ممكن سؤال صغير لكل المغتربين؟؟؟؟

[jojo]

هلوووووووووووووووووو بنات وشباب شلونكم
اني اليوم حبيت اسالكم هجي سؤال صغير مجكنم
شنو حسيتو اول ما وصلتو لبلاد الغربة هجي اول ما نزلتوا من الطيارة او الباخرة او السيارة؟
بالنسبة الي حسيت برغبة كبيرة انو ارجع للعراق لان البلاد الي رحتلهة رغم جمالها اول ما وصلت حسيت هاي البلاد ماترحب بية وضليت ابجي هم انتو ؟؟؟؟؟؟؟؟؟؟


:ar::ar::ar::ar::ar::ar::ar::ar::ar::ar::ar::ar::a r::ar::ar:

[دار..دور]

وصلت بالليل ..
اول شي بقيت مصدومه
لان صايرلي هوايه مشايفه اضويه بالشارع بالليل
بقيت اباوع يمين و يسار عالاضويه وعالسيارات و المحلات
مدا استوعب يعني شنو الواحد يطلع من بيته بالليل

مجان عندي اي احساس بالبدايه
ولحد هسه ما اعرف شنو احساسي
ماحب الغربه بس همين ماريد ارجع
اريد ارجع اعيش مثل قبل
بس صعب

[أنطونيو العراقي]

والله اول موصلت لمصــــــر طفـت الكهربـــــاء
رحت عند بيت اختي هههههههههه

احساســـي .. فرحان وحزنـان
فرحان لان وصلت بليـــــل شفت شي غريب شباب تتنوس وشباب طالعة وداخلة
واضويـــــه وديجيـات واشياء كلش حلـوة مصـر حلـوة كلش

حزنــــــان .. تركت اخ واختين بالعــــراق
تركـــــت اصحابي وناسي وجيراني
تركــــــت وطنـي الغالــــــي


شكـــــرآآ على الموضوع حبيبي الغالــــي

مع تحياتي اخوك
انطونيـو العـراقي

[* مشتاقه يابغداد *]

شكرا الج اختي جوجو على المشاركه الجميله والطرح الحزين

طبعا اول شي حسيت بي هو الحزن والدموع من اول خطوه خطيت بيها خرج الرعق واني اتمنه يصير شي يعكر السفره وتخرب ونرجع

لحد مرحنه للردن وبعدين لمصر اني ابجي وادعي يارب نرجع
لان جنت اعرف اول منوصل مصر اتصير صعبه شوفتي للعراق
ونزلنه من العباره صح جانت عندي رغبه ازور غير بلد بس زياره وارجع مو اصير مقيمه

بس صارت والحمد لله كلى كل شئ
وشعوري كله حزن في دموع
ماارتاح غير بس ببيتي الي بالعراق

والله كريم

تحياتي

[دمعه فرح]

شكرا على السؤال انى اول ماوصلت جانت دنيا ليل وجنت تعبانه فكلشى مادرى بس وراها من اذكر اللمه والاهل اتمنى لو ارجع ونكون يمهم

[بنت ديالى]

اني من وصلت هنا جان عمري 9 سنوات
و رغم ذلك جنت ضايجة كلش جنت احس بكأبة
مع العلم وين ما ادير وجهي حدائق و خضار
و حبيت بس اروح لبيتنا مرة اخرى
و جانوا يقنعوني بانه بعد كم يوم راح نرجع
بس فاتت 10 سنوات و احنا مجعبين هنا ههههههههه
تحياتي للكل و اكبر امنيتي جمع شملنا من جديد

:Iraq::Iraq::Iraq::Iraq::Iraq::Iraq::Iraq::Iraq::I raq::Iraq::Iraq::Iraq::Iraq::Iraq::Iraq:

[شهرزاد]

اول شي من وصلت كان تعب السفر والام والاحزان غالبه عليه
بس ثاني يوم حسيت بلغربه ودمعتي ما نشفت علي بغداد حبيبتي