ابو ذيات حلوه

[علي زكي]

انة الحزت الصبر والصبر حزني
والف وسفة اعلة سيف الظلم حزني
البحر البيض لون يلفيه حزني
يصير اسود بلون اليل مية

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه

سماك
حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليه

احبك من جنت جاهل واناحباي
مابطل وني عليك ونحباي
لون ينكضي نحبك ونحباي
يتلاكه هوانا جوه الوطيه

جنت انت المرض وانت دوالي
وصارت بالجدم منك دوالي
اهديتك گلبي وتگلي دولي
وصرت دم ودمع تذرف عليه

جمر دمعي عله خدودي ترى سال
كطعََّتّّّّ اخبارك حبيب تراسل
انه انسليت من هجرك ترى سل
وتون الروح وتريد المنيه

يمرمرني ويصيحن بيه همال
وترك دمعي عله الوجنات همال
تعدل حالي وبفركاه هم مال
تركني وراح ريته يعود اليه

وحگ عيسى وحگ مريم والاحد
بعدهم ما تهل عيني عله احد
حفر گبري من اخذ روحي ولحد
وقروا الانجيل من صلوا عليه

اهداء الى اعز الناس على القلب

زماني شما لعب بيه...ولهتم
والراده علي يسري...ولهتم
بروحي شماتغيرتوا...ولهتم
لان حبكم دوه لكل مرض بيه

كلبي من الحزن ورث...وعطاب
وعيني اعله الطالع...وعطاب
حنيت لزادك وملحك...وعطاب
لان بس ملحك الغزر بيه

[عاشق الاصدقاء]

شكرا علاوي عيوني على الموضوع
كلام جميل جدا يسلمووووو يا مبدع
تقبل ردي ومروري
عاشق الاصدقاء

[ليث علي]

مشكور اخوي وعاشت ايدك

[ليث علي]

مشكور اخوي على هذا الابداع

[عبودي الراوي]

روعة عاشت ايدك



تحياتي

[فاضل البصراوي]

الله الله
عاشت ايدك عالنقل ياورد
تحياتي