بلال السعيدي
09-11-2007, 01:33 AM
الاخ انمار تحيه لجهدك في خدمه العراق هذا البلد الجريح وتحيه لابنائه لانهم لم يتخلوا عنه ولو بالقصيده وهذا اضعف الايمان. لكن اخي انمار لدي قصيده كلفت بنشرها من قبل كاتبها الشاعر ثامر السعيدي ولم اجد مكانا افضل من مسابقتك رغم علمي بشروط المسابقه فاغفر لي اخي خطائي واقبل مني هذه القصيده حبا في العراق واحتراما لجهد صاحبها الشاعر ثامر السعيدي.......................بلال السعيدي
عندما يستسهل الموت وتستباح الارواح . تسقط القيم وتنعدم الانسانيه
رصيف الدم
كلشي انريد
وكعد خلي اسولف وحجي انه وياك يحــمود النــريده ولا يصـح بالايد
كلشي انريد
وسنين الصبر ما ندري توصل وين مشدوده وي باجر والطريق ابعيد
كلشي نريد
نريد الشوارع تضحك امن انفوت مرسومه الخطاوي بريشه التوحيد
نريد الليل يخلص والضلام يــزول ويهل صبــح باجــر والجـروح تهيـد
نريد دهوك يرجع يعشك العشـار ويـودي الـرسايـل دجـلـه بالتاكيـد
كلشي انريد . . . كلشي انريد . . . بس شيفيد
اذا دم الجثث غرك وجه بغداد وكل يوم اليمر نلك بعددها يزيد
موت بلا رحم كل لحضه يفتح باب واليخطي الرصاصه ايشنقه بالتهديد
ورموش الزغار الشابت امن الخوف كل لحضه القدر من يم جفنه ايفوت
جزعنه الصبر ونكول تالي تهون ما هانت علينه وخانكين الصوت
ياحكم القدر ليوين تالي وياك ملينه اشبعد كمنه انتمنه الموت
لان عدنه الحزن ما خله شي بالناس مثل ملح الخبز برياجهم مفتوت
ولو يحجي الرصيف اشكد دفن مجهول مات بلا هويه وعالرمل منحوت
تدري يصير فرحه ولهله بشره خير اذا عثرو ببنهم واحضنه التابوت
وتدري قماش اسود ما بقه ابغداد لان حيطان اهلنه اليوم لبسن سود
وتدري ابنفقنه اضلم ما يصح بيه نور واحنه ابامل باجر والدرب مسدود
وتدري بنار شرهم شوهت بغداد واصـــوات المـاذن كبـرت يحـمــود
والسكته طالت لا صدا ولا صوت وضل يبجي التفك من صيحه المنكود
واحنه اكبال عينك بالجذب خوان واحـد صـــار صـايد اواحد الصايود
اووسفه ايصير بينه الما نريده يصير اوزحمه بنص اخوتك من تحس اوحيد
حلم امريكا اتحقق الهه وصـــــــــــار واكيد ايصير عدهم هو هذا العيد
واحنه انريد كلشي انريد بس شيفيد اذا صار العراق انذبحه بالتجديد
**********************
عندما يستسهل الموت وتستباح الارواح . تسقط القيم وتنعدم الانسانيه
رصيف الدم
كلشي انريد
وكعد خلي اسولف وحجي انه وياك يحــمود النــريده ولا يصـح بالايد
كلشي انريد
وسنين الصبر ما ندري توصل وين مشدوده وي باجر والطريق ابعيد
كلشي نريد
نريد الشوارع تضحك امن انفوت مرسومه الخطاوي بريشه التوحيد
نريد الليل يخلص والضلام يــزول ويهل صبــح باجــر والجـروح تهيـد
نريد دهوك يرجع يعشك العشـار ويـودي الـرسايـل دجـلـه بالتاكيـد
كلشي انريد . . . كلشي انريد . . . بس شيفيد
اذا دم الجثث غرك وجه بغداد وكل يوم اليمر نلك بعددها يزيد
موت بلا رحم كل لحضه يفتح باب واليخطي الرصاصه ايشنقه بالتهديد
ورموش الزغار الشابت امن الخوف كل لحضه القدر من يم جفنه ايفوت
جزعنه الصبر ونكول تالي تهون ما هانت علينه وخانكين الصوت
ياحكم القدر ليوين تالي وياك ملينه اشبعد كمنه انتمنه الموت
لان عدنه الحزن ما خله شي بالناس مثل ملح الخبز برياجهم مفتوت
ولو يحجي الرصيف اشكد دفن مجهول مات بلا هويه وعالرمل منحوت
تدري يصير فرحه ولهله بشره خير اذا عثرو ببنهم واحضنه التابوت
وتدري قماش اسود ما بقه ابغداد لان حيطان اهلنه اليوم لبسن سود
وتدري ابنفقنه اضلم ما يصح بيه نور واحنه ابامل باجر والدرب مسدود
وتدري بنار شرهم شوهت بغداد واصـــوات المـاذن كبـرت يحـمــود
والسكته طالت لا صدا ولا صوت وضل يبجي التفك من صيحه المنكود
واحنه اكبال عينك بالجذب خوان واحـد صـــار صـايد اواحد الصايود
اووسفه ايصير بينه الما نريده يصير اوزحمه بنص اخوتك من تحس اوحيد
حلم امريكا اتحقق الهه وصـــــــــــار واكيد ايصير عدهم هو هذا العيد
واحنه انريد كلشي انريد بس شيفيد اذا صار العراق انذبحه بالتجديد
**********************