحية طيبه

طبعآ الجميع سوف يشارك بمسابقه المحيبس الرمضانيه وكل فريق راح يتكون من سبعه لاعبين

لهذا راح نكون فريقنا الخاص هنا حتى نشارك بيه ونسميه فريق جامعة البصرة

أريد كل واحد يحب يسجل معانا يسجل ويقول معاكم

حتى نصير سبعه فقط !

تحياتي

[شهلاء]

مرحبا

شكرا جزيلا خيي على جهودك

اني ويااااكم.

سلامي.

[ENGLAND]

أهلآ صلاح

انة وياكم

بس صلاح كيف راح تكون اللعبة؟؟؟

تحياتي

[salahsport_82]

مرحبآ بالجميع يابه في قسم الالغاز راح نعمل موضوع اسمه جامعه البصره خاص بالفريق

ولمن يصير المحبس بيدنا راح يدخل علينا باقي الاعضاء من غير فرق ويقولون المحبس مثلآ بيد فلان وبيده اليسرى وهكذا

المهم هسه بس باقي الاعضاء أريد نصير سبعه شو ماكوا احد وينكم ؟؟؟؟

[***البصره***]

السلام عليكم..

ولو ماعرف شلون اللعبه بس انا وياكم..

سلام..

[طيف الحنين]

السلام عليكم ورحمه الله وبركاته

اني هم وياكم
وان شاء الله نفوز

(هـ1)

[سندباد]

السلام عليكم
مشكور عيني صلاح وانشاء الله المحبس بصراوي
حبيبي ...آني احب اشارك بالفريق يلا سجلوني
اريد دريسه رقم 10 والعب هجوم ض4
تحياتي للجميع

[salahsport_82]

أهلآ بالجميع وانشالله صرنا سته وما بقى الا واحد منتظريه على احر من الجمر

وانشالله هسه سويت موضوع والي هو موقعنا انشالله ومنه نلعب والي راح يصير في قسم الالعاب الرمضانيه وهناك الملتقى انشالله


بعد اللعبه بسيطه للي ميعرف من يصير المحبس بيد اهل البصره راح يدخلون علينا باقي الفرق ويقولون بأن المحبس بيد فلان اليمنى او اليسرى وهكذا بسيطه يعني

ولو صار المحبس بيد باقي الفرق ندخل عليهم وكل عضو يجاوب مره وحده فقط الى أن يطلع المحبس

هاي كل ما هنالك

واي أستفسار انه هم حاضر يالله أسئلوا

[منال]

ممكن اصير وياكم
تقبلوني لولا؟؟

كل الشكر الك صلاح ع المبادره الحلوه

منول
ورمضان كريم ع الكل

[salahsport_82]

منال وأخيرآ صرنا سبعه واهلآ بيج ورده

[***البصره***]

هلو اخوي صلاح.. لامو اخيرا لاتفرح هواي ض4
انا هسه اجاني ظرف طارئ واحتمال جبير برمضان ما اكون مو جوده ض2
يعني عندي اقتراح صغيروني ..

لو تحطون لاعب اضافي في دكة الاحتياط يكون افضل ض4

اسفه صلاح ض11 ض2( كت الحزينه تفرح ملئتلهاش مطرح)

والله خجلانه بس غصبن عني وكلت لازم ابلغكم

[علي زكي]

السلام عليكم ورحمة الله وبركاته

والله حرمات ما لحكت انضم الكم

بس يله عادي اتمنه الكم الموفقيه

وانشاء الله المحيبس الكم يا اهل البصره

تحياتي

[***البصره***]

هلا بيك علي اجيت بوكتك
خليك انت واحد من اللواعيب .. وانا في دكة الاحتياط

انحلت صلاح افرح :D

[salahsport_82]

هههههههههه هاي شنو صاير وانه ماأدري ؟؟؟ ليش وين خيتي وين ؟ لا والله زعلت مع ذلك خوش مسألة مال الاحتياط اوكي انتي احتياط

وعلاوي نورت والله اوكي انت السابع حبي ترى اجيك للبيت أذا متواجدت ! اوكي

[salahsport_82]

شباب اللعبة في قسم اللالعاب أنشالله الكل متواجدين لحد يفشلنا اوكي

[***البصره***]

ماعاش الي يفشلكم اخوي صلاح
وان شاء الله احنا نفووز

تحياتي..

[salahsport_82]

مرحبآ من جديد


تنويه بسيط ومهم للجميع لو صار المحبس بيد الفرق الباقيه أريد كل واحد يدخل يكول بيد فلان ويختار واحده من اليدين لكن حتى لاتصير خربطه بالموضوع يعني اخاف يدخل اثنين من الفريق وأثنينهم يكولون على نفس العضو ويروح الصوت خالي بلاش !

لهذا كل عضو يدخل يختار على رقم الضعو مالته يعني صلاح لو دخل وهو رقم واحد راح يتخار رقم واحد من الفريق الي بيده المحبس

والباقي هسه راح اقول ارقامهم أوكي

شهلاء 2 / أنكلاند 3 / طيف الحنين 4 / سندباد 5 / منال 6 / وعلي زكي 7

أوكي والي موصلته الفكره خلي يقول حتى نفوز اوكي

سلام

[طيف الحنين]

السلام عليكم

الف مبروك ولو اجيت متأخره بس الفوز بصراوي ولا يهمك صلاح باجر الكل يجي ويشارك ونفوز وتحياتي الخاصه للغاليه ساره مقصرتي والله و سامحوني اكتفي بلمتابعه من بعيد .....

تحياتي

اختكم
طيـــــــــــ الحنين ـــــــــــف

[سندباد]

السلام عليكم
مبروك الفوز لفريقنا الغالي (اكو بعد جولات لو لا؟؟)
ولو ملحكَت عليكم .. اول يوم ما ادري بيه بدت المسابقه واجيت كالو اللعبه
الساعه 8 اجيت ب 8 لكيتها الساعه 2 الظهر .....شنو هاي ؟؟
اجيت ب 2 مرجعيها للساعه 8 والله دوختوني واني صايم
اجيت ب 8 لكيت الفريق فايز ............ض4
يلا نلعب عالنهائي والكاس بصراوي
باي

[شهلاء]

سندباد

ههههههههههههههههههههههههههههه

خيي شلقصة هو يوم واحد تغير الوقت

المهم احنه فزنا