اوذيات منوعة جديدة وزنجيل ابوذية روووعة

[مرام]

السلام عليكم
تسئلني اعلة حالي شبيك لا بيك
وانتة اوجاع كلبي شبيك لابيك
تذكر من تجي شبيك لبيك
اشو هسة اصبحت تلعب عليه


وحكـ الالف ثم اللام واللام
ووحكـ الهاء عمري انثر واللام
صرت بعدك يبوية انقهر واللام
وصفت دنياي بس هم واذيه


اجت يمي تهاني اشكثر ياما
ومنهن صحت بوية وآخ ياما
ابشركم دليلي الجان ياما
انكسرت من كثر هجر العليه


انه الانحب عليهم ليل ونهار
و لجلهم دوم اسب بالروح ونهار
عفه للحين ما جنيت ونهار
صلف ظليت عقلي ابين اديه

زنجيل ابوذيه للشاعر محمد رحيمه الطائي


خبرنـي اعله گلبــــك .. من جنابي
ويحبك غيــري آنــــه .. من جنابي
إذا تقصيــر حاصــــل .. من جنابي
أجيب الروح الك بثنين أديه

وسوي اشما تريـد وياي .. واحكام
وضيقلي الخناق ابعمـد .. واحكام
أجيب الحبس والمامـور .. واحكام
وصير القاضي وترئس عليه

وأنا اشكيلك اجروحي اشلون .. فرعن
وگلبي اللــي ابغيابك علــــيَّ .. فرعن
واذا حكمــــك ويــاي ابحكــم .. فرعون
عصت موسى آنه ابين اديه

وأبطل بالعصـــى سحرك .. وكيداك
وآخـــذ حگي أنا بيدي .. وكيداك
جـــوه وتشلع ابگلبـي .. وكيداك
دجر ايدك ، شنو ماتحس بيه !؟؟

لو واهــــس خـــــذاك وردت .. گلبي
دخــــذه الصبر مـــــن ازمان .. گلبي
يدنيا السهم بيــــدچ صــــــار .. گلبي
ومثل شيبوب صيري انتي قويه

وحيل اترادفـي الطعنه .. وطعني
لأن طيري اللــي طيرته .. وطعني
گلبي الما أخذ شــــــــوري .. وطعني
هم امسايره واجب عليه ؟؟

لو أمشي ابهوى راســي .. وعقلاي
وأجازي ابرده الربيته .. وعقلاي
يروحي اشبيچ وچ هيدي .. وعقلاي
اشو سيفچ گبلهم هد عليه

ووصل بسيوف هجـره .. واصلتني
واصيح النار واصـرخ .. واصلتني
طحت وادري المنيــــه .. واصلتني
بس ابلا وعي مديت اديه

وصافحت التعلــــــم .. من هوانه

ذل وعاش ذلــــــــه .. من هوانه
انا امــدد ويســــأل .. منهو آنه
وگبل يومين چنه احنه سويه !!

تحياتي الكم

[عازفة الناي]

تسلمين على الابوذيات الجميلة

تقبلي مروري

[تــ على الراس ــاج]

مشكورة حبي على الابوذايات والزنجيل ..
كلش حلوة ..

واهلا وسهلا بيج بمنتديات
عراق السلام ..

مودتي

[مرام]

شكرا لك يا فتاة الاحلام و تاج عالراس يا اخواتي الرائعات وشكرا لمروركم الاروع

[عاشق الاصدقاء]

شكرا لكي مبدعتنا على الموضوع الجميل
دمتي لنا اختا مبدعه
كل الود والاحترام
عاشق الاصدقاء

[مرام]

شكرا لمرورك الكريم

[فياض مخلف الطوفي]

الاخت الغاليه مرام

سلمت يداك ... كلمات رائعه وجميله انك مبدعه بحق ايتها الاخت

تقبلي تحياتي ومودتي

[مرام]

شكرا لمرورك

[دموع الفرات]

ما شاء الله اختي مرام

اراكي تقفين في صف المبدعين في منتدانا الجميل

موفقة ان شاء الله

تحياتي

دموع الفرات